{"id":117018,"date":"2023-08-17T09:21:21","date_gmt":"2023-08-17T07:21:21","guid":{"rendered":"https:\/\/manueldelia.com\/?p=117018"},"modified":"2023-08-17T12:33:22","modified_gmt":"2023-08-17T10:33:22","slug":"jikkastigaw-lil-min-jikxef-il-hmieg","status":"publish","type":"post","link":"https:\/\/manueldelia.com\/mt\/2023\/08\/jikkastigaw-lil-min-jikxef-il-hmieg\/","title":{"rendered":"Jikkastigaw lil min jikxef il-\u0127mie\u0121"},"content":{"rendered":"

\"\"<\/p>\n

Ma nistax na\u0127lef g\u0127all-allegazzjonijiet li g\u0127amel illum Arnold Cassola f’artiklu li kiteb fit- Times of Malta<\/em><\/a>. Madankollu, b’ri\u017cq dak li ser nikteb, ser nassumi li l-allegazzjonijiet li g\u0127amel huma minnhom.<\/p>\n

Fi ftit kliem, Cassola allega li \u010bertu A\u017ci\u017c – bniedem li twieled f’kamp tar-refu\u0121jati fil-Palestina – kien emigra lejn Malta madwar 18 il-sena ilu u li minn dakinhar ‘l hawn \u0127adem b\u0127ala uffi\u010bjali pubbliku u kien attiv ukoll fil-komunit\u00e0 lokali. Wara li kien dam ig\u0127ix f’Malta g\u0127al diversi snin, huwa applika biex jing\u0127ata \u010b-\u010bittadinanza Maltija i\u017cda, g\u0127al darbtejn fuq xulxin, din it-talba tieg\u0127u kienet \u0121iet mi\u010b\u0127uda. Bis-sa\u0127\u0127a tal-impjieg li kellu, kien sar jaf bil-korruzzjoni li kienet qed isse\u0127\u0127 fit-testijiet tas-sewqan u kixifha. Spi\u010b\u010ba biex il-permess li kellu biex ig\u0127ix u ja\u0127dem f’Malta \u0121ie revokat mill-gvern u kellu jitlaq mill-pajji\u017c wara 18 il-sena.<\/p>\n

Je\u017cistu \u017cew\u0121 kwistjonijiet li fl-img\u0127oddi kienu tqanqlu minn Repubblika u li je\u0127tie\u0121 li jitfakkru:<\/p>\n

    \n
  1. Pajji\u017c li jkun irid ji\u0121\u0121ieled kontra l-korruzzjoni bis-serjet\u00e0 g\u0127andu jinkora\u0121ixxi lil min ikollu nformazzjoni dwarha biex jikxef dak li jaf. U biex dan ikun jista’ jse\u0127\u0127, ikun je\u0127tie\u0121 li ji\u0121u m\u0127arsa l-whistle-blowers.<\/em> Fuq il-karta, l-li\u0121i t\u0127ares lill-whistle-blowers<\/em> i\u017cda dan ma tag\u0127mlux fil-prattika. Fil-prin\u010bipju, li\u0121i li t\u0127ares lill-whistle-blowers<\/em> tipprovdi li min jikxef il-korruzzjoni m’g\u0127andux isofri konsegwenzi li jkunu detrimentali g\u0127alih. U min jispi\u010b\u010ba b’permess tar-residenza revokat, anki jekk din ir-revoka l-gvern g\u0127andu dritt li jag\u0127milha, jkun qed ji\u0121i m\u0121ieg\u0127el isofri konsegwenzi g\u0127ar-ra\u0121uni li jkun kixef il-korruzzjoni.<\/li>\n<\/ol>\n

    Biex seta’ ji\u0121i m\u0127ares mil-li\u0121i, A\u017ci\u017c kien ikollu jissottmetti lment mat-taqsima tal-Kabinett fl-Uffi\u010b\u010bju tal-Prim Ministru u mbag\u0127ad dan l-Uffi\u010b\u010bju jkun je\u0127tie\u0121 jidde\u010biedi jekk huwiex eli\u0121ibbli li jing\u0127ata protezzjoni. Issa je\u0127tie\u0121 niftakru li l-allegazzjonijiet li g\u0127amel A\u017ci\u017c kienu wasslu biex uffi\u010bjal jistqarr fil-qorti li kienet saret pressjoni fuqu biex \u010berti persuni mid\u0127la tal-ministru u li kienu we\u0127lu mill-e\u017cami tas-sewqan, jing\u0127ataw li\u010benzja tas-sewqan xorta wa\u0127da. Ta\u0127sbu li l-Uffi\u010b\u010bju tal-Prim Ministru ser jasal biex jag\u0127ti l-kenn lil min ikun kixef din il-korruzzjoni?<\/p>\n

    Jekk l-uffi\u010bjali fi \u0127dan l-Uffi\u010b\u010bju tal-Prim Ministru baqg\u0127u jinjoraw lil A\u017ci\u017c (kif kienu njorawh ukoll tant persuni o\u0127ra li hu pprova jkellem), il-fatt li pprova jikxef il-\u0127mie\u0121 esponieh g\u0127all-azzjoni li ttie\u0127det meta l-permess tar-residenza li kellu \u0121ie revokat.<\/p>\n

    G\u0127idna kemm il-darba li Malta g\u0127andu jkollha li\u0121i dwar il-protezzjoni tal-whistle-blowers<\/em> li tkun wa\u0127da serja u li tassew t\u0127ares lil min jikxef il-korruzzjoni, jikxfuha ma’ min jikxfuha.\u00a0 \u00a0 Jekk wie\u0127ed isir jaf b’atti ta’ korruzzjoni u dan ig\u0127addi din l-informazzjoni lill-img\u0127allem ta’ fuqu jew lill-img\u0127allem ta’ fuq l-img\u0127allem, wie\u0127ed m’g\u0127andux ji\u0121i kastigat g\u0127ax ikun g\u0127amel dan. Wie\u0127ed g\u0127andu jkun jaf bil-quddiem li l-li\u0121i ser tipprote\u0121ih meta jikxef dak li jkun taf bih u dan g\u0127aliex il-li\u0121i t\u0127e\u0121\u0121u biex jikxef il-\u0127mie\u0121.<\/p>\n

    I\u017cda f’Malta dan ma jse\u0127\u0127 qatt.<\/p>\n

    \u00a0 \u00a0 \u00a0 \u00a02.\u00a0 Il-gvern seta’ jke\u010b\u010bi lil A\u017ci\u017c minn Malta bi tpattija talli dan a\u017c\u017carda jikxef il-\u0127mie\u0121 li se\u0127\u0127 f’Transport Malta.<\/em> I\u017cda dan ma kienx ikun jista’ jag\u0127mlu li kieku l-whistle-blower<\/em> kien ukoll \u010bittadin Malti. A\u017ci\u017c seta’ jitke\u010b\u010ba minn Malta u g\u0127al darbtejn fuq xulxin \u0121iet mi\u010b\u0127uda lilu \u010b-\u010bittadinanza Maltija:<\/p>\n

    minkejja l-fatt li kien ilu jg\u0127ix hawn g\u0127al 18 il-sena s\u0127a\u0127;<\/p>\n

    minkejja l-fatt li kien \u0121ie hawn b\u0127ala refu\u0121jat minn pajji\u017c li kien u g\u0127adu sal-lum okkupat;<\/p>\n

    minkejja l-fatt li \u0127adem b\u0127ala uffi\u010bjal pubbliku li dejjem qeda’ dmiru;<\/p>\n

    minkejja l-fatt li ta sehmu lill-komunit\u00e0 u serva b\u0127ala segretarju f’kumitat tal-partit politiku tieg\u0127u;<\/p>\n

    minkejja l-fatt li dejjem \u0127allas it-taxxi dovuti minnu;<\/p>\n

    u minkejja r-riskji personali li kien \u0127a biex jinkixef il-\u0127mie\u0121.<\/p>\n

    Lil A\u017ci\u017c mhux biss \u010ba\u0127\u0127duh mi\u010b-\u010bittadinanza u minn passaport Malti. \u010aa\u0127\u0127duh ukoll mid-dritt ba\u017ciku li jgawdi kull \u010bittadin li ma jitke\u010b\u010biex mill-pajji\u017c min\u0127abba kapri\u010b\u010b ta’ xi ministru.<\/p>\n

    \u0126lief g\u0127all-fatt li ma kellux \u010bittadinanza, A\u017ci\u017c kien meqjus b\u0127ala Malti li kien g\u0127a\u017cel li jag\u0127ti l-kontribut tieg\u0127u lis-so\u010bjet\u00e0 volontarjament permezz tal-politika. Mhux rilevanti l-fatt li huwa g\u0127a\u017cel li jimmilita f’partit politiku li jien ma naqbilx mieg\u0127u u li hu minn ewl id-dinja li Joseph Muscat kien u\u017ca\u0127 g\u0127ar-ra\u0121unijiet ta’ mo\u0127\u0127u. Madankollu A\u017ci\u017c g\u0127a\u017cel li jipparte\u010bipa fil-pro\u010bess demokratiku b’mod volontarju.<\/p>\n

    U \u0121ab ru\u0127u \u0127afna a\u0127jar minn \u010berti Maltin meta \u0121ie biex jikxef il-korruzzjoni hekk kif sar jaf biha. Ma qatax qalbu meta l-awtoritajiet baqg\u0127u jinjorawh u baqa’ jippersisti sakemm dawn \u0121ew b’daharhom mal-\u0127ajt u kellhom imexxu bil-qorti kontra dawk li allegatament kienu naqsu.<\/p>\n

    Madankollu l-istat ikkastigah meta dde\u010bieda li jke\u010b\u010bieh minn Malta: spi\u010b\u010ba biex tilef l-impjieg tieg\u0127u, lil daru u lil \u0127biebu. Tawh kastig li tant hu in\u0121ust li ma seta’ qatt ing\u0127ata lil min igawdi \u010berti drittijiet li huma marbutin ma\u010b-\u010bittadinanza.<\/p>\n

    Saret mieg\u0127u in\u0121ustizzja tal-wa\u0127x.<\/p>\n","protected":false},"excerpt":{"rendered":"

    Ma nistax na\u0127lef g\u0127all-allegazzjonijiet li g\u0127amel illum Arnold Cassola f’artiklu li kiteb fit- Times of Malta. Madankollu, b’ri\u017cq dak li ser nikteb, ser nassumi li l-allegazzjonijiet li g\u0127amel huma minnhom. Fi ftit kliem, Cassola allega li \u010bertu A\u017ci\u017c – bniedem li twieled f’kamp tar-refu\u0121jati fil-Palestina – kien emigra lejn Malta madwar 18 il-sena ilu u […]<\/p>\n","protected":false},"author":1,"featured_media":117015,"comment_status":"open","ping_status":"closed","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/117018\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=117018"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/117018\/revisions\/"}],"predecessor-version":[{"id":117028,"href":"https:\/\/manueldelia.com\/mt\/wp-json\/wp\/v2\/posts\/117018\/revisions\/117028\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/117015\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=117018"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=117018"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=117018"}],"curies":[{"name":"wp","href":"https:\/\/api.w.org\/{rel}","templated":true}]}}