{"id":75640,"date":"2019-06-05T10:46:37","date_gmt":"2019-06-05T08:46:37","guid":{"rendered":"https:\/\/manueldelia.com\/?p=75640"},"modified":"2019-06-05T16:22:22","modified_gmt":"2019-06-05T14:22:22","slug":"minn-fejn-gibtuha-l-kwotazzjoni-mir-rapport-egrant","status":"publish","type":"post","link":"https:\/\/manueldelia.com\/mt\/2019\/06\/minn-fejn-gibtuha-l-kwotazzjoni-mir-rapport-egrant\/","title":{"rendered":"Minn fejn \u0121ibtuha l-kwotazzjoni mir-rapport Egrant?"},"content":{"rendered":"

\"\"<\/p>\n

Fil-Qorti, Edward Scicluna, Chris Cardona u Konrad Mizzi \u0121abu r-ra\u0121unijiet tag\u0127hom il-g\u0127ala jidhrilhom li m’g\u0127andhiex issir inkjesta biex tg\u0127arbel l-im\u0121ieba tag\u0127hom fejn g\u0127andu x’jaqsam l-iskandlu dwar l-isptarijiet VGH.<\/p>\n

Wie\u0127ed je\u0127tie\u0121 li jifhem li, f’dan l-istadju, m’hix qed ti\u0121i mg\u0127arbla il-\u0127tija jew in-nuqqas ta’ \u0127tija tag\u0127hom. I\u017cda, fid-dawl ta’ dak li di\u0121\u00e0 huwa mag\u0127ruf, il-Ma\u0121istrat je\u0127tie\u0121 jara jekk te\u017cistix bi\u017c\u017cejjed informazzjoni li ti\u0121\u0121ustifika li \u0121bir ta’ provi dwar reat kriminali permezz ta’ nkjesta. U meta tintemm din l-inkjesta, tkun trid tittie\u0127ed de\u010bi\u017cjoni dwar jekk g\u0127andhomx jin\u0127ar\u0121u akku\u017ci li eventwalment iwasslu g\u0127al pro1ess fil-qorti li g\u0127andu jiddetermina l-\u0127tija jew in-nuqqas tag\u0127ha. G\u0127alhekk il-kwistjoni dwar jekk hemmx \u0127tija jew le g\u0127adha lura \u0127afna.<\/p>\n

Madankollu Edward Scicluna, Chris Cardona u Konrad Mizzi mhux lesti li jid\u0127lu f’riskju u, permezz tat-twe\u0121iba tag\u0127hom, \u0127ar\u0121u bil-mazza proverbjali g\u0127al min azzarda jg\u0127id li huma b’xi mod kienu naqsu.<\/p>\n

Araw x’kitbu dwar Repubblika: \u201cdin hi biss narrativa politika\u201d; \u201cgiddibin\u201d; \u201cjippretendu li l-inkjesti ma\u0121isterjali g\u0127andhom ikunu nasbiet ba\u017cati fuq suspetti, spekulazzjonijiet u kon\u0121etturi mi\u0121juba ‘l quddiem minn opinjonisti li ji\u0121bdu l-\u0127bula ta’ avversarji li jimir\u0127u fix-xena politika\u201d.<\/p>\n

Dwar The Shift News<\/em> u dwar Caroline Muscat: \u201cDan il-blog<\/em> huwa mag\u0127ruf g\u0127all-artikli ta’ natura parti\u0121\u0121jana li jxandar kontra l-gvern immexxi mill-Partit Laburista. G\u0127al bosta snin, Caroline Muscat kienet ta\u0127dem b\u0127ala \u0121urnalista mat-Times of Malta u kitbet stejjer kontra l-gvern\u2026 Caroline Muscat ing\u0127aqdet mal-PN biex tmexxi l-kampanja elettorali b\u0127ala Campaign Director\u2026<\/em> E\u017catt wara l-kampanja elettorali tal-2017, Caroline Muscat kompliet bl-attivit\u00e0 politika tag\u0127ha b\u0127ala ko-fundatri\u010bi ta’ The Shift News<\/em> li jxandar artikli bi kritika kontra l-Partit Laburista.\u201d<\/p>\n

Dwar Daphne Caruana Galizia huma kkwotaw mill-inkjesta Egrant tal-Ma\u0121istrat Aaron Bugeja b’dawn il-pre\u010bi\u017ci kliem: \u201cFil-kuntest tal-fatt li \u0121ie pruvat b’mod sodisfa\u010benti li d-declarations of trust<\/em> fil-pro\u010beduri tal-inkjesta (Egrant) kellhom firem foloz, il-Kummissarju tal-Pulizija g\u0127andu jibda’ investigazzjoni bil-g\u0127an li jiddetermina min kien jew min kienu l-persuni responsabbli li ffabbrikaw, u\u017caw u qassmu dawn id-dokumenti foloz\u201d. M’g\u0127andniex xi ng\u0127idu, il-firem setg\u0127u fa\u010bilment \u0121ew iffalsifikati minn mnejn kienu n\u0127ar\u0121u, ji\u0121ifieri minn \u0127dan Mossack Fonseca innifisha, kif di\u0121\u00e0 kien \u0121ie spjegat b’\u010bertu dettall.<\/a><\/p>\n

I\u017cda Edward Scicluna, Chris Cardona u Konrad Mizzi, s-suppost investigazzjoni tal-Kummissarju tal-Pulizija jag\u0127tuha l-\u0121enb u b’mod indirett jitfg\u0127u l-\u0127tija fuq Daphne Caruana Galizia.<\/p>\n

\"\"<\/p>\n

Dan stqarruh hekk kif dalg\u0127odu t-Times of Malta rrappurtat li Edward Scicluna, Chris Cardona u Konrad Mizzi qalu li l-im\u0121ieba tag\u0127hom<\/a> ma tistax ti\u0121i mg\u0127arbla g\u0127aliex id-de\u010bi\u017cjonijiet li jie\u0127u l-gvern permezz tal-Ministri hija m\u0127arsa mill-kolle\u0121\u0121jalit\u00e0 tal-kabinett u g\u0127alhekk huma ma jistg\u0127ux jin\u017cammu responsabbli individwalment g\u0127al kull ma jag\u0127mel il-gvern.<\/p>\n

Dawn qalu wkoll li \u0121aladarba l-Awditur \u0120enerali qieg\u0127ed ig\u0127arbel il-privatizzazzjoni tal-isptarijiet, m’hemmx \u0127tie\u0121a g\u0127all-Ma\u0121istrat biex jag\u0127mel dan ukoll –\u00a0 konvenjentement \u0127arbitilhom li l-Awditur \u0120enerali m’g\u0127andux is-setg\u0127a li j\u0127arrek jekk jirri\u017culta li twettaq reat kriminali.<\/p>\n

I\u017cda l-isba\u0127 wa\u0127da li \u0127ar\u0121u biha hi li Edward Scicluna, Chris Cardona u Konrad Mizzi \u2014 b\u0127ala Ministri tal-gvern bis-setg\u0127a li jonfqu l-mijiet tal-miljuni minn flus il-poplu \u2014 jippretendu li m’huma kontabbli lejn \u0127add u li l-im\u0121ieba tag\u0127hom ma tistax ti\u0121i mg\u0127arbla.<\/p>\n

I\u017cda ma \u0121ara’ xejn jekk fuq is-so\u010bjet\u00e0 \u010bivili u fuq il-\u0121urnalisti indipendenti jift\u0127u l-kanuni tal-kritika tag\u0127hom b’akku\u017ci infondati. G\u0127al dawn is-setg\u0127ana, dawk li jikkritikawhom jew jippretendu li g\u0127andhom ikunu kontabbli bilfors huma persuni motivati mill-parti\u0121\u0121jani\u017cmu. Skont huma, \u0127add m’g\u0127andu dritt li jg\u0127arbel l-im\u0121ieba tag\u0127hom g\u0127ax, jekk xi \u0127add ja\u017c\u017carda li jag\u0127mel dan, dan ta’ bilfors ikun motivat politikament.<\/p>\n

Il-kliem iebes li w\u017caw fil-konfront ta’ \u0121urnalista li kitbet stejjer li ma daqqewx g\u0127al widnejhom – Caroline Muscat \u2014 u l-attakki personali li g\u0127amlu huwa ta’ g\u0127ajb. Tliet Ministri tal-kabinett marru l-Qorti u stqarrew li huma m’humiex kontabbli g\u0127all-im\u0121ieba tag\u0127hom u li l-\u0121urnalista hija l-g\u0127adu tag\u0127hom.<\/p>\n

Hemm \u0127a\u0121a o\u0127ra ta’ t\u0127assib li semmiet The Shift News<\/em> fl-artiklu li xandret il-biera\u0127 bil-lejl.\u00a0<\/a> Il-kwotazzjoni li siltu mir-rapport Egrant biex jippruvaw jiskreditaw lil Daphne Caruana Galizia qatt ma xxandret qabel u Repubblika g\u0127adha kemm g\u0127amlet talba fil-qorti biex ti\u0121i identifikata l-persuna li kkwotat mir-rapport.<\/p>\n

Il-kwotazzjoni tidher li nstiltet minn dik il-parti tar-rapport Egrant li g\u0127adha ma xxandritx u, jekk dan fil-fatt huwa l-ka\u017c, dan ifisser li Edward Scicluna, Chris Cardona u Konrad Mizzi r-rapport suppost sigriet jafu x’fih.<\/p>\n

Adrian Delia ma rnexxielux jipperswadi lill-Qorti biex tordna li jing\u0127ata kopja. F’dawk il-pro\u010beduri, Joseph Muscat, Owen Bonnici, Peter Grech u Kurt Farrugia kienu kkonfermaw bil-\u0121urament li kopja tar-rapport Egrant ma ng\u0127atat li \u0127add aktar.<\/p>\n

Jaqaw xi \u0127add minnhom \u0127a \u0121urament falz?<\/p>\n

Ma nag\u0127mlux mod li dak li Edward Scicluna, Chris Cardona u Konrad Mizzi xlew bih lil Repubblika – ji\u0121ifieri l-gideb – huma \u0127atja tieg\u0127u huma stess?<\/p>\n","protected":false},"excerpt":{"rendered":"

Fil-Qorti, Edward Scicluna, Chris Cardona u Konrad Mizzi \u0121abu r-ra\u0121unijiet tag\u0127hom il-g\u0127ala jidhrilhom li m’g\u0127andhiex issir inkjesta biex tg\u0127arbel l-im\u0121ieba tag\u0127hom fejn g\u0127andu x’jaqsam l-iskandlu dwar l-isptarijiet VGH. Wie\u0127ed je\u0127tie\u0121 li jifhem li, f’dan l-istadju, m’hix qed ti\u0121i mg\u0127arbla il-\u0127tija jew in-nuqqas ta’ \u0127tija tag\u0127hom. I\u017cda, fid-dawl ta’ dak li di\u0121\u00e0 huwa mag\u0127ruf, il-Ma\u0121istrat je\u0127tie\u0121 […]<\/p>\n","protected":false},"author":1,"featured_media":75629,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/75640\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=75640"}],"version-history":[{"count":4,"href":"https:\/\/manueldelia.com\/mt\/wp-json\/wp\/v2\/posts\/75640\/revisions\/"}],"predecessor-version":[{"id":75671,"href":"https:\/\/manueldelia.com\/mt\/wp-json\/wp\/v2\/posts\/75640\/revisions\/75671\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/75629\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=75640"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=75640"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=75640"}],"curies":[{"name":"wp","href":"https:\/\/api.w.org\/{rel}","templated":true}]}}