{"id":101584,"date":"2021-06-28T17:50:50","date_gmt":"2021-06-28T15:50:50","guid":{"rendered":"https:\/\/manueldelia.com\/?p=101584"},"modified":"2021-06-28T18:20:08","modified_gmt":"2021-06-28T16:20:08","slug":"guest-prose-l-inzul-u-t-tlugh-ta-marta-s-sabiha","status":"publish","type":"post","link":"https:\/\/manueldelia.com\/mt\/2021\/06\/guest-prose-l-inzul-u-t-tlugh-ta-marta-s-sabiha\/","title":{"rendered":"GUEST PROSE: L-in\u017cul u t-tlug\u0127 ta’ Marta s-sabi\u0127a"},"content":{"rendered":"

Din in-novella satirika hi miktuba minn xi \u0127add li naf, i\u017cda li min\u0127abba xog\u0127olu ma jistax jiffirma ismu.<\/em><\/p>\n

\"\"<\/p>\n

Marta minn dejjem kienet mara sabi\u0127a. I\u017c-\u017cwie\u0121 tag\u0127ha ma\u2019 Nazju kien irnexxa, u kellhom \u017cew\u0121t itfal \u017cg\u0127ar li kienu l-mimmi ta\u2019 g\u0127ajnejhom. Minkejja t-tfal li kellha, Marta ma kienet \u00a0tilfet xejn minn \u0121mielha, anzi! Kienet kompliet sbie\u0127et u figurietha kien imtela u s-sura ta\u2019 dawk in-nisa li ssib fil-katalgi tal-\u0127wejje\u0121.<\/p>\n

Nazju kien ra\u0121el serju, u j\u0127obb il-familja, u kellu sens ta\u2019 dixxiplina fuq uliedu. Minkejja l-im\u0127abba kbira li kellu lejhom, kien jaf li kultant l-im\u0127abba trid turiha mhux billi tag\u0127tihom kull ma jridu, imma billi tara li jkollhom kull ma g\u0127andhom b\u017conn. Kien jaf ukoll li r-ri\u017corsi tieg\u0127u, minkejja x-xog\u0127ol kollu li kien jag\u0127mel, ma kienux infiniti. Kien jipprovdi tajjeb, imma biex jg\u0127addu minn xahar g\u0127al xahar, u fl-istess \u0127in i\u017comm ri\u017cerva g\u0127al xi \u017cmien meta l-affarijiet ji\u0121u \u0127\u017ciena, kien hemm b\u017conn l-g\u0127aqal. Dan l-g\u0127aqal sabu meta l-kumpanija fejn kien ja\u0127dem, tilfet xi kuntratti, u waqqfulu s-sieg\u0127at \u017cejda li kien ja\u0127dem biex jaqla’ ftit overtime. <\/em>Xi \u0127a\u0121a mwarrba kien hemm, u bejn b\u2019naqra issikkar, u bejn billi daru g\u0127al ta\u2019 ta\u0127t rashom, kienu qed jirnexxilom jg\u0127addu.<\/p>\n

Per\u00f2, ma kienx hemm lok g\u0127al \u010berta kapri\u010b\u010bi, g\u0127ax \u2018l-ewwel il-pappa, imbag\u0127ad l-umpappa\u2019<\/em>, jg\u0127id tajjeb il-Malti. It-tfal, spe\u010bjalment i\u017c-\u017cg\u0127ir, ma fehmux x\u2019kien \u0121ara. Qatt ma kellhom xi fsied esa\u0121erat, i\u017cda kienu draw b\u2019dawk il-kapri\u010b\u010bi \u017cg\u0127ar, spe\u010bjalment ta\u2019 tmiem il-\u0121img\u0127a. I\u010b-\u010birkostanzi kienu ddettaw mod ie\u0127or, u l-g\u0127aqal u l-b\u017conn kienu jfissru li l-\u0127ar\u0121a ta\u2019 kull nhar ta\u2019 Sibt g\u0127al pizza u \u0121elat, kienet saret ta\u2019 darba fix-xahar. I\u010b-cintorin kellu ji\u0121i ssikkat mhux \u0127a\u017cin.<\/p>\n

Marta ma kienitx kuntenta bis-sitwazzjoni, u g\u0127alkemm kienet taf li Nazju kien qed jag\u0127mel l-almu tieg\u0127u, u li fil-fatt bis-sa\u0127\u0127a ta\u2019 l-g\u0127aqal u l-b\u017culija li kien dejjem wera\u2019, kienu qeg\u0127din i\u0121a\u0127\u0121uha, kultant kien jid\u0127olla fellus f\u2019rasha li forsi hi, l-isba\u0127 tfajla tar-ra\u0127al, kienet setg\u0127et sabet xi \u0127add a\u0127jar. Ifhmuni, a\u0127jar minn Nazju ma tantx setg\u0127et issib, g\u0127ax kien ra\u0121el serju, ta\u2019 rispett u tal-familja, minkejja li ma kienx sinjur. Imma f\u2019dik is-sieg\u0127a daqsxejn \u0127a\u017cina, l-idea li setg\u0127et sabet ra\u0121el iktar sinjur bdiet kultant tberren f\u2019mo\u0127\u0127ha. Ja\u0127asra, b\u0127allikieku il-flus jag\u0127mluk ra\u0121el a\u0127jar!<\/em><\/p>\n

Dan it-tberrin forsi ma kien jasal imkien kieku ma kienx hemm \u017cew\u0121 fatturi o\u0127ra. L-ewwel wie\u0127ed kien it-tgergir tat-tfal, li kienu jilmentaw li ma kellhomx l-istess affarijiet li kellhom it-tfal tal-\u0121irien. Dan it-tgergir, xi ftit jew wisq, sa\u0127\u0127ilha d-dubbji, spe\u010bjalment li kienet qed tonqoshom.<\/p>\n

Imbag\u0127ad kien hemm il-fattur l-ie\u0127or, il-fattur li ilna nsibuh sa mill-bidu ta\u017c-\u017cmien. It-tentazzjoni tas-serp. Kif di\u0121\u00e0 g\u0127idtilkom, Marta kienet xempju tas-sbu\u0127ija, u l-ir\u0121iel kollha tar-ra\u0127al kienu jikluha b\u2019g\u0127ajnejhom meta tg\u0127addi minn quddiemhom. Fost dawn kien hemm \u010bertu \u017beppi, li kien ibig\u0127 il-karozzi ma\u2019 wie\u0127ed mill-a\u0121enti li kien hemm il-G\u017cira. Kif kien jitlob xog\u0127olu, kellu lsienu taz-zokkor, u kellu \u0127abta li jikkonvin\u010bi bi kliemu liema b\u0127alha. Kien ilu li tefa’ g\u0127ajnejh fuq Marta, u b\u0127al donnu \u0127ass li kien hemm xi \u0127a\u0121a li mhux qed iddoqq f\u2019\u0127ajjitha, u qal, bejnu u bejn ru\u0127u, \u2018Issa \u010b-cans. Dik \u017cgur imxebba minn Nazju, u jew issa jew qatt.\u2019<\/p>\n

Stenna l-mument tieg\u0127u, u beda jimpusturaha, kif kien imdorri jag\u0127mel meta jkun qed ibig\u0127 xi karozza. Kelma ‘l hawn u kelma ‘l hemm, imbag\u0127ad meta da\u0127let naqra kunfidenza, anki xi rigali bdew \u0121ejjin, u l-\u0127ajt tas-sejjieg\u0127 tmermer u \u010beda. \u017beppi beda jiltaqa\u2019 bil-mo\u0127bi ma\u2019 Marta minn wara dar Nazju, sakemm fl-a\u0127\u0127ar \u0127are\u0121 kollox fil-bera\u0127, u dak li kien, sa dakinhar, \u017cwie\u0121 \u0127ieni u mag\u0127qud sfaxxa.<\/p>\n

Ma hemmx g\u0127al fejn ng\u0127idu, Nazju ma setg\u0127ax jifhem x\u2019kien wassal g\u0127al dan. Ma setg\u0127ax, jew ma riedx, ja\u010b\u010betta li minkejja dak kollu li kien g\u0127amel g\u0127all-familja, kien spi\u010b\u010ba mwarrab. Ma setg\u0127ax i\u0121erra\u0127 il-fatt li l-karattru sod u tad-deheb tieg\u0127u kien safa mpartat mat-tlellix tal-porporina. Da\u0127al fih innifsu u mo\u0127\u0127u ma baqax dak li kien. Baqa dejjem jistaqsi lilu nnifsu, \u2018Imma g\u0127alfejn? Jien ma g\u0127amilt xejn \u0127a\u017cin. Mhux it-tort tieg\u0127i.\u2019 Qatt ma rnexxilu jo\u0127ro\u0121 minn din il-mentalit\u00e0, g\u0127ax kien fidil bi\u017c\u017cejjed li kien jemmen li, \u0121aladarba huwa g\u0127amel l-almu tieg\u0127u u bir-ri\u017corsi li kien hemm kien \u017camm il-familja g\u0127addejja, kellu jkun bi\u017c\u017cejjed.<\/p>\n

Sadanittant, Marta intefg\u0127et b\u2019ru\u0127ha, imma wisq iktar b\u2019\u0121isimha, ma\u2019 \u017beppi. I\u017cda, kif nafu lkoll, mhux kull ma jleqq huwa deheb. U \u017beppi ma kienx dak is-sinjur li kien wassalha biex ta\u0127seb li kien.\u00a0 U lanqas ma kien xi wie\u0127ed li tista\u2019 torbot fuqu. Ma kienx in-nemlu bil-g\u0127aqal li kien Nazju, i\u017cda kien il-farfett, mo\u0127\u0127u biss biex itir g\u0127al fuq xi fjura, \u0127siebu biss biex jie\u0127u li jista’ minnha, qabel ma jmur fuq o\u0127ra.<\/p>\n

U minn Marta malajr beda jixba. Kien weg\u0127da \u0127afna, u issa beda jara li ma setg\u0127ax ila\u0127\u0127aq mal-weg\u0127diet li kien g\u0127amel. U allura \u0127aseb li kien wasal i\u017c-\u017cmien li Marta tibda troddlu xi \u0127a\u0121a, u kien jaf kif. Kellu \u010birku ta\u2019 \u0127bieb li kienu tal-qatg\u0127a tieg\u0127u, u beda jistedinhom id-dar g\u0127al xi festin kultant. Lil Marta da\u0127allha fin fin, u f\u2019dawn l-okka\u017cjonijiet, kien i\u0121ag\u0127la tilbes b\u2019mod provokattiv. \u0126a\u0121a twassal g\u0127all-o\u0127ra, u malajr beda jkollha x\u2019tag\u0127mel.<\/p>\n

S\u0127ab \u017beppi ukoll riedu jduqu mill-\u0121miel ta\u2019 Marta u darba wie\u0127ed u ie\u0127or, kien imissu jqatta xi sag\u0127tejn mag\u0127ha. Naturalment, \u017beppi kien ibill subg\u0127aj\u0127 u g\u0127all-bidu, minkejja li kien \u010birku ristrett, beda jaqlag\u0127ha tajjeb. Jekk Marta kien kellha xi illu\u017cjoni li \u017beppi kien i\u0127obbha, malajr ne\u0127\u0127ietha, imma kienet a\u010b\u010bettat dak li kienet qed tag\u0127mel, u tikkonsla lila nnifisha g\u0127ax issa setg\u0127et tikkuntenta lill-uliedha b\u2019dak kollu li riedu, anki jekk kienu affarijeit li ma kellhomx verament b\u017connhom – \u2018L-aqwa li a\u0127jar mit-tfal ta\u2019 \u0127addiehor.\u2019 \u00a0Ja\u0127asra, b\u0127allikieku il-flokkijiet iffirmati minn na\u0127a g\u0127all-o\u0127ra, l-iktar mowbajl modern, jew xi slipper bi stilla kbira blu u ittri \u0127omor, \u00a0jag\u0127mluk t-tfal tieg\u0127ek a\u0127jar minn ta\u2019 \u0127addie\u0127or!<\/em><\/p>\n

Per\u00f2 t-tfal bdew jie\u0127du pja\u010bir, spe\u010bjalment i\u017c-\u017cg\u0127ir. Ma kellhom ebda \u0127jiel minn fejn kien \u0121ej dan il-lussu, u bil-mentalit\u00e0\u00a0tag\u0127hom ta\u2019 tfal, ma tantx kien jimpurtahom, biex ng\u0127idu kollox. \u017beppi tielg\u0127a u \u017beppi nie\u017cel, kemm kienu jadurawh. Kien is-sors ta\u2019 kollox ming\u0127alihom. F\u2019mo\u0127\u0127hom, huwa kien qed jag\u0127tihom kollox, \u00a0g\u0127ax huwa ma kien jieqaf qatt ifakkarhom x\u2019tahom il-biera\u0127, x\u2019tahom illum u x\u2019ser jag\u0127tihom g\u0127ada. Qatt ma qallhom li dak li kien qed jag\u0127tihom kien biss loqma minn dak li kien qed jeg\u0127rda minn \u0121isem ommhom il-g\u0127a\u017ci\u017ca.<\/p>\n

Il-kbira kienet ukoll fer\u0127ana bis-sitwazzjoni l-\u0121dida li kella l-isba\u0127 \u0127wejje\u0121, u l-iktar mudell ri\u010benti ta\u2019 mowbajl. Imma xi \u0127a\u0121a nieqsa bdiet t\u0127oss. Dawk is-serati sempli\u010bi ta\u2019 familja meta l-im\u0127abba kienet tintwera mhux bl-estravaganza, i\u017cda b\u2019mod sempli\u010bi u \u0121enwin, ma kienu g\u0127adhom hemm. Kultant, wa\u0127idha fis-sodda, g\u0127ax kienu jibg\u0127atuhom jorqdu kmieni meta jkun hemm il-\u2018mistednin\u2019, kienet tisma’ \u0127sejjes minn isfel li ma kienitx tifhimhom. F\u2019dawk il-mumenti xi ftit jew wisq, kienet bdiet t\u0127oss in-nuqqas ta\u2019 Nazju, u tiddubita kemm fil-fatt kienu a\u0127jar l-affarijiet. U dan meta kienet g\u0127ada ma tafx kollox.<\/p>\n

S\u0127ab \u017beppi ma kienux xi \u010birku kbir, u wkoll xebg\u0127u jieklu dejjem mill-istess borma, spe\u010bjalment meta kienu qed i\u0127allsu mhux ftit. I\u017c-\u017celqa f\u2019din il-\u0127ajja kienet ukoll \u0127alliet impatt negattiv fuq Marta, u l-\u0121miel beda jonqos. \u017beppi kien dera jpappiha tajjeb minn fuqha. Qatt ma kien qalag\u0127ha daqshekk tajjeb, u x-xog\u0127ol beda jog\u0127\u0121bu. Idde\u010bieda li jwessa \u010b-cirku. Naqqas il-prezz, tefa xi ftit riklami diskreti fuq l-internet, u l-ir\u0121iel \u017cdiedu. Il-flus baqg\u0127u de\u0127lin, il-kapri\u010b\u010bi g\u0127at-tfal baqg\u0127u isiru, imma Marta bdiet titherra. Ma kenitx g\u0127ada il-mara sabi\u0127a u kburija biha nnifisha li kienet sa ftit ta\u017c-\u017cmien qabel. Kienet tmermret minn \u0121ewwa u kienet taf ukoll li l-istil ta’ \u0127ajja u kapri\u010b\u010bi li kienet xtrat billi bieg\u0127het lilha nnifisha ma setg\u0127ux jibqg\u0127u g\u0127addejjin g\u0127al dejjem. Ir-ri\u017cors li kien sfrutta \u017beppi, is-sbu\u0127ija ta\u2019 \u0121isimha, beda jispi\u010b\u010ba. Il-prezz li kien t\u0127allas g\u0127al ftit kapri\u010b\u010bi g\u0127al uliedha, u g\u0127al \u0127afna ta\u2019 \u017beppi, kien g\u0127oli wisq.<\/p>\n

Il-\u0121arra \u0121ejja u sejra, fl-a\u0127\u0127ar tinkiser. Dak li hija kienet qed tag\u0127mel, ming\u0127aliha bil-mo\u0127bi, kien qed ji\u0121i nnutat fir-ra\u0127al. L-illu\u017cjoni li kellha illi dak li ji\u0121ri \u0121ewwa l-erba’ \u0127itan ma jarah \u0127add, kienet biss illu\u017cjoni. L-ilsna bdew i\u010baq\u010bqu u bdiet tinnota \u0127ars ikra\u0127, fejn qabel kien hemm ammirazzjoni. Bdiet tinnota \u0127ars ta\u2019 stmerrija fejn qabel kien hemm l-g\u0127ira. Bdiet t\u0127ossha mdejjqa u ma tafx fejn se taqbad titfa’ rasha.<\/p>\n

\u017beppi lanqas ma kien fer\u0127an bis-sitwazzjoni. Issa ma kienx g\u0127adu jidher li qieg\u0127ed mal-isba\u0127 wa\u0127da, i\u017cda mal-qa\u0127ba tar-ra\u0127al. Beda jara kif ser jag\u0127mel biex jo\u0127ro\u0121 lilu nnifsu mill-istorja u jara f\u2019min ser iwa\u0127\u0127al. Ilsienu w\u017cah tajjeb u lil Marta beda jbellalha r-ross bil-labra, ming\u0127alih. \u201c\u017bgur li Nazju qed ixandrek mar-ra\u0127al! Dak qatt ma a\u010b\u010betta li int tlaqtu, u spi\u010b\u010ba jg\u0127id kontrik mas-sebat irjie\u0127, u jaqla l-qlajjiet fuqek.\u201d<\/p>\n

Marta ma kenitx g\u0127ada mg\u0127omija b\u0127al qabel, u a\u017c\u017cardat tmerih, \u201cQlajja? Ma humiex qlajja, \u017beppi. \u0120ibtni qa\u0127ba u f\u2019ilsien in-nies.\u201d<\/p>\n

\u201cU le. Mhux hekk l-affarijiet. Nazju xandrek. Kollu t-tort tieg\u0127u. Kieku \u0127add ma kien ikun jaf. Dak sar jobog\u0127dok lilek g\u0127ax ma a\u010b\u010bettax li ma g\u0127adekx mieg\u0127u. Vera li qed tag\u0127mel ma hux sewwa sa barra, imma ara kemm xtrajnilhom xorti lit-tfal. Ara kemm gawdew! Nazju ma fela\u0127x jarahom igawdu, u allura qag\u0127ad izekzek kontrik. Hu \u0121abek qa\u0127ba u mhux jien.\u201d<\/p>\n

Marta ma kenitx konvinta milli kien qed jg\u0127idilha, per\u00f2 g\u0127alqet \u0127alqa. It-tfal ma kienux g\u0127adhom \u017cg\u0127ar u kienu bdew jifhmu xi \u0127a\u0121a. Darba t-tifel i\u017c-\u017cg\u0127ir \u0121ie lura mill-iskola, u lil ommu qallha,\u00a0\u201cM\u00e0, it-tfal illum bdew jg\u0127ajjruni li int qa\u0127ba. X\u2019ji\u0121ifieri?\u201d<\/p>\n

O\u0127tu kellha iktar \u0127a\u017cen, u kienet xebg\u0127et tisma’ botti ming\u0127and s\u0127aba, u allura we\u0121bitu hi, “Ji\u0121ifieri tmur mal-ir\u0121iel g\u0127all-flus, ba\u0127nan!\u201d<\/p>\n

I\u017c-\u017cg\u0127ir issomma. \u201cVera, m\u00e0?\u201d<\/p>\n

Dak il-\u0127in da\u0127al \u017beppi, u kollha \u0127arsu lejh.<\/p>\n

Huwa sab ix-xoqqa f\u2019moxtha u ra \u010b-cans li kien qed jistenna biex idabbar rasu, u jie\u0127u mieg\u0127u dak li kien irnexxilu jakkwista minn fuq dahar Marta.<\/p>\n

\u201cMinn fuq! Hekk baqa jonqos ukoll, se dduru fuqi? Insejtu kemm tajtkom affarijiet, kemm gawdejtu mieg\u0127i? Ara la dan il-grazzi li qed nie\u0127u ser nitlaq ‘l hemm. Fendu g\u0127al raskom.” U bla sliem u bla kliem telaq ‘il barra, u re\u0127ilha lejn ra\u0127al ie\u0127or, fejn kien di\u0121\u00e0 mmarka mara o\u0127ra li seta jirkeb u jkompli jakkwista minn fuqha.<\/p>\n

L-omm u wliedha ma qalu xejn. It-tfal bdew isaqsu lilom infushom kif jista jkun. Possibbli li \u017beppi, li tant kien jurihom im\u0127abba permezz tax-xinxilli, kien abbandunahom hekk, wara li \u0121abom fiex \u0121abhom?<\/p>\n

Marta kellha \u0127sieb ie\u0127or f\u2019mo\u0127\u0127ha. Bdiet tiftakar il-\u0127ajja iktar sempli\u010bi u kuntenta li kellha ma’ Nazju. Imma Nazju ma kienx g\u0127adu kif tafu hi. Kien g\u0127adu j\u0127obbha, u kien \u0127afrilha kollox, per\u00f2 kien g\u0127adda minn breakdown qawwi, u ma kienx f\u2019po\u017cizzjoni li jer\u0121a jpo\u0121\u0121ihom fit-triq it-tajba. Wie\u0127ed mill-\u0127bieb ta\u2019 \u017beppi, li ma kienx ra\u0121el \u0127a\u017cin, imma lanqas ma kien xi bastun sod li tista’ torbot fuqu, t\u0127assarha lil Marta, u ra li fl-a\u0127\u0127ar kellu l-okka\u017cjoni li jakkwista, allavolja kienet saret biss dell ta\u2019 dak li kienet qabel.<\/p>\n

Da\u0127al f\u2019\u0127ajjithom u beda jipprova jsib tarf tat-tgerfix kollu li sab li kellhom, imma ma tantx g\u0127amel su\u010b\u010bess. Il-\u0127sara kienet saret, u Marta kienet ittimbrata, u wliedha kienu mlaqqma b\u0127ala \u2018tal-qa\u0127ba\u2019. Jag\u0127mel x\u2019jag\u0127mel, it-tebg\u0127a hemm baqg\u0127et, u peress li \u017beppi kien \u0127abib tieg\u0127u, u kien gawda mieg\u0127u fil-passat, qatt ma sab il-kura\u0121\u0121 li jg\u0127idha \u010bara u tonda li kien huwa li \u0121abhom f’hiex \u0121abhom lil Marta u lil uliedha.<\/p>\n

Anki huwa kien dera jfakkarhom kemm tahom xorti sbie\u0127 \u017beppi, u li kien Nazju li avvelihom ma’ kul\u0127add, filwaqt li inkiss inkiss kien qed jipprova jsewwi l-\u0127sara, ming\u0127ajr il-kura\u0121\u0121 li ja\u010b\u010betta l-\u0127a\u017cin kollu u min g\u0127amlu, \u0127alli forsi jkun jista’ jibda jsewwieh.<\/p>\n

Meta \u0121ew tas-servizzi so\u010bjali biex je\u0127dulha t-tfal g\u0127ax kienu saru xi rapporti mill-\u0121irien li kien hemm tfal ta\u0127t l-et\u00e0\u00a0li kienu qed jg\u0127ixu ta\u0127t saqaf ta\u2019 dar tal-prostituzzjoni, \u0127oll xag\u0127rek u \u0121ib i\u017c-\u017cejt kemm sar tg\u0127ajjir u kliem iebes fil-konfront ta\u2019 Nazju.<\/p>\n

\u201cKollu t-tort tieg\u0127u, ja a\u0127dar li hu,\u201d ipprova jikkonvin\u010bi lit-tfal il-\u0127abib ta\u2019 \u017beppi, li kien da\u0127al fi\u017c-\u017carbun tieg\u0127u. \u201cDak jobg\u0127odkom lilkom.\u201d<\/p>\n

U t-tfal ma qalu xejn iktar. Beda die\u0127el id-dubju dwar kemm kien it-tort ta\u2019 Nazju, li dejjem mexa mag\u0127hom ta\u2019 missier tajjeb.<\/p>\n

Kif \u0127ar\u0121u mid-dar biex jittie\u0127du \u0121o familja foster, taw l-a\u0127\u0127ar daqqa t\u2019g\u0127ajn f\u2019kamarthom. Il-mowbajl li xi darba kien l-a\u0127\u0127ar mudell, imma issa kien ilu li \u0127ar\u0121u o\u0127rajn iktar moderni, kien g\u0127adu hemm. Il-\u0127wejje\u0121 iffirmati, li issa qdiemu u sfaru, ukoll hemm baqg\u0127u.<\/p>\n

Il-prezz li kien t\u0127allas g\u0127al dawn il-\u0127merijiet li ma jfissru xejn \u0127lief lellux g\u0127al g\u0127ajn in-nies kien g\u0127oli wisq. It-tfal fl-a\u0127\u0127ar kienu fehmu x\u2019kienu tilfu meta g\u0127amew wara dawn il-loqom, u remew is-serjet\u00e0, id-dixxiplina u fuq kollox l-im\u0127abba li kellu Nazju g\u0127alihom, allavolja ma kienx jipprova jixtri im\u0127abba lura ming\u0127andhom permezz ta\u2019 o\u0121\u0121etti bi prezz g\u0127oli, i\u017cda bla valur.<\/p>\n

It-tifel da\u0127al ji\u0121ri fil-kamra, qabad il-mowbajl f\u2019idu, sabbtu mal-\u0127ajt, infaqa’ jibki, u fl-a\u0127\u0127ar be\u017caq dak li kien ilu mistur \u0121o fih, \u201cKollu t-tort ta\u2019 \u017beppi u s\u0127abu. Warrabna lil missierna, u \u0127sibna li ser ingawdu, imma fil-fatt batejna.\u201d Kif qal dal-kliem, tbikkem u telaq il-barra ma’ dik tas-servizzi so\u010bjali.<\/p>\n

Marta, tibki u t\u0127abbat fuq wi\u010b\u010bha, rathom sejrin, u\u00a0 bdiet tixtieq li setg\u0127et tre\u0121\u0121a l-arlo\u0121\u0121 lura, g\u0127ax fl-a\u0127\u0127ar g\u0127ajnejha kienu nfet\u0127u bera\u0127.<\/p>\n

Kien tard wisq? Min jaf. I\u017c-\u017cmien isajjar il-bajtar, u jekk tibda tag\u0127mel l-affarijiet sew, forsi tkun tista; tirkupra \u0127ajja di\u010benti qrib ta\u2019 dik li kellha qabel.<\/p>\n

L-ewwel pass kien sar. Kienet waqfet tipprova twa\u0127\u0127al f\u2019Nazju. Kienet a\u010b\u010bettat li kien \u017cball tag\u0127ha li fdat lil \u017beppi, per\u00f2 dan ma kienx ifisser li kien tort tag\u0127ha l-inqas. It-tort kien ta\u2019 min kien abbu\u017ca mill-fidu\u010bja tag\u0127ha. Kien \u017beppi li tefag\u0127ha fil-\u0127ofra tal-qo\u0127ob, g\u0127al ftit xinxilli.<\/p>\n

U la a\u010b\u010bettat dan, setg\u0127at tipprova tibda tin\u0121abar. Kien hemm b\u017conn rieda qawwija, \u0127afna xog\u0127ol u \u0127afna sagrifi\u010b\u010bji. Imma Marta kienet mara soda fl-a\u0127\u0127ar mill-a\u0127\u0127ar, u fl-istorja tal-familja tag\u0127ha, kien hemm \u0127afna tlajja u n\u017cul.<\/p>\n

Kien wasal i\u017c-\u017cmien li ter\u0121a tibda tielg\u0127a.<\/p>\n","protected":false},"excerpt":{"rendered":"

Din in-novella satirika hi miktuba minn xi \u0127add li naf, i\u017cda li min\u0127abba xog\u0127olu ma jistax jiffirma ismu. Marta minn dejjem kienet mara sabi\u0127a. I\u017c-\u017cwie\u0121 tag\u0127ha ma\u2019 Nazju kien irnexxa, u kellhom \u017cew\u0121t itfal \u017cg\u0127ar li kienu l-mimmi ta\u2019 g\u0127ajnejhom. Minkejja t-tfal li kellha, Marta ma kienet \u00a0tilfet xejn minn \u0121mielha, anzi! Kienet kompliet sbie\u0127et […]<\/p>\n","protected":false},"author":1,"featured_media":101585,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/101584\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=101584"}],"version-history":[{"count":2,"href":"https:\/\/manueldelia.com\/mt\/wp-json\/wp\/v2\/posts\/101584\/revisions\/"}],"predecessor-version":[{"id":101591,"href":"https:\/\/manueldelia.com\/mt\/wp-json\/wp\/v2\/posts\/101584\/revisions\/101591\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/101585\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=101584"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=101584"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=101584"}],"curies":[{"name":"wp","href":"https:\/\/api.w.org\/{rel}","templated":true}]}}