{"id":107698,"date":"2022-02-24T16:56:22","date_gmt":"2022-02-24T15:56:22","guid":{"rendered":"https:\/\/manueldelia.com\/?p=107698"},"modified":"2022-02-25T16:43:04","modified_gmt":"2022-02-25T15:43:04","slug":"ir-4-jum-2-irrangali-sir","status":"publish","type":"post","link":"https:\/\/manueldelia.com\/mt\/2022\/02\/ir-4-jum-2-irrangali-sir\/","title":{"rendered":"Ir-4 jum: (2) Irran\u0121ali, sir"},"content":{"rendered":"

\"\"<\/p>\n

F’dawn l-a\u0127\u0127ar xhur sirna nafu bi skandli dwar multi tat-traffiku ma\u0127ru\u0121in mill-gwardjani mitfug\u0127in f’bir tas-skieken biex xi w\u0127ud setg\u0127u jg\u0127adduha lixxa. F’ka\u017c partikolari, jidher li negozjant (u allegat kriminal) t\u0127alla jgawdi b’qerq minn flus im\u0127allsin f’\u010bitazzjonijiet minn klijenti li kienu krew karrozzi ming\u0127andu u li kienu g\u0127addewlu l-\u0127las tal-multi li mbag\u0127ad spi\u010b\u010baw biex g\u0127addew fil-bwiet tan-negozjant u tal-kompli\u010bi tieg\u0127u.<\/p>\n

Hemm affarijiet li jtuni \u0121ewwa aktar minn o\u0127rajn. Din hi wa\u0127da minnhom. Meta fl-2000 kont bdejt na\u0127dem mal-uffi\u010b\u010bju ta’ Austin Gatt, id-dipartiment tieg\u0127u, dak i\u017c-\u017cmien immexxi minn Claudio Grech, kien qed jintrodu\u010bi t-tribunali lokali u l-gwardjani tat-traffiku. B\u0127al \u0127afna mill-inizjattivi politi\u010bi li kien \u0127a Austin Gatt, din ma kinitx wa\u0127da popolari g\u0127alkemm kienet wa\u0127da tajba.<\/p>\n

Wa\u0127da mill-miri politi\u010bi ta’ din l-inizjattiva, apparti d-di\u010bentralizzazzjoni ta’ kaw\u017ci minuri mill-Qrati \u010bentrali, kienet li jing\u0127ataw setg\u0127at lill-Kunsilli Lokali biex dawn ikunu jistg\u0127u jinfurzaw il-li\u0121i fil-lokalitajiet tag\u0127hom.<\/p>\n

Kien hemm ukoll mira o\u0127ra li ma tantx kienet tissemma’: il-\u0121lieda kontra l-korruzzjoni. Sistema \u0121dida \u0121abet mag\u0127ha l-\u0127ru\u0121 tal-multi di\u0121itali u \u0127adet post is-sistema ta’ kitba ta’ multi bl-idejn b\u0127al fil-ka\u017c tal-pulizija. Bis-sistema l-antika, ma kienx hemm mod kif wie\u0127ed seta’ jikkontrolla xi jkun in\u0127are\u0121 u x’ma jkunx in\u0127are\u0121. Pulizija seta’ jwa\u0127\u0127al multa ta’ Lm10. I\u017cda b’din is-sistema, lill-pulizija stajt t\u0127allsu Lm5 u ‘ja\u0127firlek’ i\u010b-\u010bitazzjoni: int tiffranka Lm5 u f’butu huwa jda\u0127\u0127al Lm5. Dak i\u017c-\u017cmien, dik kienet bi\u017c\u017cejjed biex titqies b\u0127ala korruzzjoni.<\/p>\n

Is-sistema di\u0121itali warrbet dan kollu billi n\u0127olqot sistema ta’ awditjar. Jekk multa ti\u0121i “kan\u010bellata”, dan kien jirri\u017culta mis-sistema u l-Kunsilli Lokali kienu jkunu jafu b’dan. Kull Kunsill Lokali g\u0127andu politi\u010bi mill-partit fl-Oppo\u017cizzjoni, u bosta minnhom huma mmexxija mill-partit fl-Oppo\u017cizzjoni. Dawn bilfors kienu jinteb\u0127u b’min ikun qed iqarraq bis-sistema u kien ikollhom kull interess li jikxfu l-ka\u017c. Ma setax ikun hemm sistema aktar trasparenti li tirregola t-twa\u0127\u0127il tal-multi.<\/p>\n

M’g\u0127andniex xi ng\u0127idu, tal-Labour din is-sistema ne\u0127\u0127ewha, l-amministrazzjoni tat-twa\u0127\u0127il tal-multi \u0121iet \u010bentralizzata u tqabbdu l-\u0127bieb biex imexxuha. B’hekk nfeta\u0127 il-bieb bera\u0127 g\u0127all-korruzzjoni li mill-iffrankar ta’ nofs multa ta’ Lm10 splodiet g\u0127all-qlig\u0127 ta’ \u20ac3 miljun ewro minn kon\u0121ura mmexxija minn kumpannija tal-kiri tal-karozzi li allegatament kienet biss il-qoxra ta’ barra tal-kriminalit\u00e0 organizzata.<\/p>\n

Meta int u jien, li nag\u0127mlu l-almu tag\u0127na biex nevitaw li niksru l-li\u0121i, i\u017cda li n\u0127allsu l-multi meta nonqsu u ninqabdu, naraw din il-kwalit\u00e0 ta’ korruzzjoni, g\u0127andna kull dritt nitfantsu. G\u0127ax nobdu l-li\u0121ijiet u n\u0127allsu l-multi meta ninqabdu, nitfantsu meta nsiru nafu li hawn min qed ixa\u0127\u0127am lil \u0127addie\u0127or u kollox jg\u0127addi b\u0127allikieku ma kien xejn.<\/p>\n

Napprezza l-fatt li tal-PN fehmu li \u010b-\u010bittadini onesti li jobdu l-li\u0121ijiet joqomsu u jirvellaw meta jisimg\u0127u bi \u0127wejje\u0121 b\u0127al dawn. I\u017cda jidhirli li s-soluzzjoni tal-PN, f’attentat li jkunu popolari, hi wa\u0127da populista. Ma ssolvix il-problema meta tag\u0127laq g\u0127ajnejk g\u0127all-ksur tal-li\u0121ijiet tat-traffiku darbtejn f’sena, ming\u0127ajr konsegwenzi. Li jwe\u0121\u0121a’ mhux li jkollok t\u0127allas multa ta’ \u20ac24 g\u0127ax tkun \u0127allejt il-karozza fuq bankina. Li jwe\u0121\u0121a’ hu li int ikollok t\u0127allas il-multa meta \u0127addie\u0127or ikun qed jg\u0127addiha lixxa.<\/p>\n

Hi din l-in\u0121ustizzja li l-PN je\u0127tie\u0121 li jindirizza.<\/p>\n

Barra minn hekk, nasal biex na\u010b\u010betta li jing\u0127alqu l-g\u0127ajnejn meta nikser il-li\u0121i darbtejn f’sena ming\u0127ajr ma nbati l-konsegwenzi jekk il-li\u0121i li nkun ksirt tkun wa\u0127da banali, b\u0127al pere\u017cempju li nipparkja qrib kantuniera. Nispera issa li m’a\u0127niex se noqog\u0127du nag\u0127tu permess lin-nies li darbtejn f’sena jkunu jistg\u0127u jipparkjaw fil-postijiet ri\u017cervati g\u0127al dawk b’di\u017cabbilt\u00e0, jew li ting\u0127ata amnestija darbtejn f’sena g\u0127al im\u0121iba li tista’ tqieg\u0127ed \u0127ajjet in-nies fil-periklu, b\u0127al sewqan b’velo\u010bit\u00e0 aktar minn dik permessa mill-ispeed camera.<\/p>\n

Din il-kwistjoni mhi \u010bara xejn u qed iddejjaqni.<\/p>\n","protected":false},"excerpt":{"rendered":"

F’dawn l-a\u0127\u0127ar xhur sirna nafu bi skandli dwar multi tat-traffiku ma\u0127ru\u0121in mill-gwardjani mitfug\u0127in f’bir tas-skieken biex xi w\u0127ud setg\u0127u jg\u0127adduha lixxa. F’ka\u017c partikolari, jidher li negozjant (u allegat kriminal) t\u0127alla jgawdi b’qerq minn flus im\u0127allsin f’\u010bitazzjonijiet minn klijenti li kienu krew karrozzi ming\u0127andu u li kienu g\u0127addewlu l-\u0127las tal-multi li mbag\u0127ad spi\u010b\u010baw biex g\u0127addew fil-bwiet […]<\/p>\n","protected":false},"author":1,"featured_media":107677,"comment_status":"open","ping_status":"closed","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/107698\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=107698"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/107698\/revisions\/"}],"predecessor-version":[{"id":107750,"href":"https:\/\/manueldelia.com\/mt\/wp-json\/wp\/v2\/posts\/107698\/revisions\/107750\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/107677\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=107698"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=107698"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=107698"}],"curies":[{"name":"wp","href":"https:\/\/api.w.org\/{rel}","templated":true}]}}