![\"\"](\"https:\/\/manueldelia.com\/wp-content\/uploads\/2021\/07\/153620641_3804103359681827_1515175987576061154_n-2.jpg\")
Fis-6pm l-lejla, l-President ta’ Repubblika Robert Aquilina ser jindirizza lill-\u0121urnalisti. Lill-membri parlamentari mi\u0121burin fil-bini ta’ warajh ser iwissihom li issa g\u0127adda bi\u017c\u017cejjed \u017cmien biex il-pajji\u017c jibda’ ja\u0127seb biex jie\u0127u passi kontra dawk fosthom li jippretendu li ma jista’ g\u0127alihom \u0127add, li jistg\u0127ux jintmessu u li qed ig\u0127adduha lixxa g\u0127ar-reati li wettqu.<\/p>\n
Nie\u0127du lil Rosianne Cutajar.<\/p>\n
Xi xhur ilu din warrbet mill-kabinett tal-gvern min\u0127abba rapporti li xxandru fil-\u0121urnali li hi kienet da\u0127\u0127let kemxa \u0121mielha flus minn senserija fuq bejg\u0127 ta’ proprjet\u00e0 lil Yorgen Fenech, il-persuna li tinsab mixlija bil-qtil ta’ Daphne Caruana Galizia. Minn dakinhar ‘l hawn, il-Kummissarju tal-Istandards<\/em> fil-\u0126ajja Pubblika kiteb rapport li fih irrakkomanda li Cutajar g\u0127andha ti\u0121i investigata mill-awtoritajiet tat-taxxa. Ix-xhieda li Cutajar tat quddiemu, huwa ma emminhiex u kkonkluda li din kienet kisret l-etika.<\/p>\n Illum il-prim ministru kkonferma li Rosianne Cutajar ser tibqa’ barra mill-kabinett.<\/p>\n I\u017cda l-kwistjoni ma tistax tieqaf hawn. Din g\u0127adha membru parlamentari Laburista u l-Partit Laburista m’g\u0127amel xejn biex i\u0121ieg\u0127lha twarrab u j\u017commha milli ter\u0121a’ tikkontesta l-elezzjoni li \u0121ejja b\u0127ala kandidata f’ismu. Filwaqt li din g\u0127adha qed tgawdi l-protezzjoni – u dan biex ma nsemmix l-arroganza u l-pretensjonijiet li g\u0127andha – ma nistg\u0127u qatt nittamaw li ser issir il-\u0121ustizzja mag\u0127ha b\u0127alma ssir li kieku xi \u0127add kwalunkwe jinqabad jiskarta mill-\u0127las tat-taxxa. U dan biex ma nsemmix il-fatt li, b\u0127ala membru parlamentari, din kienet \u0127atja ta’ ksur ta’ fidu\u010bja dakinhar li vvutat fil-Parlament ta’ Malta u dakinhar li tkellmet u vvutat fl-Assemblea Parlamentari tal-Kunsill tal-Ewropa fl-interess (mhux dikjarat) ta’ Yorgen Fenech li – biex ma nsemmix affarijiet o\u0127ra – kien \u0127allasha \u20ac9,000 fi flus kontanti b\u0127ala rigal f’g\u0127eluq sninha.<\/p>\n Qed ng\u0127ixu f’pajji\u017c li fih il-prim ministru dan kollu jittollerah. Dan l-a\u0121ir tal-prim ministru a\u0127na m’g\u0127andniex nittollerawh. Lanqas m’g\u0127andna nittolleraw il-fatt li l-prim ministru \u017camm lil Carmelo Abela fil-kabinett fl-istess waqt li kriminali gwappi u mag\u0127rufin qed jixluh li kien g\u0127enhom biex ise\u0127\u0127 attentat ta’ serq armat fil-bank fejn kien ja\u0127dem.<\/p>\n U li wkoll \u017camm lill-aktar wie\u0127ed li, mid-dehra, ma jistax jintmess – ji\u0121ifieri Konrad Mizzi –\u00a0 li ilu minn Frar 2016 – ji\u0121ifieri aktar minn 5 snin – li nkixef dwar l-iskandlu tal-Panama u li, wara li re\u0121a’ tela’ fil-Parlament, il-Pulizija baqg\u0127u ma missew\u0127x. L-impunit\u00e0 li qed igawdu dawn il-kriminali politi\u010bi qed tg\u0127arraq lill-pajji\u017c ta\u0127t l-ilma. Dawk li g\u0127andhom g\u0127ajnejhom img\u0127ammdin u li jsegwu biss il-One TV ma jaraw ebda rabta diretta bejn in-nuqqas ta’ azzjoni minn na\u0127a ta’ Robert Abela dwar Carmelo Abela, dwar Konrad Mizzi u dwar Rosianne Cutajar u l-grey-listing<\/em> minn na\u0127a tal-FATF.<\/p>\n