{"id":120058,"date":"2023-12-14T07:43:11","date_gmt":"2023-12-14T06:43:11","guid":{"rendered":"https:\/\/manueldelia.com\/?p=120058"},"modified":"2023-12-14T13:26:41","modified_gmt":"2023-12-14T12:26:41","slug":"l-ghan-ewlieni-hu-dak-li-tinkixef-l-identita-tal-ghejjun","status":"publish","type":"post","link":"https:\/\/manueldelia.com\/mt\/2023\/12\/l-ghan-ewlieni-hu-dak-li-tinkixef-l-identita-tal-ghejjun\/","title":{"rendered":"L-g\u0127an ewlieni hu dak li tinkixef l-identit\u00e0 tal-g\u0127ejjun"},"content":{"rendered":"

\"\"<\/p>\n

Hi \u0127a\u0121a tal-mist\u0127ija li qed ti\u0121i kontemplata li\u0121i li tag\u0127ti s-setg\u0127a lill-gvernijiet sabiex bil-mo\u0127bi jissemmg\u0127u fuq il-konversazzjonijiet telefoni\u010bi li jkollhom il-\u0121urnalisti u qrabathom. Jekk xejn, li\u0121i b\u0127al din tammonta g\u0127al ind\u0127il serju fil-\u0127ajja privata u tag\u0127ti krettu lill-idea falza li kull min jag\u0127\u017cel il-professjoni tal-\u0121urnali\u017cmu ikun qed jag\u0127mel xi \u0127a\u0121a \u0127a\u017cina. B\u0127allikieku l-professjoni \u0121urnalistika ti\u0121\u0121ustifika l-ind\u0127il dirett tal-istat b\u0127al fil-ka\u017c ta’ xi serqa minn bank jew xi konfoffa biex jitwaqqa’ l-gvern.<\/p>\n

Il-vera motivazzjoni tal-gvernijiet li jridu jg\u0127addu din il-li\u0121i m’hix dik li jissemmg\u0127u bil-mo\u0127bi fuq dak li jkun qed jintqal mill-\u0121urnalisti b’mezzi telefoni\u010bi. Il-mira ta’ dawn il-gvernijiet hi l-kxif tal-identit\u00e0 tal-g\u0127ejjun tal-\u0121urnalisti – ji\u0121ifieri dawk li jg\u0127addu l-informazzjoni li l-gvernijiet ma jkunux iridu li tinkixef.<\/p>\n

Dan m’huwiex kollox. Il-gvernijiet iridu li dan kollu – ji\u0121ifieri li jing\u0127ataw is-setg\u0127a li jissemmg\u0127u – jkun mag\u0127ruf pubblikament f’attentat biex jiddemoralizza u jaqta’ l-qlub ta’ min ikun im\u0127ajjar ig\u0127addi informazzjoni lill-\u0121urnalisti.<\/p>\n

Bis-sa\u0127\u0127a ta’ din il-li\u0121i, l-gvernijiet ser jag\u0127mlu sarima ma’ \u0127alq dawk li jg\u0127addu l-informazzjoni.<\/p>\n

Araw x’kiteb Beppe Giulietti, li jmexxi l-Italian Federation of Journalist Unions<\/em><\/strong>:<\/p>\n

\n

https:\/\/t.co\/iE2rx6pCru<\/a> La possibilit\u00e0 di intercettare i cronisti per ragioni di \u201csicurezza nazionale\u201d segna la fine della tutela delle fonti e morte di quello che resta del giornalismo di inchiesta @Artventuno<\/a> @EFJEUROPE<\/a> @RobertaMetsola<\/a> @Manwel_Delia<\/a> @Corinne_Vella<\/a> @reportrai3<\/a><\/em><\/p>\n

\u2014 Beppe Giulietti (@BeppeGiulietti) December 13, 2023<\/a><\/em><\/p><\/blockquote>\n