{"id":116708,"date":"2023-07-17T22:33:50","date_gmt":"2023-07-17T20:33:50","guid":{"rendered":"https:\/\/manueldelia.com\/?p=116708"},"modified":"2023-07-18T08:28:35","modified_gmt":"2023-07-18T06:28:35","slug":"ribelljoni-u-daqqa-ta-stallett-li-wasslu-l-bastiment-fil-port","status":"publish","type":"post","link":"https:\/\/manueldelia.com\/mt\/2023\/07\/ribelljoni-u-daqqa-ta-stallett-li-wasslu-l-bastiment-fil-port\/","title":{"rendered":"Ribelljoni u daqqa ta’ stallett li wasslu l-bastiment fil-port"},"content":{"rendered":"

\"\"<\/p>\n

G\u0127adni kemm attendejt g\u0127all-velja li saret fil-pjazza ta’ quddiem Kastilja li ssej\u0127et favur it-tnedija ta’ inkjesta pubblika dwar i\u010b-\u010birkostanzi li wasslu g\u0127all-qtil ta’ Jean Paul Sofia. Kull min attenda kien jaf bil-quddiem li l-g\u0127an uffi\u010bjali tal-velja kien di\u0121\u00e0 ntla\u0127aq. Sa minn dalg\u0127odu kien jidher li Robert Abela kien ser ikollu j\u010bedi l-armi u jag\u0127ti widen g\u0127all-karba tan-nies. U tabil\u0127aqq, fis-18:30, e\u017catt 90 minuta qabel bdiet il-protesta barra l-uffi\u010b\u010bju tieg\u0127u, huwa \u0127abbar li kienet ser titnieda inkjesta pubblika.<\/p>\n

Ftit wara li tlaqt mill-velja, tfa\u010b\u010ba Robert Abela u mexa’ biswit ix-xemg\u0127at mixg\u0127ulin li dawk li attendew \u0127allew quddiem ritratt ta’ Jean Paul Sofia. Mid-dehra, Robert Abela stenna li kien ser ikun hemm min i\u010bap\u010bplu. Jista’ jag\u0127ti l-ka\u017c ukoll li \u0127aseb li n-nies ser tammirah g\u0127al dak li ming\u0127alih jammonta g\u0127al kura\u0121\u0121. Il-verit\u00e0 hi li \u0127are\u0121 \u0127ar\u0121a ta’ buffu li jinsab imdawwar b’\u010borma ta’ esperti fil-buffunati.<\/p>\n

Li kieku sejja\u0127 inkjesta pubblika meta saritlu t-talba biex isejja\u0127ha, li kieku a\u010b\u010betta l-mozzjoni li ressqet l-oppo\u017cizzjoni l-\u0121img\u0127a li g\u0127addiet, li kieku qag\u0127ad fuq il-pariri li tawh id-deputati tieg\u0127u, li kieku ta widen minflok pa\u010bpa\u010b hu biss, ma kienx ikun hemm g\u0127alfejn li tissejja\u0127 il-protesta tal-lum u b\u0127alissa ninsabu appik li nsiru nafu fejn kienu n-nuqqasijiet tal-gvern tieg\u0127u fit-t\u0127aris ta’ \u0127ajjet Jean Paul Sofia u ta’ \u0127ajjet tant vittmi o\u0127rajn tal-industrija tal-kostruzzjoni.<\/p>\n

Robert Abela \u0121ie bbuwjat u mg\u0127ajjar “pul\u010binell” mill-folla pre\u017centi fil-pjazza. U wie\u0127ed ma jistax ig\u0127id jekk, ta’ vavu li hu, fil-fatt stenniex u xtaqx li jkollu reazzjoni ostili b\u0127al din biex imbag\u0127ad ikun jista’ jilg\u0127abha tal-vittma waqt velja g\u0127al \u017cag\u0127\u017cug\u0127 ta’ 20 sena li spi\u010b\u010ba mirdum ta\u0127t binja mibnija fuq art pubblika, jew inkella ma stenniex dik ir-razzjoni ostili u fil-fantasiji ta’ mo\u0127\u0127u kien ming\u0127alih li n-nies kienet ser toqg\u0127od i\u010b\u010bap\u010baplu u tixg\u0127al ix-xemg\u0127at f’\u0121ie\u0127u.<\/p>\n

Huwa minnu li m’hemm xejn ta’ barra minn hawn li jkollok persuna – sa\u0127ansitra anki prim ministru – li, hu u jinteba\u0127 li tilef argument, jer\u0121a’ jibdielu. I\u017cda wie\u0127ed qabel xejn g\u0127andu jifhem i\u010b-\u010birkostanzi ta’ dan il-ka\u017c.<\/p>\n

G\u0127al xhur s\u0127a\u0127, Robert Abela baqa’ jinjora t-talba ta’ omm Jean Paul Sofia, Isabelle Bonnici, biex titnieda inkjesta pubblika. U dakinhar li l-oppo\u017cizzjoni mponiet dibattitu parlamentari, \u0121ieg\u0127el lid-deputati tieg\u0127u – anki dawk li privatament kienu qed iwissuh li kien ser jag\u0127mel \u017cball kbir – jivvutaw kontra l-mozzjoni. U waqt li missier Jean Paul Sofia beda’ jg\u0127ajjat u jirrabja mill-iStranger\u2019s Gallery<\/em> u waqt li l-omm imnikkta ta’ Jean Paul bkiet karba ta’ agunija quddiem il-bieb tal-Parlament, Robert Abela g\u0127adda dritt minn quddiemhom bla kliem u bla sliem.<\/p>\n

L-istazzjon televi\u017civ tal-partit tieg\u0127u dlonk xag\u0127al bil-messa\u0121\u0121 propagandistiku li t-tnedija ta’ nkjesta pubblika jkun \u017cball. U dan il-messa\u0121\u0121 t\u0127allat ukoll mal-kefrija ta’ messa\u0121\u0121i o\u0127rajn fis-sens li l-qraba tal-vittma kienu qed jitmexxew minn imne\u0127irhom mill-PN u li kien mo\u0127\u0127hom biss fil-flus.<\/p>\n

I\u017cda llum it-tapit in\u0121ibed minn ta\u0127t saqajn il-prim ministru. Xi rjus fil-Partit Laburista heddewh li kienu ser jisfidawh. Wara li l-biera\u0127 xandret twissija fuq il-\u0121urnal tag\u0127ha li l-protesta tal-lum fil-Belt Valletta hi xog\u0127ol l-g\u0127edewwa tal-Partit Laburista, llum il-General Workers\u2019 Union \u0127abbret li kienet ser tattendi g\u0127all-protesta li kienet favur it-tnedija ta’ inkjesta pubblika. Kien \u010bar li xi ribelli kienu qed jimmobilizzaw xi ferg\u0127at fil-makna tal-Partit Laburista kontra l-mexxej u kienu qed i\u0127ajruhom jippuntaw il-kanuni g\u0127al fuqu.<\/p>\n

Joseph Muscat \u0127ataf l-opportunit\u00e0 u appo\u0121\u0121ja lir-ribelli biex b’hekk niffed sider is-su\u010b\u010bessur tieg\u0127u b’stallett. Hu u jin\u017cel g\u0127arkupptejh, Robert Abela g\u0127ajjat l-g\u0127ajta “et tu Joseph”<\/em>. U l-kolp intern intemm. Ras Robert Abela ma n\u0127asditx, i\u017cda s-sa\u0127\u0127a politika li kellu tista’ tg\u0127id li spi\u010b\u010bat fix-xejn u nkixfet id-dg\u0127jufija tieg\u0127u.<\/p>\n

F’Malta t-terrimoti fi\u010b-\u010bentri tal-poter qed ise\u0127\u0127u bejn erba’ \u0127itan.<\/p>\n

\u0126amest ijiem ilu biss, il-Parlament – fuq il-karta u skont il-Kostituzzjoni, l-og\u0127la istituzzjoni tal-pajji\u017c u l-entit\u00e0 li tirrappre\u017centa s-sovranit\u00e0 tal-poplu – ivvota kontra mozzjoni biex titnieda inkjesta pubblika. Minflok, il-Parlament g\u0127adda ri\u017coluzzjoni li b’mod impli\u010bitu dde\u010bieda li m’g\u0127andhiex titnieda nkjesta pubblika. Robert Abela vvota flimkien mal-ma\u0121\u0121oranza parlamentari.<\/p>\n

Illum, wara li g\u0127addew biss \u0127amest ijiem, il-prim ministru Robert Abela mesa\u0127 il-warrani tieg\u0127u b’dik ir-ri\u017coluzzjoni parlamentari u dde\u010bieda li jmur kontra dak li l-Parlament dderi\u0121ieh li g\u0127andu jag\u0127mel. Ji\u0121ifieri dde\u010bida favur it-tnedija ta’ inkjesta pubblika. Issa jien wie\u0127ed minn dawk li dejjem sostnejt li g\u0127andu jkun hemm inkjesta pubblika. I\u017cda nemmen ukoll li, f’sistema ta’ demokrazija parlamentari, qabel il-gvern jidde\u010bidi li jinjora l-ordnijiet tal-Parlament, g\u0127andu jmur lura lejn il-Parlament u jitlob li dawn l-ordnijiet g\u0127andhom jit\u0127assru.<\/p>\n

It-titlu ori\u0121inali ta’ din il-kitba kien \u2018Parlament g\u0127a\u017c-\u017cobb\u2019<\/strong> g\u0127aliex x’jiswa’ li jkollna Parlament meta Robert Abela nhar l-Erbg\u0127a jidde\u010biedi mod u t-Tnejn ta’ wara jidde\u010biedi li jinjora dak li kien \u0121ie ordnat.<\/p>\n

Araw kif il-prim minstru g\u0127adda ri\u017coluzzjoni parlamentari li tkompli tag\u0127fas fuq dak li stqarr f’\u017cew\u0121 ittri formali u f’diversi stqarrijiet pubbli\u010bi aggressivi tieg\u0127u bil-g\u0127an li jag\u0127mel pressjoni fuq il-prim im\u0127allef biex tfittex tintemm l-inkjesta kriminali dwar il-mewt ta’ Jean Paul Sofia. Illum stqarr li dde\u010bieda favur it-tnedija ta’ inkjesta pubblika g\u0127aliex \u201cil-gvern mhux ser jippermetti li jin\u017camm osta\u0121\u0121 mill-qrati”.<\/p>\n

Naraw ftit x’ried ifisser b’dan. L-ewwelnett, dan ifisser li l-inkjesta pubblika ser titnieda g\u0127al ra\u0121unijiet \u017cbaljati, u dan biex tag\u0127mel tajjeb g\u0127all-fatt li l-pro\u010bess \u0121udizzjarju m’huwiex jog\u0127\u0121bu. Lo\u0121ika b\u0127al din tkun tfisser li nkjesta pubblika titqies b\u0127ala pro\u010bess li jikkompeti u li jimmina l-pro\u010bess \u0121udizzjarju.<\/p>\n

It-tieni, pro\u010bess \u0121udizzjarju u \u017c-\u017cmien li dan jie\u0127u biex jintemm kif qatt jista’ “j\u017comm lill-gvern b’osta\u0121\u0121”? Il-ferg\u0127a \u0121udizzjarja m’hix kontabbli lejn il-prim ministru. Din hi r-ra\u0121uni ewlenija wara l-indipendenza tal-\u0121udikatura. Jekk huwa tabil\u0127aqq minnu li l-prim ministru qed ig\u0127attu xtur il-kriminali, jkun gwaj jekk nispi\u010b\u010baw ikollna \u0121udikatura ta\u0127t pressjoni biex tfittex te\u0127les pro\u010bess i\u0121ri u \u0121erri.<\/p>\n

Sadattant qed nisma’ xnig\u0127at li l-prim ministru sa wasal biex inqeda’ bl-avukat \u0121enerali Victoria Buttigieg biex i\u0121ieg\u0127el lill-ma\u0121istrat titlob estensjoni g\u0127all-inkjesta, de\u010bi\u017cjoni li\u00a0 aktar tard ikun jista’ jsawwatha biha pubblikament. Il-ma\u0121istrat ma ta\u0127tix u xog\u0127olha ma jinkludix dan il-manuvrar politiku kollu mal-prim ministru.<\/p>\n

M’hemmx rabta bejn kull dewmien minn na\u0127a tal-ma\u0121istrat mal-bidu tal-pro\u010beduri fil-qrati.\u00a0 \u0120aladarba l-pulizija hi tabil\u0127aqq kontabbli lejn il-prim ministru, l-prim ministru g\u0127aliex ma talabhiex tg\u0127idlu meta bi \u0127siebha tmexxi bil-prosekuzzjonijiet?<\/p>\n

I\u017cda ejja ma niddevjawx i\u017c\u017cejjed mill-punt li nixtieq nag\u0127mel.<\/p>\n

F’dan il-ka\u017c il-kap tal-e\u017cekuttiv, Robert Abela, mmina \u017cew\u0121 ferg\u0127at o\u0127ra li kostituzzjonalment je\u0127tie\u0121 li jkunu indipendenti minnu. G\u0127adu kemm injora de\u010bi\u017cjoni tal-Parlament u g\u0127amel l-arja mal-\u0121udikatura. La l-iSpeaker<\/em> tal-Parlament (pupazz f’idejn il-gvern) u lanqas il-Prim Im\u0127allef (li qed jidher li qed jonqos li j\u0127ares il-ferg\u0127a \u0121udizzjarja mill-ind\u0127il tal-gvern) ma tniffsu.<\/p>\n

Lil Joseph Muscat u lil Robert Abela, l-poplu vvotalhom bi \u0127\u0121aru. U kull darba li ppruvaw jimminaw is-saltna tad-dritt, ir-risposta kienet tkun \u201cerbg\u0127in elf\u201d. Ji\u0121ifieri li, skont il-filosofija tal-g\u0127aref Musumeci, Muscat u Abela g\u0127andhom l-appo\u0121\u0121 popolari u li g\u0127aldaqstant g\u0127andhom kull dritt li jarmu l-ba\u0127ar kull mekkani\u017cmu Kostituzzjonali.<\/p>\n

Din l-interpretazzjoni li l-poplu – g\u0127allinqas il-bi\u010b\u010ba l-kbira tieg\u0127u – jidher li g\u0127o\u0121bitu.<\/p>\n

U issa dawn huma l-konsegwenzi. Prim Ministru setg\u0127an li g\u0127andu s-sa\u0127\u0127a j\u0121ieg\u0127el 40 deputat parlamentari jivvutaw favur ri\u017coluzzjoni li manifestament tmur kontra l-kuxjenza tag\u0127hom anki jekk iqisuha b\u0127ala \u017cball li jimmina l-ordni demokratiku. L-i\u017cbalji ma jistg\u0127ux jevitawhom g\u0127aliex kemm l-Invictus Joseph Muscat u Robert Abela Qalb in-Nies huma t-tnejn tad-demm u l-la\u0127am. U aktar ma l-prim ministru jkollu setg\u0127a f’idejh, il-konsegwenzi tal-i\u017cbalji tieg\u0127u jkunu akbar.<\/p>\n

Robert Abela lanqas biss g\u0127addietlu minn rasu biex jer\u0121a’ jirreferi kollox lill-Parlament meta llum idde\u010bida li jag\u0127mel il-kutrumbajsa li g\u0127amel. Lanqas biss \u0127asibha li kien je\u0127tie\u0121lu jirrispetta l-indipendenza tal-\u0121udikatura hu u j\u017ceblah lill-qrati biex il-partitarji jkollhom fuqhiex jirrabjaw.<\/p>\n

\u0126afna drabi s-sistemi tad-demokrazija jie\u0127du \u017c-\u017cmien tag\u0127hom u jistg\u0127u jkunu ineffettivi. I\u017cda ji\u017cbaljaw \u0127afna anqas minn sistemi awtokrati\u010bi. Barra minn dan, is-sistemi tad-demokrazija jwasslu biex ikun hemm transizzjoni tas-setg\u0127a bejn partiti politi\u010bi, u gvernijiet jaslu biex jitilfu l-elezzjonijiet qabel tant ta\u0127kimhom l-arroganza li l-i\u017cbalji tag\u0127hom ma jkunux jistg\u0127u jit\u0127assru b’gomma. I\u017cda meta l-Partit Laburista f’dan il-pajji\u017c sar l-uniku partit vijabbli, \u0121ie jaqa’ u jqum mis-sentiment tal-poplu.<\/p>\n

Il-bu\u017cillis jinsab fil-fatt li l-mexxejja awtokrati\u010bi bosta drabi jkunu mexxejja medjokri. U Joseph Muscat u Robert Abela t-tnejn huma l-qofol tal-medjokrit\u00e0.<\/p>\n

Joseph Muscat, bil-Muscatonomics kollha tieg\u0127u, da\u0127\u0127al il-mudell ekonomiku Malti f’\u0127ajt. Illum kellu l-wi\u010b\u010b jistqarr li g\u0127andu jkun hemm inkjesta dwar l-imwiet kollha li se\u0127\u0127ew f’siti tal-bini. Nesa’ jfakkar li ja\u0127ti hu personalment g\u0127all-ferne\u017cija tal-kostruzzjoni li kellna tul dawn l-a\u0127\u0127ar g\u0127axar snin, g\u0127ad-d\u0127ul f’Malta ta’ tant \u0127addiema barranin u g\u0127as-setg\u0127a kbira li ng\u0127ataw l-i\u017cviluppaturi li g\u0127alihom issa qed ja\u0127dem ta’ konsulent u dan wara li sa\u0127ansitra spi\u010b\u010ba mill-gvern b\u0127ala eks prim ministru di\u017conorat.<\/p>\n

U Robert Abela m’hu xejn \u0127lief vavu li hu nieqes sewwa mis-sens ta’ empatija. Illum stqarr li wa\u0127da mir-ra\u0121unijiet li \u0121ieg\u0127luh jer\u0121a’ jibdielu hi l-fatt li huwa missier. Fil-\u0121ejjieni din l-istqarrija bintu g\u0127ad taqraha u la tikber g\u0127ad tistaqsi lil missierha jekk kienx nesieha f’dawk is-seba’ xhur li matulhom baqa’ jwebbes rasu ma’ omm Jean Paul Sofia u baqa’ m’a\u010b\u010bettax li jniedi inkjesta pubblika.<\/p>\n

M’hemmx dubju li Robert Abela ser ikollu \u0127afna fuqhiex jitbaqbaq fil-\u0121ranet li \u0121ejjin.<\/p>\n

Dawk id-deputati kollha li, b’sens ta’ lejalt\u00e0, \u0127allewh jipperswadihom biex jivvutaw kontra l-mozzjoni favur it-tnedija ta’ inkjesta pubblika, lil Robert Abela issa ser ig\u0127idulu li hu u\u00a0 jippretendi li huwa l-eroj li “ta widen lill-karba tan-nies”, huma – li mill-bidu nett kienu fehmu x’kien s-sentiment tal-poplu – ser jidhru koroh u indifferenti g\u0127al-u\u0121ieg\u0127 li kienu qed i\u0127ossu l-membri tal-familja ta’ Jean Paul Sofia.<\/p>\n

Lil Robert Abela, l-ministru tal-\u0121ustizzja Jonathan Attard mistenni jg\u0127idlu li waqt li hu kien qed jippassi\u0121\u0121a max-xatt ta’ Marina di Ragusa, hu, ji\u0121ifieri Attard, kien fuq il-One TV ma’ dak ix-xellerat Karl Stagno Navarra jigdeb lill-poplu dwar it-tifsira ta’ inkjesta pubblika. U issa Robert Abela qed jistenna’ li hu g\u0127andu jibla’ dak kollu li kien im\u0121ieg\u0127el ig\u0127id.<\/p>\n

Dawk it-trolls<\/em> fanati\u010bi kollha li \u0121ew mobilizzati mill-Partit Laburista li, g\u0127ax \u0127asbu li kienu qed isegwu l-passi tal-kbir mexxej tag\u0127hom, pubblikament ikkalunjaw lill-familja ta’ Jean Paul Sofia u pin\u0121ewhom b\u0127ala persuni Nazzjonalisti rg\u0127iba g\u0127all-flus, issa \u0127allewhom imdendlin bejn sema w ilma.<\/p>\n

Isabelle Bonnici, omm Jean Paul Sofia, flimkien ma’ Peppi Azzopardi, talbu lill-folla quddiem Kastilja biex tirringrazzja lil Robert Abela u biex ma tikkomplikax l-affarijiet b’kwistjonijiet dwar l-im\u0121ieba politika tieg\u0127u. In-nies ma tantx \u0127adu pja\u010bir b’dan il-kumment, i\u017cda nasal biex nifhem dak li l-omm kellha f’mo\u0127\u0127ha.<\/p>\n

Fl-a\u0127\u0127ar mill-a\u0127\u0127ar dan juri li hi taf li kemm l-Oppo\u017cizzjoni Nazzjonlista, g\u0127enitha kemm g\u0127enitha fil-\u0121lieda tag\u0127ha, kif ukoll il-kriti\u010bi tal-gvern g\u0127andhom il-limiti tag\u0127hom fil-konfront ta’ awtokrazija mmexxija minn Robert Abela. Lill-partitarji Laburisti kellha b\u017connhom biex jappo\u0121\u0121jawha. Mozzjoni tal-Oppo\u017cizzjoni ma swiet g\u0127al xejn biex iddawwar il-fehma ta’ Robert Abela. Kellha tkun ribelljoni mill-ministri tieg\u0127u u daqqa ta’ stallett ming\u0127and Joseph Muscat li wasslet il-bastiment fil-port.<\/p>\n

\u0120abitu fejn riditu. \u0126aqqha prosit.<\/p>\n

Minn na\u0127a l-o\u0127ra, Robert Abela, sar qisu manikin mutu mlibbes qalziet qasir u berritta ta’ wara quddiem.<\/p>\n","protected":false},"excerpt":{"rendered":"

G\u0127adni kemm attendejt g\u0127all-velja li saret fil-pjazza ta’ quddiem Kastilja li ssej\u0127et favur it-tnedija ta’ inkjesta pubblika dwar i\u010b-\u010birkostanzi li wasslu g\u0127all-qtil ta’ Jean Paul Sofia. Kull min attenda kien jaf bil-quddiem li l-g\u0127an uffi\u010bjali tal-velja kien di\u0121\u00e0 ntla\u0127aq. Sa minn dalg\u0127odu kien jidher li Robert Abela kien ser ikollu j\u010bedi l-armi u jag\u0127ti widen […]<\/p>\n","protected":false},"author":1,"featured_media":116705,"comment_status":"open","ping_status":"closed","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/116708\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=116708"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/116708\/revisions\/"}],"predecessor-version":[{"id":116730,"href":"https:\/\/manueldelia.com\/mt\/wp-json\/wp\/v2\/posts\/116708\/revisions\/116730\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/116705\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=116708"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=116708"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=116708"}],"curies":[{"name":"wp","href":"https:\/\/api.w.org\/{rel}","templated":true}]}}