{"id":105054,"date":"2021-11-07T08:29:47","date_gmt":"2021-11-07T07:29:47","guid":{"rendered":"https:\/\/manueldelia.com\/?p=105054"},"modified":"2021-11-08T19:56:32","modified_gmt":"2021-11-08T18:56:32","slug":"istra-joe-dejjem-bxi-wahda-gdida","status":"publish","type":"post","link":"https:\/\/manueldelia.com\/mt\/2021\/11\/istra-joe-dejjem-bxi-wahda-gdida\/","title":{"rendered":"\u0126adma nobis"},"content":{"rendered":"

\"\" Ftit sig\u0127at wara li \u0127a l-\u0121urament dak li le\u0127aq warajh, Joseph Muscat mar ji\u0121ri lura lejn Kastilja biex, flimkien ma’ rappre\u017centanti ta’ dawk li kienu\u00a0 s-sidien tat-tliet sptarijiet li darba kienu tag\u0127na, jag\u0127mel pressjoni fuq il-gvern Malti biex jo\u0127ro\u0121 aktar flus.<\/a><\/p>\n

G\u0127alkemm ma tantx g\u0127andna dettalji, jidher li se tg\u0127addi ta’ Joseph Muscat.<\/a><\/p>\n

L-istorja ewlenija tas-Sunday Times of Malta<\/em><\/a> tipprovdi dettalji ta’ \u0127lasijiet li r\u010bieva Muscat minn kontijiet bankarji Svizzeri li fihom is-sidien tal-isptarijiet li darba kienu tag\u0127na kienu qed jag\u0127mlu depo\u017citi biex setg\u0127u jag\u0127mlu \u0127lasijiet kbar lis-sidien ta’ qabel.<\/p>\n

Is-sidien ta’ qabel huma l-kumpannija korrotta mag\u0127rufa b\u0127ala VGH li issa jinsabu jitlewmu pubblikament bejniethom u jikxfu l-g\u0127awwar ta’ xulxin. Id-dettalji kollha jinsabu fil-gazzetta u mhux ser noqg\u0127od\u00a0 nirrepetihom hawn.<\/p>\n

Il-konklu\u017cjoni g\u0127andha tkun \u010bara. Il-\u0127adma tal-VGH qatt ma kienet intenzjonata li ttejjeb is-servizz tas-sa\u0127\u0127a f’Malta. Mhux qed ng\u0127id li fil-fatt ma kellhiex il-\u0127ila li ttejjeb is-servizz. Il-fatt hu li sa dakinhar li tal-VGH \u0127ar\u0121u mix-xena, dawn kienu di\u0121\u00e0 g\u0127amlu profitti kbar li huma dokumentati u li wie\u0127ed ma jistax imerihom. I\u017cda l-affarijiet jafu jmorru \u017cmer\u010b anki bl-intenzjonijiet tajbin.<\/p>\n

Fil-\u0127adma VGH l-intenzjonijiet tajba kienu ine\u017cistenti u \u010bertament ma kinux fil-pjanijiet ta’ Joseph Muscat. Il-kuntratt kien ing\u0127ata mill-gvern lil konsorzju sigriet li kien \u0121ie mwieg\u0127ed lilu minn qabel ixxandret is-sej\u0127a g\u0127all-offerti. U fi \u017cmien sentejn, in-negozju falla sal-estremit\u00e0 li l-isptarijiet li darba kienu pubbli\u010bi kellhom jing\u0127ataw b\u0127ala garanzija biex il-bank seta’ j\u0127allas is-salarji.<\/a> Hawnhekk qed nirreferi g\u0127as-salarji ta’ numru \u017cg\u0127ir ta’ persuni u dan g\u0127aliex il-professjonisti medi\u010bi kollha li ntirtu mis-servizz pubbliku baqg\u0127u jit\u0127allsu direttament mill-gvern.<\/p>\n

Imbag\u0127ad bil-barka tal-gvern – barka li l-gvern ta’ bilfors kellu jag\u0127tiha\u00a0 g\u0127ax inkella tal-VGH kien ikollhom jag\u0127mlu tajjeb huma stess g\u0127all-ispi\u017ca tal-falliment tan-negozju tag\u0127hom f’Malta – it-tliet sptarijiet inbieg\u0127u lil sidien \u0121odda li, milli jidher, irnexxielhom jerdg\u0127u aktar flus mill-kaxxa ta’ Malta hekk kif inteb\u0127u li kienu akkwistaw \u0127adma nobis.<\/p>\n

Kul\u0127add \u0127are\u0121 tellief, \u0127lief s’intendi tal-VGH li mill-\u0127adma g\u0127amlu profitti kbar.<\/p>\n

Dan kollu konna ilna li xammejnih. U issa wkoll grazzi g\u0127ax-xog\u0127ol ta’ Jacob Borg, nafuh ukoll b’\u010bertezza. I\u017cda Joseph Muscat li kellu l-wi\u010b\u010b u l-ardir li jsemmi l-kunfidenzjalit\u00e0 professjonali b\u0127ala “service provider” u dan biex ma jwe\u0121ibx g\u0127al mistoqsijiet dwar g\u0127exieren ta’ eluf li \u0121ew depo\u017citati fil-kont bankarju tieg\u0127u ffatturati g\u0127al “konsulenzi” u dan ftit \u017cmien wara li spi\u010b\u010ba minn prim ministru.<\/p>\n

Tg\u0127id qattiela professjonali li jkunu \u0121ew imqabbda biex joqtlu lil xi \u0127add issa ser jibdew jit\u0127ajru jsemmu l-kunfidenzjalit\u00e0 professjonali?<\/p>\n

Il-gwaj hu li, grazzi g\u0127all-g\u0127erf ta’ An\u0121lu Farrugia, ftit li xejn jista’ jsir dwar dan f’livell politiku jew parlamentari. L-Ispeaker kien idde\u010bieda li\u00a0 \u0121aladarba persuna ma tibqax membru tal-Parlament, g\u0127amel x’g\u0127amel, l-im\u0121iba tieg\u0127u ma tistax ti\u0121i mg\u0127arbla mill-Kumitat Parlamentari g\u0127all-Istandards fil-\u0126ajja Pubblika.<\/p>\n

Je\u0127tie\u0121 niftakru li, g\u0127alkemm dak i\u017c-\u017cmien kien di\u0121\u00e0 spi\u010b\u010ba minn prim ministru, Joseph Muscat kien g\u0127adu membru parlamentari meta r\u010bieva dawk il-\u0127lasijiet u g\u0127aldaqstant ir-regoli ta’ m\u0121iba li jaqg\u0127u ta\u0127t il-li\u0121i tal-Istandards fil-\u0126ajja Pubblika baqg\u0127u jg\u0127oddu g\u0127alih.<\/p>\n

B’xorti tajba, l-kodi\u010bi kriminali tfassal minn persuni li kienu jifhmu sewwa t-tifsira tal-lo\u0121ika tal-intenzjoni kriminali aktar milli qatt jista’ jifhimha An\u0121lu Farrugia. Dan il-kodi\u010bi jsemmi \u010b-\u010birkostanzi li fihom politi\u010bi, g\u0127alkemm ja\u010b\u010bettaw li jixxa\u0127\u0127mu, jitolbu li l-\u0127las ise\u0127\u0127 wara li jkunu warrbu mill-\u0127ajja politika. Ir-reat innifsu mhuwiex affettwat mit-tibdil fl-istatus politiku jew uffi\u010bjali ta’ min ikun wettaq ir-reat kriminali.<\/p>\n

Tberbqu miljuni kbar fuq il-VGH. Minnu ma \u0127are\u0121 xejn ta’ benefi\u010b\u010bju g\u0127all-pazjenti li jfittxu l-kura medika mis-servizz tas-sa\u0127\u0127a. Joseph Muscat, li jg\u0127id li m’g\u0127amel xejn \u0127a\u017cin u jinsisti li l-flus qalag\u0127hom g\u0127all-“pariri” li kien ta lil tal-VGH wara li warrab minn prim ministru, da\u0127\u0127al g\u0127exieren ta’ eluf minn dawk il-miljuni mberbqin. Anki li kieku qala’ l-flus g\u0127ax \u0127aslilhom il-karozzi tag\u0127hom jew ittajpjalhom l-ittri legali, il-fatt jibqa’ li huwa sarraf \u010bekkijiet \u0121ejjin minn flus misruqa mill-kaxxa ta’ Malta. \u0126ru\u0121 ta’ flejjes li kien ordna huwa stess meta kien g\u0127adu prim ministru.<\/p>\n

\u0126adma b\u0127al din taf tkun wa\u0127da elaborata, kumplikata, miktuba b’mod biex tidher le\u0121ittima, u mirduma ta\u0127t patafjun karti li sa\u0127ansitra anki patri Benedittin f’monasteru medjevali ma jasalx biex jaqrahom. I\u017cda xorta wa\u0127da tibqa’ serq ta’ flus pubbli\u010bi, ma\u0127sulin f’\u010biklu ta’ pagamenti fa\u017culli sakemm isibu ru\u0127hom fil-kont bankarju ta’ Joseph Muscat.<\/p>\n

Michelle Muscat g\u0127amlet makeover u rran\u0121at id-dehra tag\u0127ha. \u010aertament, xi mkien fuq Instagram, dan g\u0127andu jitqies b\u0127ala \u0121id pubbliku.\"\"<\/p>\n","protected":false},"excerpt":{"rendered":"

Ftit sig\u0127at wara li \u0127a l-\u0121urament dak li le\u0127aq warajh, Joseph Muscat mar ji\u0121ri lura lejn Kastilja biex, flimkien ma’ rappre\u017centanti ta’ dawk li kienu\u00a0 s-sidien tat-tliet sptarijiet li darba kienu tag\u0127na, jag\u0127mel pressjoni fuq il-gvern Malti biex jo\u0127ro\u0121 aktar flus. G\u0127alkemm ma tantx g\u0127andna dettalji, jidher li se tg\u0127addi ta’ Joseph Muscat. L-istorja ewlenija […]<\/p>\n","protected":false},"author":1,"featured_media":105047,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/105054\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=105054"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/105054\/revisions\/"}],"predecessor-version":[{"id":105077,"href":"https:\/\/manueldelia.com\/mt\/wp-json\/wp\/v2\/posts\/105054\/revisions\/105077\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/105047\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=105054"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=105054"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=105054"}],"curies":[{"name":"wp","href":"https:\/\/api.w.org\/{rel}","templated":true}]}}