{"id":101548,"date":"2021-06-25T10:49:53","date_gmt":"2021-06-25T08:49:53","guid":{"rendered":"https:\/\/manueldelia.com\/?p=101548"},"modified":"2021-07-01T12:27:14","modified_gmt":"2021-07-01T10:27:14","slug":"omar-debono-jridna-naghmlu-l-arja","status":"publish","type":"post","link":"https:\/\/manueldelia.com\/mt\/2021\/06\/omar-debono-jridna-naghmlu-l-arja\/","title":{"rendered":"Omar Debono jridna nag\u0127mlu l-arja"},"content":{"rendered":"

Omar Debono ma jistax jitqies g\u0127al kollox b\u0127ala persuna pubblika. I\u017cda dak li kiteb fil-Facebook<\/em> u l-kariga li jokkupa tag\u0127ti xi ftit tal-\u0127jiel dwar il-mentalit\u00e0 ta’ dawk li ng\u0127ataw il-\u0127atriet u dwar il-fatt li b’nies b\u0127al dawn ftit hemm \u010bans li no\u0127or\u0121u mit-toqba li xe\u0127tuna fiha.<\/p>\n

Omar Debono huwa wie\u0127ed mill-kapijiet ta’ entit\u00e0 li sejj\u0127ulha “l-Awtorit\u00e0 Maltija dwar l-Innovazzjoni Di\u0121itali”. Din hi a\u0121enzija li \u0127oloq dak il-ba\u0127nan ta’ Silvio Schembri fi\u017c-\u017cmiem meta kienet g\u0127adha moda Malta tissejja\u0127 \u201cBlockchain Island<\/em>\u201d.<\/p>\n

\"\"<\/p>\n

Kien messhom sejj\u0127ulha \u201cMafia Island\u201d. Huma u jwettqu dak li kienet qieg\u0127da tbassar id-dinja, u kif, kontra qalbu, ammetta Clyde Caruana fuq it-televi\u017cjoni<\/a>, x’aktarx li kienet il-kwistjoni tal-crypto currency<\/em> li spi\u010b\u010bat biex irran\u0121atna g\u0127all-frisk. Din kienet wa\u0127da biss mir-ra\u0121unijiet li min\u0127abba fiha tal-FATF dehrilhom li kellhom iwissu lill-investituri, lill-bankiera u lix-xerrejja biex ma jersqux lejn g\u017ciritna.<\/p>\n

Mijiet tal-miljuni g\u0127addew minn pajji\u017cna meta \u0121iet varata din l-idea di\u017castru\u017ca ta’ Joseph Muscat. U x’aktarx ukoll li w\u0127ud minn dawn il-miljuni, li x’aktarx ukoll kienu \u0121ejjin minn attivitajiet kriminali, sabu ru\u0127\u0127om fil-bwiet tat-terroristi.<\/p>\n

Omar Debono huwa wie\u0127ed mill-kapijiet tal-a\u0121enzija li g\u0127amlet \u0127sara kbira lir-reputazzjoni ta’ Malta – \u0127sara li ser tissarraf fit-telfien tal-\u0127ob\u017c (jew parti mill-\u0127ob\u017c) tal-\u0127addiema. L-iskandlu tal-Panama Papers<\/em>, l-impunit\u00e0 li gawdew u li g\u0127adhom igawdu Joseph Muscat, Keith Schembri u Konrad Mizzi, l-iskandlu tal-Electrogas<\/em>: g\u0127al dawn kollha (u aktar) \u010bertament ma ta\u0127tix din l-a\u0121enzija li Omar Debono hu wie\u0127ed mill-mexxejja tag\u0127ha.<\/p>\n

I\u017cda jekk, kif stqarr Clyde Caruana, kien il-crypto<\/em> li spi\u010b\u010ba biex wassalna fix-xifer, kien hemm ukoll persuni fl-a\u0121enzija li kien messhom xammew x’kien \u0121ej u kien messhom \u0127admu biex ji\u0121i evitat dan id-di\u017castru. U b’dak li se\u0127\u0127 il-biera\u0127 kont nistenna li n-nies tal-\u201cMalta Digital Innovation Authority<\/em>\u201d g\u0127andhom isoddu \u0127alqhom u dan biex ma tkomplix toktor il-\u0127sara.<\/p>\n

Ma tarax! Omar Debono jidhirlu li g\u0127andna nkomplu nag\u0127mlu l-arja permezz tal-kitba tieg\u0127u fil-Facebook. <\/em>Skont dan l-imbierek, g\u0127andna nuru lid-dinja – spe\u010bjalment lill-Amerikani, lill-Ingli\u017ci u lill-\u0120ermani\u017ci – li g\u0127andna par bajdiet imdendlin bejn ri\u0121lejna u li m’humiex ser in\u0127alluhom jag\u0127mlu l-arja mag\u0127na.<\/p>\n