{"id":101091,"date":"2021-06-04T11:01:47","date_gmt":"2021-06-04T09:01:47","guid":{"rendered":"https:\/\/manueldelia.com\/?p=101091"},"modified":"2021-06-04T14:04:18","modified_gmt":"2021-06-04T12:04:18","slug":"baqghu-ggranfati-mal-istat-li-hatfu","status":"publish","type":"post","link":"https:\/\/manueldelia.com\/mt\/2021\/06\/baqghu-ggranfati-mal-istat-li-hatfu\/","title":{"rendered":"Baqg\u0127u ggranfati mal-Istat li \u0127atfu"},"content":{"rendered":"

\"\"<\/p>\n

Il-Pulizija flimkien mas-servizzi tal-Prosekuzzjoni qed jippruvaw jipperswadu lil qorti li Keith Schembri u s\u0127abu kienu wettqu sensiela ta’ reati kriminali b’rabta mal-iskandlu tal-Allied Newspapers<\/em> li bis-sa\u0127\u0127a tieg\u0127u ffrodaw u serqu lill-Malta Enterprise.<\/em><\/p>\n

Parti mill-flejjes li ntu\u017caw biex \u0127allsu g\u0127all-makna \u0121dida tal-istampar tal-Allied Newspapers\u00a0<\/em> ittie\u0127du mill-Kaxxa ta’ Malta. Minn rapport intern tal-Malta Enterprise<\/em> li \u0121ie pre\u017centat fil-Qorti, rri\u017culta li bil-g\u0127an li ji\u0121i \u0121ustifikat dan l-infiq tal-Malta Enterprise<\/em> kien je\u0127tie\u0121 li “jag\u0127lqu g\u0127ajnejhom it-tnejn u jben\u0121lu kemm jistg\u0127u”. Tg\u0127id dan jag\u0127mluh ta’ spiss? Dan \u010bertament g\u0127amluh kull darba li tal-Kasco Group<\/em> kienu jibg\u0127atulhom il-kontijiet biex jit\u0127allsu.<\/p>\n

Dawk il-flejjes me\u0127udin mill-Kaxxa ta’ Malta baqg\u0127u sejrin dritt fi bwiet Keith Schembri u mbag\u0127ad tqassmu f’kontijiet bankarji li s-sidien tag\u0127hom kienu dawk li huma kompli\u010bi mieg\u0127u. Dan kollu se\u0127\u0127 waqt li Keith Schembri kien i\u010b-chief of staff<\/em> tal-prim ministru, ji\u0121ifieri persuna li, biss b’\u0127arsa, kellu s-setg\u0127a li jipperswadi lil tal-Malta Enterprise<\/em> biex \u201cjag\u0127lqu g\u0127ajnejhom it-tnejn u jben\u0121lu kemm jistg\u0127u\u201d.<\/p>\n

F’hiex ikkonsista s-serq u l-frodi? Il-prezz tat-tag\u0127mir \u0121ie mi\u017cjud apposta, li fisser li l-Malta<\/em> Enterprise<\/em> wkoll \u0127ar\u0121et aktar flus milli suppost \u0127ar\u0121et biex tissussidja n-negozju. Bi ksur \u010bar tar-regolamenti, l-ispejjes li tg\u0127abbiet bihom il-Malta Enterprise<\/em> kienu jinkludu wkoll \u0127wejje\u0121 konsumabbli. U l-frodisti raw kif g\u0127amlu biex dawn il-\u0127wejje\u0121 tpin\u0121ew b\u0127ala assi fissi biex b’hekk setg\u0127u jerdg\u0127u aktar flus mill-Kaxxa ta’ Malta.<\/p>\n

Mela, g\u0127aldaqstant, hawn g\u0127andna prezzijiet li \u0121ew mg\u0127ollijin artifi\u010bjalment u kontijiet imbag\u0127bsa: frodi per e\u010b\u010bellenza.<\/p>\n

I\u017cda, g\u0127a\u0121eb tal-g\u0127e\u0121ubijiet, impjegati tal-Malta Enterprise<\/em> li ttellg\u0127u biex jag\u0127tu x-xhieda tag\u0127hom fil-qorti, dawn il-frodi u t-tbag\u0127bis ma rawhomx. Lill-Pulizija u lill-Ma\u0121istrat inkwirenti rri\u017cultalhom li kien hemm tbag\u0127bis u frodi. G\u0127alija u g\u0127alik huwa minn ewl id-dinja li kien hemm frodi u tbag\u0127bis. I\u017cda l-vittma tal-frodi u tat-tbag\u0127bis – ji\u0121ifieri l-Malta<\/em> Enterprise<\/em> – minn dan kollu ma rat xejn.<\/p>\n

Ma tridx wisq g\u0127erf biex tinteba\u0127 x’inhu jse\u0127\u0127. Il-Malta Enterprise<\/em> qed titmexxa’ minn persuna nkompetenti b\u0127al Kurt Farrugia li, g\u0127al diversi snin, kien wie\u0127ed mill-pupazzi ta’ Kastilja mdendel ma’ djul Keith Schembri u Joseph Muscat.<\/p>\n

U fost id-diretturi tal-Malta Enterprise<\/em> li suppost huma fid-dmir li jag\u0127mlu l-g\u0127assa ma’ Kurt Farrugia hemm Victor Carachi, wie\u0127ed mill-irjus tal-ferg\u0127a tal-Partit Laburista li \u0121\u0121ib l-isem General Workers Union<\/em>. Hemm ukoll Dana Farrugia, li kienet is-segretarja ta’ Chris Cardona. Milli jidher Chris Cardona kien b\u0127al donnu skopra li din il-bniedma g\u0127andha xi talenti mo\u0127bijin g\u0127aliex fi ftit \u017cmien ing\u0127atat promozzjoni wara o\u0127ra u bdiet tmexxi l-public-private<\/em> partnership<\/em> bejn il-gvern u l-Kamra tal-Kummer\u010b ta’ Malta, entit\u00e0 li ilna xhur s\u0127a\u0127 ma nisimg\u0127u dwarha. Hemm ukoll Deborah Schembri, bniedma li m’g\u0127andha ebda esperjenza fin-negozju – i\u017cda jidher li lil din riedu ja\u0121evolawha b’kariga fil-Malta Enterprise<\/em> b\u0127ala konsolazzjoni g\u0127all-fatt li kienet baqg\u0127et l-art fl-elezzjoni li g\u0127addiet.<\/p>\n

Dawn huma d-diretturi li jinsabu marbutin bil-li\u0121i biex i\u0127arsu l-interessi tal-Malta Enterprise<\/em> u biex jaraw li flusha jintefqu bil-g\u0127aqal. Skont il-li\u0121i r-responsabbilt\u00e0 g\u0127at-tmexxija tajba tal-Korporazzjoni taqa’ f’idejn il-Bord.<\/p>\n

Issa pparagunaw l-im\u0121ieba tad-Diretturi tal-Malta Enterprise<\/em> mal-im\u0121ieba tal-bord tad-diretturi ta’ entit\u00e0 vittma o\u0127ra: ji\u0121ifieri l-Progress Press.<\/em><\/p>\n

Meta d-diretturi tal-Progress Press inteb\u0127u bil-frodi u bit-tbag\u0127bis, bis-sa\u0127\u0127a tal-konklu\u017cjonijiet ta’ inkjesta li kienet tnediet apposta, dawn \u0127abbru li kien bi \u0127siebhom ifittxu lil Keith Schembri u lil s\u0127abu bil-qorti sabiex jie\u0127du lura l-flus li kienu serqulhom.<\/p>\n

Mill-banda l-o\u0127ra, tal-Malta Enterprise<\/em> g\u0127adhom ma qalux jekk humiex bi \u0127siebhom jid\u0127lu l-qorti biex jirkupraw lura l-flus li serqulhom l-istess persuni li kienu serqu lil tal-Progress Press.<\/em><\/p>\n

Tafu g\u0127aliex? L-ewwelnett g\u0127aliex il-flus nsterqu mill-Kaxxa ta’ Malta – flus li dawn id-diretturi ji\u0121u jaqg\u0127u u jqumu minnhom.<\/p>\n

It-tieni, g\u0127aliex dawk li qed imexxu lill-Malta Enterprise<\/em> huma s\u0127ab l-allegat mo\u0127\u0127 wara dan l-iskandlu u kienu n\u0127atru minnu. Kurt Farrugia jaf \u0127ob\u017cu lil Keith Schembri. U tistg\u0127u tibqg\u0127u \u010berti li Kurt Farrugia m’hux ser ifittex lil Keith Schembri g\u0127all-flus li l-istess Keith Schembri li jinsab mixli li ffroda u seraq ming\u0127and il-Malta Enterprise<\/em>. Tistg\u0127u tibqg\u0127u \u010berti li ebda wie\u0127ed mid-diretturi m’hu ser i\u0121ieg\u0127el lil Kurt Farrugia ji\u010b\u010baqlaq.<\/p>\n

Dawn id-diretturi fil-fatt qed jag\u0127mlu ag\u0127ar minn hekk. Il-mod kif xehdu fil-qorti l-impjegati tal-Malta Enterprise<\/em> fil-ka\u017c li qed isir kontra Keith Schembri, Adrian Hillman u o\u0127rajn juri li dawn ma jridux jikkoperaw mal-prosekuturi u mal-pulizija. L-im\u0121ieba tag\u0127hom fil-fatt qed timmina l-ka\u017c tal-prosekuzzjoni. U bis-sa\u0127\u0127a ta’ din l-im\u0121ieba, l-avukati difensuri ta’ Keith Schembri u ta’ s\u0127abu qed ipin\u0121u lill-klijenti tag\u0127hom b\u0127allikieku huma xi vittmi g\u0127aliex il-veru vittma – ji\u0121ifieri Malta Enterprise<\/em> – qed tg\u0127id li ma kellhiex fuqhiex tilmenta.<\/p>\n

Li kieku int kont is-sid tal-Malta Enterprise<\/em> u l-impjegat li kien idde\u010bieda li “jag\u0127laq g\u0127ajnejh it-tnejn u jben\u0121el kemm jista'” fil-ka\u017c tal-qorti kontra min serqek, issa qed ig\u0127id li ma ra ebda frodi, m’hemmx dubju li s-suspetti f’mo\u0127\u0127ok ser ikomplu jikbru u ser imorru fuq l-impjegat li jew qed jipprova jg\u0127attilhom jew inkella gawda mag\u0127hom.<\/p>\n

Hi x’inhi r-ra\u0121uni, m’hemmx dubju lil dawn l-impjegati kont iddabbrilhom rashom ‘il barra\u00a0 u kont tara kif tag\u0127mel biex jintraddu lura l-flejjes li nsterqu u li l-pulizija u l-prosekuzzjoni qed isostnu li tti\u0127dulek bi frodi.<\/p>\n

M’intix ser toqg\u0127od tistenna’ sakemm jing\u0127alaq il-ka\u017c kriminali fil-qorti u tie\u0127u l-passi kollha me\u0127tie\u0121a biex t\u0127ares l-interessi tieg\u0127ek fil-qrati \u010bivili. Barra minn dan, kont tinvestiga internament biex issir taf kif u g\u0127aliex flusek intefqu kif kienu ntefqu. U kont tie\u0127u l-passi kollha me\u0127tie\u0121a biex g\u0127all-quddiem la jing\u0127alqu l-g\u0127ajnejn u lanqas iben\u0121lu kemm jistg\u0127u fejn jid\u0127ol l-infiq ta’ flusek.<\/p>\n

Minn dan kollu m’hu qed ise\u0127\u0127 xejn. U ‘l quddiem m’hu ser ise\u0127\u0127 xejn.<\/p>\n

M’hemmx dubju li g\u0127allinqas kemm il-prosekuturi kif ukoll il-pulizija jidher li qed ja\u0127dmu qatig\u0127 biex issir il-\u0121ustizzja ma’ dawk li b\u0127al Keith Schembri kienu f’konfoffa wa\u0127da biex jisirqu minn flus il-poplu. I\u017cda meta tinteba\u0127 b’dak li qed ise\u0127\u0127, tasal biex tifhem a\u0127jar li dawn g\u0127exu ta\u0127t dell ta’ bi\u017ca’ li sal-lum g\u0127adhom ta\u0127tu. G\u0127aliex mhux bi\u017c\u017cejjed li jaqdu dmirhom kif suppost il-prosekuturi u l-pulizija, u anki sa\u0127ansitra l-im\u0127allfin u l-ma\u0121istrati. L-Istat huwa \u0127afna akbar.<\/p>\n

U fil-Malta Enterprise<\/em>, Keith Schembri huwa l-Istat.<\/p>\n","protected":false},"excerpt":{"rendered":"

Il-Pulizija flimkien mas-servizzi tal-Prosekuzzjoni qed jippruvaw jipperswadu lil qorti li Keith Schembri u s\u0127abu kienu wettqu sensiela ta’ reati kriminali b’rabta mal-iskandlu tal-Allied Newspapers li bis-sa\u0127\u0127a tieg\u0127u ffrodaw u serqu lill-Malta Enterprise. Parti mill-flejjes li ntu\u017caw biex \u0127allsu g\u0127all-makna \u0121dida tal-istampar tal-Allied Newspapers\u00a0 ittie\u0127du mill-Kaxxa ta’ Malta. Minn rapport intern tal-Malta Enterprise li \u0121ie pre\u017centat […]<\/p>\n","protected":false},"author":1,"featured_media":101081,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/101091\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=101091"}],"version-history":[{"count":4,"href":"https:\/\/manueldelia.com\/mt\/wp-json\/wp\/v2\/posts\/101091\/revisions\/"}],"predecessor-version":[{"id":101096,"href":"https:\/\/manueldelia.com\/mt\/wp-json\/wp\/v2\/posts\/101091\/revisions\/101096\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/101081\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=101091"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=101091"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=101091"}],"curies":[{"name":"wp","href":"https:\/\/api.w.org\/{rel}","templated":true}]}}