{"id":63167,"date":"2018-12-03T08:16:39","date_gmt":"2018-12-03T07:16:39","guid":{"rendered":"https:\/\/manueldelia.com\/?p=63167"},"modified":"2018-12-04T15:08:48","modified_gmt":"2018-12-04T14:08:48","slug":"sfruttament-tad-dghufijiet","status":"publish","type":"post","link":"https:\/\/manueldelia.com\/mt\/2018\/12\/sfruttament-tad-dghufijiet\/","title":{"rendered":"Sfruttament tad-dg\u0127jufijiet"},"content":{"rendered":"

\"\"<\/p>\n

Fejn g\u0127andha x’taqsam ir-realt\u00e0 politika, jidher li g\u0127adna kemm missejna mal-g\u0127atba ta’ fa\u017ci \u0121dida.<\/p>\n

Is-sa\u0127\u0127a elettorali tal-partiti politi\u010bi baqg\u0127et l-istess u l-Partit Laburista baqa’ jgawdi l-ma\u0121\u0121oranza li kellu. Madankollu l-akbar bidla li se\u0127\u0127et tinsab fil-fatt li, mal-medda ta\u017c-\u017cmien, il-mexxejja tal-partiti politi\u010bi qed jitilfu l-kontroll fuq id-destin tag\u0127hom u l-i\u017cbalji li jwettqu qed jikkaw\u017calhom aktar u aktar \u0127sara.<\/p>\n

Ftit \u0127afna huma dawk li g\u0127ad g\u0127andhom id-dubji dwar il-korruzzjoni ta’ Konrad Mizzi u ta’ Keith Schembri. Kif inhuma wkoll ftit \u0127afna dawk li g\u0127adhom jistaqsu il-g\u0127ala Joseph Muscat baqa’ ma dabbrilhomx rashom. L-attivisti tal-Labour dan kollu jafuh sew i\u017cda jag\u0127\u017clu li j\u017commu s-skiet. B\u0127alma kienet ir-regola fl-Unjoni Sovjetika matul is-seklu li g\u0127adda, \u0127add minnhom ma ja\u017c\u017carda juri bil-miftu\u0127 li ma jaqbilx. Fil-konferenzi \u0121enerali tal-partit, l-applawsi ji\u0121u orkestrati dejjem b’armonija unanima u, kull fejn t\u0127ares, il-lag\u0127qi\u017cmu jispikka sew.<\/p>\n

Joseph Muscat jifhem \u0127afna aktar minn kul\u0127add x’ikun je\u0127tie\u0121 li jsir kull meta jkun ta\u0127t pressjoni. Il-messa\u0121\u0121 li qed jasallu b\u0127alissa huwa dan: \u2018lil dawk it-tnejn il-g\u0127ala qed ter\u0127ilhom i\u0127assru r-reputazzjoni u l-kisbiet kbar tal-Partit Laburista?\u2019 U l-mistoqsija minn ewl id-dinja marbuta ma ta’ qabilha li, i\u017cda, ma ssirlux hija din: \u2018jekk int \u0127ammi\u0121t idejk mag\u0127hom, je\u0127tie\u0121 li ssib mod a\u0127jar kif tista’ tg\u0127atti xturek\u2019. U Joseph Muscat jista’ jipprova jg\u0127atti xturu billi jilg\u0127ab log\u0127ba mmirata biex iddawwar l-attenzjoni g\u0127al fuq \u0127wejje\u0121 o\u0127ra. Log\u0127ba li x’aktarx kien jippreferi li jilg\u0127abha fi \u017cmien ie\u0127or meta tkun tista’ tti\u0127 aktar frott.<\/p>\n

\u010aertament, l-istorja li xxandret il-biera\u0127 f’The Sunday Times of Malta<\/em><\/a> rigward investigazzjoni li tinsab g\u0127addejja mill-Pulizija dwar l-img\u0127oddi mdelli ta’ Adrian Delia kienet tkun aktar ta’ \u0121id g\u0127al tal-Labour li kieku xxandret qrib elezzjoni \u0121enerali. G\u0127ax sa dan i\u017c-\u017cmien, l-azzjoni tal-Pulizija kienet ixxejjen kull potenzjal li Adrian Delia seta’ kien ikollu li jirba\u0127 l-elezzjoni.<\/p>\n

Allura tal-Labour il-g\u0127ala \u0127ar\u0121u bl-istorja daqshekk kmieni? Wara kollox, mir-rapport li xxandar il-biera\u0127, ma \u0127are\u0121 xejn \u0121did fuq dak li kienet di\u0121\u00e0 xandret Daphne Caruana Galizia fil-blog tag\u0127ha aktar minn sena ilu. Din l-istorja re\u0121g\u0127et \u0127ar\u0121et proprju issa g\u0127aliex tal-Labour xammew li t-tmexxija tal-PN bdiet tinteba\u0127 li xog\u0127olha huwa li topponi lill-gvern fuq il-korruzzjoni u fuq in-nuqqas ta’ governanza tajba. Il-PN inteba\u0127 li l-hekk imsejj\u0127a strate\u0121ija ta’ oppo\u017cizzjoni “po\u017cittiva” u l-iffukar fuq “kwistjonijiet li jolqtu lin-nies mill-qrib” m’hix tag\u0127ti l-frott mixtieq. \u010aertament dan ma jfissirx li l-kwistjonijiet li jolqtu lin-nies mill-qrib m’humiex importanti. Xejn minn dan. I\u017cda l-PN wera’ li kellu biss il-\u0127ila li jitkellem b’mod vag dwar “l-immigrazzjoni \u017cejda” hu u jurina statistika fuq statistika biex isostni dak li di\u0121a qed naraw b’g\u0127ajnejna: ji\u0121ifieri li f’Malta qed ig\u0127ixu numru dejjem akbar ta’ nies. Il-PN ma kellux il-\u0127ila jfassal politika dwar l-immigrazzjoni – su\u0121\u0121ett li l-bi\u010b\u010ba ‘l kbira tal-poplu ma jinteressa\u0127x – u dan innutaw\u0127 dawk li nvestew fid-d\u0127ul f’Malta ta’ dawn in-nies, b\u0127alma huma dawk li j\u0127addmu u dawk li huma sidien tal-postijiet g\u0127all-kiri.<\/p>\n

M’g\u0127andniex xi ng\u0127idu, r-razzisti fanati\u010bi li d-diskorsi tal-PN daqqew g\u0127al widnejhom u ni\u017clulhom g\u0127asel g\u0127ax raw fihom \u010berta ostilit\u00e0 lejn il-barranin, \u0127ar\u0121u j\u010bap\u010bpu. Madankollu dan ma jfissirx li, dwar din il-kwistjoni, kienu jkunu lesti li jivvutaw PN. \u010aertament, mis-sonda\u0121\u0121i mxandra u minn dawk li ma jixxandrux, il-PN baqa’ fejn kien.<\/p>\n

I\u017cda matul l-a\u0127\u0127ar 6 \u0121img\u0127at, il-PN bidel it-tattika u b\u0127al donnu stenna li dik il-minoranza \u017cg\u0127ira ta’ nies li x’aktarx ivvutat PN fl-2017 i\u017cda li qed tikkritikah talli kien qed i\u017comm il-bog\u0127od minn kwistjonijiet marbuta mal-korruzzjoni u mal-governanza, kienet se tilqa’ b’entu\u017cja\u017cmu l-bidla tattika tal-PN. Din m’hix l-ewwel darba li t-tmexxija tal-PN wriet li ma g\u0127andhiex il-\u0127ila li tifhem numru mdaqqas tal-elettorat li fl-img\u0127oddi vvota lill-PN b’mod konsistenti. Je\u0127tie\u0121 li wie\u0127ed jifhem li din il-bidla tattika ma kinitx il-frott ta’ xi konver\u017cjoni Damaxxena kredibbli. Wie\u0127ed forsi jista’ jasal biex jifhem – g\u0127alkemm \u010bertament mhux li jbierek – ir-ra\u0121uni il-g\u0127ala fl-ewwel sena tieg\u0127u b\u0127ala mexxej tal-PN, Adrian Delia \u017camm il-bog\u0127od minn kwistjonijiet marbuta mal-korruzzjoni. It-tmexxija tal-PN fehmet li jekk jing\u0127ataw widen u kredibilit\u00e0 lill-kwistjonijiet li kienet investigat Daphne Caruana Galizia, Adrian Delia kien ji\u0121i skwalifikat awtomatikament minn karigi pubbli\u010bi. Kien g\u0127alhekk li l-PN b’entu\u017cja\u017cmu liema b\u0127alu \u0127ataf kull opportunit\u00e0 li seta’ kien hemm biex jitgiddeb il-\u0121urnali\u017cmu ta’ Daphne Caruana Galizia. U l-qofol ta’ din l-istrate\u0121ija ntla\u0127aq kmieni s-sajf li g\u0127adda meta f’dik il-famu\u017ca konferenza stampa dwar Egrant, minn g\u0127ajnejn il-Prim Ministru \u0121elbnet nixxieg\u0127a ta’ dmug\u0127 falz u meta kien hemm dik il-famu\u017ca reazzjoni minn na\u0127a tal-mexxej tal-PN.<\/p>\n

Ka\u0121un tal-fatt li l-konklu\u017cjonijiet tal-inkjesta dwar l-Egrant la g\u0127alqu l-kapitlu dwar l-istorja tal-korruzzjoni u lanqas mewwtu is-sej\u0127iet biex tittie\u0127ed azzjoni, tal-Labour kienu di\u017cappuntati. I\u017cda l-PN kien di\u017cappuntat ukoll g\u0127ax kellu seba’ mitt sena biex jara li dan il-kapitlu jing\u0127alaq. U hekk kif inteba\u0127, il-PN beda’ jibg\u0127at is-sinjali lil dawk li g\u0127alih huma l-“grupp ta’ Daphne”. Taf int, b\u0127allikieku dawn huma xi segwa\u010bi tal-Beatles jew xi partitarji tal-Juventus.<\/p>\n

Din il-ver\u017cjoni \u0121dida ta’ Adrian Delia, lil tal-Labour xejn ma ni\u017clitilhom tajjeb. Tal-Labour la jridu jaraw re\u017cistenza minn Oppo\u017cizzjoni mag\u0127quda u lanqas iridu jisimg\u0127u le\u0127en wie\u0127ed jidwi favur il-kontabilit\u00e0. U, fuq kollox, ma jridux jaraw telfien ta’ voti li jista’ jservi biex isa\u0127\u0127a\u0127 lill-PN. S’issa tal-Labour irnexxielhom li j\u017commu dak li kellhom u Joseph Muscat irid li din is-sitwazzjoni tin\u017camm kif inhi. Din kienet ir-ra\u0121uni l-g\u0127ala kienet ne\u010bessarja – g\u0127alkemm prematura – l-istorja li xxandret il-biera\u0127 minn The Sunday Times of Malta<\/em> li permezz tag\u0127ha \u0121ie nfurmat kul\u0127add li Adrian Delia kien is-su\u0121\u0121ett ta’ investigazzjoni kriminali dwar \u0127asil ta’ flus ma\u0127mu\u0121in. Din ma kienet xejn \u0127lief att ta’ manipulazzjoni g\u0127aliex g\u0127al tal-Labour je\u0127tie\u0121 li fi \u0127dan l-Oppo\u017cizzjoni jkun hemm il-firda u ma jistg\u0127ux jirriskjaw li ma’ wi\u010b\u010bhom ikun hemm Oppo\u017cizzjoni mag\u0127quda.<\/p>\n

M’g\u0127andniex xi ng\u0127idu, jekk lil dawk li vvutaw PN fl-2017 it-tmexxija tal-PN baqg\u0127et turi konsistenza fin-nuqqas ta’ \u0127ila tag\u0127ha li tifhimhom – b\u0127alma kompliet tag\u0127mel matul is-sena li g\u0127addiet u kompliet titbieg\u0127ed minnhom – tal-Labour jifhmuhom ferm inqas. Tal-Labour b\u0127al donnu jemmnu l-interpretazzjoni tal-One TV li tal-PN qishom ka\u017cin li l-membri tieg\u0127u ja\u0127sbu b’mod uniformi. Il-PN qatt ma kien ka\u017cin. Kull meta reba\u0127, il-PN reba\u0127 g\u0127ax kien irnexxielu jg\u0127aqqad flimkien koalizzjoni ta’ nies b’kulturi, aspirazzjonijiet u anki ideolo\u0121iji differenti li sabu x’ig\u0127aqqadhom kontra dak kollu li jirrappre\u017centaw tal-Labour. Din il-koalizzjoni issa tkissret g\u0127aliex Joseph Muscat kellu l-\u0127ila li jisfrutta l-vulnerabbiltajiet tag\u0127ha: kien jaf li jekk ter\u0121a’ tirxoxta l-istorja dwar l-img\u0127oddi ta’ Adrian Delia u dwar l-investigazzjonijiet kriminali tal-Pulizija, din se ter\u0121a’ tibda’ tberren f’mo\u0127\u0127 dawk li vvotaw PN u li llum lill-PN qed jarawh minn perspettiva differenti li xejn m’hi ti\u0121bidhom lejh.<\/p>\n

\u0126add ma mpressjona ru\u0127u mill-fatt li, f’dawn l-a\u0127\u0127ar \u0121img\u0127at, Adrian Delia ttanta jibdel it-tattika. Kien qisu dak il-bniedem li llum jipprova jimlik bix-xema’ bit-tama li se tara\u0127 \u0127elu u tinsa’ kemm il-biera\u0127 kien tak bil-\u0127arta. \u201cIl-grupp ta’ Daphne\u201d, kif i\u0127obbu jsej\u0127ulu, issa ilhu \u017cmien twil jara l-istejjer li kienet \u0127admet fuqhom u li kienet xandret Daphne Caruana Galizia ji\u0121u konfermati permezz ta’ provi o\u0127ra u dan minkejja r-re\u017cistenza, \u010b-\u010ba\u0127diet, il-gideb u t-teatrini kollha. Dawn m’g\u0127andhomx b\u017conn il-gideb tal-Labour biex i\u017commu l-bog\u0127od mill-PN. U l-manipulazzjonijiet tal-Labour ma jin\u017clulhomx g\u0127asel. Daqs kemm lanqas ma jistg\u0127u j\u0121err\u0127u l-fatt li – kemm fil-konfront ta’ Konrad Mizzi u Keith Schembri jew fil-konfront ta’ Adrian Delia – l-istituzzjonijiet tal-infurzar tal-li\u0121i u l-\u0121ustizzja jinsabu ta\u0127t il-kontroll ta’ Muscat u li dan jixg\u0127elhom jew jitfihom skond kif ifettillu. Wara kollox ma nafux jekk, g\u0127al Joseph Muscat, tkunx aktar konvenjenti kundanna, investigazzjoni li ma tispi\u010b\u010ba qatt jew anki assoluzzjoni.<\/p>\n

Dak li kien Prim Im\u0127allef – Silvio Camilleri – kien tkellem dwar dak li sejj\u0127ilha b\u0127ala s-saltna tad-delinkwenti. Ji\u0121ifieri sitwazzjoni fejn il-li\u0121i ti\u0121i applikata b’mod diskriminatorju: dawk li l-gvern ma jarahomx \u0127elwin ji\u0121u kastigati filwaqt li ting\u0127alaq g\u0127ajn wa\u0127da fil-konfront ta’ dawk li jixg\u0127alulu x-xemg\u0127at. E\u017catt b\u0127alma jag\u0127mlu l-bulijiet, Adrian Delia u ta’ madwaru ma sfidawx lill-klieb il-ba\u0127ar u minflok qabdu mal-makku.<\/p>\n

Nie\u0127du ftit e\u017cempji. Ikkunsidraw il-kummiedja tra\u0121ika dwar il-mafkar ta’ Daphne quddiem il-Qorti fil-Belt Valletta li Adrian Delia dam sena s\u0127i\u0127a jinjora, sakemm imbag\u0127ad g\u0127amel \u017cjara f’nofs Ottubru. U issa kkunsidraw il-vavata fejn ing\u0127atat il-\u0121enb mozzjoni ta’ Godfrey Farrugia li permezz tag\u0127ha qed tintalab ir-ri\u017cenja ta’ Konrad Mizzi, biex ing\u0127atat il-wisa’ lill-mozzjoni tal-PN li fiha ntalbet inkjesta dwar l-assassinju ta’ Daphne Caruana Galizia. B’din il-manuvra Adrian Delia b\u0127al spe\u010bi ried juri – kif irrimarka b’nuqqas ta’ sin\u010berit\u00e0 fuq it-televi\u017cjoni fil-programm ta’ Saviour Balzan – li l-attivisti ta’ Occupy Justice<\/em> huma \u201c\u0127bieb tieg\u0127u\u201d. Nassigurah li \u0127add minnhom m’hu se jixg\u0127allu xema’ talli \u0127a din l-inizjattiva \u010binika. Kieku ried, <\/span>Adrian Delia kellu 13 il-xahar s\u0127a\u0127 biex jippre\u017centa mozzjoni b\u0127al din. \u0120aladarba ma kellux l-g\u0127aqal politiku li jappo\u0121\u0121ja mozzjoni ta’ Godfrey Farrugia – mozzjoni li kien messu qabel mag\u0127ha – g\u0127ar-ra\u0121uni<\/em> li l-mozzjoni saret minn Godfrey Farrugia, g\u0127aliex g\u0127andu jistenna li \u0127addie\u0127or g\u0127andu jappo\u0121\u0121ja l-mozzjoni tieg\u0127u li titlob li ssir \u0121ustizzja ma’ Daphne Caruana Galizia minkejja l-fatt<\/em> li l-mozzjoni ppre\u017centaha hu?<\/p>\n

G\u0127al sena s\u0127i\u0127a, it-trolls<\/em> tat-tmexxija tal-PN kienu mehdijin jattakkaw lill-kriti\u010bi ta’ Adrian Delia talli dawn kienu qed jag\u0127mlu \u0127sara lill-Partit bil-kritika tag\u0127hom dwar il-korruzzjoni, dwar il-\u0127asil ta’ flus ma\u0127mu\u0121in u dwar kwistjonijiet “negattivi” o\u0127rajn. Issa qed iddur diska \u0121dida u t-trolls<\/em> qed ig\u0127idu li lill-kriti\u010bi l-PN qed jikkuntentahom hu u jadotta….. xiex? A\u0121enda negattiva? L-a\u0121enda tal-PN qed ter\u0121a’ tkun dettata minn Daphne? Sinjuri trolls<\/em>, biex isiru bis-serjet\u00e0, l-affarijiet ma jistg\u0127ux ise\u0127\u0127u b’dan il-mod. Id-djufija tal-PN tinsab mhux biss f’dak li jg\u0127id i\u017cda mill-mod kif jibdel dak li kien ig\u0127id. Din id-djufija tinsab ukoll fil-fatt li dawk li appo\u0121\u0121jaw lil Adrian Delia fit-tellieqa g\u0127at-tmexxija kienu g\u0127alqu g\u0127ajnejhom g\u0127all-fatti li kienet xandret Daphne Caruana Galizia bl-istess mod kif dawk li vvotaw Labour fl-2017 injoraw dak li kienet kitbet qabel l-elezzjoni.<\/p>\n

Il-fatti tista’ tinjorahom kemm trid. Madankollu dan ma jfissirx li, g\u0127ax tinjorahom, dawn se jisparixxu. Il-biera\u0127 Adrian Delai m’g\u0127amel ebda bravura meta quddiem il-kamera g\u0127amel \u010ba\u0127da li kienet tixba\u0127 dik il-famu\u017ca \u010ba\u0127da ta’ eks-President Amerikan li kien stqarr li qatt ma kellu x’jaqsam sesswalment ma’ “dik il-mara”, ji\u0121ifieri ma’ Monika Lewinski. \u201cJien m’g\u0127amilt xejn illegali\u201d qalilna. Bl-istess mod kif Konrad Mizzi qalilna li l-Awditur \u0120enerali kiteb li l-kuntratt tal-power station<\/em> huwa mudell ta’ min jikkupjah u li ma kienx hemm korruzzjoni.<\/p>\n

Fa\u010bli \u0127afna li wie\u0127ed ji\u010b\u0127ad il-fatti u li jippre\u017centa alternattiva finta biex il-partitarji jkollhom ma xiex jiggranfaw. Fa\u010bli \u0127afna li tipprovoka \u010b-\u010bap\u010bip. Fa\u010bli \u0127afna tmur tg\u0127id li dawk li jikkritikawk huma \u0127bieb tieg\u0127ek. Dan ma jfissirx li r-realt\u00e0 qatt se tisparixxi.<\/p>\n

Huwa minnu li l-Partit Laburista jista’ biss jing\u0127eleb politikament jekk ikollu tikkonfrontah Oppo\u017cizzjoni mag\u0127quda u b’sa\u0127\u0127itha u li l-firda sservi biex Joseph Muscat jibqa’ jirba\u0127. Muscat din jifhima sew u se jag\u0127mel minn kollox biex jisfrutta d-djufija tal-PN biex jer\u0121a’ jirba\u0127. M’g\u0127andniex xi ng\u0127idu, m’hemm ebda garanzija jekk jil\u0127aq xi \u0127addie\u0127or flok Adrian Delia, il-karriera politika ta’ Joseph Muscat tkun waslet fi tmiemha. Kull jum li jg\u0127addi Joseph Muscat qed ju\u017cah biex jg\u0127atti xturu biex b’hekk i\u0127ares lilu nnifsu.<\/p>\n

Madankollu huwa \u010bar li, \u0127lief g\u0127al dawk li ja\u0127dmu mill-qrib tieg\u0127u, Adrian Delia m’huwa xejn \u0127lief garanzija li g\u0127all-\u0121ejjieni Joseph Muscat jibqa’ j\u017comm il-poter f’idejh.<\/p>\n","protected":false},"excerpt":{"rendered":"

Fejn g\u0127andha x’taqsam ir-realt\u00e0 politika, jidher li g\u0127adna kemm missejna mal-g\u0127atba ta’ fa\u017ci \u0121dida. Is-sa\u0127\u0127a elettorali tal-partiti politi\u010bi baqg\u0127et l-istess u l-Partit Laburista baqa’ jgawdi l-ma\u0121\u0121oranza li kellu. Madankollu l-akbar bidla li se\u0127\u0127et tinsab fil-fatt li, mal-medda ta\u017c-\u017cmien, il-mexxejja tal-partiti politi\u010bi qed jitilfu l-kontroll fuq id-destin tag\u0127hom u l-i\u017cbalji li jwettqu qed jikkaw\u017calhom aktar u […]<\/p>\n","protected":false},"author":1,"featured_media":62467,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/63167\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=63167"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/63167\/revisions\/"}],"predecessor-version":[{"id":65248,"href":"https:\/\/manueldelia.com\/mt\/wp-json\/wp\/v2\/posts\/63167\/revisions\/65248\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/62467\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=63167"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=63167"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=63167"}],"curies":[{"name":"wp","href":"https:\/\/api.w.org\/{rel}","templated":true}]}}