Ftit tal-jiem ilu kont qed na\u0127dem ma\u2019 \u0121urnalista ta\u2019 kontra l-mafja li nzerta kien qieg\u0127ed Malta biex jinvestiga \u010berti attivitajiet suspettu\u017ci li jirrigwardaw kriminali minn pajji\u017cu. Wara li rajt ir-rapport tieg\u0127u b\u2019\u010berta impertinenza fakkartu li xi w\u0127ud mill-allegazzjonijiet tieg\u0127u \u0121ew mi\u010b\u0127uda min-nies suspettati avolja l-evidenza kontrihom hija lampanti. G\u0127aliex hu ma kienx qieg\u0127ed ifakkar li huma kienu qeg\u0127din ji\u010b\u0127du dak li bih kienu qed ji\u0121u akku\u017cati?<\/p>\n
G\u0127aliex i\u010b-\u010ba\u0127da g\u0127andha titqies b\u0127ala \u0127a\u0121a normali. Fakkarni li Toto\u2019 Riina ni\u017cel f\u2019qabru ji\u010b\u0127ad li kien g\u0127amel xi \u0127a\u0121a \u0127a\u017cina. Fi storja dejjem ikun hemm\u00a0 \u0127afna aspetti u wie\u0127ed g\u0127andu j\u017comm g\u0127ajnejh miftu\u0127a. Imma wie\u0127ed m\u2019g\u0127andux ikun in\u0121enwu. Li wie\u0127ed ikun o\u0121\u0121ettiv u attent biex jevita l-pre\u0121udizzju j\u017commok biss sa \u010bertu punt fit-triq tas-sewwa, li lil hinn minnu, meta tibqa\u2019 newtrali bejn it-tajjeb u l-\u0127a\u017cin, inti tispi\u010b\u010ba kompli\u010bi mal-\u0127a\u017cin.<\/p>\n
I\u010b-\u010ba\u0127da hija l-a\u0127\u0127ar g\u0127odda tal-\u0127ati. Mal-i\u010bken ammissjoni ta\u2019 \u0127tija is-sisien tar-re\u017cistenza ji\u0121\u0121arrfu.<\/p>\n
\u201cL-akbar gidba fl-istorja politka Maltija\u201d hija log\u0127ba bil-kliem<\/a> ivvintata minn Joseph Muscat,\u00a0 minfu\u0127a minnu stess biex jikkumbatti l-gravit\u00e0 tal-akku\u017ca li kontriha qieg\u0127ed jiddefendi ru\u0127u.\u00a0 Joseph Muscat qed ji\u0121i akku\u017cat minn xi w\u0127ud li huwa l-aktar Prim Ministru korrott fl-istorja politka Maltija<\/p>\n L-entit\u00e0 ta\u2019 dik l-akku\u017ca hija kbira \u0127afna. Hija wkoll wa\u0127da li \u0127afna huma tal-fehma li hija bba\u017cata fuq il-fatti, li xi w\u0127ud minnhom jistg\u0127u ji\u0121u vverifikati, xi w\u0127ud minnhom g\u0127adhom mhumiex ivverifikati u jistg\u0127u ji\u0121u biss ikkonfermati b\u2019investigazzjoni xierqa u awtorevoli. U xi minn daqqiet qed ji\u0121u kkonfermati b\u2019kumbinazzjoni.<\/p>\n Il-\u0121img\u0127a li g\u0127addiet John Dalli g\u0127adu kemm paxxiena bil-benefi\u010b\u010bju tal-memorja batuta li g\u0127andu billi kkonferma dettall li seta\u2019 deher bla siwi f\u2019dak kollu li Daphne Caruana Galizia kienet irrapportat dwar il-Bank Pilatus. Kienet qalet li John Dalli kellu kont fil-Bank Pilatus\u00a0 imma li ftit kien g\u0127amel u\u017cu minnu<\/a>. Dwar il-kwestjoni jekk John Dalli kellux kont fil-Bank Pilatus kien hemm inkjesta li John Dalli kien insieha peress li, g\u0127allinqas f\u2019dan il-ka\u017c, ftit kellu x\u2019ja\u0127bi.<\/p>\n Din il-\u0121img\u0127a infexx b\u2019\u0127afna storbju b\u0127as-soltu j\u0127ambaq, b\u2019delikatezza kbira, kontra dawk li hu jsejja\u0127 \u2018il-pinen velenu\u017ci\u2019 billi qal li l-kont tieg\u0127u fil-Bank Pilatus\u00a0 aktarx iva milli le kien ikun inattiv. Kien g\u0127adu ma nteba\u0127x f\u2019dak il-waqt li kien qieg\u0127ed jikkonferma mhux biss dak li Daphne Caruana Galizia kienet qed tg\u0127id dwaru imma anke, u hawn irid wie\u0127ed jammetti, kemm kienet kbira l-firxa tas-sorsi u l-informazzjoni li Daphne Caruana Galizia kellha fil-Bank Pilatus.<\/p>\n Fir-rappurta\u0121\u0121 ta\u2019 Daphne Caruana Galizia dwar il-Bank Pilatus g\u0127andna fatt li m\u2019g\u0127adux aktar ikkontestat jew miftu\u0127 g\u0127all-kontestazzjoni. G\u0127andna fatt li jag\u0127mel \u0127oss li jtarrax. Dik li suppost kienet l-akbar gidba fl-istorja politika \u0121iet g\u0127al darba o\u0127ra kkonfermata\u00a0 li hija ftit\u00a0 i\u017cjed veritjera.<\/p>\n Imbag\u0127ad kellna a\u010b\u010bident ie\u0127or li Jacob Borg silet mill-kaw\u017ca li l-Bank Pilatus g\u0127amel kontra\u00a0 Daphne Caruana Galizia. Waqt li akku\u017caha \u2018b\u2019misapproprijazzjoni u pubblikazzjoni ta\u2019 informazzjoni kunfidenzjali tal-Pilatus\u2019 il-Bank Pilatus g\u0127adu kif ikkonferma li l-informazzjoni li hi ppubblikat ma kinitx, kif intqal ripetutament, ivvintata.\u00a0 G\u0127all-kuntrarju din kienet qawwija u veritjiera g\u0127ar-ra\u0121uni li ma tistax tisraq u tippubblika xi \u0127a\u0121a li ma tkun di\u0121a te\u017cisti.<\/p>\n Pilatus Bank admits in SLAPP lawsuit that slain journalist gained access to its client list. Among Pilatus’ clients were family members of Azerbaijan’s President, and Azerbaijan’s minister for Emergency Situations, whose front man opened up companies in Malta via Nexia BT. pic.twitter.com\/ZciicrLsZt<\/a><\/p>\n \u2014 Jacob Borg (@BorgJake) January 31, 2018<\/a><\/p><\/blockquote>\n\n