Fi \u017cminijiet o\u0127ra, meta Varist Bartolo stess ma kienx lanqas jo\u0127lom li jg\u0127atti x-xtur tal-korruzzjoni li sse\u0127\u0127 ta\u0127tu u fi \u017cmien ukoll meta lanqas hu stess – ta’ \u0121urdien xi\u0127 li hu – ma kien g\u0127adu nteba\u0127 li Joseph Muscat kien f’konfoffa s\u0127i\u0127a ma’ Konrad Mizzi u Keith Schembri, dan il-galantom kien a\u017c\u017carda jistqarr li Konrad Mizzi kien messu warrab mill-politika hekk kif inkixef li hu sid ta’ kumpannija sigrieta fil-Panama.<\/p>\n
Dak i\u017c-\u017cmien kien g\u0127adu ma sarx jaf b’dak kollu li jaf illum.\u00a0Ji\u0121ifieri dak i\u017c-\u017cmien kien g\u0127adu ma kienx jaf li Joseph Muscat lanqas ig\u0127addilu mill-kuridur ta’ mo\u0127\u0127u l-\u0127sieb li jke\u010b\u010bi lil Konrad Mizzi. Kien g\u0127adu ma kienx jaf li Konrad Mizzi mhux biss \u0127oloq kumpannija fil-Panama i\u017cda hu wkoll is-sid ta’ kumpannija li ftiehmet ma’ kumpannija re\u0121istrata fid-Dubaj li sidtha hi l-kumpannija tal-ener\u0121ija li ming\u0127andha nxtrat l-ener\u0121ija. Kien g\u0127adu ma kienx jaf li Keith Schembri kellu wkoll x’jaqsam ma’ din il-\u0127adma kriminali.<\/p>\n
U lanqas ma kien imma\u0121ina li b’g\u0127ajnejh kien ser jara Iranjan ja\u0127rab inkiss inkiss minn bank b’bagalja f’idu li, skond xhud, kien fiha l-prova fi\u017cika li Joseph Muscat huwa s-sid ta’ kumpannija sigrieta o\u0127ra tal-Panama.<\/p>\n
Allura issa kien jaqbel li ninsew dak li konna ntba\u0127na bih sa mill-ewwel \u0121urnata li xxandret l-a\u0127bar dwar il-Panama Papers<\/em> li ta r-ra\u0121un kollu lil Daphne: ji\u0121ifieri li Keith Schembri u Konrad Mizzi kienu \u0127olqu kumpanniji fil-Panama sa mill-ewwel \u0121img\u0127a li \u0127adu r-riedni tal-gvern f’idejhom.<\/p>\n X’kien qal Varist Bartolo? Kien qal li mhux sewwa li s-sinjuri u s-setg\u0127ana jaraw kif jag\u0127mlu biex jevadu l-\u0127las tat-taxxa filwaqt li l-bqija jkollhom i\u0127allsu minn imne\u0127irhom kull sitt \u0127abbiet li jkollhom. Peress li dak i\u017c-\u017cmien kien g\u0127adu ma jafx b’dawk is-setg\u0127ana li l-kontijiet bankarji tag\u0127hom riedu jimlewhom bi flejjes misruqin mill-kontijiet tad-dawl li n\u0127allsu, kien qal hekk:<\/p>\n