{"id":103835,"date":"2021-10-05T07:23:03","date_gmt":"2021-10-05T05:23:03","guid":{"rendered":"https:\/\/manueldelia.com\/?p=103835"},"modified":"2021-10-05T20:22:04","modified_gmt":"2021-10-05T18:22:04","slug":"qed-jizirghu-z-zerriegha-tal-qerda-tal-gvern-li-jmiss","status":"publish","type":"post","link":"https:\/\/manueldelia.com\/mt\/2021\/10\/qed-jizirghu-z-zerriegha-tal-qerda-tal-gvern-li-jmiss\/","title":{"rendered":"Qed ji\u017cirg\u0127u \u017c-\u017cerrieg\u0127a tal-qerda tal-gvern li jmiss"},"content":{"rendered":"

\"\"<\/p>\n

Robert Abela g\u0127adu ma xebax jg\u0127atti xtur Rosianne Cutajar. Il-prim ministru u l-gvern tieg\u0127u jafu ben tajjeb li din mhux biss qed t\u0127ammar wi\u010b\u010b pajji\u017cna, i\u017cda jafu wkoll li l-im\u0121iba tag\u0127ha mhi a\u010b\u010bettabbli xejn. Ilbiera\u0127 g\u0127amlu ammissjoni indiretta li kumitat indipendenti ta’ membri parlamentari Ewropej kienu appik waslu biex ike\u010b\u010buha mill-Kunsill tal-Ewropa dwar kwistjoni ta’ prin\u010bipju. U, minflok \u0127alla l-pro\u010bess jasal fi tmiemu, Robert Abela g\u0127alqilhom it-triq. Minflok irrikonoxxa sitwazzjoni inevitabbli li kienet ser i\u0121\u0121ieg\u0127lu jke\u010b\u010bi lil Rosianne Cutajar mill-Partit Laburista, ra kif g\u0127amel biex jiggarantilha l-impunit\u00e0.<\/p>\n

Mhux ta’ b’xejn li Rosianne Cutajar i\u0121\u0121ib ru\u0127ha b\u0127allikieku \u0127add u xejn ma jista’ g\u0127aliha. Mhux ta’ b’xejn i\u0121\u0121ib ru\u0127ha b’ardir liema b\u0127alu. Ji\u0121ri x’ji\u0121ri u nsiru nafu kemm insiru nafu bin-namrar tag\u0127ha mal-mafju\u017c li jinsab mixli li qatel \u0121urnalista bil-g\u0127an li jg\u0127atti l-kuntratti ma\u0127mu\u0121in tieg\u0127u mal-gvern, din Rosianne tibqa’ turina li \u0127add ma jista’ jtajjarha mix-xena politika.<\/p>\n

U ma’ dan kollu, il-gvern jinsab kompli\u010bi.<\/p>\n

Minkejja l-arja kollha tag\u0127ha u minkejja l-paroli li g\u0127andha seba’ mitt sena biex twie\u0121eb g\u0127all-akku\u017ci dwar nuqqas ta’ etika fl-im\u0121iba tag\u0127ha b\u0127ala membru tal-Kunsill tal-Ewropa, bil\u0121ri dabbrulha rasha biex b’hekk tkun tista’ tevita li twie\u0121eb g\u0127al g\u0127emilha.<\/p>\n

Fil-Parlament Malti se\u0127\u0127et l-istess \u0127a\u0121a. Tg\u0127idx kemm fta\u0127ret li kellha seba’ mitt sena biex tara lill-Kummissarju tal-Istandards fil-\u0126ajja Pubblika jag\u0127tiha ra\u0121un. I\u017cda meta dan ir-ra\u0121un baqg\u0127et ma \u0127aditux, \u0121ieg\u0127let lill-gvern jg\u0127attilha xturha biex b’hekk tg\u0127addiha lixxa.<\/p>\n

M’g\u0127andniex xi ng\u0127idu dan l-a\u0121ir wassal messa\u0121\u0121 li jekk g\u0127andek relazzjoni “privata u personali” ma’ mafju\u017c, ma jkun jista’ g\u0127alik \u0127add. La jkun hemm konswegwenzi kriminali u lanqas konsegwenzi politi\u010bi.<\/p>\n

Din mhix kwistjoni dwar Rosianne Cutajar biss. Ma nistax ma nissuspettax li Robert Abela ma kienx jo\u0127ro\u0121 g\u0127onqu biex jg\u0127attilha xturha li kieku din kellha xi relazzjoni ma’ xi \u0127add kwalunkwe. Ir-relazzjoni li din kellha kienet ma’ bniedem li jinsab mixli mill-Istat li ppjana l-qtil ta’ \u0121urnalista. A\u0127sbu ftit. Robert Abela mhu jag\u0127mel xejn \u0127lief ibierek l-influwenza ta’ Yorgen Fenech fuq il-\u0127idma tal-gvern.<\/p>\n

Rosianne Cutajar ser ter\u0121a’ tkun kandidata mal-Partit Laburista g\u0127all-elezzjoni li \u0121ejja. Il-partit tag\u0127ha ser ikompli jag\u0127tiha r-ri\u0127 u dnubietha mhux biss ser ikunu ma\u0127fura i\u017cda ser jixli lin-Nazzjonalisti b’gideb fil-konfront tag\u0127ha.<\/p>\n

Min jaf g\u0127aliex, hux? Tg\u0127id lil Rosianne Cutajar tal-Labour ma jistg\u0127ux jg\u0127addu ming\u0127ajrha aktar milli jistg\u0127u jg\u0127addu ming\u0127ajr Chris Cardona, Konrad Mizzi, Keith Schembri u forsi anki Joseph Muscat? Jekk dawn kollha jistg\u0127u jitke\u010b\u010bew jew im\u0121ieg\u0127la jwarrbu, x’inhi r-ra\u0121uni li r-relazzjoni li Rosianne Cutajar g\u0127andha ma’ Yorgen Fenech hi a\u010b\u010bettabbli g\u0127al Robert Abela?<\/p>\n

Kif qatt tista’ tkun a\u010b\u010bettabbli li deputat Laburista tipprova tg\u0127atti kunflitt ta’ interess \u010bar b\u0127al dan hi u titkellem fil-Parlament u quddiem l-Assemblea Parlamentari tal-Kunsill tal-Ewropa biex tiddefendi lil xbinha? Kif qatt jista’ jkun a\u010b\u010bettabbli li din idda\u0127\u0127al f’butha l-eluf f’senserija minn negozji li fihom kien imda\u0127\u0127al Yorgen Fenech u dan ming\u0127ajr ma tiddikjarahom? Kif qatt jista’ jkun a\u010b\u010bettabbli li din tir\u010bievi flejjes kbar ming\u0127and Yorgen Fenech u fl-istess waqt to\u0127ro\u0121 tiddefendih pubblikament biex tg\u0127id li hu inno\u010benti?<\/p>\n

Dan mhuwiex a\u010b\u010bettabbli. U ma jindika xejn \u0127lief li Robert Abela j\u0121ib ru\u0127u l-istess b\u0127alma kien \u0121ab ru\u0127u Joseph Muscat li kieku kellu ji\u0121i m\u0121ieg\u0127el jidde\u010biedi g\u0127andux ike\u010b\u010bi deputati jew uffi\u010bjali tal-partit li jinsabu qaqo\u010b\u010ba mal-kriminalit\u00e0 organizzata jew inkella g\u0127andux, tajjeb jew \u0127a\u017cin, jipprova jippriserva d-dehra li l-partit jinsab mag\u0127qud.<\/p>\n

Ma nitg\u0127allmu qatt.<\/p>\n

Rosianne Cutajar ser ter\u0121a’ tittanta xortiha biex titla’ fil-Parlament u taqta’ xewqitha li ter\u0121a’ tkun fil-kabinett. Dak li se\u0127\u0127 fl-2017, ser jer\u0121a’ jse\u0127\u0127. Din ser tibqa’ ting\u0127ata l-kenn u l-fta\u0127ir wara l-elezzjoni ser ji\u0121i segwit b’di\u017castru katastrofiku ftit ta\u017c-\u017cmien wara.<\/p>\n

Dan il-gvern illum qed ji\u017cra’ \u017c-\u017cerrieg\u0127a tal-qerda tal-gvern li jmiss.<\/p>\n","protected":false},"excerpt":{"rendered":"

Robert Abela g\u0127adu ma xebax jg\u0127atti xtur Rosianne Cutajar. Il-prim ministru u l-gvern tieg\u0127u jafu ben tajjeb li din mhux biss qed t\u0127ammar wi\u010b\u010b pajji\u017cna, i\u017cda jafu wkoll li l-im\u0121iba tag\u0127ha mhi a\u010b\u010bettabbli xejn. Ilbiera\u0127 g\u0127amlu ammissjoni indiretta li kumitat indipendenti ta’ membri parlamentari Ewropej kienu appik waslu biex ike\u010b\u010buha mill-Kunsill tal-Ewropa dwar kwistjoni ta’ […]<\/p>\n","protected":false},"author":1,"featured_media":103827,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/103835\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=103835"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/103835\/revisions\/"}],"predecessor-version":[{"id":103859,"href":"https:\/\/manueldelia.com\/mt\/wp-json\/wp\/v2\/posts\/103835\/revisions\/103859\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/103827\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=103835"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=103835"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=103835"}],"curies":[{"name":"wp","href":"https:\/\/api.w.org\/{rel}","templated":true}]}}