{"id":50922,"date":"2018-11-17T16:57:05","date_gmt":"2018-11-17T15:57:05","guid":{"rendered":"https:\/\/manueldelia.com\/?p=50922"},"modified":"2018-11-18T21:39:42","modified_gmt":"2018-11-18T20:39:42","slug":"jigdbu-lil-kulhadd-u-lilhom-infushom","status":"publish","type":"post","link":"https:\/\/manueldelia.com\/mt\/2018\/11\/jigdbu-lil-kulhadd-u-lilhom-infushom\/","title":{"rendered":"Jigdbu lil kul\u0127add u lilhom infushom"},"content":{"rendered":"

\"\"<\/p>\n

Te\u017cisti regola ba\u017cika li jifhimha kul\u0127add: jekk issir xi \u0127a\u0121a llegali, l-Pulizija g\u0127andha tinvestiga biex issir taf x’\u0121ara’ jew ma \u0121arax, g\u0127andha ti\u0121bor il-provi li jista’ jkun hemm dwar ksur tal-li\u0121i u mbag\u0127ad g\u0127andha tixli quddiem il-qorti lil min ikun kiser il-li\u0121i. G\u0127alkemm hemm \u0127addie\u0127or li jista’ wkoll jg\u0127in biex ma tinkisirx il-li\u0121i, li jikxef il-ksur tal-li\u0121i jew anki li ji\u0121bor il-provi, ir-reati kriminali jaqg\u0127u ta\u0127t ir-responsabbilt\u00e0 tal-Pulizija. Madankollu l-Pulizija ma tistax tag\u0127ti sentenzi: is-sentenzi l-qrati biss jistg\u0127u jag\u0127tuhom u din hi r-ra\u0121uni g\u0127aliex il-Pulizija u l-Qrati ja\u0127dmu indipendentement minn xulxin. U meta l-qorti tag\u0127ti sentenza, jista’ jsir appell minnha quddiem qorti superjuri b’talba biex is-sentenza tinbidel.<\/p>\n

Kontra Keith Schembri u Konrad Mizzi je\u017cistu provi li dawn wettqu reati kriminali. \u0120aladarba dan fil-fatt huwa l-ka\u017c, il-Pulizija jmissha qieg\u0127da tinvestigahom, ti\u0121bor il-provi (liema provi wie\u0127ed ukoll jista’ jsibhom online<\/em>), tarrestahom, tixlihom u tmexxi kontrihom bil-qorti. Minn dan kollu ma se\u0127\u0127 xejn.<\/p>\n

Biex jaljenawna, Keith Schembri u Konrad Mizzi u l-\u0127abib u sie\u0127eb tag\u0127hom Joseph Muscat qed i\u0121ieg\u0127lu lill-kellima Laburisti jirrepetu kantaliena li m’hi xejn \u0127lief gidba sfa\u010b\u010bata. Qed ji\u0121u m\u0121ieg\u0127la jirrepetu li li “hemm inkjesta g\u0127addejja’.<\/a> Din hi gidba. \u0126add \u0127lief il-\u0121urnalisti m’huma jinvestigaw lil Keith Schembri u lil Konrad Mizzi. L-istat jinsab imminat u ma\u0127kum u qed ifalli quddiem g\u0127ajnejna.<\/p>\n

Meta Simon Busuttil kien talab u akkwista ordni tal-qorti biex il-Pulizija tinvestiga l-Panama Papers<\/em>, dan kellu jag\u0127mlu g\u0127aliex il-Pulizija naqset minn dmirha li tinvestiga minn jeddha. M’hemmx dubju li dan m’huwiex il-mod kif wie\u0127ed jinvestiga r-reati kriminali u jmexxi kontrihom. Nistaqsi: min, per e\u017cempju, jaqla’ daqqa ta’ sikkina f’dahru jkun je\u0127tie\u0121lu joqg\u0127od imur il-qorti biex il-Pulizija tkun tista’ ti\u010b\u010baqlaq u tistaqsih min kien li ta\u0127 id-daqqa? Simon Busuttil mar il-qorti appuntu g\u0127aliex ma saret ebda investigazzjoni u, minkejja li l-qorti ordnat lill-Pulizija biex tibda’ tinvestiga, l-Pulizija xorta wa\u0127da baqg\u0127et ma \u010b\u010baqilqitx. U g\u0127adha sal-lum ma bdietx tinvestiga g\u0127aliex Joseph Muscat, Konrad Mizzi u Keith Schembri appellaw mis-sentenza tal-qorti li ordnat lill-Pulizija biex tinvestiga.<\/p>\n

Tal-Labour qed ig\u0127idulna li dan kien dritt tag\u0127hom g\u0127ax kif “spjega” Chris Fearne \u201ckul\u0127add g\u0127andu d-dritt li jappella f’pro\u010bess \u0121udizzjarju”<\/a>. F’\u0121ie\u0127 kemm hemm! Dan m’huwiex il-pro\u010bess \u0121udizzjarju li suppost ilu li nbeda’ sentejn ilu. Li kieku dan tabil\u0127aqq inbeda’ sentejn ilu, il-Pulizija b\u0127alissa qeg\u0127da tixli b’reati kriminali lil Keith Schembri u lil Konrad Mizzi u tippre\u017centa l-provi quddiem il-qorti. UU waqt li l-appell tag\u0127hom ikun qed jinstema’ sa\u0127ansitra jkollhom ukoll id-dritt li jittie\u0127du l-qorti f’vann bil-fanali blu jteptpu u bil-kliem CCF mal-bibien, kollox im\u0127allas mill-gvern. Dak hu l-appell li g\u0127andhom dritt g\u0127alih.<\/p>\n

L-appell li hemm b\u0127alissa qed iservi biss biex jag\u0127mel il-bsaten fir-roti lill-kors tal-\u0121ustizzja. Le, s-saltna tad-dritt ma tirrispettahiex meta l-li\u0121ijiet jintu\u017caw biss g\u0127all-konvenjenza tas-setg\u0127ana. \u0120aladarba l-Pulizija naqset – u baqg\u0127et tonqos sal-lum – li ti\u010b\u010baqlaq kontra Keith Schembri u Konrad Mizzi, il-li\u0121ijiet di\u0121\u00e0 m’humiex qed ji\u0121u applikati. U li hu aktar gravi huwa l-fatt li l-appelli ta’ Konrad Mizzi u ta’ Keith Schembri (u ta’ Joseph Muscat), jinqatg\u0127u kif jinqatg\u0127u, se jibqg\u0127u irrelevanti g\u0127ad-dmir tal-Pulizija li tinvestiga u ta\u0121ixxi. Jekk l-appell ji\u0121i mi\u010b\u0127ud u l-ordni tal-ewwel qorti lill-Pulizija ti\u0121i konfermata, il-Pulizija ma jkollhiex g\u0127a\u017cla o\u0127ra \u0127lief li tag\u0127mel tabirru\u0127\u0127a li qed tinvestiga. I\u017cda jekk l-appell ji\u0121i milqug\u0127 u l-ordni tal-ewwel qorti ti\u0121i mwarrba, il-Pulizija xorta wa\u0127da tibqa’ fid-dmir li tinvestiga l-provi\u00a0 \u2014 b’mod partikolari dawk il-provi li kienu g\u0127adhom ma waslux f’idejn Simon Busuttil meta ppre\u017centa r-rikors fil-qorti xhur ilu – li issa jinsabu g\u0127ad-dispo\u017cizzjoni tla-pubbliku.<\/p>\n

Dawn qeg\u0127din jigdbu lill-poplu u lill-bqija tad-dinja. I\u017cda dawn jafu li qeg\u0127din ukoll jigdbu lilhom infushom? Possibbli ma tmisshomx il-kuxjenza meta jisimg\u0127u lilhom infushom jistqarru li qed issir investigazzjoni dwar 17 Black<\/em> u li hemm pro\u010bess pendenti? Nistaqsi: jekk ikun hemm min jid\u0127ol f’darek biex jisirqek u int jirnexxielek takkwista filmat tas-CCTV, marki tas-swaba, provi tad-DNA u tliet xhieda li jkunu raw lill-\u0127alliel b’g\u0127ajnejhom, ta\u0127seb li int ikollok g\u0127alfejn toqg\u0127od tmur il-qorti biex tin\u0127are\u0121 ordni lill-Pulizija biex lill-\u0127alliel jarrestawh? U jekk int tag\u0127mel dan kollu u l-\u0127alliel jappella mill-ordni tal-qorti, se tmur tg\u0127id li l-\u0127alliel qed je\u017cer\u010bita d-drittijiet tieg\u0127u biex imbag\u0127ad, sakemm jinqata’ l-appell, jil\u0127aq ibieg\u0127 dak li jkun seraqlek?<\/p>\n

Meta wie\u0127ed jintrabat ma’ in\u0121ustizzja b\u0127al din, ikun qed jarmi l-ba\u0127ar dik l-istess \u0121ustizzja li jaf ji\u0121i b\u017conn fil-futur. Meta ja\u0121ixxu b’dan il-mod biex jag\u0127tu kenn lill-img\u0127allem tag\u0127hom, ikunu qed jittradixxu d-dmir tag\u0127hom li j\u0127arsu lil pajji\u017cna mill-kriminalit\u00e0 u mill-korruzzjoni.<\/p>\n","protected":false},"excerpt":{"rendered":"

Te\u017cisti regola ba\u017cika li jifhimha kul\u0127add: jekk issir xi \u0127a\u0121a llegali, l-Pulizija g\u0127andha tinvestiga biex issir taf x’\u0121ara’ jew ma \u0121arax, g\u0127andha ti\u0121bor il-provi li jista’ jkun hemm dwar ksur tal-li\u0121i u mbag\u0127ad g\u0127andha tixli quddiem il-qorti lil min ikun kiser il-li\u0121i. G\u0127alkemm hemm \u0127addie\u0127or li jista’ wkoll jg\u0127in biex ma tinkisirx il-li\u0121i, li jikxef […]<\/p>\n","protected":false},"author":1,"featured_media":50696,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/50922\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=50922"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/50922\/revisions\/"}],"predecessor-version":[{"id":52544,"href":"https:\/\/manueldelia.com\/mt\/wp-json\/wp\/v2\/posts\/50922\/revisions\/52544\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/50696\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=50922"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=50922"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=50922"}],"curies":[{"name":"wp","href":"https:\/\/api.w.org\/{rel}","templated":true}]}}