{"id":13764,"date":"2018-10-10T15:55:34","date_gmt":"2018-10-10T13:55:34","guid":{"rendered":"https:\/\/manueldelia.com\/?p=13764"},"modified":"2018-10-13T07:42:15","modified_gmt":"2018-10-13T05:42:15","slug":"l-eziljati","status":"publish","type":"post","link":"https:\/\/manueldelia.com\/mt\/2018\/10\/l-eziljati\/","title":{"rendered":"L-e\u017ciljati"},"content":{"rendered":"

\"\"<\/p>\n

Aktar tard ipprova jben\u0121ilha, i\u017cda kien le\u0127aq lissinha. Lil Simon Busuttil, Joseph Muscat qallu li m’g\u0127andux jit\u0127alla jersaq lejn Malta. Ma kienx kumment li ntqal fir-rabja tal-mument. Din jidher li hi \u0127a\u0121a li l-prim ministru jrid iqieg\u0127da fuq l-a\u0121enda.<\/p>\n

Ta’ sikwit niltaqa’ ma persuni li g\u0127andhom il-kultura, l-mezzi u l-kura\u0121\u0121 li ja\u0127sbuha sewwa g\u0127andhomx jitilqu minn Malta sforz is-sitwazzjoni tal-\u0121enn li hawn fil-pajji\u017c. Dan ma jfissirx li ma baqg\u0127ux i\u0127obbu lil pajji\u017chom. I\u017cda dawn in-nies huma konxji tal-fatt li f’din id-dinja darba biss tg\u0127ix u mhux vallapena li toqg\u0127od tifni l-\u0127ajja tieg\u0127ek u ta’ wliedek bl-inkwiet. Ji\u0121i \u017cmien meta tibda’ ta\u0127seb biex lil Malta jkun a\u0127jar jekk tipprova tgawdiha tul perijodi li tant ikunu qosra li forsi ma tibqax tit\u0127asseb u t\u0127abbel rasek dwar il-korruzzjoni tal-politi\u010bi u dwar il-\u0127allelin li jinsabu fit-tmun tal-pajji\u017c.<\/p>\n

L-ewwel persuni li jlebbtu ‘l barra jkunu dawk li telqu minn pajji\u017c ie\u0127or u \u0121ew joqg\u0127odu hawn g\u0127ax g\u0127all-bidu kienu jqisu lil Malta b\u0127ala \u0121enna tal-art sakemm \u0121ew wi\u010b\u010b imb’wi\u010b mar-realt\u00e0 qarsa.<\/p>\n

Dawn ikunu persuni li wkoll ji\u0121u wi\u010b\u010b imb’wi\u010b\u010b ma’ trattament spe\u010bjali li jnaffarhom mill-ewwel: \u2018jekk ma jog\u0127\u0121obkomx, morru lura minn fejn \u0121ejtu\u2019. Ebda persuna li tkun telqet minn pajji\u017cha ma tkun trid tibqa’ tg\u0127ix f’pajji\u017c li fih jkollha tiffa\u010b\u010bja tg\u0127ajjir u nsulti ksenofobi\u010bi.<\/p>\n

Fost dawk li ilhom jg\u0127ixu Malta sa minn twelidhom, issib lil min ikun lest li jmur jg\u0127ix f’pajji\u017c ie\u0127or. I\u017cda li titlaq minn jeddek, mod. Li titqalfat ‘il barra, mod ie\u0127or.<\/p>\n

Mit-ton ta’ diskorsu u mis-sinjali li qed ig\u0127addi lit-trolls<\/em> u lis-segwa\u010bi tieg\u0127u, l-gvern donnu jidher li jrid isikket lil min ma jaqbilx mieg\u0127u. Fil-pajji\u017c, te\u017cisti ma\u0121\u0121oranza ta’ nies li b’entu\u017cja\u017cmu tiffavorixxi l-idea tal-kult tal-mexxej b’sa\u0127\u0127tu. Barra minn hekk, hemm ukoll numru mdaqqas ta’ nies li ji\u0121u jaqg\u0127u u jqumu mill-korruzzjoni u, sakemm il-flus jibqg\u0127u jinstemg\u0127u i\u0121en\u0121lu fil-bwiet, lill-gvern i\u0127alluh i\u0127awwad bi kwietu. Hemm imbag\u0127ad numru ie\u0127or imdaqqas ta’ persuni li l-fehma tag\u0127hom i\u017commuha g\u0127alihom g\u0127ax forsi hekk jaqbel, g\u0127ax jib\u017cg\u0127u mill-konsegwenzi jew g\u0127ax jiddependu mill-gvern biex jaqilg\u0127u xi grazzja.<\/p>\n

Il-gvern jaf li ma’ nies b\u0127al dawn jista’ jibqa’ g\u0127addej ming\u0127ajr ma joqg\u0127od i\u0127abbel rasu.<\/p>\n

I\u017cda mbag\u0127ad hemm ukoll dawk il-ftit imqarbin li mhux lesti joqg\u0127odu g\u0127al min jipprova jag\u0127mlilhom sarima ma’ \u0127alqhom u li Joseph Muscat qed jara kif jag\u0127mel biex isikkithom. Lir-realt\u00e0 Maltija, Joseph Muscat jifhimha sewwa. B\u0127ala regola, l-Maltin huma dejjem interessati li jsiru jafu l-bqija tad-dinja kif tarana. I\u017cda, g\u0127ax ming\u0127alihom li Malta tinsab fi\u010b-\u010bentru tal-univers, jidhrilhom ukoll li g\u0127andhom jirribattu kull opinjoni li ma tinkwadrax f’din il-mentalit\u00e0.<\/p>\n

U skont mentalit\u00e0 b\u0127al din, jekk ma tog\u0127\u0121bokx xi \u0127a\u0121a dwar Malta, sinjal li int g\u0127andek xi nuqqas jew difett u g\u0127alhekk g\u0127andek tmur lura dritt minn fejn kont \u0121ejt.<\/p>\n

Il-gvern m’huwiex i\u017comm lura milli jpin\u0121i lill-kriti\u010bi tieg\u0127u b\u0127ala persuni li huma qaqo\u010b\u010ba u konfoffa ma’ dawn il-“barranin” li b\u0127al spe\u010bi jmisshom jammettu li g\u0127andhom g\u0127ira kbira g\u0127alina g\u0127all-fatt li a\u0127na g\u0127andna lil xi \u0127add b\u0127al Joseph.<\/p>\n

U l-konklu\u017cjoni li tin\u0121ibed hawn hi minn ewl id-dinja: dawk il-Maltin li huma \u0127bieb ma’ dawk il-barranin li jikkritikawna jmisshom ukoll ilebbtu ‘l barra mill-pajji\u017c.<\/p>\n

Kien hemm \u017cmien meta t-tiranni kienu jiddilettaw ike\u010b\u010bu lin-nies mill-pajji\u017c b\u0127ala kastig. M’g\u0127andniex xi ng\u0127idu, llum wie\u0127ed iqis mi\u017cura b\u0127al din b\u0127ala wa\u0127da li m’hix \u010bivilizzata. Il-kriminali wkoll huma \u010bittadini u \u010b-\u010bittadinanza nnifisha ma tistax ti\u010b\u010ba\u0127\u0127ad lil min ikun twieled biha.<\/p>\n

Din il-kwalit\u00e0 ta’ pressjoni tinsab lil hinn mill-parametri stretti tal-li\u0121i. Te\u017cisti pressjoni morali u psikolo\u0121ika li twa\u0127\u0127ad il-bi\u017ca’ mal-mist\u0127ija. U din il-pressjoni ssir biex tipprova ti\u017cola u teqred lil min ja\u017c\u017carda jipprotesta.<\/p>\n

Aqtag\u0127ha. Imissek tist\u0127i. G\u0127ax ma tmurx taqbe\u017c minn x’imkien? Ipokrita! G\u0127aliex titkellem kontra Malta? Ma jixraqlekx tissejja\u0127 Malti. Il-gvern imissu jaqflek il-\u0127abs. Min jipprovoka g\u0127andu jlesti ru\u0127u g\u0127al reazzjoni. \u0126lisna minn wa\u0127da: jaqaw trid tispi\u010b\u010ba b\u0127alha?<\/p>\n

Diskors b\u0127al dan m’huwiex biss wie\u0127ed ta’ min jistmerru. Huwa wkoll diskors ta’ xi \u0127add li qed jaqta’ s-sentenza. Din hija r-realt\u00e0 li qed jiffa\u010b\u010bjaw nies b\u0127ali.<\/p>\n

Ma te\u017cisti ebda li\u0121i li tista’ \u010b\u010ba\u0127\u0127dek mid-dritt li tg\u0127ix seren f’pajji\u017cek stess. I\u017cda g\u0127al u\u0127ud minna, is-serenit\u00e0 nistg\u0127u ngawduha biss jekk in\u0127allsu prezz bil-kompli\u010bit\u00e0, bl-ipokresija, bil-lealt\u00e0 perversa, bl-ubbidjenza u bil-bi\u017ca – prezz li bla dubju huwa e\u017corbitanti. Jag\u0127tuna g\u0127a\u017cla falza: jew tbaxxi rasek g\u0127all-kult jew inkella jkollok titlaq g\u0127all-kollox mill-pajji\u017c. \u017bew\u0121 g\u0127a\u017cliet li fil-fatt ikunu jfissru reb\u0127a g\u0127al gvern li ma jittollerax lil kull min ma jaqbilx mieg\u0127u.<\/p>\n

Il-biera\u0127 stajna naraw lil Joseph Muscat b’wi\u010b\u010b ta’ bniedem indannat li, hu u job\u017coq il-mibg\u0127eda minn fommu, qab\u017citlu sew. U fajjarha fi ftit kliem: kull min jikkritikah g\u0127andu jitlaq mill-pajji\u017c.<\/p>\n","protected":false},"excerpt":{"rendered":"

Aktar tard ipprova jben\u0121ilha, i\u017cda kien le\u0127aq lissinha. Lil Simon Busuttil, Joseph Muscat qallu li m’g\u0127andux jit\u0127alla jersaq lejn Malta. Ma kienx kumment li ntqal fir-rabja tal-mument. Din jidher li hi \u0127a\u0121a li l-prim ministru jrid iqieg\u0127da fuq l-a\u0121enda. Ta’ sikwit niltaqa’ ma persuni li g\u0127andhom il-kultura, l-mezzi u l-kura\u0121\u0121 li ja\u0127sbuha sewwa g\u0127andhomx jitilqu […]<\/p>\n","protected":false},"author":1,"featured_media":11592,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/13764\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=13764"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/13764\/revisions\/"}],"predecessor-version":[{"id":14844,"href":"https:\/\/manueldelia.com\/mt\/wp-json\/wp\/v2\/posts\/13764\/revisions\/14844\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/11592\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=13764"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=13764"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=13764"}],"curies":[{"name":"wp","href":"https:\/\/api.w.org\/{rel}","templated":true}]}}