![\"\"](\"https:\/\/manueldelia.com\/wp-content\/uploads\/2019\/04\/MalDia-03-28-11-18-Prime-Minister-Joseph-Muscat-left-and-Culture-Minister-Owen-Bonnici-inaugurate-the-new-museum..jpg\")
<\/p>\n<\/p>\n
G\u0127al\u00a0Joseph Muscat u Owen Bonnici, Repubblika ma te\u017cistix g\u0127alkemm nhar it-Tnejn fil-Qorti ser ikollhom iwie\u0121bu g\u0127ar-rikors li \u0121ie pre\u017centat minnha.<\/p>\n
Jippreferu jirreferu g\u0127all-avukati tag\u0127ha \u2014 Jason Azzopardi u Simon Busuttil \u2014 hekk kif iwie\u0121bu g\u0127all-akku\u017ca ta’ Repubblika li huma qeg\u0127din jiksru l-weg\u0127da tag\u0127hom li jimplimentaw ir-riformi li ntalbu mill-Kummissjoni ta’ Venezja.<\/p>\n
Kien hemm min ikkummenta fis-sens li Repubblika stiednet din il-kwalit\u00e0 ta’ reazzjoni meta qabbdet lil \u017cew\u0121 membri parlamentari tal-PN biex jidhru g\u0127aliha. Kumment b\u0127al dan tistennie\u0127 g\u0127aliex dan il-pajji\u017c g\u0127adu mi\u017cg\u0127ud b’politi\u010bi li g\u0127adhom libsin il-\u0127arqa u li jehdew fl-inkejja u fit-tg\u0127ajjir personali minflok iwie\u0121bu g\u0127all-argumenti li jkunu n\u0121iebu.<\/p>\n
Repubblika g\u0127andha g\u0127erf bi\u017c\u017cejjed biex l-g\u0127a\u017cla tal-avukati li jirrappre\u017centawha ssejjisha fuq dak li t\u0127oss li g\u0127andu l-akbar \u010bans li jwassalha g\u0127as-su\u010b\u010bess f’dak kollu li tkun da\u0127let g\u0127alih. Repubblika m’hix bi \u0127siebha ti\u0121i kundizzjonata mill-gvern biex tag\u0127mel g\u0127a\u017cliet inferjuri biex imbag\u0127ad tkun tista’ issib il-kenn mid-diskors inkrepattiv u bla sugu ta’ Joseph Muscat.<\/p>\n
Id-diskors tal-biera\u0127 ta’ Joseph Muscat kien wie\u0127ed ta’ barra minn hawn. Huwa qal li Simon Busuttil u Jason Azzopardi kellhom l-ardir jippre\u017centaw rikors b’talba g\u0127all-implimentazzjoni adegwata tar-riformi f’dik li hi g\u0127a\u017cla tal-\u0121udikanti meta fl-2106 dawn kienu vvutaw favur is-sistema li hemm illum.<\/p>\n
B’qerq liema b\u0127alu, pprova jpin\u0121ihom b\u0127ala persuni inkonsistenti u m\u0127awwdin.<\/p>\n
I\u017cda l-Kummissjoni ta’ Venezja kienet g\u0127amlet anali\u017ci netta tas-sitwazzjoni u qalet \u010bar u tond li r-riformi li se\u0127\u0127ew fl-2016 kienu “pass fid-direzzjoni t-tajba”. Nistaqsi: hemm xi ra\u0121uni ta\u0127t il-kappa tax-xemx g\u0127ala wie\u0127ed m’g\u0127andux jivvota favur “pass fid-direzzjoni t-tajba”?<\/p>\n
I\u017cda l-Kummissjoni ta’ Venezja qalet ukoll li minkejja t-te\u0127id ta’ dan il-pass, Malta g\u0127ad fadlilha \u0127afna x’taqdef biex twassal il-vapur tag\u0127ha fil-port. Fl-2016, kien in\u0127oloq Kumitat biex jilqa’ l-applikazzjonijiet ta’ dawk l-avukati li wrew ix-xewqa li jservu fil-\u0121udikatura u biex ukoll ig\u0127arbel dawn l-applikazzjonijiet. Il-\u0127olqien ta’ dan il-Kumitat kien novit\u00e0.<\/p>\n
Il-\u0127olqien ta’ dan il-Kumitat kien pass fid-direzzjoni t-tajba u g\u0127alhekk g\u0127amel sewwa kull min ivvota favur il-\u0127olqien tieg\u0127u.<\/p>\n
Madankollu jista’ jing\u0127ad li l-\u0127olqien ta’ dan il-Kumitat minnu nnifsu tabil\u0127aqq jiggarantixxi l-indipendenza tal-\u0121udikatura? Xejn minn dan. Il-Prim Ministru xorta wa\u0127da baqa’ bid-dritt li jag\u0127mel il-\u0127atriet. Il-Kumitat lanqas jista’ jesprimi preferenza g\u0127al applikant fuq ie\u0127or li jkun g\u0127adda minn g\u0127arbiel mill-aktar ba\u017ciku. U fl-a\u0127\u0127ar mill-a\u0127\u0127ar, il-Prim Ministru g\u0127andu l-jedd li jinjora l-fehma tal-Kumitat.<\/p>\n
Allura fejn hi l-indipendenza?<\/p>\n
Issa jekk wie\u0127ed jaqra’ d-diskorsi li kienu saru fl-2016 fil-Parlament, wie\u0127ed g\u0127andu jsib li Jason Azzopardi kien tkellem b’sa\u0127\u0127a dwar il-fatt li r-riformi li kienu qed ji\u0121u proposti dak i\u017c-\u017cmien \u010bertament ma kinux bi\u017c\u017cejjed. Huwa kien tkellem favur l-indipendenza tal-\u0121udikatura f’dik li hi l-g\u0127a\u017cla ta’ \u0121udikanti \u0121odda u sa wasal biex fassal abbozz ta’ li\u0121i huwa stess. M’g\u0127andniex xi ng\u0127idu, dan l-abbozz il-gvern injorah.<\/p>\n