{"id":111334,"date":"2022-09-04T18:27:14","date_gmt":"2022-09-04T16:27:14","guid":{"rendered":"https:\/\/manueldelia.com\/?p=111334"},"modified":"2022-09-07T08:28:05","modified_gmt":"2022-09-07T06:28:05","slug":"waslet-is-siegha","status":"publish","type":"post","link":"https:\/\/manueldelia.com\/mt\/2022\/09\/waslet-is-siegha\/","title":{"rendered":"Waslet is-sieg\u0127a"},"content":{"rendered":"

\"\"<\/p>\n

Stqarrija ta’ Repubblika, #occupyjustice, u manueldelia.com:<\/em><\/p>\n

DIMOSTRAZZJONI TA\u2019 PROTESTA: IRRIDU AZZJONI KONTRA L-KORRUZZJONI!<\/p>\n

Kuljum a\u0127na l-Maltin u l-G\u0127awdxin insiru nafu b\u2019fatti \u0121odda ta\u2019 korruzzjoni. Minkejja dan, l-impunit\u00e0 g\u0127adha r-regola. Hawn klassi ta\u2019 politi\u010bi u nies qrib tag\u0127hom li huma meqjusa minn elementi fl-istituzzjonijiet li ma jista\u2019 g\u0127alihom \u0127add.<\/p>\n

G\u0127alina dan mhux a\u010b\u010bettabbli. M\u2019a\u0127niex ser nittolleraw li f\u2019pajji\u017cna jibqa\u2019 jkun hawn klassi ta\u2019 nies li jitqiesu li huma \u2019l fuq mil-li\u0121i. Ma rridux nisimg\u0127u aktar paroli. Irridu azzjoni konkreta.<\/p>\n

Il-Korp tal-Pulizija u l-Uffi\u010b\u010bju tal-Avukat \u0120enerali g\u0127adhom strumenti ta\u2019 impunit\u00e0 g\u0127all-politi\u010bi u dawk qribhom b\u0127al meta kienu mmexxija minn Lawrence Cutajar u Peter Grech.<\/p>\n

Angelo Gaf\u00e0 u Victoria Butti\u0121ie\u0121 sa\u0127ansitra irrifjutaw li jmexxu kontra l-klikka tal-Pilatus Bank, minkejja li kienu ordnati jmexxu kontrihom minn Ma\u0121istrat Inkwirenti.<\/p>\n

Dalg\u0127odu smajna b\u2019fatti \u0121odda li jispjegaw i\u010b-\u010birkustanzi li fihom Joseph Muscat u Konrad Mizzi wikkew lill-Poplu Malti bil-kuntratt korrott tal-Electrogas.<\/p>\n

Repubblika, Occupy Justice u manueldelia.com qed isej\u0127u dimostrazzjoni ta\u2019 protesta bit-tema: \u201cIRRIDU AZZJONI KONTRA L-KORRUZZJONI\u201d g\u0127al nhar it-Tlieta 6 ta\u2019 Settembru fil-Belt Valletta, fis-7.30 pm. Id-dimostrazzjoni tibda minn quddiem Wembley Store fi Triq ir-Repubblika.<\/p>\n

Meta d-dismostrazzjoni tasal fi Pjazza l-Assedju l-Kbir, il-President ta\u2019 Repubblika ser ji\u017cvela kelma b\u2019kelma l-ordni li ta l-Ma\u0121istrat Inkwirenti lill-Kummissarju tal-Pulizija u l-Avukat \u0120enerali fl-Inkjesta tal-Pilatus Bank, liema ordni ma \u0121ietx obduta.<\/p>\n

Nappellaw lill-Maltin u l-G\u0127awdxin ta\u2019 rieda tajba biex jing\u0127aqdu mag\u0127na nhar it-Tlieta filg\u0127axija fl-isforz tag\u0127na biex innaddfu lil pajji\u017cna.<\/p>\n