{"id":3785,"date":"2018-02-02T13:10:08","date_gmt":"2018-02-02T11:10:08","guid":{"rendered":"https:\/\/manueldelia.com\/?p=3785"},"modified":"2018-02-02T13:10:08","modified_gmt":"2018-02-02T11:10:08","slug":"biex-isehh-sewwa","status":"publish","type":"post","link":"https:\/\/manueldelia.com\/mt\/2018\/02\/biex-isehh-sewwa\/","title":{"rendered":"Biex ise\u0127\u0127 is-sewwa"},"content":{"rendered":"

Ippermettuli nag\u0127ti \u0121ie\u0127 lil dak i\u017c-\u017cag\u0127\u017cug\u0127 li, fil-pre\u017cenza tal-President, tkellem minn qalbu dwar dak li qed ji\u0121ri madwarna. G\u0127al dawn l-a\u0127\u0127ar erba\u2019 xhur ilmentajt kemm-il darba li l-bi\u010b\u010ba l-kbira ta\u2019 dawk li qed jipprotestaw favur il-\u0121ustizzja u s-saltna tad-dritt ma tistax issej\u0127ilhom \u017cag\u0127\u017cag\u0127.<\/p>\n

\"\"<\/p>\n

Kopja tad-diskors issibha hawn.<\/a><\/p>\n

Meta \u017cag\u0127\u017cug\u0127 iqum minn postu biex jitkellem minn qalbu fil-pre\u017cenza ta\u2019 s\u0127abu, tinduna li ta\u0127t id-dalma li ninsabu ng\u0127ixu ta\u0127tha tista\u2019 tilma\u0127 ukoll ir-ra\u0121\u0121i tad-dawl. U meta ji\u0121ru affarijiet b\u0127al dawn, l-isku\u017ca li j\u0121ibu xi w\u0127ud li ta\u2019 xejn wie\u0127ed joqg\u0127od jipprotesta biex isse\u0127\u0127 il-bidla, taqa\u2019 we\u0127idha.<\/p>\n

Bniedem wa\u0127du ftit jista\u2019 jag\u0127mel differenza. I\u017cda g\u0127ad ji\u0121i \u017cmien meta flimkien, fost kotra dejjem ti\u017cdied, inkunu nistg\u0127u nwettqu l-bidla. U m\u2019hemmx dubju li din il-persistenza qed iddejjaqhom. Issa m\u2019g\u0127adhomx jid\u0127ku bina. It-tg\u0127ajjir tag\u0127hom huwa mimli qrusa. Ir-rabja tag\u0127hom qed ta\u0127kimhom.<\/p>\n

\u0126alli g\u0127al Jason Micallef tal-V18 biex ilaqqam il-kliem li \u0121ew pro\u0121ettati l-biera\u0127 mill-Kenniesa fuq il-fa\u010b\u010bata ta\u2019 Kastija b\u0127ala vandali\u017cmu anti-demokratiku. L-ironija tinsab fil-fatt li biss ftit \u0121ranet ilu huwa stess ippro\u0121etta fuq l-istess fa\u010b\u010bata imma\u0121ni ta\u2019 Malta midfuna ta\u0127t torrijiet tal-konkos u tas-siment fejn minflok xita tal-ilma \u0127elu, tin\u017cel xita ta\u2019 a\u010btu. Xejn ma jag\u0127mel g\u0127ajb lil Tony Zarb meta jitlob lill-gvern biex jirritalja b\u0127allikieku l-kaw\u017ci SLAPP, it-theddid bil-\u0127abs u l-istupru kollettiv u istituzzjonalizzat imxandar mill-mezzi tax-xandir tal-Labour m\u2019humiex bi\u017c\u017cejjed.<\/p>\n