{"id":4228,"date":"2018-02-14T22:37:52","date_gmt":"2018-02-14T21:37:52","guid":{"rendered":"https:\/\/manueldelia.com\/?p=4228"},"modified":"2018-02-15T13:38:54","modified_gmt":"2018-02-15T12:38:54","slug":"jekk-int-gurnalist-itlaq-mill-igm-hallih-ghall-qaddejja-tal-istat","status":"publish","type":"post","link":"https:\/\/manueldelia.com\/mt\/2018\/02\/jekk-int-gurnalist-itlaq-mill-igm-hallih-ghall-qaddejja-tal-istat\/","title":{"rendered":"Jekk int \u0121urnalist, itlaq mill-I\u0120M: \u0127allih g\u0127all-qaddejja tal-Istat"},"content":{"rendered":"

G\u0127alkemm qatt ma kelli xi \u0127erqa kbira\u00a0li nsir membru tal-Istitut tal-\u0120urnalisti Maltin (I\u0120M),\u00a0l-istqarrija li dan \u0127are\u0121 illum<\/a> biex “jikkundanna” lil o\u0127t Daphne Caruana Galizia\u00a0talli\u00a0din\u00a0\u017cammet lil hekk imsejja\u0127 “\u0121urnalista tal-One TV” milli jaqdi dmiru, g\u0127andha tkun bi\u017c\u017cejjed biex min g\u0127adu qed ja\u0127sibha,\u00a0jdabbar rasu minn dan l-Istitut ming\u0127ajr aktar dewmien. L-istqarrija tal-I\u0120M m’hi xejn \u0127lief att ta’ kollaborazzjoni\u00a0 ma’ re\u0121im oppressiv.<\/p>\n

Il-bniedem li\u00a0semmew tal-I\u0120M m’huwiex \u0121urnalist. U l-One TV mhix agenzija tal-a\u0127barijiet. Dak il-bniedem hu biss impjegat tal-Partit Laburista, partit li jinsab fil-gvern li qed jag\u0127mel minn kollox biex ifarfar mir-responsabbilta’\u00a0politika\u00a0g\u0127all-assassinju ta’ \u0121urnalista\u00a0 – \u0121urnalista ta’ veru – li se\u0127\u0127 dan l-a\u0127\u0127ar. U One TV hu g\u0127odda ta’ propaganda\u00a0g\u0127all-gvern.<\/p>\n

Dan il-bniedem, li dwaru l-I\u0120M illum g\u0127amlet \u0127afna plejtu, il-biera\u0127 ma kienx qed jaqdi dmirijiet ta’ \u0121urnalist.\u00a0Kien biss a\u0121ent tal-istat u g\u0127amel u\u017cu minn tag\u0127mir\u00a0biex ikidd u jag\u0127mel pressjoni fuq persuna\u00a0li g\u0127al ra\u0121unijiet li huma\u00a0ovvji – fit xhur ilu biss \u0127ajjet o\u0127tha\u00a0intemmet f’vampa nar –\u00a0kienet ta\u0127t stress emozzjonali\u00a0kbir.\u00a0 M’hemmx dubju li l-intenzjoni krudili tag\u0127hom kienet li j\u017cidu fuq it-tensjoni\u00a0li di\u0121a’ kellha fuqha.\u00a0U biex tkompli ti\u017cdied il-pressjoni fuqha u fuq membri tal-familja tag\u0127ha, w\u0127ud mill-qaddejja tal-Partit Laburista li kienu pre\u017centi l-biera\u0127\u00a0– u\u0127ud im\u0127allsa u o\u0127rajn li marru g\u0127ax riedu –\u00a0\u00a0immiraw l-g\u0127ajjat, ix-xiljiet u l-kliem\u00a0intimidatorju u malafamanti tag\u0127hom lejn familja li qed jing\u0127ad lilha li o\u0127thom mietet “g\u0127ax hekk kien \u0127aqqha”.<\/p>\n

Huwa minn ewl id-dinja li dan l-a\u0121ir tal-mist\u0127ija ta’ dawn il-qaddejja qanqal l-emozzjoni u r-rabja tal-familja. U din l-emozzjoni u rabja qanqluha apposta bil-g\u0127an li l-udjenza\u00a0tag\u0127hom la tappo\u0121\u0121ja u lanqas tissimpatizza mag\u0127hom. Kemm damet \u0127ajja hekk kienu jag\u0127mlulha lil Daphne Caruana Galizia: kienu\u00a0jiffokaw il-kamera fuqha biex jipprovokaw reazzjoni, iqisuha ta’ “sa\u0127\u0127ara”\u00a0u jikkonvin\u010bu l-folla li kien \u0127aqqha l-mewt.<\/p>\n

Ag\u0127tu \u0127arsa\u00a0lejn il-persuna li hemm bil-wieqfa fuq il-lemin f’dan il-video.<\/p>\n

Arawh jiffoka l-kamera fuq persuna\u00a0li kienet biss qed tosserva. U minkejja li din ma tniffsitx, kellha toqg\u0127od tissaporti tisma’ l-provokazzjonijiet tag\u0127hom b\u0127allikieku kellha xi tort g\u0127all-mewt ta’ o\u0127tha.\u00a0U sid il-kamera iffoka fuqha mhux\u00a0g\u0127aliex\u00a0dak li kien qed jag\u0127mel kellu xi valur \u0121urnalistiku tafux, i\u017cda biex jaqdi l-intenzjonijiet malinji ta’ min jimpjegah.<\/p>\n

Imbag\u0127ad araw E\u017bATT x’\u0121ara’ meta Helene Axiaq ikkonfrontat lil dan il-kesa\u0127lu.<\/p>\n