{"id":105718,"date":"2021-12-11T10:45:08","date_gmt":"2021-12-11T09:45:08","guid":{"rendered":"https:\/\/manueldelia.com\/?p=105718"},"modified":"2021-12-18T15:36:13","modified_gmt":"2021-12-18T14:36:13","slug":"edukazzjoni-edukazzjoni-edukazzjoni","status":"publish","type":"post","link":"https:\/\/manueldelia.com\/mt\/2021\/12\/edukazzjoni-edukazzjoni-edukazzjoni\/","title":{"rendered":"L-e\u017cempji li taw lil uliedna t-tliet ministri tal-edukazzjoni tal-Labour"},"content":{"rendered":"

Dan l-a\u0127\u0127ar, bil-g\u0127an li jipprova jilg\u0127abha tal-inno\u010benti, Evarist Bartolo kiteb fuq Facebook li lkoll kemm a\u0127na ninsabu fid-dmir ni\u0121\u0121ieldu kontra l-korruzzjoni.<\/a> Ma kitibx li hu baqa’ ma \u0121\u0121ilidx kontra l-korruzzjoni kull meta seta’ jag\u0127mel dan. Dan stqarru huwa stess f’intervista li kien ta lil Tim Sebastian li fiha ammetta li kien naqas bil-kbir li bil-fatti jwettaq il-prin\u010bipji li ta’ sikwit i\u0127obb jippridkalna dwarhom<\/a>. Ammetta li kien naqas minn dan id-dmir biex politikament jibqa’ jimra\u0127 fil-wi\u010b\u010b.<\/p>\n

\"\"<\/p>\n

Madankollu l-im\u0121ieba tieg\u0127u ma kienitx motivata biss mix-xewqa li politikament jibqa’ jimra\u0127 fil-wi\u010b\u010b. Fi\u017c-\u017cmien li kien il-ministru tal-edukazzjoni, kien g\u0127adda l-kontroll tal-a\u0121enzija tal-gvern li tie\u0127u \u0127sieb il-manutenzjoni tal-bini tal-iskejjel lill-assistent tieg\u0127u Edward Caruana. Caruana jinsab mixli li xxa\u0127\u0127am minn kuntratturi li kienu ng\u0127ataw xog\u0127olijiet pubbli\u010bi. <\/a>Edward Caruana ji\u010b\u0127ad dawn l-akku\u017ci.<\/p>\n

Evarist Bartolo m’huwiex indirettament responsabbli g\u0127all-korruzzjoni li allegatament se\u0127\u0127et mill-galoppin ewlieni tieg\u0127u. I\u017cda jkollu jerfa’ r-responsabbilt\u00e0 g\u0127all-fatt li g\u0127al \u0121img\u0127at s\u0127a\u0127 baqa’ jinjora t-twissijiet tal-kap tal-a\u0121enzija tal-manutenzjoni tal-iskejjel li kien \u0127e\u0121\u0121u biex jie\u0127u passi kontra Caruana.<\/a><\/p>\n

Evarist Bartolo baqa’ ji\u010b\u0127ad. I\u017cda kellu jkun ma\u0121istrat li kkritikah talli kien baqa’ \u010bass dakinhar li llibera kuntrattur li kien mixli b’malafama talli kien kixef lill-assistent ewlieni tal-ministru tal-edukazzjoni. Il-ma\u0121istrat skanta bil-kbir kif Evarist Bartolo u l-\u0127addiema ta’ ta\u0127tu, li kienu f’laqg\u0127a hekk kif ixxandru il-fatti dwar Caruana, dehrilhom li ma kellhomx g\u0127alfejn jav\u017caw b’dan lill-pulizija.<\/a><\/p>\n

Evarist Bartolo b\u0127al donnu li ma jafx x’ifisser whistle-blower.<\/em> Dakinhar li xhud tkellem u xela’ lil Edward Caruana li talab li jixxa\u0127\u0127am, il-pulizija kienu ntalbu jie\u0127du passi kontra l-whistle-blower<\/em> dwar malafama filwaqt li dak li fuq rasu kellu akku\u017ca dwar tix\u0127im, ing\u0127ata l-kenn.<\/p>\n

F’ka\u017c ie\u0127or, mhux g\u0127al kollox separat, Evarist Bartolo kien ta trattament spe\u010bjali lil min kien xela’ b’qerq lir-ra\u0121el ta’ Giovanna Debono dwar ta’ skema ivvintata dwar voti bi bdil ma’ xog\u0127lijiet pubbli\u010bi. Eventwalment Toni Debono spi\u010b\u010ba biex in\u0127eles mill-akku\u017ci li kienu n\u0121iebu kontrih u l-qorti g\u0127amlet kritika \u0127arxa lill-prosekuturi hi u tistqarr li “l-akku\u017cat seta’ ma ttellax il-qorti li kieku l-pulizija g\u0127amlet investigazzjonijiet sura.<\/a>\u201d<\/p>\n

Mill-banda l-o\u0127ra, Joseph Cauchi l-“whistle-blower”<\/em> falz li gawda mill-hekk imsejj\u0127a li\u0121i dwar il-protezzjoni tal-whistle blowers<\/em> li t\u0127ares biss lil dawk li l-gvern ikun irid jippremja, mhux biss kellu f’idejh parti kbira mill-ba\u0121it li nefaq id-dipartiment ta’ Evarist Bartolo. Huwa kien ukoll ikkomunika direttament ma’ Evarist Bartolo biex iserra\u0127 rasu li Edward Caruana jer\u0121a’ jie\u0127u postu fl-a\u0121enzija tal-manutenzjoni tal-iskejjel biex, s’intendi, jkompli jgawdi.<\/a> Din l-informazzjoni nkixfet wara li \u0121ew pre\u017centati kopji ta’ emails<\/em> fil-qorti.<\/p>\n

L-ewwel ministru tal-edukazzjoni tal-Labour kien feta\u0127 il-bibien biex ise\u0127\u0127 il-korruzzjoni, g\u0127attieha meta kienu nkixfu s\u0127abu u mbag\u0127ad ikkumpensa bi flus il-poplu lil min ivvinta akku\u017ci foloz kontra l-avversarju politiku tieg\u0127u.<\/p>\n

Wara Evarist Bartolo la\u0127aq Owen Bonnici.<\/p>\n

Meta \u0121iet assassinata Daphne Caruana Galizia, Bonnici kien g\u0127adu ministru tal-\u0121ustizzja b’responsabbilt\u00e0 sekondarja g\u0127at-tindif pubbliku.Kien mar il-Kunsill tal-Ewropa biex jitkellem kontra s-sej\u0127iet biex issir inkjesta pubblika dwar il-qtil ta’ Daphne Caruana Galizia u kien stqarr li din l-inkjesta m’g\u0127andhiex issir qabel ma ji\u0121i e\u017cawrit il-pro\u010bess kriminali fil-qorti.<\/a><\/p>\n

Lill-Avukat \u0120enerali kien inda\u0127allu u kien \u017cammu milli jo\u0127ro\u0121 ordinijiet b’rabta mar-rapport ma\u0121isterjali dwar l-inkjesta dwar l-iskandu Egrant u dan billi stqarr li kien qed ja\u0121ixxi b\u0127ala avukat ta’ Joseph Muscat u mhux b\u0127ala ministru tal-\u0121ustizzja.<\/a><\/p>\n

\"\"<\/p>\n

Lill-impjegati tal-gvern kien jordnalhom<\/a> kuljum – kultant aktar minn darba kuljum – biex ixejjnu protesta pa\u010bifika barra l-bini tal-qorti minn dawk li kienu qed isejj\u0127u biex issir \u0121ustizzja ma’ Daphne Caruana Galizia. G\u0127alih ir-ritratti tag\u0127ha li kienu jitqieg\u0127du mal-mafkar mill-qraba u \u0127bieb tag\u0127ha kienu “\u017cibel” u “theddida g\u0127all-ordni pubbliku”. Il-Qorti kienet sabitu \u0127ati ta’ ksur tad-dritt fundamentali tal-espressjoni \u0127ielsa.<\/a><\/p>\n

Fi\u017c-\u017cmien li kien nsab \u0127ati mill-qorti, huwa n\u0127atar ministru tal-edukazzjoni.<\/p>\n

Warajh la\u0127qet Justyne Caruana. Din re\u0121g\u0127et idda\u0127\u0127let fil-kabinett wara li kienet \u0121iet im\u0121ieg\u0127la twarrab wara li \u0127are\u0121 fil-bera\u0127 il-fatt li \u017cew\u0121ha kien g\u0127amel btala ma’ Yorgen Fenech<\/a> li jinsab mixli bil-qtil ta’ Daphne Caruana Galizia. Dak i\u017c-\u017cmien Justyne Caruana kienet membru tal-kabinett li kellu jidde\u010biedi jag\u0127tix jew le proklama lil Melvyn Theuma (ix-xhud prin\u010bipali kontra Yorgen Fenech) u lil Yorgen Fenech innifsu.<\/p>\n

Caruana ma kellhiex x’taqsam mal-im\u0121ieba \u0127a\u017cina ta’ \u017cew\u0121ha (m\u0121ieba \u0127a\u017cina li huwa ji\u010b\u0127ad) i\u017cda kienet politikament responsabbli g\u0127all-ambigwit\u00e0 ina\u010b\u010bettabbli li \u0127olqot fil-ka\u017c kontra l-qattiela ta’ Daphne. U dan biex ma nsemmux il-fatt li baqg\u0127et imwa\u0127\u0127la mas-si\u0121\u0121u anki dakinhar li l-qorti stqarret li l-fatt li l-investigatur ewlieni fil-qtil ta’ Daphne kien \u017cew\u0121ha huwa fih innifsu ksur tad-drittijiet fundamentali tal-familja ta’ Daphne. <\/a>U baqg\u0127et f’postha anki wara li dik is-sentenza \u0121iet konfermata fl-appell.<\/p>\n

Meta mbag\u0127ad kienet n\u0121iebet lura mill-e\u017cilju temporanju tag\u0127ha mill-gvern, Caruana kellha sie\u0127eb \u0121did. \u00a0U lil tad-dipartiment tag\u0127ha ordnatilhom jag\u0127tu \u20ac15,000 lil se\u0127ibha biex dan “jevalwa” l-kurrikulu tal-isport fl-iskejjel.<\/a> Dan se\u0127ibha m’g\u0127andu l-ebda kwalifika akkademika fl-edukazzjoni tal-isports i\u017cda xorta wa\u0127da t\u0127allas talli g\u0127amel spezzjonijiet fl-iskejjel meta t-tfal kollha kienu msakkrin id-dar min\u0127abba l-imxija covid.<\/p>\n

\"\"<\/p>\n

Dan il-ka\u017c issa \u0121ie investigat mill-kummissarju tal-istandards li minn na\u0127a tieg\u0127u stqarr li l-investigazzjoni waslet fi tmiemha i\u017cda ser j\u0127alli f’idejn il-kumitat tal-istandards<\/em> parlamentari biex ixandar il-konklu\u017cjonijiet. Skont il-pro\u010beduri, dan ifisser li Caruana kienet instabet \u0127atja li kisret il-kodi\u010bi tal-etika.<\/a><\/p>\n

Issa jekk tintu\u017ca l-istess riga li ntu\u017cat fil-ka\u017c ta’ Carmelo Abela (li nefaq flus il-poplu biex xtara riklami fil-gazzetti li ma rriklamaw xejn \u0127lief lilu<\/a>) u dak ta’ Rosianne Cutajar (li kienet naqset li tiddikjara lill-Parlament li r\u010beviet rigali ta’ flus u \u0127lasijiet ta’ senserija ming\u0127and Yorgen Fenech, in-namrat sigriet tag\u0127ha li aktar tard kien \u0121ie mixli bil-qtil ta’ Daphne Caruana Galizia<\/a>), l-Ispeaker An\u0121lu Farrugia ser jara kif jag\u0127mel biex\u00a0 Justyne Caruana tg\u0127addiha lixxa.<\/p>\n

Dak huwa r-rekord tal-a\u0127\u0127ar tliet edukaturi ewlenin ta’ pajji\u017cna: Evarist Bartolo li feta\u0127 il-biben bera\u0127 biex titwettaq il-korruzzjoni, Owen Bonnici li kiser id-drittijiet tal-bniedem, u Justyne Caruana li berbqet flus il-poplu.<\/p>\n

Dawn l-edukaturi ewlenin qed jag\u0127tu l-e\u017cempju lil uliedna. Mhux ta’ b’xejn li issa u g\u0127al \u0121enerazzjonijiet futuri, d-dinja t\u0127ares lejna b\u0127ala pajji\u017c tal-\u0127allelin.<\/p>\n","protected":false},"excerpt":{"rendered":"

Dan l-a\u0127\u0127ar, bil-g\u0127an li jipprova jilg\u0127abha tal-inno\u010benti, Evarist Bartolo kiteb fuq Facebook li lkoll kemm a\u0127na ninsabu fid-dmir ni\u0121\u0121ieldu kontra l-korruzzjoni. Ma kitibx li hu baqa’ ma \u0121\u0121ilidx kontra l-korruzzjoni kull meta seta’ jag\u0127mel dan. Dan stqarru huwa stess f’intervista li kien ta lil Tim Sebastian li fiha ammetta li kien naqas bil-kbir li bil-fatti […]<\/p>\n","protected":false},"author":1,"featured_media":105703,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/105718\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=105718"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/105718\/revisions\/"}],"predecessor-version":[{"id":105816,"href":"https:\/\/manueldelia.com\/mt\/wp-json\/wp\/v2\/posts\/105718\/revisions\/105816\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/105703\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=105718"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=105718"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=105718"}],"curies":[{"name":"wp","href":"https:\/\/api.w.org\/{rel}","templated":true}]}}