{"id":109077,"date":"2022-05-02T12:41:56","date_gmt":"2022-05-02T10:41:56","guid":{"rendered":"https:\/\/manueldelia.com\/?p=109077"},"modified":"2022-05-02T17:04:46","modified_gmt":"2022-05-02T15:04:46","slug":"il-puliizja-kemm-ser-iddum-bidejha-fuq-zaqqha","status":"publish","type":"post","link":"https:\/\/manueldelia.com\/mt\/2022\/05\/il-puliizja-kemm-ser-iddum-bidejha-fuq-zaqqha\/","title":{"rendered":"Il-Pulizija kemm ser iddum b’idejha fuq \u017caqqha?"},"content":{"rendered":"

\"\"<\/p>\n

Il-qorti llum tat sentenza li permezz tag\u0127ha qalet li \u0121urnalist kien irnexxielu sostanzjalment jipprova allegazzjonijiet li huwa kien xandar fl-2016 dwar Neville Gaf\u00e0.<\/a> Sadattant, David Lindsey – il-\u0121urnalist in kwistjoni – m’g\u0127adux ja\u0127dem ta’ \u0121urnalist u qed ja\u0127dem f’mestier differenti. Il-kaw\u017ca li saret kontrih kellha \u0127afna dewmien. Il-Ma\u0121istrat li kien beda jismag\u0127ha kien in\u0127atar Im\u0127allef u dan il-fatt \u0127oloq aktar dewmien.<\/p>\n

Ix-xhieda prin\u010bipali tal-\u0121urnalist kienu we\u0127lu fil-Libja fi \u017cmien il-gwerra \u010bivili u ma t\u0127allewx ji\u0121u Malta biex jixhdu. Dawn xtaqu jixhdu mil-Libja permezz tal-video conferencing, i\u017cda n\u0127ela \u0127afna u \u0127afna \u017cmien u ntalbu differimenti wie\u0127ed fuq ie\u0127or sakemm uffi\u010bjali tal-qorti taw x’jifhmu li riedu \u017cmien biex jitg\u0127allmu j\u0127addmu l-iSkype. Sadattant, kif inhu allegat, dak li beda l-kaw\u017ca – ji\u0121ifieri Gaf\u00e0 – mar il-Libja u lix-xhieda pprova jxa\u0127\u0127amhom u dan bil-g\u0127an li dawn joqog\u0127du lura milli jag\u0127tu x-xhieda tag\u0127hom.<\/p>\n

Saru bosta bsaten fir-roti. U, minkejja dan kollu, David Lindsey irnexxielu sostanzjalment jipprova li uffi\u010bjal g\u0127oli tal-gvern ipprova jxa\u0127\u0127am lil persuni li fil-gwerra \u010bivili tal-Libja kienu ndarbu jew baqg\u0127u ma ng\u0127atawx kura medika.<\/p>\n

Hija tassew \u0127asra li David Lindsey m’g\u0127adux ja\u0127dem b\u0127ala \u0121urnalista. Hi \u0127asra wkoll li ma ja\u0127dimx b\u0127ala pulizija jew b\u0127ala prosekutur pubbliku. G\u0127aliex, minkejja l-fatt li kellna nistennew 6 snin s\u0127a\u0127 sforz id-dewmien fil-qorti u sforz il-bsaten fir-roti li wettqu, sal-lum kien ikun irnexxielu jipprova b’mod sostanzjali d-delitti li wettaq Neville Gaf\u00e0 f’qorti kriminali minflok f’qorti \u010bivili u Neville Gaf\u00e0 kien ikollu j\u0127allas mhux biss l-ispejje\u017c legali.<\/p>\n

Jekk xejn, dan il-ka\u017c jikkonferma l-ur\u0121enza li tidda\u0127\u0127al il-“Li\u0121i ta’ Daphne”, ji\u0121ifieri r-rakkomandazzjonijiet li saru mill-Kumissjoni Ewropeja sabiex ji\u0121u riformati l-li\u0121ijiet tal-libell bil-g\u0127an li ji\u0121u m\u0127arsa l-\u0121urnalisti mill-effetti ta’ kaw\u017ci vessatorji. Jekk, fi\u017c-\u017cmien meta kienu saru dawn il-kaw\u017ci, kien hemm xi \u0127add li kien jaf sewwa li l-istorja li kien xandar David Lindsey kienet “sostanzjalment korretta”, dan kien Neville Gaf\u00e0. Dan ifisser li l-kaw\u017ca ma kien messu qatt g\u0127amilha u issa jmissu qed ibati l-konsegwenzi ta’ g\u0127emilu.<\/p>\n

Li kieku l-Li\u0121i ta’ Daphne kienet parti mil-li\u0121ijiet tag\u0127na, din il-kaw\u017ca kienet tkun ilha li nqatg\u0127et kontra Gaf\u00e0. U talli jkun g\u0127amilha, Gaf\u00e0 jkun imissu ji\u0121i m\u0121ieg\u0127el i\u0127allas id-danni lil David Lindsey.<\/p>\n

B’kitbietu, David Lindsey kien qed jipprovdi servizz lill-pubbliku u lill-qarrejja tieg\u0127u infurmahom li persuna li hi fil-qrib \u0127afna ta’ Joseph Muscat u ta’ Keith Schembri kienet qed ixa\u0127\u0127am lil persuni li kienu ndarbu u li kienu je\u0127tie\u0121u l-kura medika.\u00a0 Kif qatt tista’ storja ma tkunx fl-interess tal-pubbliku?<\/p>\n

U talli pprovda dan is-servizz, g\u0127al snin s\u0127a\u0127 David Lindsey \u0121ie ffastidjat u g\u0127ex ta\u0127t riskju finanzjarju serju.<\/p>\n

I\u017cda mhuwiex l-uniku vittma. Il-pubbliku kellu – u g\u0127adu – jissaporti l-pre\u017cunzjoni tal-inno\u010benza ta’ Neville Gaf\u00e0. Anki issa. Dan g\u0127aliex Neville Gaf\u00e0 qatt ma tressaq il-qorti – mhux g\u0127aliex huwa inno\u010benti (il-provi li tressqu u x-xhieda li nstemg\u0127et juru li mhuwiex) i\u017cda g\u0127aliex il-Pulizija g\u0127a\u017clet li tag\u0127laq g\u0127ajnejha.<\/p>\n

Dawn baqg\u0127u jillu\u017cingaw bit-tama li l-istorja tintnesa mal-medda ta\u017c-\u017cmien. Damu 9 snin biex ressqu lil John Dalli. 7 snin biex \u0127ar\u0121u mandat ta’ arrest kontra\u00a0 l-ku\u0121in ta’ Keith Schembri, Ryan. Damu 5 snin biex ressqu lil Keith Schembri l-qorti dwar il-\u0127adma tal-Allied Newspapers. G\u0127addew 7 snin minn meta fe\u0121\u0121 l-iskandlu tal-Panama Papers u Keith Schembri u Konrad Mizzi baqg\u0127u ma tressqux il-qorti. G\u0127addew 4 snin minn meta Ram Tumuluri telaq minn Malta u g\u0127addiet sena minn dakinhar li sirna nafu bil-\u0127lasijiet li kienu saru lil Joseph Muscat u \u0127add ma tressaq il-qorti dwar l-iskandlu tal-Vitals. G\u0127addew 7 snin minn dakinhar li Daphne Caruana Galizia kixfet\u00a0 it-ta\u0127wid tas-sid tal-Pilatus Bank u d-diretturi tieg\u0127u g\u0127adhom sal-lum ji\u0121ru barra. U dan biex insemmu w\u0127ud mill-ka\u017cijiet biss.<\/p>\n

Kien hemm \u017cmien li fih bdew iwa\u0127\u0127lu f’Ian Abdilla. I\u017cda dan g\u0127amluh waqt l-inkjesta pubblika sentejn ilu. Sadattant la tressaq il-qorti Ian Abdilla u wisq inqas Lawrence Cutajar.<\/p>\n

Tajjeb li nibqg\u0127u ninsistu li l-\u0121urnalisti g\u0127andhom ji\u0121u m\u0127arsa. Dan nag\u0127mluh g\u0127aliex irridu li l-pubbliku jibqa’ jkun infurmat.<\/p>\n

I\u017cda lill-pubbliku infurmat min qed jag\u0127millu tajjeb kull darba li l-Pulizija, minkejja li jkollha l-informazzjoni kollha, tibqa’ b’idejha fuq \u017caqqha?<\/p>\n","protected":false},"excerpt":{"rendered":"

Il-qorti llum tat sentenza li permezz tag\u0127ha qalet li \u0121urnalist kien irnexxielu sostanzjalment jipprova allegazzjonijiet li huwa kien xandar fl-2016 dwar Neville Gaf\u00e0. Sadattant, David Lindsey – il-\u0121urnalist in kwistjoni – m’g\u0127adux ja\u0127dem ta’ \u0121urnalist u qed ja\u0127dem f’mestier differenti. Il-kaw\u017ca li saret kontrih kellha \u0127afna dewmien. Il-Ma\u0121istrat li kien beda jismag\u0127ha kien in\u0127atar Im\u0127allef […]<\/p>\n","protected":false},"author":1,"featured_media":109068,"comment_status":"open","ping_status":"closed","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/109077\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=109077"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/109077\/revisions\/"}],"predecessor-version":[{"id":109087,"href":"https:\/\/manueldelia.com\/mt\/wp-json\/wp\/v2\/posts\/109077\/revisions\/109087\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/109068\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=109077"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=109077"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=109077"}],"curies":[{"name":"wp","href":"https:\/\/api.w.org\/{rel}","templated":true}]}}