{"id":120686,"date":"2024-01-27T05:38:01","date_gmt":"2024-01-27T04:38:01","guid":{"rendered":"https:\/\/manueldelia.com\/?p=120686"},"modified":"2024-01-27T15:20:51","modified_gmt":"2024-01-27T14:20:51","slug":"lest-jispara-lejn-min-idendillu-l-manetti-quddiem-wiccu","status":"publish","type":"post","link":"https:\/\/manueldelia.com\/mt\/2024\/01\/lest-jispara-lejn-min-idendillu-l-manetti-quddiem-wiccu\/","title":{"rendered":"Lest jispara lejn min idendel il-manetti quddiem wi\u010b\u010bu"},"content":{"rendered":"

\"\"<\/p>\n

Lejn tmiem l-2019 u g\u0127al perijodu qasir, Joseph Muscat kien telaq ir-riedni tal-gvern tal-pajji\u017c f’idejn \u0127addie\u0127or. L-arrest ta’ Yorgen Fenech kien he\u017c\u017ce\u017c is-sisien tat-tmexxija tal-Partit Laburista. Keith Schembri kien \u0121ie arrestat u g\u0127amel ftit \u0121ranet il-\u0127abs. Chris Cardona kien \u201cissospenda lilu nnifsu\u201d g\u0127al ftit ijiem. Minn ministru, Konrad Mizzi sar konsulent tal-gvern b’paga a\u0127jar g\u0127alkemm ma tantx dam jag\u0127milha ta’ konsulent.<\/p>\n

Kien b\u0127allikieku Muscat, Schembri, Cardona u Mizzi kienu ng\u0127ataw is-sensja mid-dinja tal- politika g\u0127al dejjem. L-akkolti u qaddejja tag\u0127hom kienet iddabbritilhom rashom ukoll: Rosianne Cutajar, Justyne Caruana, Neville Gaf\u00e0 u o\u0127rajn.<\/p>\n

Tliet snin wara, qed isiru t\u0127ejjijiet g\u0127ar-ritorn ta’ Joseph Muscat. U, wie\u0127ed wie\u0127ed, il-qaddejja tieg\u0127u qed jo\u0127or\u0121u mit-toqbiet tag\u0127hom. Biex ikunu jistg\u0127u jkantaw il-vittorja, kulma jonqoshom hu li titwarrab u tindifen it-tke\u010b\u010bija tag\u0127hom ta’ tliet snin ilu.<\/p>\n

Kemm ilu barra mill-\u0127ajja politika, Joseph Muscat ta’ sikwit \u0127ass ru\u0127u espost g\u0127all-applikazzjoni mparzjali tal-li\u0121ijiet mill-istituzzjonijiet tal-istat fil-konfront tieg\u0127u. Dakinhar li rri\u017cenja mill-kariga ta’ prim ministru, kien stenna li dak li hu kien qieg\u0127ed floku kien ser ig\u0127inu jg\u0127addiha lixxa u jevita l-konsegwenzi ta’ g\u0127emilu. Robert Abela qag\u0127ad ilaqlaq u n-nervi ta’ Joseph Muscat bdew telg\u0127in.<\/p>\n

U kkonkluda li sabiex ji\u017cgura li j\u0121ib il-bo\u010b\u010ba qrib il-likk, kien ser ikollu jie\u0127u kollox f’idejh u jimmira l-bo\u010b\u010ba huwa stess.<\/p>\n

Fil-fehma tieg\u0127i, mhix daqstant importanti l-immunit\u00e0 legali li jgawdu l-ewroparlamentari. Wara kollox, din l-immunit\u00e0 tista’ tit\u0127assar kemm il-darba jirri\u017culta lill-Parlament Ewropew li Muscat sar membru bl-iskop li jevita xi ta\u0127rika tal-qorti.<\/p>\n

Joseph Muscat jaf li huwa je\u0127tie\u0121 \u0127a\u0121a xi ftit aktar soda u dde\u010bieda li je\u0127tie\u0121 li jkollu immunit\u00e0 politika effettiva minn xi ta\u0127rika \u0121udizzjarja. M’hemmx dubju li fl-elezzjonijiet ta’ \u0120unju x’aktarx ser i\u0121ib numru rekord ta’ voti.<\/p>\n

Il-kandidatura tieg\u0127u ser tkun opportunit\u00e0 g\u0127al dawk l-eluf\u00a0 kollha biex iwarrbu kull dubju li jista’ g\u0127ad g\u0127andhom, mhux daqstant dwar Joseph Muscat, i\u017cda dwarhom infushom. Fl-img\u0127oddi dawn kienu taw l-appo\u0121\u0121 kollu tag\u0127hom lil Joseph Muscat u dan qabel fe\u0121\u0121ew l-istejjer kollha ta’ tix\u0127im u \u0127asil ta’ flejjes ma\u0127mu\u0121in. Jekk dawn l-istejjer huma minnhom, ma kienet tkun xejn \u0127lief riflessjoni dwar g\u0127emilhom stess ukoll: g\u0127a\u017clu li l-pajji\u017c g\u0127andu jitmexxa’ minn \u0127alliel.<\/p>\n

G\u0127aldaqstant l-opportunit\u00e0 li jing\u0127ata vot lil Joseph Muscat m’hix biss assoluzzjoni g\u0127al Muscat. Hi wkoll assoluzzjoni g\u0127al min bi \u0127siebu li jivvutalu.<\/p>\n

Hi wkoll att ta’ intimidazzjoni fil-konfront ta’ dawk l-uffi\u010bjali tal-pulizija, prosekuturi jew ma\u0121istrati li, tul i\u017c-\u017cmien li Muscat g\u0127amel barra mill-politika, setg\u0127u qatg\u0127uha li l-li\u0121ijiet tal-pajji\u017c g\u0127andhom ig\u0127oddu g\u0127alih ukoll, b\u0127alma jg\u0127oddu g\u0127al kull kriminal ie\u0127or. Dan kollu issa twarrab u Robert Abela dan iridna li nifhmuh sewwa.<\/p>\n

Ag\u0127tu daqqa t’g\u0127ajn lejn dak li stqarr Robert Abela l-biera\u0127. Kliemu kienu ripetizzjoni ta’ dak li ilu jg\u0127id Joseph Muscat. I\u017cda din id-darba dan il-kliem stqarru l-prim ministru tal-pajji\u017c.<\/p>\n

L-ewwelnett dan skredita l-inkjesta ma\u0121isterjali dwar l-im\u0121iba ta’ Joseph Muscat bl-isku\u017ca li din ilha g\u0127addejja aktar minn erba’ snin. Stqarr li l-inkjesti m’g\u0127andhomx idumu aktar minn sitt xhur biex jintemmu.<\/p>\n

Kul\u0127add jaqbel li l-inkjesti m’g\u0127andhomx idumu wisq biex jintemmu. I\u017cda hawn x’qed ig\u0127id il-prim ministru? Tg\u0127id qed jimplika li jekk inkjesta ma\u0121isterjali ddum aktar minn sitt xhur, min ikun qed ji\u0121i investigat jista’ jaqbad u jinjora l-konklu\u017cjonijiet tag\u0127ha? Je\u017cistu nkjesti ma\u0121isterjali li jintemmu qabel il-mog\u0127dija ta’ sitt xhur? Jew inkella jrid iwassal il-messa\u0121\u0121 li d-dewmien fl-inkjesti g\u0127andu jag\u0127ti lil Joseph Muscat il-privile\u0121\u0121 tal-immunit\u00e0?<\/p>\n

It-tieni, Robert Abela qed jiskredita lill-inkjesta ma\u0121isterjali g\u0127aliex \u017cew\u0121 membri tal-familja tal-ma\u0121istrat inkwirenti esprimew fehmiet favur Repubblika. Skont hu, \u0121aladarba l-familjari tal-ma\u0121istrat jappo\u0121\u0121jaw lil Repubblika, allura l-istess ma\u0121istrat ma tistax tkun \u0121usta fil-konfront ta’ Joseph Muscat.<\/p>\n

Tajjeb li niftakru li kien l-istess Joseph Muscat li \u0127atar lid-deputat mexxej tal-Partit Laburista b\u0127ala m\u0127allef. Kien hu li \u0127atar lil dak li kien is-segretarju internazzjonali tal-partit b\u0127ala ma\u0121istrat. Kien hu li mbotta ‘l quddiem lil o\u0127t ministru Laburista. Kien hu li \u0127atar lil b\u0127ala ma\u0121istrat lil bint eks deputat mexxej tal-partit u Speaker<\/em> li hemm illum. Kien hu li \u0127atar lil bint eks ministru Laburista u lil eks sindku Laburista fil-bank tal-\u0121udikatura. Kien hu li \u0127atar b\u0127ala ma\u0121istrat lil \u0127tint l-avukat tal-Partit Laburista – persuna li kienet ta’ sikwit titkellem f’attivitajiet tal-Labour. Kien hu li \u0127atar eks konsulent ta’ ministru Laburista u eks kandidat tal-Labour. Kien hu li \u0127atar eks editur ta’ \u0121urnal Laburista. Kien hu li \u0127atar eks membru parlamentari Laburista u ideologu, u ftit wara li dan irtira re\u0121a’ \u0127atru biex jisma’ l-inkjesti amministrattivi. Kien \u0127atar ukoll b\u0127ala Kummissarju tal-Li\u0121ijiet ie\u0127or li kien irtira u li huwa mi\u017c\u017cewwe\u0121 li eks ewroparlamentari Laburista. Kien hu li mbotta ‘l quddiem eks kandidat Laburista g\u0127all-\u0127atra ta’ Prim Im\u0127allef.<\/p>\n

Dawn ilkoll huma persuni li jappo\u0121\u0121jaw lill-Partit Laburista fid-deher. U madankollu jippretendu li g\u0127andna noqg\u0127odu g\u0127all-\u0121udizzji tag\u0127hom g\u0127aliex, skont huma, g\u0127andu jkollna mo\u0127\u0127na mistrie\u0127 li dawn ilkoll g\u0127andhom il-\u0127ila li jifirdu l-fehmiet personali\u00a0 u l-lejaltajiet parti\u0121\u0121jani tag\u0127hom mill-applikazzjoni \u0121usta u ekwa tal-li\u0121ijiet. U g\u0127andi ng\u0127id li kien hemm drabi – mhux dejjem – li dawn il-\u0121udikanti li g\u0127andhom fehma Laburista wrew li kellhom il-\u0127ila li jkunu mparzjali. I\u017cda anki li kieku ma kienux imparzjali, tajjeb jew \u0127a\u017cin ikollna noqg\u0127odu g\u0127all-\u0121udizzji tag\u0127hom.<\/p>\n

I\u017cda dawn jippretendu li Joseph Muscat g\u0127andu ji\u0121i e\u017centat. Jippretendu li m’g\u0127andux joqg\u0127od g\u0127all-\u0121udizzju ta’ ma\u0121istrat li niesha – mhux hi stess tafux – urew fehmiet li m’g\u0127o\u0121bux lil Joseph Muscat. Tg\u0127id issa ser nibdew nag\u0127\u017clu li ma noqg\u0127odux g\u0127all-\u0121udizzji ta’ dawk il-\u0121udikanti li l-fehma politika tag\u0127hom ma tkunx taqbel ma’ tag\u0127na?<\/p>\n

It-tielet, Robert Abela fittex li jiskredita l-inkjesta ma\u0121isterjali meta stqarr li d-dewmien kien qed se\u0127\u0127 bil-g\u0127an li ssir \u0127sara massima lill-Partit Laburista lejlet l-elezzjonijiet Ewropej ta’ \u0120unju li \u0121ej. Tg\u0127id issa g\u0127andna nibdew nobdu l-ordnijiet tal-qorti biss meta dawn jing\u0127ataw fi \u017cmien li jkun jaqbel g\u0127alina? Je\u017cisti xi negozju elenkat fil-Bor\u017ca li jista’ jirrifjuta li jobdi ordni tal-qorti jekk din l-ordni ssir fil-\u0127in meta n-negozju jkun fl-aqwa tieg\u0127u? Persuna li ti\u0121i kundannata mill-qorti fuq delitt tista’ tirrifjuta li sservi perijodu ta’ \u017cmien fil-\u0127abs jekk dan ikun fl-istess \u017cmien li fih xi qarib fil-familja jkun fi\u017c-\u017cmien tat-tqala?<\/p>\n

Ma nag\u0127mlux mod li din l-immunit\u00e0 mill-konsegwenzi tal-ksur tal-li\u0121ijiet tg\u0127odd biss g\u0127al Joseph Muscat u g\u0127all-Partit Laburista, hux?<\/p>\n

Li qed nipprova ng\u0127id hu li Robert Abela u Joseph Muscat qed ikunu ambigwi apposta dwar il-motivazzjoni vera wara r-ritorn ta’ Muscat fix-xena politika. Abela stqarr li l-inkjesta ma\u0121isterjali li hemm pendenti m’hix ra\u0121uni bi\u017c\u017cejjed biex i\u017c\u017comm lil Muscat milli jikkontesta\u00a0 l-elezzjonijiet g\u0127aliex din l-inkjesta m’g\u0127andha l-ebda mertu. I\u017cda din l-istqarrija ma tag\u0127milx sens g\u0127aliex Muscat ser jikkontesta biex juri – mill-perspettiva tieg\u0127u – li l-inkjesta m’g\u0127andha l-ebda mertu. L-inkjesta qed jimminwha billi jinjorawha u billi jistqarru li jistg\u0127u jinjorawha.<\/p>\n

F’pajji\u017c li fih tassew issaltan is-saltna tad-dritt, \u0127add ma tg\u0127addilu minn rasu jekk, b’\u010bertu disprezz, g\u0127andux jag\u0127\u017cel li jinjora investigazzjoni kriminali dwar l-im\u0121iba tieg\u0127u. Dan, Joseph Muscat, ma ja\u010b\u010betta\u0127x. M’a\u010b\u010betta\u0127x meta kien prim ministru u daqstantie\u0127or m’hux ser ja\u010b\u010betta\u0127 issa. L-istat qed jer\u0121a’ ja\u0127kmu u qed i\u017comm pajji\u017c s\u0127i\u0127 b’osta\u0121\u0121. G\u0127andu pistola mmirata lejn ir-ras kollettiva tag\u0127na u lest jispara lejn min idendel il-manetti quddiem wi\u010b\u010bu.<\/p>\n

Jista’ jkun li kien hemm \u017cmien li fih Robert Abela \u0127aseb li seta’ jevita dan kollu u j\u0127alli lil Joseph Muscat jiffa\u010b\u010bja d-destin tieg\u0127u. I\u017cda l-verit\u00e0 hi li l-pistola ta’ Joseph Muscat tinsab immirata wkoll lejn ras Robert Abela. Lil Joseph Muscat ma jistax i\u017commu milli jirritorna fix-xena politika u x’aktarx li tant ser i\u0121ib voti li Robert Abela ma jkunx jista’ jla\u0127\u0127aq ig\u0127oddhom.<\/p>\n

Issa li Robert Abela \u010beda l-armi lil Joseph Muscat, m’g\u0127andniex niskantaw li Robert Abela qed jistqarr apertament li l-\u0121udikatura g\u0127andha tag\u0127mel l-istess.<\/p>\n

Xenarji b\u0127al dawn rajnihom ise\u0127\u0127u lil hinn minn xtutna. Silvio Berlusconi kien \u0127akem u mmina d-demokrazija fl-Italja u \u017camm l-istituzzjonijiet b’osta\u0121\u0121 sa dakinhar tal-mewt tieg\u0127u. Donald Trump qed jipprova jevita d-di\u017castri legali u personali tieg\u0127u billi jer\u0121a’ jsib triq g\u0127all-White House<\/em> u malli jid\u0127ol mill-bieb ma jkunx lest li jer\u0121a’ jo\u0127ro\u0121.<\/p>\n

Dak li ninsabu g\u0127addejjin minnu f’Malta m’huwiex uniku i\u017cda xorta wa\u0127da hu ta’ sinjifikat.<\/p>\n

Forsi xi darba g\u0127ad naraw is-sewwa jirba\u0127. I\u017cda fil-pre\u017cent, l-Imperu jidher li qed jer\u0121a’ jqajjem rasu.<\/p>\n","protected":false},"excerpt":{"rendered":"

Lejn tmiem l-2019 u g\u0127al perijodu qasir, Joseph Muscat kien telaq ir-riedni tal-gvern tal-pajji\u017c f’idejn \u0127addie\u0127or. L-arrest ta’ Yorgen Fenech kien he\u017c\u017ce\u017c is-sisien tat-tmexxija tal-Partit Laburista. Keith Schembri kien \u0121ie arrestat u g\u0127amel ftit \u0121ranet il-\u0127abs. Chris Cardona kien \u201cissospenda lilu nnifsu\u201d g\u0127al ftit ijiem. Minn ministru, Konrad Mizzi sar konsulent tal-gvern b’paga a\u0127jar g\u0127alkemm […]<\/p>\n","protected":false},"author":1,"featured_media":120684,"comment_status":"open","ping_status":"closed","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/120686\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=120686"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/120686\/revisions\/"}],"predecessor-version":[{"id":120706,"href":"https:\/\/manueldelia.com\/mt\/wp-json\/wp\/v2\/posts\/120686\/revisions\/120706\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/120684\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=120686"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=120686"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=120686"}],"curies":[{"name":"wp","href":"https:\/\/api.w.org\/{rel}","templated":true}]}}