{"id":72964,"date":"2019-03-15T14:13:48","date_gmt":"2019-03-15T13:13:48","guid":{"rendered":"https:\/\/manueldelia.com\/?p=72964"},"modified":"2019-03-20T12:44:50","modified_gmt":"2019-03-20T11:44:50","slug":"evarist-bartolo-s-salvatur-tad-dinja","status":"publish","type":"post","link":"https:\/\/manueldelia.com\/mt\/2019\/03\/evarist-bartolo-s-salvatur-tad-dinja\/","title":{"rendered":"Evarist Bartolo s-salvatur tad-dinja"},"content":{"rendered":"

\"\"<\/p>\n

Grupp ta’ tfal tal-iskola Maltin illum ing\u0127aqdu ma’ s\u0127abhom minn madwar id-dinja biex jipprotestaw kontra n-nuqqas ta’ azzjoni fil-\u0121lieda kontra t-tibdil fil-klima. Lil dawk li huma fis-setg\u0127a, dawn l-istudenti riedu jwasslulhom il-messa\u0121\u0121 biex i\u0127e\u0121\u0121uhom ji\u010b\u010baqalqu minnufi\u0127 u ming\u0127ajr aktar telf ta’ \u017cmien biex ji\u0121i evitat di\u017castru ambjentali.<\/p>\n

Illum Evarist Bartolo \u0127a \u0127sieb biex jidher fl-ewwel filliera. Proprjament dan kontra min kien qed jipprotesta? Nasal biex nifhem il-pre\u017cenza ta’ studenti li kienu qeg\u0127din ifakkru lil min jinsab fis-setg\u0127a li je\u0127tie\u0121 li ji\u010b\u010baqilqu minnufi\u0127. I\u017cda Evarist Bartolo hu wie\u0127ed minn dawk li jinsabu fis-setg\u0127a. Minn dik il-filliera ta’ quddiem, lil min kien qed jindirizza?<\/p>\n

Anki li kieku jappo\u0121\u0121ja bis-s\u0127i\u0127 dak li dwaru kienu qed jipprotestaw l-istudenti, post Evarist Bartolo \u010bertament ma kienx fil-protesta. Issa m’g\u0127andix dubju li n-nies tieg\u0127u ser joqomsu u ser jag\u0127mlu minn kollox biex ixandru ritratti ta’ politi\u010bi medjokri o\u0127ra minn madwar id-dinja, – dawn mo\u0127\u0127om biss biex jidhru – li wkoll attendew fl-ewwel fillera ta’ protesti simili li saru llum fi bliet o\u0127ra. Jiena stess ippruvajt infittex xi ritratt ‘l hawn u ‘l hinn, i\u017cda ma rnexxili nsib xejn. M’g\u0127andniex xi ng\u0127idu, Bartolo g\u0127andu mnejn isib xi ritratt ta’ bolo\u0127 politi\u010bi minn bnadi o\u0127ra li b\u0127alu li jkunu mejtin biex jidhru fir-ritratti biex b\u0127al spe\u010bi tinstab sku\u017ca g\u0127all-im\u0121ieba tieg\u0127u.<\/p>\n

\"\"<\/p>\n

Il-verit\u00e0 hi li meta politi\u010bi jippruvaw jisirqu \u010b-\u010bentru tal-attenzjoni sa\u0127ansitra anki f’inizjattivi mhux kontroversjali tas-so\u010bjet\u00e0 \u010bivili, dawn mhux talli ma jkunux qed jag\u0127tu lil dawn l-inizjattivi l-appo\u0121\u0121 tag\u0127hom, i\u017cda jkunu qed jinnewtralizzaw kull impatt li jista’ jkollhom. Meta s-setg\u0127ana jiddikjaraw l-appo\u0121\u0121 tag\u0127hom, kulma jkunu qed jag\u0127mlu hu li jberrdu rabja le\u0121ittima tal-protestanti u fl-istess waqt ikunu qed iqieg\u0127du sarima ma’ \u0127alq dawk li jkunu jridu jesprimu kritika fil-konfront tag\u0127hom.<\/p>\n

\u0126a\u0121a b\u0127al din mhux l-ewwel darba li \u0121rat. I\u017cda huwa tassew ta’ g\u0127ajb li politiku b\u0127al Evarist Bartolo (u l-gvern u l-partit rappre\u017centati minnu) lanqas biss g\u0127andu d-di\u010benza li jittollera l-il\u0127na indipendenti ta’ ftit mijiet ta’ studenti u ta’ tfal tal-iskola li g\u0127alenija qed jag\u0127mlu sej\u0127a biex tittie\u0127ed azzjoni kontra t-tibdil fil-klima.<\/p>\n

Fost is-sej\u0127iet li qed isiru hemm dik li t\u0127e\u0121\u0121e\u0121 lill-gvernijiet madwar id-dinja biex jiddikjaraw “emer\u0121enza klimatika”, sabiex jinfurmaw lill-pubbliku dwar is-serjet\u00e0 tas-sitwazzjoni attwali u sabiex “il-kri\u017ci ekolo\u0121ika” tidda\u0127\u0127al fil-kurrikulu nazzjonali.<\/p>\n

Evarist Bartolo m’g\u0127andux g\u0127alfejn jiddimostra fit-toroq biex jag\u0127mel sej\u0127a favur dawn it-tibdiliet. Jekk irid g\u0127andu s-setg\u0127a f’idejh biex iwettaq dawn it-tibdiliet u jmissu jwettaqhom ming\u0127ajr ma joqg\u0127od jipprova jpin\u0121i lilu nnifsu b\u0127allikieku l-idea wara l-organizzazzjoni tal-protesta kienet xog\u0127olu.<\/p>\n

Dawk il-ftit studenti li \u0127ar\u0121u jipprotestaw illum di\u0121\u00e0 kellhom bi\u010b\u010ba xog\u0127ol iebsa biex jikkumbattu l-apatija patolo\u0121ika jew il-bi\u017ca’ inspjegabbli ta’ s\u0127abhom, li g\u0127al ftit ma jiddie\u0127kux bihom talli jindenjaw ru\u0127om li jo\u0127or\u0121u jipprotestaw. U\u0127ud minn dawn tg\u0127idx kemm jit\u0127ambqu fl-iskejjel jew fid-djar dwar it-“telf ta’ \u017cmien”. B\u0127allikieku l-\u0127arsien tad-dinja g\u0127all-\u0121enerazzjonijiet li telg\u0127in mhix minnha nnifisha kwistjoni ta’ serjet\u00e0 kbira.<\/p>\n

F’nofs il-protesta tal-istudenti g\u0127alhekk kellna nassistu g\u0127all-presenza ta’ politiku li jag\u0127mel parti minn gvern li qed juri indifferenza \u0121mielha g\u0127at-tibdil fil-klima. U l-istudenti tag\u0127na – x’aktarx min\u0127abba l-kuntest so\u010bjali li fih trabbew – ma j\u0127ossuhomx komdi li jikkonfrontaw lil\u00a0 Evarist Bartolo billi jistaqsuh x’inhu jag\u0127mel biex i\u0127ares lid-dinja tag\u0127hom.<\/p>\n

\u010aertament ma staqsewhx jekk g\u0127ax-xog\u0127ol jippreferix jimxiha aktar milli jirkeb il-karrozza ministerjali, jew g\u0127allinqas jippreferix jirkeb ir-rota jew karrozza tal-linja. X’aktarx lanqas staqsewh jekk ikejjilx il-carbon footprint<\/em> tieg\u0127u u dwar kemm jirnexxielu jnaqqasha minn sena g\u0127al sena.<\/p>\n

Setg\u0127u ukoll staqsewh, fis-snin kollha li ilu fil-politika, kemm il-darba tkellem dwar it-tibdil fil-klima: x’aktarx ir-risposta li kien jag\u0127ti kienet tie\u0127u l-forma ta’ tbissima \u010bassa fuq wi\u010b\u010b politiku li m’g\u0127andux idea x’suppost g\u0127andu jag\u0127mel.<\/p>\n

 <\/p>\n","protected":false},"excerpt":{"rendered":"

Grupp ta’ tfal tal-iskola Maltin illum ing\u0127aqdu ma’ s\u0127abhom minn madwar id-dinja biex jipprotestaw kontra n-nuqqas ta’ azzjoni fil-\u0121lieda kontra t-tibdil fil-klima. Lil dawk li huma fis-setg\u0127a, dawn l-istudenti riedu jwasslulhom il-messa\u0121\u0121 biex i\u0127e\u0121\u0121uhom ji\u010b\u010baqalqu minnufi\u0127 u ming\u0127ajr aktar telf ta’ \u017cmien biex ji\u0121i evitat di\u017castru ambjentali. Illum Evarist Bartolo \u0127a \u0127sieb biex jidher fl-ewwel […]<\/p>\n","protected":false},"author":1,"featured_media":72958,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/72964\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=72964"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/72964\/revisions\/"}],"predecessor-version":[{"id":73164,"href":"https:\/\/manueldelia.com\/mt\/wp-json\/wp\/v2\/posts\/72964\/revisions\/73164\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/72958\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=72964"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=72964"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=72964"}],"curies":[{"name":"wp","href":"https:\/\/api.w.org\/{rel}","templated":true}]}}