![\"\"](\"https:\/\/manueldelia.com\/wp-content\/uploads\/2021\/09\/file-4.aspx_.jpeg\")
<\/p>\n<\/p>\n
Il-prim ministru stqarr li wasal i\u017c-\u017cmien biex nibdew nitkellmu dwar\u00a0 ir-riforma elettorali<\/a>. Proprju issa jrid jitkellem? Dan ilu prim ministru sa minn Jannar tal-2020 u membru parlamentari mill-2017. U proprju issa, ftit \u0121img\u0127at biss qabel l-elezzjoni \u0121enerali, deherlu li kellu jirrikonoxxi li din ir-riforma hi me\u0127tie\u0121a.<\/p>\n Fil-fehma tieg\u0127i, diskors b\u0127al dan huwa abbu\u017c. L-ewwel ja\u0127tfuna u j\u0127alluna bil-\u0121u\u0127 u mbag\u0127ad joqog\u0127du jittamawna li ser ilestulna ikla bnina. Jippretendu li g\u0127andna nkunu grati lejhom minkejja l-fatt li din l-ikla bnina mbag\u0127ad ma tasal qatt.<\/p>\n Tajjeb li nitkellmu dwar riformi elettorali – i\u017cda dibattitu b\u0127al dan m’g\u0127andux isir lejlet elezzjoni \u0121enerali. Ninsab konxju tal-fatt li g\u0127andu jkun hemm bidla fil-li\u0121ijiet u li din il-bidla messha ilha li saret. Naqbel ukoll li je\u017cistu aspetti fis-sistema elettorali tag\u0127na li huma l-ka\u0121un tal-problemi li g\u0127andna fid-demokrazija tag\u0127na. Hi x-xewqa tieg\u0127i li ssir bidla u, tul medda ta’ diversi snin, smajt b’ideat tassew tajbin.<\/p>\n I\u017cda m’g\u0127andna qatt inwettqu riforma fis-sistema elettorali lejlet elezzjoni \u0121enerali g\u0127ax dan i\u0121ib mieg\u0127u \u0127afna in\u010bertezza fejn ikollhom x’jaqsmu r-regoli l-\u0121odda. Ma jkun xejn \u0127lief \u0121enn jekk ser noqog\u0127du nit\u0127addtu proprju f’dan l-istadju dwar ir-riformi. Jew ag\u0127ar, jekk forsi nit\u0127ajru nu\u017caw dawn ir-riformi biex nimminaw il-ftit li fadal mid-demokrazija tag\u0127na.<\/p>\n Il-weg\u0127di jafu jag\u0127mew lil x’u\u0127ud.<\/p>\n Nie\u0127du b\u0127ala e\u017cempju d-dilettanti tat-tlielaq tal-karozzi. Il-gvern qed isemmi “pjanijiet” li g\u0127andu g\u0127all-bini ta’ trakka.<\/a> Qed naraw billboards i\u0127abbru dawn il-pjanijiet daqslikieku reb\u0127u kuntratt g\u0127al xi tellieqa tal-F1. Il-pjanijiet \u0121ew sottomessi, i\u017cda je\u0127tie\u0121 li l-gvern issa jg\u0127addi biex ji\u0121\u0121ustifika spi\u017ca b\u0127al din. G\u0127andu jkun hemm studji biex ji\u0121i pruvat li\u00a0 l-bini ta’ din it-trakka mhix ser tkun ta’ pi\u017c finanzjarju ming\u0127ajr ma t\u0127alli qlig\u0127 g\u0127all-pajji\u017c. I\u017cda je\u0127tie\u0121 niftakru li din il-weg\u0127da elettorali saret mi\u017c-\u017cew\u0121 partiti ewlwnin li qed jippruvaw i\u0127ajru lil dawn id-dilettanti biex jivvutawlhom.<\/p>\n Ftit \u0127sibijiet.<\/p>\n L-ewwel nett, il-“weg\u0127da” ta’ trakka \u0121dida tirxoxta lejliet kull elezzjoni \u0121enerali. Dan is-su\u0121\u0121ett jaf ma jinteressakx wisq u taf ukoll tasal biex tinsa li kemm-il darba ssemma’ fl-img\u0127oddi. I\u017cda hija \u0127a\u0121a li bilkemm titwemmen li bosta dilettanti jinsew li l-weg\u0127da ta’ bini ta’ trakka ssir qabel kull elezzjoni u mbag\u0127ad tispi\u010b\u010ba biex ma tinbena qatt. Il-partiti polti\u010bi ser jibqg\u0127u jitwemmnu?<\/p>\n Il-bini ta’ trakka qatt ma kellu ji\u0121i mwieg\u0127ed. Mhuwiex xog\u0127ol il-gvern li jissussidja sport – li wara kollox ma jag\u0127mel xejn biex itejjeb is-sa\u0127\u0127a – permezz ta’ trasferiment ta’ art u nfiq ta’ flus, jew it-tnejn f’daqqa. Naf li qed nag\u0127mel aktar g\u0127edewwa milli ne\u0127tie\u0121, u forsi qed ni\u017cbalja meta nsa\u0127\u0127an irjus o\u0127ra kontrija. I\u017cda jien ma nistax ni\u0121\u0121ustifika l-bini ta’ trakka ffinanzjata minn flus pubbli\u010bi fuq art pubblika. Jekk iridu trakka, id-dilettanti jmisshom jibnu wa\u0127da bi flushom. Di\u0121\u00e0 hawn wisq karozzi jtellqu fit-toroq tag\u0127na.<\/p>\n Il-gvern i\u0121ib l-isku\u017ca li ser jiffinanzja l-pro\u0121ett mid-d\u0127ul tal-bejg\u0127 tal-passaporti b\u0127allikieku mhuwiex fid-dmir li ji\u0121\u0121ustifika l-mod kif jintefqu dawn il-flus. Je\u0127tie\u0121 nifhmu li l-li\u0121ijiet tal-pajji\u017c japplikaw xorta wa\u0127da.\u00a0 Il-gvern ma jistax jaqbad u jberbaq il-flus, \u0121ejjin minn fejn \u0121ejjin.<\/p>\n Trakka tat-tlielaq tal-karrozzi mhux biss tkun \u0127ela mill-u\u017cu tal-art. Hawn qed nit\u0127addtu dwar sport li huwa storbju\u017c u j\u0127amme\u0121 ftit inqas minn power station tal-fa\u0127am fejn tid\u0127ol l-emer\u0121enza li ninsabu fiha sforz it-tibdil fil-klima. Inizjattiva b\u0127al din bi flus il-poplu titfag\u0127na diversi passi lura. A\u0127sbu biss kemm ikun je\u0127tie\u0121 li jit\u0127awlu si\u0121ar sabiex jittaffa t-tni\u0121\u0121is mill-karbonju li ti\u0121\u0121enera trakka. Li kieku \u0126al Far kellu jinbidel f’bosk, l-ispi\u017ca biex no\u0127olquh u nmantnuh tkun inqas.<\/p>\n G\u0127ad jasal \u017cmien li matulu nkunu nistg\u0127u nitkellmu bis-serjet\u00e0 dwar il-bini ta’ trakka. Li rrid ng\u0127id hu li issa mhuwiex i\u017c-\u017cmien. Issa qed toqrob elezzjoni \u0121enerali u nafu li anki l-iktar affarijiet ba\u017ci\u010bi li tistenna li tisma’ mill-partiti politi\u010bi jispi\u010b\u010baw biex jtiru mar-ri\u0127 – sensittivit\u00e0 lejn il-kri\u017ci fil-klima, parte\u010bipazzjoni tal-istakeholders, u\u017cu o\u0121\u0121ettiv tal-art pubblika – u jibdew iwieg\u0127du bl-addo\u010b\u010b lil dawk li jkollhom il-\u0127ila li jokorbu l-aktar.<\/p>\n Waqt elezzjoni \u0121enerali jintilef kull sens ta’ proporzjon. Dan huwa \u017cmien ideali biex matulu nitkellmu dwar il-kmamar li hemm fl-Armier, jew dwar il-bini ta’ mina bejn il-g\u017cejjer, jew dwar il-bini ta’ bi\u017c\u017cejjed mini ta\u0127t l-art biex ikollna ferrovija ta\u0127t l-art.<\/p>\n Qed nit\u0127addtu dwar dawn is-su\u0121\u0121etti proprju issa g\u0127aliex \u0127add ma jidher li g\u0127andu l-\u0127in jew ir-rieda li jmeri dak li qed iwieg\u0127du l-partiti, jew li tal-anqas ifittxu fil-parti ta’ ta\u0127t tal-karozza tleqq li qed joffrulna.<\/p>\n Ne\u010bitaw rwie\u0127na wisq meta nisimg\u0127u l-weg\u0127di \u0127er\u0121in wie\u0127ed wara l-ie\u0127or.<\/p>\n