{"id":105468,"date":"2021-11-25T16:48:16","date_gmt":"2021-11-25T15:48:16","guid":{"rendered":"https:\/\/manueldelia.com\/?p=105468"},"modified":"2021-11-25T19:35:57","modified_gmt":"2021-11-25T18:35:57","slug":"zelqa-fin-niexef-minn-anglu-farrugia-u-l-avukat-tieghu","status":"publish","type":"post","link":"https:\/\/manueldelia.com\/mt\/2021\/11\/zelqa-fin-niexef-minn-anglu-farrugia-u-l-avukat-tieghu\/","title":{"rendered":"\u017belqa fin-niexef minn An\u0121lu Farrugia u l-avukat tieg\u0127u"},"content":{"rendered":"

Qrajt din l-ittra wara li l-iSpeaker<\/em> qabbad lill-avukat tieg\u0127u Ian Refalo biex jiktibha f’ismu u dan g\u0127aliex ma kellux il-\u0127ila li jiktibha hu lil Matthew Caruana Galizia.<\/p>\n

\"\"<\/p>\n

Din l-ittra m’hi xejn \u0127lief l-a\u0127\u0127ar musmar fit-tebut tad-demokrazija Parlamentari ta’ dan il-pajji\u017c. Hemm bosta ra\u0121unijiet u dawn li ser insemmi huma biss u\u0127ud minnhom u dan biex, jien u naqraha, ma spi\u010b\u010bajtx nigdem ilsieni u nsabbat rasi ma’ xi \u0127ajt:<\/p>\n

    \n
  1. An\u0121lu Farrugia ming\u0127ali\u0127 li m’huwiex dehen li jitbaxxa daqstant biex iwie\u0121eb hu stess g\u0127al ittra ming\u0127and \u010bittadin ta’ pajji\u017c li jele\u0121\u0121i l-Parlament immexxi minnu. U qabbad avukat privat biex jag\u0127mel dak li kien messu g\u0127amel hu u dan b\u0127allikieku ma kienx l-og\u0127la uffi\u010bjal ta’ wa\u0127da mit-tliet ferg\u0127at tal-gvern tal-pajji\u017c, i\u017cda sid li bil-kemm jaf jikteb ta’ \u0127anut tal-la\u0127am f’ra\u0127al, hu u jwie\u0121eb g\u0127al ilment dwar ti\u010bpis tad-demm fuq bankina. L-im\u0121iba ta’ An\u0121lu Farrugia hi wa\u0127da rjali aktar milli hi wa\u0127da Parlamentari u b’dan ma rridx ninftiehem li \u0121ab ru\u0127u b’xi mod dinjitu\u017c b\u0127allikieku kien xi re Skandinavu li jmur jixtri g\u0127and tal-mer\u010ba bir-rota tieg\u0127u stess. B’dan irrid infisser li l-im\u0121iba tieg\u0127u kienet wa\u0127da fis-sens ta’ l\u2019\u00e9tat c\u2019est moi<\/em>, a\u0127sdilhom rashom u er\u0127ilhom jieklu l-laqx. Imma\u0121inaw ftit: pajji\u017c demokratiku bil-Parlament tieg\u0127u mmexxi minn Speaker<\/em> elett biex jitkellem f’isem ir-rappre\u017centanti kollha tag\u0127na i\u017cda li litteralment \u0127add ma jista’ jkellmu.<\/li>\n
  2. An\u0121lu Farrugia ming\u0127alih li m’huwiex dehen li jitbaxxa daqstant li sa\u0127ansitra jir\u010bievi ittra ming\u0127and \u010bittadin tal-pajji\u017c. \u2018Tiktiblix, ma nafx fejn \u0121ejt.\u2019 Lanqas l-Imperatur Caligula ma kien ikollu l-\u0127ila li juri wi\u010b\u010bu. U l-iSpeaker<\/em> tag\u0127na jqabbad lill-avukat tieg\u0127u biex lil Matthew Caruana Galizia isemmilu “l-pro\u010bedura parlamentari proprja\u201d<\/strong> u biex ma ja\u017c\u017cardax jitfa’ \u0127arstu fuq il-Maest\u00e0 Tieg\u0127u. G\u0127aliex kull ittra g\u0127andha tintbag\u0127at lill-Iskrivan tal-Kamra. Tg\u0127id g\u0127al liema pro\u010bedura parlamentari proprja qed jirreferi? Din l-hekk imsejj\u0127a pro\u010bedura m’hi xejn \u0127lief \u0127merija grassa li lanqas biss te\u017cisti fil-Parlament Malti. U niddubita te\u017cistix f’Parlamenti moderni o\u0127rajn. B’dak li kiteb Ian Refalo, jidher li \u017celaq \u017celqa fin-niexef.<\/li>\n
  3. An\u0121lu Farrugia qabbad lill-avukat tieg\u0127u biex jag\u0127mel ftit tal-arja ma’ \u010bittadin hu u jsemmilu l-li\u0121ijiet u sentenzi tal-qorti ming\u0127ajr ma jikkwotahom jew ming\u0127ajr ma jindenja ru\u0127u jispjega r-rilevanza tag\u0127hom. Tg\u0127id Farrugia jew Refalo, jew it-tnejn li huma, b’dan il-mod kienu jindirizzaw lil ommijiethom huma u jippruvaw ji\u0121\u0121ustifikaw ru\u0127hom talli kienu jid\u0127lu lura d-dar tard u dan huma u jassumu li ommijiethom ma kienx ikollhom il-\u0127ila li jmeruhom dwar li\u0121ijiet u sentenzi tal-qorti? Il-li\u0121ijiet li ssemmew fl-ittra huma irrilevanti u l-kaw\u017ca li tissemma’ hi dik li Matthew Caruana Galizia kellu kull ra\u0121un li jsemmi: dik ta’ meta An\u0121lu Farrugia kien ipprova – ming\u0127ajr ma rnexxielu – li j\u0127arrek lil Daphne Caruana Galizia talli din kellha l-“ardir” li tirrakkonta l-istorja ta’ meta l-iSpeaker<\/em> (dak i\u017c-\u017cmien spettur tal-pulizija) kien in\u0121ustament arresta lill-\u0121urnalista meta kienet g\u0127adha attivista \u017cag\u0127\u017cug\u0127a.<\/li>\n
  4. Din li \u0121ejja l-isba\u0127 wa\u0127da: \u201cNassigurak li fl-a\u0127jar interess tad-demokrazija u tal-gvern demokratiku ta’ Malta, l-iSpeaker<\/em> (mhux ser iwarrab)\u201d. Inkredibbli. L-iSpeaker<\/em> ma sta\u0127ax jikteb, bla mis\u0127ija ta’ xejn, li xog\u0127olu huwa li j\u0127ares “l-interessi tal-Gvern\u201d. L-iSpeaker<\/em> imissu jaf li dak m’huwiex xog\u0127lu. Lil An\u0121lu Farrugia \u0127add ma fakkru li huwa m’huwiex ministru? Ian Refalo ma qallux lil An\u0121lu Farrugia li xog\u0127ol l-iSpeaker<\/em> huwa dak li j\u0127ares l-interessi tal-Parlament u mhux dawk tal-Gvern, u li dawn i\u017c-\u017cew\u0121 istituzzjonijiet m’humiex l-istess \u0127a\u0121a?<\/li>\n<\/ol>\n

    Ag\u0127tu daqqa t’g\u0127ajn lejn dak li kiteb Lawrence Gonzi dwar din il-kwistjoni u ftakru li dan m’huwiex biss eks prim ministru. Kien serva wkoll b\u0127ala Speaker<\/em> tal-Kamra g\u0127al diversi snin. U \u0127ass li kellu jitkellem, mhux g\u0127aliex kien mexxej ta’ partit u prim ministru, i\u017cda g\u0127aliex hu stess kien serva b\u0127ala Speaker<\/em>.<\/p>\n