{"id":102208,"date":"2021-08-02T14:22:08","date_gmt":"2021-08-02T12:22:08","guid":{"rendered":"https:\/\/manueldelia.com\/?p=102208"},"modified":"2021-08-03T15:35:15","modified_gmt":"2021-08-03T13:35:15","slug":"edward-zammit-lewis-ma-fadallux-skuzi","status":"publish","type":"post","link":"https:\/\/manueldelia.com\/mt\/2021\/08\/edward-zammit-lewis-ma-fadallux-skuzi\/","title":{"rendered":"Edward Zammit Lewis ma fadallux sku\u017ci"},"content":{"rendered":"

\"\"<\/p>\n

Edward Zammit Lewis illum attenda laqg\u0127a tal-Kabinett qiesu mhux hu. U meta ji\u0121\u0121ustifika dan l-a\u0121ir, il-gvern ikun qed juri li m’g\u0127andu ebda intenzjoni li jwettaq ir-rakkomandazzjonijiet tal-Im\u0127allfin tal-Inkjesta Daphne.<\/p>\n

Edward Zammit Lewis jammetti li kien “\u0127abib” ta’ Yorgen Fenech. Jammetti li ma’ Yorgen Fenech ta’ sikwit tkellem dwar l-isforzi tieg\u0127u u tal-partit tieg\u0127u biex i\u017commu lill-istituzzjonijiet milli jinvestigaw lil 17 Black.<\/p>\n

L-Im\u0127allfin tal-Inkjesta tkellmu \u010bar u tond u bla tlaqlieq dwar u dwar ir-rwol tieg\u0127u. Dawn stqarrew li:<\/p>\n

“Il-kriminalita’ organizzata tfittex li ta\u0121ixxi b’mod sigur g\u0127ax tkun koperta minn velu ta’ impunita’, ri\u017cultat ta’ \u0127biberiji, familjarita’ jew komunjoni ta’ interess ma’ persuni f’awtorita’ li jistg\u0127u jassigurawlha protezzjoni mill-investigazzjoni u prosekuzzjoni g\u0127all-a\u0121ir kriminu\u017c tag\u0127ha”.<\/em><\/p><\/blockquote>\n

L-Im\u0127allfin imbag\u0127ad semmew b’isimhom numru ta’ persuni biex kul\u0127add jifhem sewwa dak li kellhom f’mo\u0127\u0127hom. Bdew bl-ismijiet ta’ persuni impjegati fis-servizz \u010bivili (Joe Bannister, Johann Buttigieg, Heathcliff Farrugia, Joseph Cuschieri, Lawrence Cutajar u Silvio Valletta).<\/p>\n

U mbag\u0127ad g\u0127amlu riferenza g\u0127al “allegazzjonijiet simili li saru dwar politi\u010bi b\u0127al Joseph Muscat, Edward Zammit Lewis, Adrian Delia u Pierre Portelli\u201d.<\/p>\n

Segwu l-kummenti li ta dalg\u0127odu Edward Zammit Lewis lil Jacob Borg<\/a> u er\u0121g\u0127u aqraw il-kwotazzjoni mir-rapport stampata aktar ‘il fuq. Huwa jikkonferma l-\u201c\u0127biberija\u201d. U ma jistax ji\u010b\u0127ad l-informazzjoni li huwa kien g\u0127adda lil Yorgen Fenech dwar l-isforzi tieg\u0127u biex jara li Yorgen Fenech jing\u0127ata l-kenn u l-protezzjoni li jkun je\u0127tie\u0121 biex ma ji\u0121ix investigat min\u0127abba l-g\u0127emil kriminali tieg\u0127u.<\/p>\n

L-Im\u0127allfin tal-Inkjesta dde\u010bidew ukoll li l-Kabinett tal-Ministri kien responsabbli talli dawn ma \u0127adu ebda azzjoni fi\u017c-\u017cmien meta fe\u0121\u0121ew l-iskandli tal-Panama Papers u ta’ 17 Black. L-Im\u0127allfin stqarrew li dawn kellhom ja\u0121ixxu. Li jfisser li g\u0127all-Im\u0127allfin tal-Inkjesta l-isku\u017ca tal-lealt\u00e0 lejn il-partit jew tal-kolle\u0121jalit\u00e0 governattiva m’hix a\u010b\u010bettabbli. L-uffi\u010bjali pubbli\u010bi u l-politi\u010bi g\u0127andhom obbligu morali li j\u0127arsu l-li\u0121ijiet u li jg\u0127idu l-verit\u00e0 anki meta jkunu kollegi fil-partit li jxerrdu l-gideb.<\/p>\n

B\u0127allikieku tassew emmen dak li kien qed ig\u0127id, lil Jacob Borg dalg\u0127odu Edward Zammit Lewis qallu li kien qed isegwi d-direttivi tal-partit tieg\u0127u. Sku\u017ca li l-Im\u0127allfin tal-Inkjesta stqarrew li m’hix a\u010b\u010bettabbli g\u0127aliex kienet sku\u017ca b\u0127al din li wasslet g\u0127all-impunit\u00e0 li spi\u010b\u010bat biex qatlet lil Daphne Caruana Galizia.<\/p>\n

L-Oppo\u017cizzjoni g\u0127adha kemm ippre\u017centat mozzjoni parlamentari ta’ sfidu\u010bja f’Edward Zammit Lewis.<\/p>\n

Issa m’g\u0127adx hemm sku\u017ci.<\/p>\n

Il-konklu\u017cjonijiet tal-inkjesta issa nafuhom u dawk il-Ministri li kienu vvutaw favur Konrad Mizzi ser ji\u0121u mitluba biex ma jag\u0127mlux l-istess \u017cball.<\/p>\n

 <\/p>\n