{"id":74856,"date":"2019-05-21T14:00:40","date_gmt":"2019-05-21T12:00:40","guid":{"rendered":"https:\/\/manueldelia.com\/?p=74856"},"modified":"2019-05-21T14:00:40","modified_gmt":"2019-05-21T12:00:40","slug":"il-qtil-ta-bniedem-innocenti-u-kif-qed-jippruvaw-ighattu-xtur-il-gvern","status":"publish","type":"post","link":"https:\/\/manueldelia.com\/mt\/2019\/05\/il-qtil-ta-bniedem-innocenti-u-kif-qed-jippruvaw-ighattu-xtur-il-gvern\/","title":{"rendered":"Il-qtil ta’ bniedem inno\u010benti u kif qed jippruvaw ig\u0127attu xtur il-gvern."},"content":{"rendered":"

Il-fa\u010b\u010bata ta’ quddiem tat-Times of Malta<\/em> tal-lum xandret il-qerq li permezz tieg\u0127u il-gvern irid ibellag\u0127ha li l-ka\u017c dwar il-qtil ta’ Lassana Cisse qed ji\u0121i trattat b’serjet\u00e0 liema b\u0127alha.\u00a0<\/a> Huwa minnu li qed jie\u0127du dan il-qtil b’serjet\u00e0 kbira, imma mhux g\u0127ar-ra\u0121unijiet li qed i\u0121ibu. Qed jag\u0127mlu dan g\u0127aliex inteb\u0127u li jinsabu mg\u0127obbijin b’responsabbilt\u00e0 politika diretta u, li kieku konna f’pajji\u017c li fih id-demokrazija ta\u0127dem kif suppost, issa ilhom li tqalftu ‘l barra mis-si\u0121\u0121u tas-setg\u0127a.<\/p>\n

Nispjegalkom il-g\u0127ala.<\/p>\n

Hekk kif \u0127a r-riedni tal-poter, il-gvern ta’ Joseph Muscat kien bidel ir-regolamenti kollha dwar il-mod kif jing\u0127ataw il-promozzjonijiet fl-Armata u dan sabiex ji\u017cgura li jse\u0127\u0127u promozzjonijiet i\u0121ri\u00a0 u \u0121erri ta’ uffi\u010bjali li seta’ jafda g\u0127al ra\u0121unijiet purament parti\u0121\u0121jani. L-aktar wie\u0127ed li gawda minn dawn it-tibdiliet kien id-Deputat Kmandant Mark Mallia.\u00a0Segwi dan ir-rapport tal-Ombudsman li jittratta dwar il-promozzjonijiet li ng\u0127ataw lil Mark Mallia – promozzjonijiet li \u010bertament ma setg\u0127ux jing\u0127atawlu li kieku ma’ tbaxxewx il-kriterji me\u0127tie\u0121a u li kieku ma nbidlux ir-regolamenti fl-2013.<\/a><\/p>\n

\"\"

Mark Mallia, Vi\u010bi Kmandant tal-Armata (lemin), mal-img\u0127allem tieg\u0127u il-Kmandant Jeffrey Curmi<\/p><\/div>\n

Id-Deputat Kmandant Mark Mallia huwa direttament responsabbli g\u0127ar-ri\u017corsi umani fl-Armata. Dan ifisser li l-inga\u0121\u0121 ta’ persuni fl-armata jg\u0127addi minn ta\u0127t idej\u0127.<\/p>\n

Tard fl-2016, g\u0127ax elezzjoni \u0121enerali kienet fil-qrib, l-armata \u0127ar\u0121et sej\u0127a g\u0127all-inga\u0121\u0121 ta’ suldati<\/a>. F’Mejju 2017, ftit \u0121ranet qabel l-elezzjoni, dda\u0127\u0127lu 112 il-suldat. U mill-istess sej\u0127a g\u0127all-applikazzjonijiet li saret fl-2016, idda\u0127\u0127lu 72 suldat ie\u0127or f’Ottubru 2017.<\/p>\n

Permezz ta’ din il-mossa, kull min kien qed jistenna “pja\u010bir” ming\u0127and il-gvern bi tpartit mal-vot, ing\u0127ata salarju, uniformi u arma tan-nar.<\/p>\n

I\u017c-\u017cew\u0121 suldati li jinsabu mixlija bil-qtil kiesa\u0127 u biered ta’ Lissana Cisse kienu \u0121ew inga\u0121\u0121ati mal-armata bis-sa\u0127\u0127a ta’ dan il-pro\u010bess.<\/p>\n

Li kieku kellha ssir investigazzjoni dwar ir-responsabbilt\u00e0 potenzjali tal-Istat u dwar in-nuqqas tal-Istat li j\u0127ares il-\u0127ajja ta’ Lissana Cisse, min imexxi investigazzjoni b\u0127al din kien ikollu jistaqsi jekk l-inga\u0121\u0121 tag\u0127hom kienx skont ir-regolamenti tal-armata.<\/p>\n

Fost ir-regolamenti hemm dik li applikant g\u0127andu jkollu \u201cim\u0121ieba tajba u korretta\u201d.<\/p>\n

Wie\u0127ed je\u0127tie\u0121 li jsemmi wkoll li kondotta nadifa mhix bi\u017c\u017cejjed u li r-regolamenti huma \u0127afna aktar ibsin f’dan ir-rigward. Fil-fatt is-sej\u0127a g\u0127all-applikazzjonijiet g\u0127all-inga\u0121\u0121 fl-armata, li kienet ixxandret fil-gazzetta tal-gvern, tg\u0127id li kull applikant g\u0127andu jawtorizza lill-armata li titkixxef mal-pulizija dwar kondotta tieg\u0127u li ma tkunx ixxandret. Kull applikant huwa wkoll me\u0127tie\u0121 li jipprovdi \u010bertifikat li mhux biss qatt ma kien \u0121ie misjub \u0127ati ta’ reat kriminali i\u017cda wkoll li ma hemm ebda investigazzjoni g\u0127addejja dwar l-im\u0121ieba tieg\u0127u.<\/p>\n

Wie\u0127ed mis-suldati mixlijin bil-qtil ta’ Lassana Cisse jinsab akku\u017cat ukoll li kien ikkometta reat kriminali wara li fl-img\u0127oddi kien \u0121ie kundannat dwar reat mill-qorti (dan ir-reat ma ssemmiex x’kien) i\u017cda kien in\u0127eles b’kundizzjoni li ma jikkommettix reat ie\u0127or. Il-Ministru tal-Intern Michael Farrugia qal li r-reat kriminali “ma kienx wie\u0127ed serju\u201d, i\u017cda baqa’ ma qalx f’hiex kien jikkonsisti dan ir-reat.<\/p>\n

F’kull investigazzjoni dwar ir-responsabbilt\u00e0 potenzjali tal-Istat u dwar in-nuqqas tal-Istat li j\u0127ares il-\u0127ajja ta’ Lissana Cisse, min ikun qed imexxi l-investigazzjoni \u010bertament ikun fid-dmir li jistaqsi jekk fi\u010b-\u010bertifikat is-suldat kienx iddikjara jew le li kien \u0121ie misjub \u0127atja mill-qorti. Hu x’inhu, ikun fid-dmir ukoll li jitkixxef biex jara jekk l-armata kinitx saret taf li dan kien instab \u0127ati, \u017c-\u017cmien meta saru jafu u dwar jekk sarux investigazzjonijiet ulterjuri biex jistabbilixxu li verament g\u0127andu “m\u0121ieba tajba u korretta”.<\/p>\n

X’aktarx li investigazzjoni b\u0127al din kienet tkun kapa\u010bi tikxef nuqqasijiet amministrattivi fil-mod kienu \u0121ew img\u0127arbla l-applikanti fi\u017c-\u017cew\u0121 pro\u010bessi ta’ nga\u0121\u0121 li se\u0127\u0127 fl-2017, nuqqasijiet li se\u0127\u0127ew bis-sa\u0127\u0127a tal-intervent politiku dirett tal-Prim Ministru u li l-Ombudsman di\u0121\u00e0 kellu l-okka\u017cjoni li jikkundanna fir-rapport tieg\u0127u dwar it-tmexxija tal-armata.<\/p>\n

Lil tan-Newsbook<\/em>, illum Michael Farrugia qalilhom li f’dan il-ka\u017c ikun hemm responsabbilt\u00e0 politika x’tintrefa’ kemm il-darba ji\u0121i stabbilit li xi \u0127add bg\u0127at li\u017c-\u017cew\u0121 assassini biex joqtlu lil Lassana Cisse.<\/a> Ma setax ig\u0127id \u0127merija akbar minn din. Jekk ji\u0121i stabilit li kien politiku li bg\u0127at suldat biex joqtol persuna o\u0127ra, dan il-politiku ma jkunx responsabbli politikament i\u017cda responsabbli kriminalment g\u0127all-qtil.<\/p>\n

F’dan il-ka\u017c, hemm ir-responsabbilt\u00e0 politika. Ag\u0127tu \u0127arsa lejn il-famu\u017c ritratt li kien ttie\u0127ed fi \u017cmien il-Milied is-sena l-o\u0127ra li fih jidhru Joseph Muscat imdawwar bl-erba’ lag\u0127qa ta’ madwaru. Dawn huma l-ba\u017cu\u017cli li \u0127atar biex i\u017commu kontroll strett fuq l-amministrazzjoni tal-pajji\u017c u dan sabiex tin\u017camm f’idejh kull awtorit\u00e0 fil-pajji\u017c.<\/p>\n

\"\"<\/p>\n

Wie\u0127ed mill-mistednin tieg\u0127u huwa d-Deputat Kmandant Mark Mallia li jidher bil-qieg\u0127da bejn Edward Zammit Lewis \u2013 x’aktarx dan kien mistieden biex jurihom kemm jinqala’ g\u0127ax-xorb tal-gin<\/em> cocktails<\/em> \u2013 u James Piscopo, il-mo\u0127\u0127 wara t-tatti\u010bi tal-elezzjoni tal-2013 u wie\u0127ed mis-setg\u0127ana li hemm illum.<\/p>\n

It-Times of Malta<\/em> qalet li tal-armata talbu ordni Presidenzjali biex ikunu jistg\u0127u jissospendu li\u017c-\u017cew\u0121 persuni mixlija bil-qtil. Dawn ming\u0127alihom li mossa b\u0127al din se timpressjona lin-nies.<\/p>\n

Kien biss ftit \u0121img\u0127at ilu li lil Godwin Schembri dde\u010bidew li jdabbrulu rasu \u2013 u mhux li jissospenduh \u2013 mill-armata, dan kollu g\u0127ax sie\u0127bu xerred filmat tieg\u0127u ji\u010b\u010bajta\u00a0<\/a>dwar l-imbierek kan\u010bell li twa\u0127\u0127al f’nofs g\u0127alqa minn uffi\u010bjali nkompetenti li kienu ng\u0127ataw promozzjonijiet biex jissorveljawh.<\/span><\/p>\n

Ftit \u0121img\u0127at ilu il-Kmandant tal-Armata ma \u0127asibhiex darbtejn biex ike\u010b\u010bi suldat. U issa dan jidhirlu li je\u0127tie\u0121 jitlob il-permess tal-President biex jissospendi tnejn o\u0127ra. U \u0127alluna!<\/p>\n

Dawn dehrilhom li kellhom i\u017ceffnu lill-President fin-nofs biex dan iservi ta’ paraventu g\u0127all-Prim Ministru<\/span>. Biex jippruvaw ibellg\u0127uha li kellhom jirrikorru lejn awtorit\u00e0 aktar g\u0127olja. Li \u0121ara’ hu li l-President spi\u010b\u010ba ta palata biex gvern inkompetenti u korrott jibqa’ j\u017comm fil-wi\u010b\u010b.<\/span><\/p>\n

\u0126add m’hu jixli lill-Prim Ministru li kien hu li bg\u0127at li\u017c-\u017cew\u0121 suldati biex joqtlu bniedem f’Bir<\/span>\u017cebbu\u0121a. Madankollu kien proprju hu li \u0127atar ba\u017cu\u017clu biex jimpjega suldati bil-g\u0127an li, minflok li jaqdi l-interess nazzjonali billi jinga\u0121\u0121a fl-armata persuni ta’ karattru e\u017cemplari u li g\u0127andhom it-ta\u0127ri\u0121 me\u0127tie\u0121, ra kif g\u0127amel biex jaqdi l-interessi elettorali tal-Partit Laburista bir-ri\u017cultat li \u017cew\u0121 terroristi g\u0127amlu u\u017cu mis-setg\u0127a u l-impunit\u00e0 li ng\u0127atatilhom permezz ta’ pro\u010bess elettorali mittiefes biex joqtlu bniedem f’Bir\u017cebbu\u0121a.<\/p>\n

Da\u017cgur li je\u0127tie\u0121 i\u0121orr ir-responsabbilt\u00e0 politika. U kif!<\/p>\n","protected":false},"excerpt":{"rendered":"

Il-fa\u010b\u010bata ta’ quddiem tat-Times of Malta tal-lum xandret il-qerq li permezz tieg\u0127u il-gvern irid ibellag\u0127ha li l-ka\u017c dwar il-qtil ta’ Lassana Cisse qed ji\u0121i trattat b’serjet\u00e0 liema b\u0127alha.\u00a0 Huwa minnu li qed jie\u0127du dan il-qtil b’serjet\u00e0 kbira, imma mhux g\u0127ar-ra\u0121unijiet li qed i\u0121ibu. Qed jag\u0127mlu dan g\u0127aliex inteb\u0127u li jinsabu mg\u0127obbijin b’responsabbilt\u00e0 politika diretta u, […]<\/p>\n","protected":false},"author":1,"featured_media":74850,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/74856\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=74856"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/74856\/revisions\/"}],"predecessor-version":[{"id":74880,"href":"https:\/\/manueldelia.com\/mt\/wp-json\/wp\/v2\/posts\/74856\/revisions\/74880\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/74850\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=74856"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=74856"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=74856"}],"curies":[{"name":"wp","href":"https:\/\/api.w.org\/{rel}","templated":true}]}}