{"id":117218,"date":"2023-09-06T10:13:17","date_gmt":"2023-09-06T08:13:17","guid":{"rendered":"https:\/\/manueldelia.com\/?p=117218"},"modified":"2023-09-06T16:55:09","modified_gmt":"2023-09-06T14:55:09","slug":"meta-l-gustizzja-tkun-ser-tilhaqhom-jaghmlulha-l-bsaten-fir-roti","status":"publish","type":"post","link":"https:\/\/manueldelia.com\/mt\/2023\/09\/meta-l-gustizzja-tkun-ser-tilhaqhom-jaghmlulha-l-bsaten-fir-roti\/","title":{"rendered":"Meta l-\u0121ustizzja tkun ser til\u0127aqhom, jag\u0127mlulha l-bsaten fir-roti"},"content":{"rendered":"

\"\"<\/p>\n

Il-gvern g\u0127andu \u0121enn fuqu biex ig\u0127atti l-fatt li kien hu stess li kien g\u0127atta l-iskandlu dwar il-\u0127las ta’ benefi\u010b\u010bji b’qerq. Tat-Times of Malta<\/em> ma waqfux biss mal-kxif tal-iskandlu <\/a>\u00a0u qed jag\u0127fsu lill-gvern biex iwie\u0121eb g\u0127all-mistoqsijiet tag\u0127hom. U t-twe\u0121ibiet li qed jag\u0127ti l-gvern huma kawlata s\u0127i\u0127a.<\/p>\n

It-twe\u0121ibiet li \u0127ar\u0121u bihom illum il-Prim Ministru Robert Abela u l-Ministru tal-Politika So\u010bjali ma jaqblux.<\/p>\n

Skont it-Times of Malta<\/em> tal-lum<\/a>:<\/p>\n

\n

Robert Abela stqarr li “l-uffi\u010b\u010bju tieg\u0127u f’Kastilja \u0127a passi mill-bidu nett hekk kif waslulu rapporti dwar l-allegazzjonijiet. Il-ka\u017c kien \u0121ie mg\u0127oddi lill-Pulizija u Grixti \u0121ie mitlub jirri\u017cenja mill-Parlament”.<\/p>\n

Huwa stqarr ukoll li “l-ka\u017c inkixef minn Kastilja u \u0121ie rappurtat lill-Pulizija minn Kastilja”.<\/p>\n<\/blockquote>\n

Din l-istqarrija hi wa\u0127da qarrieqa. Jekk huwa minnu li l-ka\u017c kien \u0121ie rappurtat lill-Pulizija minn Kastilja (m’hemmx mod li nsiru nafu jekk dan huwiex minnu jew le), \u010bertament m’huwiex minnu li l-ka\u017c kien inkixef minn Kastilja. G\u0127aliex kien proprju l-Uffi\u010b\u010bju tal-Prim Ministru li kien g\u0127atta kollox.<\/p>\n

Fl-20 ta’ Di\u010bembru 2021 it-Times of Malta<\/em> xandret l-a\u0127bar li Silvio Grixti kien \u201cirri\u017cenja<\/a> mill-Parlament wara li kien \u0121ie interrogat mill-Pulizija li kienet qed tinvestiga l-\u0127ru\u0121 ta’ \u010bertifikati tal-mard foloz. Dan l-a\u0127\u0127ar it-tabib Grixti \u0121ie interrogat mid-Dipartiment dwar il-Kriminalit\u00e0 Finanzjarja tal-Pulizija u ng\u0127ata l-libert\u00e0 provi\u017corja.\u201d Dan ir-rapport \u0121ie msejjes fuq informazzjoni li kien akkwista l-\u0121urnal ming\u0127and min kellu x’jaqsam mal-investigazzjonijiet.<\/p>\n

Ma \u0127ar\u0121et ebda stqarrija minn Kastilja dwar dan is-su\u0121\u0121ett. Skiet taqtg\u0127u b’sikkina. Ir-ri\u017cenja mill-Parlament tat-tabib Silvio Grixti kienet spi\u010b\u010bat ta\u0127t id-dell tar-ri\u017cenja mill-gvern ta’ Justyne Caruana fit-22 ta’ Di\u010bembru. Dwar it-tabib Silvio Grixti ma kienu qalu xejn. \u010aertament ma kienitx Kastilja li kixfet il-ka\u017c.<\/p>\n

Issa pparagunaw l-istqarrijiet mimlijin fta\u0127ir ta’ Robert Abela mat-twe\u0121ibiet li ta l-ministeru ta’ Michael Falzon.<\/p>\n

Skont it-Times of Malta<\/em><\/a>:<\/em><\/p>\n

\n

Il-ministeru stqarr li f’Settembru tas-sena l-o\u0127ra, l-Income Support and Compliance Division (ISCD)<\/em> fi \u0127danu kien inteba\u0127 b’applikazzjonijiet suspettu\u017ci g\u0127al g\u0127ajnuna dwar di\u017cabilit\u00e0 u kien tkellem mal-Pulizija dwar il-possibilit\u00e0 li kienu n\u0127ar\u0121u \u010bertifikati medi\u010bi foloz…<\/p>\n

Madwar sena qabel meta kien ukoll warrab mill-Parlament, il-Pulizija kienet interrogat lil Grixti b’rabta mal-ka\u017c, i\u017cda l-Ministeru stqarr li qatt ma kien jaf b’dawn l-investigazzjonijiet u kien biss is-sena l-o\u0127ra li tfa\u010b\u010bawlu s-suspetti meta sar jaf \u201cb’numru ta’ applikazzjonijiet li dwarhom kien hemm suspett li \u0121ew imsejsa fuq \u010bertifikati tal-mard foloz\u201d, liema \u010bertifikati mbag\u0127ad \u0121ew mg\u0127oddijin lill-Pulizija biex tkun tista’ tag\u0127mel l-investigazzjonijiet tag\u0127ha.<\/p>\n<\/blockquote>\n

Hekk sewwa! Il-Prim Ministru jg\u0127id li kien hu li g\u0127adda l-ka\u017c lill-Pulizija li mbag\u0127ad bdiet tinvestiga f’Di\u010bembru 2021 i\u017cda sa Settembru 2022 l-Ministru responsabbli ma kien g\u0127adu jaf b’xejn. Fil-fatt, il-ministeru kien re\u0121a’ nforma lill-Pulizija dwar l-informazzjoni li kellu f’idejh, skont ir-rapport imxandar fl-istampa, disa’ xhur wara li l-Pulizija kienu di\u0121\u00e0 ilhom jinvestigaw u fi \u017cmien meta t-tabib Grixti kien di\u0121\u00e0 ing\u0127ata l-libert\u00e0 provi\u017corja.<\/p>\n

Robert Abela jew gideb meta stqarr li kien “\u0127a de\u010bi\u017cjonijiet politi\u010bi” dwar Silvio Grixti jew inkella gideb meta stqarr li “kien hu li kixef il-ka\u017c” fl-2021. Na\u0127seb li gideb meta stqarr li kien hu li kien kixef il-ka\u017c. Tant m’huwiex minnu li kien hu li “kixef” ka\u017c li tg\u0127atta b’tant segretezza li sadattant il-ministeru baqa’ jo\u0127ro\u0121 u jimposta \u010b-\u010bekkijiet illegali (u, disa’ xhur wara li l-Prim Ministru kien suppost g\u0127adda l-ka\u017c lill-Pulizija, baqa’ jo\u0127ro\u0121 u jimposta \u010b-\u010bekkijiet) u ma kien g\u0127adu sema’ b’xejn dwar dak li kien qed ise\u0127\u0127.<\/p>\n

Jiena nemmen li fl-2021 Robert Abela kien \u0127a de\u010bi\u017cjoni politika u dde\u010bieda li jg\u0127atti l-iskandlu billi je\u0127les minn Silvio Grixti u jwa\u0127\u0127al kollox fuqu biex b’hekk isalva l-\u0121ilda politika tieg\u0127u u dik tal-ministri tieg\u0127u.<\/p>\n

Lill-\u0121urnalisti Robert Abela qalilhom li “ma kienx bi \u0127siebu jikkummenta dwar l-involviment, jew in-nuqqas ta’ involviment, ta’ \u010berti persuni g\u0127aliex l-investigazzjonijiet kienu g\u0127adhom g\u0127addejjin”. U fl-istess nifs g\u0127adda kummenti dwar l-involviment, jew in-nuqqas ta’ involviment, ta’ \u010berti persuni u stqarr li \u201cjinsab \u010bert li ebda membru parlamentari ma kien imda\u0127\u0127al fl-irregolaritajiet jew ordna lil \u0127addie\u0127or iwettaq l-irregolaritajiet\u201d.<\/p>\n

Insomma, il-Prim Ministru irnexxielu jikkontradixxi lilu nnifsu f’nifs wie\u0127ed.<\/p>\n

Dan il-ka\u017c mhux ser jieqaf hawn. A\u0127sbu ftit. Mill-141 ka\u017c li g\u0127adda quddiem il-qorti, in\u0121abru lura madwar \u20ac2.1 miljun. Huwa stmat li g\u0127ad hemm madwar 600 ka\u017c ie\u0127or li g\u0127ad iridu jg\u0127addu g\u0127al quddiem il-qorti.<\/p>\n

Dan l-iskandlu mhux biss huwa wie\u0127ed li jqallag\u0127lek l-istonku. Huwa wkoll skandlu enormi li \u0127add – sa\u0127ansitra anki eks membru parlamentari b\u0127al Silvio Grixti – ma jista’ jg\u0127addiha lixxa minnu.<\/p>\n

Imma\u0121inaw li kieku kumitat ta’ ka\u017cin tal-banda jirri\u017cultalu li madwar \u20ac4,000 tal-fondi tal-ka\u017cin kienu ntu\u017caw biex saru \u0127lasijiet mhux awtorizzati. Imma\u0121inaw it-taqlib li ka\u017c b\u0127al dan i\u0121ib fil-ka\u017cin bl-intervent ta’ bi\u017cibilju ta’ regolaturi, a\u0121enziji dwar il-financial intelligence<\/em>, investigaturi u prosekuturi.<\/p>\n

I\u017cda l-gvern li g\u0127andna baqa’ j\u0127allas\u00a0 u jimposta \u010b-\u010bekkijiet ma\u0127ru\u0121in b’qerq li minnhom gawdew votanti tieg\u0127u li joqg\u0127odu f’\u010berti distretti elettorali u l-Prim Ministru ming\u0127alih li ser ibellag\u0127hielna li – ta’ eroj li hu – “\u0127a d-de\u010bi\u017cjoni politika” li j\u0121ieg\u0127el membru parlamentari jwarrab mill-Parlament.<\/p>\n

Araw x’kien kiteb Silvio Grixti fil-Facebook dakinhar li rri\u017cenja.<\/p>\n