{"id":47425,"date":"2018-11-14T19:18:54","date_gmt":"2018-11-14T18:18:54","guid":{"rendered":"https:\/\/manueldelia.com\/?p=47425"},"modified":"2018-11-18T21:35:52","modified_gmt":"2018-11-18T20:35:52","slug":"it-tvm-sar-super-two","status":"publish","type":"post","link":"https:\/\/manueldelia.com\/mt\/2018\/11\/it-tvm-sar-super-two\/","title":{"rendered":"It-TVM sar Super Two?"},"content":{"rendered":"

\"\"<\/p>\n

Hi \u0121ustifikata l-kritika li saret mill-Istitut tal-\u0120urnalisti lil Konrad Mizzi<\/a> talli dan g\u0127a\u017cel li ja\u0127rab mistoqsijiet tal-istampa \u0127ielsa. Madankollu tal-I\u0120M ma qalux kollox. Kull darba li Konrad Mizzi jkun irid iwassal messa\u0121\u0121 lill-pubbliku, m’g\u0127adux jibg\u0127at g\u0127all-membri tal-istampa u issa \u0127a d-drawwa li jonfoq flus mill-kaxxa ta’ Malta biex i\u0127allas g\u0127ar-riklami fil-media so\u010bjali.<\/p>\n

Dan g\u0127aliex m’huwiex sewwa?<\/p>\n

G\u0127aliex meta titwarrab l-istampa \u0127ielsa mid-djalogu ta’ bejn il-politi\u010bi u \u010b-\u010bittadini, jispi\u010b\u010ba ma jkun hemm \u0127add li jkollu l-\u0127ila li jistaqsi mistoqsijiet pertinenti u li jg\u0127arbel l-informazzjoni mg\u0127oddija li\u010b-\u010bittadini. U kulma jifdal ikun biss propaganda li jafu jwasslu dawk id-dittaturi li ma jkunux imxekklin mir-rwol kritiku tal-\u0121urnali\u017cmu \u0127ieles.<\/p>\n

Tal-I\u0120M qalu wkoll li Konrad Mizzi jag\u0127mel \u017cew\u0121 e\u010b\u010bezzjonijiet. Tin\u0127are\u0121 stedina lill-mezzi tax-xandir tal-Partit Laburista g\u0127all-attivitajiet tieg\u0127u – i\u017cda dawn \u010bertament ma jg\u0127oddux g\u0127ax m’huma xejn \u0127lief g\u0127odda g\u0127all-propagandisti li huma w\u017cati minn Konrad Mizzi (g\u0127ax impjegati mal-Partit Laburista) bl-istess manjiera li int qed t\u0127allas g\u0127ar-riklami li ta’ sikwit jag\u0127mel fuq il-Facebook<\/em>. Dawn ma jg\u0127arblux b’mod kritiku l-informazzjoni li ji\u0121bru u ma jag\u0127mlux mistoqsijiet pertinenti. Jinqalg\u0127u biss g\u0127all-propaganda.<\/p>\n

Konrad Mizzi jag\u0127mel e\u010b\u010bezzjoni o\u0127ra billi jistieden lill-\u0121urnalisti ta’ TVM. Il-\u0121urnalisti ta’<\/span> TVM m’humiex impjegati tal-Partit Laburista u huma marbutin bil-Kostituzzjoni ta’ Malta li jkunu\u00a0 indipendenti u li jwasslu informazzjoni kritika lill-pubbliku. Ix-xandir huwa regolat minn entit\u00e0 kostituzzjonali li xog\u0127olha hu li tara li l-mezzi tax-xandir ja\u0121ixxu indipendentement mill-gvern tal-\u0121urnata. Dawk li fasslu l-Kostituzzjoni tag\u0127na kienu fehmu sew ir-rwol \u010bentrali tax-xandir pubbliku f’pajji\u017c demokratiku.<\/p>\n

F’pajji\u017c tassew demokratiku, x-xandir pubbliku jing\u0127ata importanza kbira u l-Kostituzzjoni fit-teorija tag\u0127ti l-protezzjoni tag\u0127ha lill-\u0121urnalisti ta’ TVM li, b\u0127all-kollegi tag\u0127hom mal-BBC, France 2, ARD, RAI, TVE e\u010b\u010betra, g\u0127andhom id-dritt u anke d-dmir li j\u0127ufu u jippersistu wara l-politi\u010bi u jinsistu li jing\u0127ataw twe\u0121ibiet anke meta dawn jippruvaw ji\u017colqu minnhom. I\u017cda l-\u0121urnalisti ta’ TVM ma jag\u0127mlu xejn minn dan kollu u spi\u010b\u010baw saru estensjoni tal-g\u0127odda li l-Partit Laburista g\u0127andu g\u0127ad-dispo\u017cizzjoni tieg\u0127u. U l-istedina li Konrad Mizzi g\u0127amel lil TVM m’hi xejn \u0127lief konferma, jekk qatt kien hemm b\u017connha, li – filwaqt li jib\u017ca’ mill-mistoqsijiet pertinenti li jistg\u0127u jag\u0127mlulu tat-Times of Malta<\/em>, tan-Newsbook<\/em>, tal-Malta<\/em> Today<\/em>, ta’ The Malta Independent<\/em> u o\u0127rajn – ma’ ta’ TVM i\u0127ossu komdu. I\u017cda tal-I\u0120M dan ma jistg\u0127ux ig\u0127iduh g\u0127aliex il-bi\u010b\u010ba l-kbira tal-membri tieg\u0127u huma impjegati ta’ One TV u ta’ TVM.<\/p>\n

Tal-I\u0120M di\u0121\u00e0 g\u0127amlu xi \u0127a\u0121a mhux tas-soltu meta lmentaw dwar id-diskriminazzjoni ta’ Konrad Mizzi. I\u017cda l-kwistjoni fil-fatt ftit g\u0127andha x’taqsam mad-diskriminazzjoni. Id-dritt m’huwiex strettament tal-\u0121urnalisti, i\u017cda tal-pubbliku li g\u0127andu kull dritt li jkun infurmat b’mod kritiku. U dan id-dritt tal-pubbliku Konrad Mizzi qed ji\u010b\u0127adulu. Id-dmir li jkun kontabbli f’so\u010bjet\u00e0 demokratika Konrad Mizzi ma jaqdi\u0127x billi jkellem biss li ta’ One TV jew billi j\u0121ieg\u0127lek t\u0127allas g\u0127ar-riklami fuq il-Facebook<\/em>. Madankollu l-aktar \u0127a\u0121a li tiskantak hi kif il-\u0121urnalisti ta’ TVM lanqas biss g\u0127andhom id-di\u010benza li j\u017commu lura milli jkunu kompli\u010bi ma’ dan kollu.<\/p>\n

Ma kienx Konrad Mizzi li vvinta regola \u0121dida li bis-sa\u0127\u0127a tag\u0127ha politi\u010bi issa jistg\u0127u jag\u0127\u017clu li jarmu l-ba\u0127ar id-dmir li dejjem kellhom li jkellmu lill-istampa. Lanqas ma kien Joseph Muscat li vvintaha, li issa anki hu lill-istampa qed jag\u0127mel minn kollox biex jevitaha. Ma kien \u0127add \u0127lief Donald Trump li vvintaha. Il-President tal-Istati Uniti jippretendi li jista’ jag\u0127\u017cel hu liema \u0121urnalisti g\u0127andu jistieden fil-White House<\/em> biex jag\u0127mlulu l-mistoqsijiet u min minnhom g\u0127andhom jit\u0127allew jistennew barra fuq l-g\u0127atba. Dan l-a\u0121ir qatt ma kien wie\u0127ed a\u010b\u010bettabbli g\u0127al min jokkupa l-kariga ta’ President tal-Istati Uniti.<\/p>\n

Id-demokrazija f’idejn populisti b\u0127al Joseph Muscat qed titherra ma kull jum li jg\u0127addi u \u0121urnalisti f’pajji\u017ci demokrati\u010bi huma fid-dmir li dan ja\u010b\u010bettawh qatt. Il-\u0121urnalisti huma l-unika tarka g\u0127all-qarrejja tag\u0127hom. Il-\u0121urnalisti li jkunu mistiedna jag\u0127mlu l-mistoqsijiet lill-politi\u010bi g\u0127andhom ikunu huma li jistaqsu huma stess il-mistoqsijiet li kien messhom saru minn s\u0127abhom li jkunu t\u0127allew barra. Li kieku g\u0127andhom ftit amor proprju u li kieku jafu x’ifisser verament il-\u0121urnali\u017cmu, il-\u0121urnalisti ta’ TVM imisshom jiftehmu mal-\u0121urnalisti mwarrba biex dawn ig\u0127addulhom il-mistoqsijiet li jkunu jixtiequ jistaqsu u lill-Ministru jag\u0127mluhomlu huma stess. Jekk jonqsu li jag\u0127mlu dan, allura ma jkun hemm ebda differenza bejniethom u bejn il-propagandisti ta’ One TV.<\/p>\n

Nafu li Konrad Mizzi lil ta’ TVM jistmahom ta’ propagandisti. I\u017cda mhux daqstant importanti kif jistmahom Konrad Mizzi daqs kemm hu mportanti kif jistmahom il-pubbliku.<\/p>\n","protected":false},"excerpt":{"rendered":"

Hi \u0121ustifikata l-kritika li saret mill-Istitut tal-\u0120urnalisti lil Konrad Mizzi talli dan g\u0127a\u017cel li ja\u0127rab mistoqsijiet tal-istampa \u0127ielsa. Madankollu tal-I\u0120M ma qalux kollox. Kull darba li Konrad Mizzi jkun irid iwassal messa\u0121\u0121 lill-pubbliku, m’g\u0127adux jibg\u0127at g\u0127all-membri tal-istampa u issa \u0127a d-drawwa li jonfoq flus mill-kaxxa ta’ Malta biex i\u0127allas g\u0127ar-riklami fil-media so\u010bjali. Dan g\u0127aliex m’huwiex […]<\/p>\n","protected":false},"author":1,"featured_media":46226,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/47425\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=47425"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/47425\/revisions\/"}],"predecessor-version":[{"id":52541,"href":"https:\/\/manueldelia.com\/mt\/wp-json\/wp\/v2\/posts\/47425\/revisions\/52541\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/46226\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=47425"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=47425"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=47425"}],"curies":[{"name":"wp","href":"https:\/\/api.w.org\/{rel}","templated":true}]}}