{"id":119152,"date":"2023-10-03T17:31:59","date_gmt":"2023-10-03T15:31:59","guid":{"rendered":"https:\/\/manueldelia.com\/?p=119152"},"modified":"2023-10-03T20:49:43","modified_gmt":"2023-10-03T18:49:43","slug":"l-attivizmu-tas-socjeta-civili-mhuwiex-delitt-kriminali-sur-anglu-gafa","status":"publish","type":"post","link":"https:\/\/manueldelia.com\/mt\/2023\/10\/l-attivizmu-tas-socjeta-civili-mhuwiex-delitt-kriminali-sur-anglu-gafa\/","title":{"rendered":"L-attivi\u017cmu tas-so\u010bjet\u00e0 \u010bivili m’huwiex delitt kriminali, Sur An\u0121lu Gaf\u00e0"},"content":{"rendered":"

\"\"<\/p>\n

Fil-Kwartier \u0120enerali tal-Pulizija jidher li hemm min hu \u0127erqan biex lil Robert Aquilina ta’ Repubblika jurih li jinqala’ \u0127afna biex jinforza l-li\u0121ijiet. Illum Aquilina ssejja\u0127 mill-Pulizija u \u0121ie interrogat wara li ng\u0127ata twissija li kulma jg\u0127id jista’ jin\u0121ieb kontra tieg\u0127u fil-qorti.<\/p>\n

Is-sabi\u0127a hi – dejjem jekk tista’ ssej\u0127ilha sabi\u0127a – lil Aquilina qalulu li kien qed ji\u0121i interrogat b’rabta ma’ konferenza stampa li huwa ta l-\u0121img\u0127a li g\u0127addiet fid-da\u0127la tal-bini ewlieni tax-xandar pubbliku. Stramba l-affari li l-Pulizija b\u0127al donnhom ppretendew xi forma ta’ spjegazzjoni talli saret din il-konferenza stampa.<\/p>\n

Jekk wie\u0127ed jissejja\u0127 f’g\u0127assa tal-pulizija u ji\u0121i nfurmat li ser ji\u0121i mistoqsi mistoqsijiet dwar, ng\u0127idu a\u0127na, serqa minn bank, dan \u010bertament g\u0127andu jifhem il-g\u0127ala jkunu qed isirulu l-mistoqsijiet. Il-pulizija bilfors tid\u0127ol fix-xena meta jkun hemm serqiet mill-banek. G\u0127aliex is-serq mill-banek jammonta g\u0127al delitt kriminali anki jekk int tag\u0127\u017cel li tiddefendi ru\u0127ek billi tg\u0127id li int ma kellekx x’taqsam. Tg\u0127id il-Pulizija stenniet li Robert Aquilina kien ser ig\u0127idilha li ma kellux x’jaqsam mal-konferenza stampa li kien g\u0127amel? Minn meta ‘l hawn li t-tnedija ta’ konferenza stampa hi meqjusa b’delitt kriminali?<\/p>\n

Il-Pulizija la qaltlu kif skont hi kien kiser il-li\u0121i u lanqas x’suppost kien g\u0127amel \u0127a\u017cin. I\u017cda bg\u0127atet g\u0127alih f’g\u0127assa u \u0121abet ru\u0127ha mieg\u0127u bl-istess mod kif i\u0121\u0121ib ru\u0127ha ma’ kriminal komuni.<\/p>\n

L-akbar problema li pajji\u017cna g\u0127andu fuq \u0127o\u0121ru m’g\u0127andha ebda rabta mad-diskorsi li jag\u0127mlu attivisti tas-so\u010bjet\u00e0 \u010bivili fuq l-g\u0127etiebi ta’ binjiet governattivi. L-akbar problema li g\u0127andu l-pajji\u017c hi li g\u0127andu uffi\u010bjali tal-gvern li ja\u0127dmu minn bini governattiv u li qed iwettqu delitti kriminali b\u0127alma huma korruzzjoni u tix\u0127im, bil-Pulizija ter\u0127ilhom ig\u0127adduha lixxa.<\/p>\n

Din il-\u0121img\u0127a stess, ftit huma dawk li ma nteb\u0127ux li l-bniedem li qed imexxi l-PBS, Mark Sammut, f’rapport imxandar fit-Times of Malta<\/em> ssemma’ b\u0127ala l-persuna li g\u0127amel pressjoni fuq impjegati ta’ Transport Malta<\/em> biex dawn “ig\u0127inu” lil dawk li jkunu we\u0127lu fl-e\u017cami tal-li\u010benzja tas-sewqan.<\/p>\n

Lil tat-Times of Malta,<\/em> Mark Sammut illum qalilhom li ma kienx hu li g\u0127amel rapport lill-Pulizija dwar il-konferenza stampa ta’ Robert Aquilina. Jekk dan huwa minnu, kien \u0127addie\u0127or li wettaq dan l-att ta’ fastidju fuq attivist tas-so\u010bjet\u00e0 \u010bivili. Ma \u0121ara’ xejn. Il-fatt jibqa’ li jekk Mark Sammut ma \u0127ax pja\u010bir b’dan l-att ta’ fastidju kontra xi \u0127add li a\u017c\u017carda jikkritikah, b\u0127ala l-kbir tax-xandir pubbliku kien messu ddefenda d-dritt ta’ Robert Aquilina (u d-dritt ta’ kul\u0127add) li jitkellem b’mod liberu u li jasso\u010bja ma min ikun irid.<\/p>\n

\u0126afna mi\u017c-\u017cmien tieg\u0127u Robert Aquilina jqattg\u0127u ji\u0121ri wara l-awtoritajiet pubbli\u010bi hu u jsej\u0127ilhom biex iwettqu xog\u0127olhom kif suppost. Li kieku jrid, jista’ jqatta’ dan i\u017c-\u017cmien je\u017cer\u010bita l-professjoni tieg\u0127u biex ikun jista’ jaqla’ x’jiekol. I\u017cda ma jag\u0127mlix hekk.<\/p>\n

Kull darba li Mark Sammut jinjora d-dmirijiet kostituzzjonali tieg\u0127u li ji\u017cgura li, fix-xandir pubbliku, jkun hemm imparzjalit\u00e0 u fl-istess \u0127in jing\u0127ata spazju g\u0127all-fehmiet tal-minoranzi, fl-a\u0127\u0127ar tax-xahar il-paga tieg\u0127u xorta wa\u0127da jda\u0127\u0127alha f’butu. L-istess jag\u0127mel An\u0121lu Gaf\u00e0 kull darba li l-Pulizija tonqos li tinvestiga u t\u0127arrek politi\u010bi korrotti. Jonqsu minn dmirhom u l-paga jda\u0127\u0127luha xorta wa\u0127da.<\/p>\n

Mill-banda l-o\u0127ra, kull darba li Robert Aquilina jwettaq xog\u0127olu b\u0127ala attivist tas-so\u010bjet\u00e0 \u010bivili, d-d\u0127ul regolari tieg\u0127u jieqaf \u0127esrem. Ma jistax jibg\u0127at kontijiet lill-komunit\u00e0 tas-servizzi li jkun taha. L-im\u0127abba li juri lejn pajji\u017cu ma timlilux \u017caqqu. I\u017cda, \u0121img\u0127a wara \u0121img\u0127a, tarah i\u0127abrek u jirsisti kemm jifla\u0127.<\/p>\n

Pajji\u017cna ma jistax jibqa’ ji\u0121i meqjus b\u0127ala pajji\u017c demokratiku kemm il-darba x-xog\u0127ol li jwettaq Robert Aquilina jista’ jwassal g\u0127al interrogazzjoni f’xi g\u0127assa tal-pulizija. Lil Aquilina qalulu li g\u0127andhom il-mezzi li bis-sa\u0127\u0127a tag\u0127hom ikunu jistg\u0127u i\u0121ieg\u0127luh jitkellem.<\/p>\n

Buffi.<\/p>\n

G\u0127andkom tkunu tafu li, minkejja dan it-theddid kollu, Robert Aquilina serra\u0127 mo\u0127\u0127 il-poplu li kien bi \u0127siebu jkompli ja\u0127dem qatig\u0127 biex issir \u0121ustizzja u biex pajji\u017cna jkollu servizz ta’ xandir pubbliku di\u010benti.<\/p>\n

U biex ise\u0127\u0127 dan, m’hemmx minn jinqala’ aktar minn Robert Aquilina.<\/p>\n","protected":false},"excerpt":{"rendered":"

Fil-Kwartier \u0120enerali tal-Pulizija jidher li hemm min hu \u0127erqan biex lil Robert Aquilina ta’ Repubblika jurih li jinqala’ \u0127afna biex jinforza l-li\u0121ijiet. Illum Aquilina ssejja\u0127 mill-Pulizija u \u0121ie interrogat wara li ng\u0127ata twissija li kulma jg\u0127id jista’ jin\u0121ieb kontra tieg\u0127u fil-qorti. Is-sabi\u0127a hi – dejjem jekk tista’ ssej\u0127ilha sabi\u0127a – lil Aquilina qalulu li kien […]<\/p>\n","protected":false},"author":1,"featured_media":119144,"comment_status":"open","ping_status":"closed","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/119152\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=119152"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/119152\/revisions\/"}],"predecessor-version":[{"id":119161,"href":"https:\/\/manueldelia.com\/mt\/wp-json\/wp\/v2\/posts\/119152\/revisions\/119161\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/119144\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=119152"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=119152"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=119152"}],"curies":[{"name":"wp","href":"https:\/\/api.w.org\/{rel}","templated":true}]}}