![\"\"](\"https:\/\/manueldelia.com\/wp-content\/uploads\/2022\/05\/local_05_temp-1508446192-59e90ff0-620x348-1.jpg\")
<\/p>\n<\/p>\n
Flimkien ma’ \u0121urnalisti o\u0127rajn, l-Ewroparlamentari mill-kumitat LIBE li din il-\u0121img\u0127a \u017caru Malta<\/a> stednuni biex inwasslilhom il-\u0127sibijiet tieg\u0127i dwar il-progress li g\u0127amlet Malta fejn g\u0127andha x’taqsam id-demokrazija u s-saltna tad-dritt.<\/p>\n Dawn talbuna wkoll biex ng\u0127idulhom x’g\u0127ajnuna tista’ tag\u0127tina l-Unjoni Ewropea. Fi kliem ie\u0127or, kif tista’ l-Unjoni Ewropea taqlag\u0127na mil-letar\u0121ija li g\u0127andna fil-konfront tat-twettiq tar-riformi demokrati\u010bi? Jew inkella, kif tista’ l-Unjoni Ewropea tin\u010bentiva t-twettiq tar-riformi?<\/p>\n Dawn il-mistoqsijiet huma aktar rilevanti fil-ka\u017c tal-Ungerija. Ma’ dan il-pajji\u017c, l-Unjoni Ewropea qed t\u0127ejji t-triq biex tissospendi l-benefi\u010b\u010bji finanzjarji li \u0121\u0121ib mag\u0127ha s-s\u0127ubija sakemm ter\u0121a’ ti\u0121i rispettata s-saltna tad-dritt. L-Unjoni Ewropea g\u0127andha timxi fl-istess triq fil-konfront ta’ Malta?<\/p>\n L-Ewroparlamentari ma \u0121ewx hawn biex jhedduna. Din il-mistoqsija g\u0127amluha sabiex ji\u0121u identifikati r-riformi li t-twettiq tag\u0127hom jista’ jissarraf f’aktar benefi\u010b\u010bji u mhux biex jaraw x’kastigi jistg\u0127u jing\u0127atawlna kemm-il darba r-riformi ma nda\u0127\u0127luhomx.<\/p>\n Kien hemm minn fost s\u0127abi li be\u017cg\u0127u li jista’ jkun hemm reazzjoni negattiva kemm-il darba l-Unjoni Ewropea titpin\u0121a b\u0127ala organizzazzjoni li tu\u017ca l-mezzi finanzjarji biex timponi r-rieda tag\u0127ha fuq Malta. Lil dawn nasal biex nifhimhom. I\u017cda jien nemmen li jkun dejjem a\u0127jar jekk l-Unjoni Ewropea tibqa’ dejjem fuq in-na\u0127a tas-sewwa milli tibqa’ tissussidja dawk il-pajji\u017ci li jheddu d-demokrazija fi \u0127danhom stess.<\/p>\n It-twe\u0121iba tieg\u0127i fil-qosor lill-Ewroparlamentari u lill-a\u0121enzija internazzjonali hi din li \u0121ejja: ibqg\u0127u iffukaw fuq Malta, ibqg\u0127u g\u0127amlu l-pressjoni fuq l-awtoritajiet Maltin, ibqg\u0127u g\u0127amlu l-parti tag\u0127kom sakemm taraw li l-\u0127idma tag\u0127kom bdiet tag\u0127ti l-frott.<\/p>\n I\u017cda hemm ukoll kwistjoni o\u0127ra. Sabiex tassew ise\u0127\u0127u t-tibdiliet, mhux bi\u017c\u017cejjed li jkun hemm pressjoni minn barra. Je\u0127tie\u0121 li jkun hemm pressjoni minn \u0121ewwa wkoll. Huwa fa\u010bli li wie\u0127ed jixli lill-awtoritajiet b’letar\u0121ija u b’a\u0121ir ta’ nofs kedda. Il-problema tinsab fil-fatt li, fejn tid\u0127ol il-governanza tajba, l-poplu Malti ji\u0121i, jaqa’ u jqum.<\/p>\n Ag\u0127tu daqqa t’g\u0127ajn lejn l-artiklu li kiteb fit-Times of Malta<\/em> llum l-eks Prim Im\u0127allef u eks Ombudsman Joe Said Pullicino<\/a>. Hu u jindirizza lill-istudenti tal-li\u0121i, wera dispja\u010bir tieg\u0127u g\u0127all-fatt li dawn ji\u0121u jaqg\u0127u u jqumu mill-governanza tajba ta’ pajji\u017chom. Ji\u0121u jaqg\u0127u u jqumu jew inkella jib\u017cg\u0127u li jsemmg\u0127u le\u0127inhom.<\/p>\n L-artiklu ta’ Joe Said Pullicino huwa twiddiba i\u017cda ma na\u0127sibx li jammonta g\u0127al kritika \u0127arxa. Il-kritika \u0127arxa jidher li ma twassal imkien. Kif ammetta l-eks Prim Im\u0127allef stess, l-assassinju permezz ta’ karrozza-bomba ta’ \u0121urnalista li kienet qed tinvestiga l-korruzzjoni ma qeridx il-letar\u0121ija. Lanqas mhi ser teqridha t-twiddiba ta’ anzjan li g\u0127andu fuq it-tmenin sena.<\/p>\n Ma nafx x’inhu g\u0127addej minn mo\u0127\u0127 l-istudenti tal-li\u0121i, jew g\u0127allinqas ta’ dawk li qraw l-artiklu. Wara li jkunu qrawh ma nafx humiex ser i\u0127ossu li kien messhom g\u0127amlu aktar jew li minn issa ‘l quddiem g\u0127andhom ikunu aktar attivi b’ri\u017cq pajji\u017chom u b’ri\u017cq poplu ingrat u letar\u0121iku.<\/p>\n X’inhu g\u0127addej minn mo\u0127\u0127 Joe Said Pullicino, jien ma nafx lanqas. I\u017cda nista’ nimma\u0121ina x’\u0127ass hu u jisma’ lill-Prim Ministru Robert Abela u lill-eks Ministri tal-\u0120ustizzja Edward Zammit Lewis u Owen Bonnici jpin\u0121u tibdiliet nofs kedda tag\u0127hom b\u0127ala \u201criformi bla pre\u010bedent\u201d jew li dawn “jirrispettaw is-saltna tad-dritt” b\u0127al qatt qabel.<\/p>\n Dan qed ng\u0127idu mhux g\u0127aliex Joe Said Pullicino g\u0127andu kompetenza professjonali kbira u huwa bniedem mog\u0127ni b’bi\u017c\u017cejjed esperjenza legali u amministrattiva biex jg\u0127arbel dawn it-taparsi riformi. Said Pullicino jaf ben tajjeb li s-“saltna tad-dritt” tfisser \u0127afna aktar minn dak li ming\u0127alih tfisser il-gvern.<\/p>\n Min jaf x’qed i\u0127oss \u0121o fih hu u jiftakar f’dak li \u0127ass hu u jisma’ x-xhieda waqt l-inkjesta pubblika dwar il-qtil ta’ Daphne Caruana Galizia. Bosta huma dawk li qraw bi\u010b\u010biet minn dak li qalu diversi xhieda waqt l-inkjesta. O\u0127rajn kienu pre\u017centi fl-awla b’mod partikolari waqt li kienet qed tinstema’ x-xhieda li taw Joseph Muscat, Keith Schembri u Konrad Mizzi.<\/p>\n Joe Said Pullicino kien wie\u0127ed mit-tliet im\u0127allfin li sema’ fis-skiet u b’pa\u010benzja kbira dak kollu li dawn kellhom xi jg\u0127idu u m’g\u0127andix dubju li baqa’ kalm u \u017camm kontroll s\u0127i\u0127 g\u0127ax lil dawn tliet xhieda korrotti, g\u0127a\u017c\u017cenin, arroganti u kriminali li dehru quddiemu ma bag\u0127athomx jixxejru. Lanqas l-avukati tal-familja ma kienu pre\u017centi biex jg\u0127addu xi rimarka ‘l hemm u ‘l hawn.<\/p>\n Huwa \u017camm dinjit\u00e0 s\u0127i\u0127a minkejja l-fatt li Malta, il-li\u0121ijiet tag\u0127ha, il-gvern tag\u0127ha u l-poplu tag\u0127ha kienu fl-i\u017cbarra mixlijin b’indifferenza patolo\u0121ika jew bi twettiq ta’ vjolenza. Hu u s\u0127abu ma setg\u0127ux ma jsejsux il-konklu\u017cjonijiet tag\u0127hom fuq dak li kienu semg\u0127u mix-xhieda tal-inkjesta – ji\u0121ifieri li pajji\u017cna huwa g\u017cira qattiela – kif sej\u0127ilha Carlo Bonini fl-ewwel ktieb tieg\u0127u dwar is-su\u0121\u0121ett: \u201cL\u2019isola assassina<\/a>\u201d<\/em><\/p>\n