{"id":116203,"date":"2023-05-31T07:11:56","date_gmt":"2023-05-31T05:11:56","guid":{"rendered":"https:\/\/manueldelia.com\/?p=116203"},"modified":"2023-05-31T11:42:26","modified_gmt":"2023-05-31T09:42:26","slug":"l-isfiducja-fil-partit-laburista-stiednuha-bidejhom","status":"publish","type":"post","link":"https:\/\/manueldelia.com\/mt\/2023\/05\/l-isfiducja-fil-partit-laburista-stiednuha-bidejhom\/","title":{"rendered":"L-isfidu\u010bja fil-Partit Laburista stiednuha b’idejhom"},"content":{"rendered":"

\"\"<\/p>\n

Aktar tinteressani r-reazzjoni g\u0127all-in\u010bident tal-biera\u0127 dwar l-Awtorit\u00e0 tal-Ippjanar mill-in\u010bident innifsu. Ejjew naraw ftit x’kien dak li se\u0127\u0127 il-biera\u0127.<\/p>\n

Il-gvern offra \u20ac4 miljun lis-sidien ta’ djar li jinsabu fi\u010b-\u010bentri tal-ir\u0127ula sabiex isir xog\u0127ol ta’ tiswija fuqhom. Bis-sa\u0127\u0127a tal-iskema, wie\u0127ed ikun jista’ jifdi sa \u20ac11,000 mill-ispejje\u017c li jkun nefaq. Din l-iskema, li kienet in\u0127ar\u0121et ukoll fl-img\u0127oddi u wie\u0127ed jifhem li hi popolari man-nies, il-biera\u0127 ixxandret fuq il-website<\/em> tal-Awtorit\u00e0 tal-Ippjanar. I\u017cda wara biss 15 il-minuta minn meta nfet\u0127et, is-sistema tal-mili tal-applikazzjonijiet ikkraxxjat. Bosta kienu dawk li baqg\u0127u b’xiber imnie\u0127er hekk kif l-applikazzjoni li kienu qed jimlew g\u0127ebet minn fuq l-iscreen<\/em> tag\u0127hom.<\/p>\n

Nag\u0127milha \u010bara li jekk website<\/em> tir\u010bievi aktar \u017cjajjar minn dak li kien mistenni, x’aktarx li din\u00a0 tikkraxxja. Dawn l-affarijiet ji\u0121ru. Il-websites<\/em> jie\u0127du l-ispazju u jekk ikun hemm folla mdaqqsa li tipprova tg\u0127addi minn bieb dejjaq, il-bieb jispi\u010b\u010ba biex i\u010bedi.<\/p>\n

Il-biera\u0127 filg\u0127axija, l-ministru responsabbli stqarr li, f’temp ta’ ftit minuti, l-offerta tal-gvern kienet ittie\u0127det kollha. Araw x’qal skont rapport imxandar fil-Malta Today<\/em>: \u201cIl-Ministru tal-Ippjanar Stefan Zrinzo Azzopardi fil-parlament qal li f’temp ta’ ftit minuti wara li l-iskema nfet\u0127et f’nofsinhar, kienu ntefg\u0127u aktar minn 350 applikazzjoni. (Hu) qal li l-iskema ma’ taqbi\u017cx l-\u20ac4 miljun u li ser jinqdew l-applikanti li japplikaw l-ewwel.\u201d<\/a><\/p>\n

Din l-ispjegazzjoni hi pjuttost stramba. B’massimu ta’ \u20ac11,000 kull wa\u0127da – u wie\u0127ed jassumi li kull applikant talab li jing\u0127ata l-massimu – it-350 applikazzjoni flimkien jammontaw g\u0127al madwar \u20ac4 miljun. Il-ministru semma’ li kien hemm “aktar minn” 350 applikazzjoni i\u017cda ma qalx kemm kien hemm aktar. X’aktarx ma kienx hemm \u0127afna aktar minn 350 applikazzjoni g\u0127aliex, li kieku kien hekk, il-ministru kien jg\u0127id kemm kien in-numru e\u017catt.<\/p>\n

Jidher g\u0127alhekk li s-sistema kkraxxjat (jew, kif qed ig\u0127idu dawk li baqg\u0127u b’xiber imnie\u0127er, il-bieb issabbat f’wi\u010b\u010bhom) hekk kif da\u0127lu bi\u017c\u017cejjed applikazzjonijiet li le\u0127qu l-ammont massimu.<\/p>\n

Dan jista’ jkun jew jista’ ma jkunx misteru.<\/p>\n

Kienet ir-reazzjoni tan-nies li \u0121ibditli l-attenzjoni. Din ta’ hawn ta\u0127t hi konversazzjoni li se\u0127\u0127et ta\u0127t post<\/em> li tella’ partitarju Laburista. Dawk li \u0127adu sehem fil-konversazzjoni kwa\u017ci kollha stqarrew li huma Laburisti u li huma favur l-iskema. I\u017cda lkoll esprimew dubji serji kemm l-iskema kienet \u0127ielsa minn xi forma ta’ korruzzjoni jew favoriti\u017cmu.<\/p>\n