{"id":74164,"date":"2019-04-23T16:41:30","date_gmt":"2019-04-23T14:41:30","guid":{"rendered":"https:\/\/manueldelia.com\/?p=74164"},"modified":"2019-04-23T21:07:56","modified_gmt":"2019-04-23T19:07:56","slug":"kummiedja-fil-qorti-a-la-konrad-mizzi","status":"publish","type":"post","link":"https:\/\/manueldelia.com\/mt\/2019\/04\/kummiedja-fil-qorti-a-la-konrad-mizzi\/","title":{"rendered":"Kummiedja fil-Qorti \u00e0 la Konrad Mizzi"},"content":{"rendered":"

\"\"<\/p>\n

Illum il-Qorti Kostituzzjonali fet\u0127et fil-ferjat tal-G\u0127id biex tisma’ talba “ur\u0121enti” li \u0121iet pre\u017centata minn Konrad Mizzi 15 il-minuta qabel l-g\u0127eluq tar-re\u0121istru tal-Qorti g\u0127all-waqfa tal-festi. Dawn il-praspar, Konrad Mizzi jinqala’ g\u0127alihom. \u0126mistax il-minuta qabel l-a\u0127\u0127ar waqfa tal-Milied, huwa ppre\u017centa wa\u0127da mit-talbiet tieg\u0127u biex i\u0127ares id-drittijiet tieg\u0127u, liema talba spi\u010b\u010ba warrabha ftit \u017cmien wara. Fi \u017cmien ftit \u0121ranet minn meta ppre\u017centa r-rikors tieg\u0127u, inteba\u0127 li ma kienx komdu g\u0127alih li jkompli jittratta l-kaw\u017ca.<\/p>\n

Proprju issa, l-kwistjoni re\u0121a’ rxuxtaha u f’daqqa wa\u0127da re\u0121g\u0127et saret fundamentalment importanti.<\/p>\n

Je\u0127tie\u0121 nifhmu li hi tassew \u0127a\u0121a ta’ barra minn hawn li jkollok Ministru tal-gvern li j\u0127arrek il-gvern li hu stess jifforma parti minnu. Ministru m’huwiex xi impjegat tal-gvern kwalunkwe li jkun qed i\u0127arrek lil ta’ fuqu g\u0127aliex dan tal-a\u0127\u0127ar ikun \u0121ab ru\u0127u mieg\u0127u b’mod in\u0121ust. Ministru tal-gvern huwa<\/em> l-gvern. Is-sitwazzjoni hi wa\u0127da tassew ski\u017cofrenika: l-avukati ta’ Konrad Mizzi (g\u0127aliex l-E\u010b\u010bellenza Tieg\u0127u deherlu li ma kellux jersaq lejn il-bini tal-Qorti li, wara kollox, fet\u0127et il-bibien tag\u0127ha fi \u017cmien il-ferjat g\u0127al wi\u010b\u010bu u sforz il-piki tieg\u0127u) spjegaw b’\u010berta sa\u0127\u0127a li Joseph Muscat, Chris Fearne, Edward Scicluna u l-bqija qed i\u010ba\u0127\u0127du lil Konrad Mizzi mid-drittijiet fundamentali tieg\u0127u u mid-dritt tieg\u0127u g\u0127al smieg\u0127 xieraq. G\u0127all-gvern ta’ Malta deher l-Avukat \u0120enerali li, f’ka\u017cijiet b\u0127al dawn, ma jgawdix awtonomija minn mal-politi\u010bi li jkunu qed imexxu lill-pajji\u017c. G\u0127all-kuntrarju, xog\u0127ol l-Avukat \u0120enerali huwa li ja\u0121ixxi fil-konfini tal-politika tal-gvern u li jimxi skond l-istruzzjonijiet tal-gvern. Illum wara nofsinhar,\u00a0 Konrad Mizzi jaf jinsab fl-uffi\u010b\u010bju tal-Avukat \u0120enerali jiddiskutu affarijiet marbutin max-xog\u0127ol tal-Ministeru tieg\u0127u: dan huwa l-istess uffi\u010b\u010bju li dalg\u0127odu Konrad Mizzi g\u0127o\u0121bu j\u0127arrku fl-og\u0127la qorti tal-pajji\u017c.<\/p>\n

Qed t\u0127oss mo\u0127\u0127ok jit\u0127awwad? Ma nag\u0127tikx tort.<\/p>\n

X’inhu l-isfond ta’ din il-kwistjoni kollha? Konrad Mizzi minn xiex qed jilmenta? It-tnejn g\u0127al rashom, Repubblika u Simon Busuttil, lill-Ma\u0121istrat tal-g\u0127assa talbuha tifta\u0127 inkjesta dwar il-Panama Papers<\/em>. Il-Ma\u0121istrat g\u0127adha ma tatx digriet dwar din it-talba. Il-kwistjoni di\u0121\u00e0 ilha f’\u0127o\u0121orha g\u0127al sitt \u0121img\u0127at u hi kienet talbet lil Konrad Mizzi (u lil Keith Schembri) biex iwie\u0121bu g\u0127ar-rikors li sar. X’aktarx huma wie\u0121bu li ma jaqblux li ssir inkjesta, i\u017cda ma nistg\u0127ux inkunu \u010berti dwar x’wie\u0121bu: g\u0127alkemm Konrad Mizzi u Keith Schembri ir\u010bevew kopja tar-rikors b’dak li qalu dwarhom Repubblika u Simon Busuttil, Repubblika u Simon Busuttil ma ng\u0127atawx l-opportunit\u00e0 jaqraw x’wie\u0121bu Konrad Mizzi u Keith Schembri. Konrad Mizzi lill-Ma\u0121istrat talabha wkoll biex ma tidde\u010bidix fuq il-kwistjoni dwar jekk g\u0127andhiex tinbeda’ nkjesta u dan g\u0127aliex kien bi \u0127siebu jitlob lill-Qorti Kostituzzjonali tiddikjara li l-li\u0121i li tippermetti lil Repubblika u lil Simon Busuttil li jitolbu t-tnedija ta’ nkjesta tikser id-drittijiet tieg\u0127u. U biex \u017cgur jipprova j\u0121ibha \u017cew\u0121 f’ka\u017c li l-Ma\u0121istrat ti\u010b\u0127ad it-talba tieg\u0127u, Konrad Mizzi lill-Qorti Kostituzzjonali talabha wkoll biex b’ur\u0121enza lill-Ma\u0121istrat tordnalha biex ma tidde\u010bidix.<\/p>\n

\u0126wejje\u0121 tabil\u0127aqq ta’ barra minn hawn:<\/p>\n

    \n
  1. Li jkollok Ministru li j\u0127arrek lill-gvern li huwa stess jifforma parti minnu.<\/li>\n
  2. Li jkollok dan il-Ministru li, bil-wi\u010b\u010b sfiq u l-ardir kollu, imur ig\u0127id li d-dritt li tag\u0127ti l-li\u0121i lil kull \u010bittadin li jitlob it-tnedija ta’ nkjesta biex huwa ji\u0121i nvestigat, tiksirlu drittijietu. Konrad Mizzi hawn qed ig\u0127id l-li\u0121ijiet jg\u0127oddu g\u0127al kul\u0127add, \u0127lief g\u0127all-E\u010b\u010bellenza Tieg\u0127u. Skont Mizzi, Repubblika x’wi\u010b\u010b g\u0127andha ta\u017c\u017carda titlob li ssir inkjesta dwar l-im\u0121ieba ta’ Ministru? Dalg\u0127odu Jason Azzopardi, li deher g\u0127al Simon Busuttil u g\u0127al Repubblika, kien irrabjat \u0121mielu u, biex jag\u0127mel tixbi\u0127a, \u0121ab e\u017cempju ta’ dak li j\u0121ib riklam fuq \u0121urnal biex i\u0127abbar li kien bi \u0127siebu jisraq bank il-\u0126add ta’ wara, i\u017cda li mbag\u0127ad ilmenta li drittijietu inkisrulu hekk kif il-Pulizija tibg\u0127at g\u0127alih biex tinvestigah dwar ir-riklam. Kif jista’ xi \u0127add imur ig\u0127id li g\u0127andu dritt li ma ji\u0121ix investigat? Qisha mhix hi, l-avukat Victoria Buttigieg ittrattat g\u0127an-nom tal-Avukat \u0120enerali ming\u0127ajr l-i\u010bken konsiderazzjoni g\u0127all-fatt li kienet qed to\u0121\u0121ezzjona g\u0127all-argumenti li n\u0121iebu mill-img\u0127allem tag\u0127ha stess: il-Ministru.<\/li>\n
  3. Li jkollok l-Avukat \u0120enerali jakku\u017ca lil Ministru tal-gvern bi “kwa\u017ci abbu\u017c tal-li\u0121ijiet” u dan talli huwa talab lill-Qorti Kostituzzjonali biex tidde\u010biedi hi, meta de\u010bi\u017cjoni b\u0127al din setg\u0127et ittie\u0127det direttament mill-Ma\u0121istrat stess. Il-kelma “kwa\u017ci” setg\u0127et fa\u010bilment \u0127allietha barra.<\/li>\n
  4. Kif di\u0121\u00e0 spjegajt, lill-Qorti Kostituzzjonali Konrad Mizzi talabha tordna lill-Ma\u0121istrat biex toqg\u0127od lura milli tidde\u010biedi dwar it-talba ta’ Repubblika biex tinbeda’ nkjesta sakemm hi (ji\u0121ifieri l-Qorti Kostituzzjonali) tidde\u010biedi dwar jekk id-drittijiet umani ta’ Konrad Mizzi inkisrulux jew le. L-Avukat \u0120enerali wissa’ li intervent b\u0127al dan \u2013 li jammonta g\u0127al mi\u017cura temporanja – mhux soltu li ji\u0121i a\u010b\u010bettat mill-Qorti Ewropea tad-Drittijiet tal-Bniedem. L-avukati ta’ Konrad Mizzi lanqas biss st\u0127aw jiddikjaraw li, fi kwistjonijiet b\u0127al dawn, il-Qrati Maltin g\u0127andhom jinjoraw il-pratti\u010bi tal-Qorti Ewropea tad-Drittijiet tal-Bniedem. Hawn g\u0127andna Ministru tal-gvern li jrid i\u0127ares drittijietu a spejje\u017c tad-drittijiet umani ta’ \u0127addie\u0127or. Mhux biss. Repubblika u Simon Busuttil lill-Qorti Kostituzzjonali talbuha ttihom l-opportunit\u00e0 li jag\u0127tu l-kummenti u jag\u0127mlu l-osservazzjonijiet tag\u0127hom fil-ka\u017c li ppre\u017centa Konrad Mizzi dwar id-drittijiet umani tieg\u0127u. Dan g\u0127aliex Konrad Mizzi kien qal li Repubblika u Simon Busuttil m’g\u0127andhomx dritt li jag\u0127mlu talba biex titnieda nkjesta dwar il-Panama Papers<\/em>. U kif wie\u0127ed jistenna’, Repubblika u Simon Busuttil jippretendu li jing\u0127ataw l-opportunit\u00e0 li jg\u0127idu tag\u0127hom u j\u0121ibu l’ quddiem il-fehma tag\u0127hom li huma g\u0127andhom kull dritt li jag\u0127mlu talba b\u0127al din. Kienet tabil\u0127aqq ironika x-xena: minn banda Konrad Mizzi jilmenta li ma kienx ing\u0127ata smig\u0127 xieraq u mill-banda l-o\u0127ra jargumenta li dan l-istess dritt li jrid g\u0127alih, m’g\u0127andux ig\u0127odd ukoll g\u0127al Repubblika u g\u0127al Simon Busuttil.<\/li>\n
  5. Kienet il-Qorti stess\u00a0 \u2013 presjeduta mill-Im\u0127allef Joseph Zammit Mckeon \u2013 li fakkret lill-avukati ta’ Konrad Mizzi li dan l-a\u0127\u0127ar kien ippermetta l-intervent tal-avukat Joe Brincat f’rikors li jien stess kont ippre\u017centajt kontra l-gvern dwar id-dritt li wie\u0127ed jipprotesta quddiem il-Mafkar tal-Assedju fil-Belt Valletta. Staqsa l-Im\u0127allef: kif seta’ ma jippermettix lil Repubblika tintervjeni fil-kaw\u017ca ta’ Konrad Mizzi \u0121aladarba Joe Brincat kien t\u0127alla jintervjeni fil-kaw\u017ca li g\u0127amel Manuel Delia ftit xhur ilu? Wera’ kemm kienu bla sugu l-argumenti tal-avukati ta’ Konrad Mizzi u g\u0127adda biex ji\u010b\u0127ad l-o\u0121\u0121ezzjonijiet tag\u0127hom u lil Repubblika u lil Simon Busuttil ikkonfermalhom id-dritt li jintervjeni fil-kaw\u017ca.<\/li>\n
  6. Minkejja l-ur\u0121enza kollha li qalu li kien hemm\u00a0 – tant li l-Qorti kellha tilqa’ t-talba tag\u0127hom u tifta\u0127 fi \u017cmien il-ferjat tal-G\u0127id – l-avukati ta’ Konrad Mizzi ddikjaraw li kienu ser jappellaw mid-digriet tal-Qorti li permezz tieg\u0127u Repubblika u Simon Busuttil ing\u0127ataw id-dritt li jintervjenu fil-kaw\u017ca. L-Im\u0127allef kien pront u staqsiehom jekk kinux g\u0127adhom qed jikkunsidraw il-kaw\u017ca b\u0127ala wa\u0127da ta’ natura ur\u0121enti. Dan l-appell \u2013 dejjem jekk jing\u0127ataw il-permess li jippre\u017centawh \u2013 g\u0127andu l-potenzjal li jtawwal il-kaw\u017ca g\u0127al \u0121img\u0127at s\u0127a\u0127 u Konrad Mizzi stess qed jilmenta li l-azzjonijiet li \u0127adu Repubblika u Simon Busuttil qed iservu biex i\u010ba\u0127\u0127huh mill-\u0121ustizzja fi \u017cmien qasir. I\u017cda l-fatt jibqa’ li huwa Konrad Mizzi stess li qed itawwal. Fil-Qorti l-Im\u0127allef qal li, fl-a\u0127\u0127ar mill-a\u0127\u0127ar, se jkun hu li fi \u017cmien \u0121img\u0127a mil-lum se jidde\u010biedi fuq talba ur\u0121enti ta’ Konrad Mizzi dwar jekk g\u0127andux jordna lill-Ma\u0121istrat toqg\u0127od lura milli tidde\u010biedi jew le. \u010aara li l-Im\u0127allef kien qed jonora t-talba g\u0127al smieg\u0127 b’ur\u0121enza minn na\u0127a ta’ Konrad Mizzi. Kien \u0127adem fil-\u0121ranet tal-G\u0127id biex ikun im\u0127ejji g\u0127as-smieg\u0127 tal-kaw\u017ca llum u huwa lest li fi \u017cmien \u0121img\u0127a jaqta’ s-sentenza.<\/li>\n
  7. \u0120ara’, i\u017cda, li l-avukati ta’ Konrad Mizzi \u0127ar\u0121u bl-isku\u017ca li l-\u0121img\u0127a d-die\u0127la mhux ser ikunu jistg\u0127u jattendu l-Qorti biex jisimg\u0127u is-sentenza tal-Im\u0127allef g\u0127ax ser ikunu msifrin u nsistew li huma g\u0127andhom ikunu pre\u017centi fl-Awla meta tinqara’ s-sentenza. Allura issa l-kaw\u017ca ur\u0121enti mistennija li tinqata’ fi \u017cmien \u0127mistax meta l-avukati jkunu waslu lura mis-safar. Issa min qed itawwal, allura?<\/li>\n<\/ol>\n

    Id-de\u010bi\u017cjoni li \u0127a l-Im\u0127allef li permezz tag\u0127ha Repubblika u Simon Busuttil ing\u0127ataw il-permess li jintervjenu fil-kaw\u017ca ta’ Konrad Mizzi, g\u0127alkemm hi wa\u0127da ta’ importanza, tammonta wkoll g\u0127al reb\u0127a pirrika g\u0127aliex hija biss pass \u017cg\u0127ir lejn il-\u0121ustizzja vera li qed tintalab: li investigazzjoni dwar il-Panama Papers<\/em> tkun tista’ tinbeda’. Investigazzjoni li kien messha nbdiet 3 snin ilu. Issa ser ikollna nistennew \u0127mistax o\u0127ra biex naraw x’ser ikunu l-passi li jmiss. I\u017cda l-verit\u00e0 hi li m’g\u0127andniex g\u0127alfejn noqg\u0127odu nistennew. G\u0127ada filg\u0127odu stess, il-Ma\u0121istrat tal-g\u0127assa jkollha kull dritt tidde\u010biedi dwar it-talba biex titnieda nkjesta. M’hemm ebda ra\u0121uni g\u0127ala g\u0127andha toqg\u0127od tistenna \u0127mistax o\u0127ra biex tidde\u010biedi. M’hemm xejn x’i\u017commha.<\/p>\n

    M’g\u0127andniex xi ng\u0127idu, hemm ukoll realt\u00e0 o\u0127ra x’wie\u0127ed jikkunsidra. M’hemm xejn x’i\u017comm lil Laurence Cutajar milli jaqdi dmiru u jibda’ investigazzjoni dwar il-Panama Papers<\/em>. M’g\u0127andux g\u0127alfejn joqg\u0127od jistenna lill-Ma\u0121istrat biex jibda’ nkjesta. Lanqas m’g\u0127andu g\u0127alfejn joqg\u0127od jistenna’ lill-Qorti Kostituzzjonali biex tidde\u010biedi dwar jekk talba g\u0127at-tnedija ta’ nkjesta tammontax g\u0127al ksur tad-drittijiet imma\u0121inarji ta’ Konrad Mizzi.<\/p>\n

    Il-Kummissarju tal-Pulizija mhux biss g\u0127andu kull dritt iniedi investigazzjoni. Huwa wkoll fid-dmir li jag\u0127mel dan. Hekk kif il-Kummissarju jidde\u010biedi li jaqdi dmiru, ir-reb\u0127a tkun assigurata. Konrad Mizzi iridna lkoll naqtg\u0127u qalbna. U g\u0127alhekk qed jipprova jtawwal kemm jifla\u0127 – ur\u0121enza u mhux ur\u0121enza.<\/p>\n

    Serra\u0127 rasek li qalbna mhux ser naqtg\u0127uha, Konrad. Hawn qeg\u0127din. U hawn ser nibqg\u0127u.<\/p>\n","protected":false},"excerpt":{"rendered":"

    Illum il-Qorti Kostituzzjonali fet\u0127et fil-ferjat tal-G\u0127id biex tisma’ talba “ur\u0121enti” li \u0121iet pre\u017centata minn Konrad Mizzi 15 il-minuta qabel l-g\u0127eluq tar-re\u0121istru tal-Qorti g\u0127all-waqfa tal-festi. Dawn il-praspar, Konrad Mizzi jinqala’ g\u0127alihom. \u0126mistax il-minuta qabel l-a\u0127\u0127ar waqfa tal-Milied, huwa ppre\u017centa wa\u0127da mit-talbiet tieg\u0127u biex i\u0127ares id-drittijiet tieg\u0127u, liema talba spi\u010b\u010ba warrabha ftit \u017cmien wara. Fi \u017cmien ftit […]<\/p>\n","protected":false},"author":1,"featured_media":74146,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/74164\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=74164"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/74164\/revisions\/"}],"predecessor-version":[{"id":74173,"href":"https:\/\/manueldelia.com\/mt\/wp-json\/wp\/v2\/posts\/74164\/revisions\/74173\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/74146\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=74164"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=74164"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=74164"}],"curies":[{"name":"wp","href":"https:\/\/api.w.org\/{rel}","templated":true}]}}