{"id":78180,"date":"2019-08-26T09:15:33","date_gmt":"2019-08-26T07:15:33","guid":{"rendered":"https:\/\/manueldelia.com\/?p=78180"},"modified":"2019-08-26T15:57:53","modified_gmt":"2019-08-26T13:57:53","slug":"il-fosos","status":"publish","type":"post","link":"https:\/\/manueldelia.com\/mt\/2019\/08\/il-fosos\/","title":{"rendered":"Il-Fosos"},"content":{"rendered":"

\"\"<\/p>\n

Mid-dehra g\u0127adu ma bediex\u00a0dak li kellu jkun il-pro\u010bess ta’ rikon\u010biljazzjoni u ta’ tiswija li t-tmexxija tal-PN kien bi \u0127siebha tniedi dakinhar li Adrian Delia \u0121ie konfermat b\u0127ala mexxej tal-PN mill-Kunsill \u0120enerali<\/a>. Minn dakinhar ‘l hawn, ma jidhirx li kien hemm xi tibdil sinjifikanti fl-attitudni ta’ dawk li qed imexxu lill-PN. Ma tin\u0127ass ebda ener\u0121ija \u0121dida \u0121ejja min na\u0127a tat-tmexxija. Lanqas ma qed titnieda xi attivit\u00e0 politika li tista’ b’xi mod tispira lin-nies.\u00a0<\/span><\/p>\n

G\u0127all-kuntrarju, matul dan is-sajf it-tmexxija tal-PN tmattret u da\u0127let f’qoxritha b\u0127allikieku \u0127adet ir-ru\u0127 kemm ilha barra mi\u010b-\u010bentru tal-attenzjoni. L-ista\u0121un tas-sajf minn dejjem kien \u017cmien iebes g\u0127all-PN. Tradizzjonalment \u0127afna mill-mexxejja tal-Partit minn dejjem kienu membri tal-professjoni legali – professjoni li l-membri tag\u0127ha jkollok xorti tarahom b’nemes matul ix-xahar ta’ Awissu u fl-ewwel \u0121ranet ta’ Settembru.\u00a0<\/span><\/p>\n

Fi\u017c-\u017cmien twil li l-PN dam fil-gvern, is-sitwazzjoni f’dawn il-\u0121ranet s\u0127an dejjem baqg\u0127et l-istess: mal-\u0127in tal-ikel, l-uffi\u010b\u010bji tal-gvern jag\u0127lqu u l-\u0127addiema jlebbtu ‘l barra. F’atmosfera letar\u0121ika b\u0127al din, ftit ikollok aptit li tag\u0127mel xi \u0127a\u0121a.\u00a0<\/span><\/p>\n

Ir-re\u017cistenza kontra l-letar\u0121ija minn dejjem kienet spe\u010bi ta’ battalja mitlufa g\u0127all-\u0127addiema li ja\u0127dmu fid-Dar \u010aentrali. U din ir-re\u017cistenza \u0127afna drabi kienu jsostnuha bit-t\u0127ejjijiet g\u0127all-festi tal-Indipendenza fil-Furjana li jibdew ftit qabel nofs Settembru u jintemmu fl-20 tax-xahar ftit qabel jer\u0121g\u0127u jinfet\u0127u l-iskejjel u x-xog\u0127ol jer\u0121a’ jaqbad ir-ritmu normali.<\/span><\/p>\n

\"\"<\/p>\n

Il-\u0121img\u0127a ta’ attivitajiet fil-Furjana kienet iddum xi ftit biex taqbad ir-ritmu. I\u017cda l-mass meeting<\/em> li jag\u0127laq l-attivitajiet huwa opportunit\u00e0 g\u0127all-PN biex ifassal l-a\u0121enda tieg\u0127u g\u0127as-sena li jkun imiss, biex iwassal \u0127sibijietu dwar id-dibattitu tal-ba\u0121it f’Ottubru u biex ixammar kmiemu g\u0127ax-xog\u0127ol.<\/span><\/p>\n

Din is-sena na\u0127seb li tkun sorpri\u017ca kemm il-darba l-attivitajiet\u00a0 – li din id-darba ser isiru barra d-Dar \u010aentrali minflok fl-akbar pjazza fil-pajji\u017c – iwasslu biex i\u0127e\u0121\u0121u lin-nies bl-aspettattivi g\u0127al sta\u0121un politiku \u0121did.\u00a0<\/span><\/p>\n

Il-\u0121img\u0127a li g\u0127addiet, l-artiklu li kiteb Emmanuel Galea fit-Times of Malta<\/em> li fih huwa kkritika d-de\u010bi\u017cjoni tal-PN li jniedi l-attivitajiet tal-Indipendenza lil hinn mill-Furjana<\/a> kien hemm min qal li huwa motivat mill-fatt li bintu b\u0127alissa qieg\u0127da tinnamra ma’ Adrian Delia u mill-fatt ukoll li huwa m’huwiex kuntent bih. Madankollu wie\u0127ed ma jistax ma jag\u0127tix widen g\u0127al dak li kiteb is-Sur Galea. Diffi\u010bli li ssib attivist wie\u0127ed biss tal-PN li ma ddi\u017cappuntax ru\u0127u bid-de\u010bi\u017cjoni li l-attivitajiet ma jsirux fuq il-Fosos.<\/span><\/p>\n

Tal-Labour ser jag\u0127mlu minn kollox biex ji\u017cguraw li l-a\u0121enda nazzjonali tibqa’ f’idejhom. Je\u017cistu indikazzjonijiet li Joseph Muscat bi \u0127siebu jerfa’ u jirri\u017cenja minn Prim Ministru wara li jg\u0127addi l-ba\u0121it g\u0127as-sena li \u0121ejja. Dawk li qed jissieltu biex jilbsu \u017c-\u017carbun tieg\u0127u qed ilestu ru\u0127\u0127om g\u0127at-ti\u0121rija.\u00a0<\/span><\/p>\n

\"\"<\/p>\n

Waqt li tkun g\u0127addejja l-kampanja, m’hemmx dubju li xi ftit jew wisq ser ikun hemm attenzjoni \u017cejda fuq il-Partit Laburista li tista’ tag\u0127mel il-\u0127sara i\u017cda – dejjem jekk ma jirba\u0127x it-tellieqa Konrad Mizzi – bil-wi\u010b\u010b \u0121did li ser ikollhom, tal-Labour x’aktarx ser jibqg\u0127u igawdu mill-attenzjoni po\u017cittiva tal-mezzi tax-xandir.\u00a0<\/span><\/p>\n

Tabil\u0127aqq din l-attenzjoni po\u017cittiva kien messhom li reb\u0127uha tal-PN. I\u017cda min\u0127abba l-fatt li g\u0127amlu di\u017castru s\u0127i\u0127 bl-g\u0127a\u017cla tal-<\/span>mexxej il-\u0121did tag\u0127hom, l-istampa il\u0127a \u017cmien twil ma xxandar xi storja po\u017cittiva.<\/span><\/p>\n

I\u017cda din m’hix l-unika problema li tinsab ma’ wi\u010b\u010b tal-PN. Te\u017cisti inkoerenza kbira bejn dak li jixtieq ikun u dak li jixtieq iwettaq il-Partit. Il-vokazzjoni tat-tmexxija pre\u017centi tal-PN saret biss dik li tirba\u0127 l-elezzjonijiet u, in vista tal-fatt li assolutament m’hemm ebda \u010bans li tintla\u0127aq din il-vokazzjoni, huwa inevitabbli li jibqg\u0127u ser jiddendlu l-gdiedem fost l-attivisti.\u00a0<\/span><\/p>\n

Fil-frattemp jidher li l-Partit baqa’ ming\u0127ajr sens ta’ missjoni u dan grazzi g\u0127all-fatt li, fejn jid\u0127lu kwistjonijiet ta’ portata, \u0127add ma jaf fejn hu ma’ Adrian Delia li \u0127adha drawwa li jitkellem skond il-burdata li jkun jinsab fiha u jistenna \u010b-\u010bap\u010bip sabiex ikun jista’ jibqa’ jferfer fil-wi\u010b\u010b.<\/span><\/p>\n

Dan jidher \u010bar minn dak li Justin Schembri g\u0127o\u0121bu jikteb din il-\u0121img\u0127a b’tif\u0127ir g\u0127al Matteo Salvini<\/a>. Dan huwa bniedem li tfa\u010b\u010ba fix-xena u ng\u0127ata prominenza bis-sa\u0127\u0127a tal-appo\u0121\u0121 li huwa ta lil Adrian Delia. Minkejja l-fatt m’huwiex membru parlamentari, Justin Schembri b’mod stramb in\u0127atar b\u0127ala kelliem tal-PN dwar l-edukazzjoni. Uffi\u010bjalment il-kariga ta’ ministru dell tal-edukazzjoni tinsab f’idejn \u0127addie\u0127or, i\u017cda jidher li ntbag\u0127at biex jitkellem g\u0127an-nom tal-PN dwar politika li huwa stess ma jfassalx.<\/span><\/p>\n

\"\"<\/p>\n

Din il-prominenza kollha mhix proporzjonata mal-kwalitajiet l-o\u0127ra li dan suppost g\u0127andu.\u00a0<\/span><\/p>\n

It-tif\u0127ir li g\u0127amel fil-konfront ta’ Matteo Salvini kienet konsistenti ma’ w\u0127ud mill-istqarrijiet li kien g\u0127amel Adrian Delia fl-img\u0127oddi, b\u0127al dakinhar l-kap tal-PN kien g\u0127amel \u0127afna g\u0127a\u0121eb g\u0127all-fatt li ma feta\u0127lu \u0127add wara li kien \u0127abbat il-bieb tal-g\u0127assa tal-Marsa l-\u0126add filg\u0127odu u dan min\u0127abba emer\u0121enza li kienet te\u017cisti biss f’mo\u0127\u0127u.<\/a><\/span><\/p>\n

\"\"<\/p>\n

M’g\u0127andniex xi ng\u0127idu, \u0121aladarba Adrian Delia dejjem wera’ ru\u0127u nkonsistenti fejn jid\u0127ol is-su\u0121\u0121ett tal-immigrazzjoni, ma setax jonqos li kellu jkun l-appo\u0121\u0121 ta’ Justin Schembri lil Matteo Salvini li re\u0121a’ tefa’ dawl fuq inkonsistenza ma’ stqarrijiet o\u0127rajn li g\u0127amel Adrian Delia \u2014 qed nirreferi hawn g\u0127all-appell li g\u0127amel dan l-a\u0127\u0127ar lill-gvern biex jippermetti l-in\u017cul l-art tal-immigranti sakemm jinstab tarf politiku g\u0127all-kwistjoni. \u00a0<\/span><\/p>\n

Filwaqt li Justin Schembri fa\u0127\u0127ar l-attitudni ta’ bla kompromessi ta’ Salvini fil-konfront tas-sie\u0127ba Ewropej, huwa pprova jben\u0121ilha meta stqarr li jiddisasso\u010bja ru\u0127u minn dak li jrid Salvini – ji\u0121ifieri li jer\u0127i lill-immigranti mdendlin bejn sema u ilma. \u00a0<\/span><\/p>\n

\"\"<\/p>\n

M’g\u0127andniex xi ng\u0127idu, dan il-log\u0127ob bil-kliem ma mpressjona lil \u0127add. F’nifs wie\u0127ed ma tistax, per e\u017cempju, tfa\u0127\u0127ar lil Adolf Hitler u mbag\u0127ad tben\u0121el dak li tkun g\u0127idt billi tistqarr fa\u0127\u0127artu g\u0127ax kien bena’ toroq sbie\u0127 u mhux g\u0127ax kien ipprova jeqred lil Lhud minn wi\u010b\u010b id-dinja. \u00a0<\/span><\/p>\n

Li tiskantak hi r-reazzjoni tal-PN g\u0127a\u017c-\u017celqa li g\u0127amel Justin Schembri fil-Facebook.<\/em> Ma kienx politiku liberali b\u0127al Karl Gouder biss li \u0127are\u0121 g\u0127onqu biex jiddisasso\u010bja ru\u0127u minn dak li kien stqarr Justin Schembri.<\/span><\/p>\n

\"\"<\/p>\n

Ma kinux biss membri parlamentari li kienu kkritikaw lil Adrian Delia mill-bidu nett, b\u0127al Jason Azzopardi, li ddisasso\u010bjaw ru\u0127\u0127om minn dak li kiteb Justin Schembri. Ma kinux biss il-werrieta ta’ mexxejja pre\u010bedenti tal-PN li wrew it-twemmin tag\u0127hom favur id-dinjit\u00e0 tal-bniedem b\u0127alma huma Beppe and Michael Fenech Adami, wlied Eddie Fenech Adami, li wkoll \u0127ar\u0121u g\u0127onqhom biex i\u017commu ru\u0127\u0127om ‘l bog\u0127od minn dak li kiteb Justin Schembri.<\/span><\/p>\n