{"id":78914,"date":"2019-09-23T13:17:15","date_gmt":"2019-09-23T11:17:15","guid":{"rendered":"https:\/\/manueldelia.com\/?p=78914"},"modified":"2019-09-23T15:37:31","modified_gmt":"2019-09-23T13:37:31","slug":"chetcuti-cauchi-sospizi-mill-iskema-tal-passaporti","status":"publish","type":"post","link":"https:\/\/manueldelia.com\/mt\/2019\/09\/chetcuti-cauchi-sospizi-mill-iskema-tal-passaporti\/","title":{"rendered":"Chetcuti Cauchi sospi\u017ci mill-iskema tal-passaporti"},"content":{"rendered":"

Permezz ta’ stqarrija fil-qosor, il-gvern \u0127abbar li “l-A\u0121enzija Maltija tal-Individual Investor Programme<\/em> ssospendiet il-li\u010benzji ta’ Chetcuti Cauchi Advisors Ltd, li huma s-sidien ta’ li\u010benzji IIP 001 u IIP 124, sakemm jin\u0127are\u0121 avvi\u017c ie\u0127or.”<\/a> \"\" Din is-sospensjoni se\u0127\u0127et wara li Jean-Philippe Chetcuti, wie\u0127ed mill-imse\u0127bin fid-ditta legali, waqt dokumentarju ta’ stazzjon televi\u017civ Fran\u010bi\u017c bl-isem M6 li xxandar il-biera\u0127 filg\u0127axija nstema’<\/a> jifta\u0127ar li l-\u0127biberija li g\u0127andu ma’ Owen Bonnici — li kien imsie\u0127eb fl-istess ditta — ma’ Julia Farrugia u ma’ Joseph Muscat tfisser li g\u0127andu s-setg\u0127a li jirran\u0121a l-\u0127ru\u0121 ta’ passaport g\u0127al kull minn jitlobulu. Jean-Philippe Chetcuti tkellem ma’ \u0121urnalist li g\u0127amilha tabirru\u0127u mieg\u0127u li kien qed jitkellem f’isem klijent Afrikan li g\u0127andu kondotta kriminali. Meta sarulhom mistoqsijiet mill-produtturi tal-filmat, il-ministri lkoll \u010ba\u0127du li kienu g\u0127amlu xi \u0127a\u0121a \u0127a\u017cina.<\/p>\n

Chetcuti Cauchi kienu fost l-a\u0121enti ewlenin ta’ Henley & Partners<\/em> fil-bejg\u0127 tal-passaporti Maltin. Il-fuljett tar-riklamar tag\u0127hom fi\u0127 kitba ta’ approvazzjoni ming\u0127and Fahdi Mehio, negozjant fl-industrija tal-bini fl-Emirati G\u0127arab Mag\u0127quda, li fa\u0127\u0127ar l-effi\u010bjenza tag\u0127hom meta irnexxielhom jakkwistawlhom passaport. Uffi\u010bjalment, Fahdi Mehio suppost ig\u0127ix f’9B, Triq is-Sebuqa, San \u0120wann. Madankollu,\u00a0meta jien mort fil-post imsemmi ma’ crew<\/em> tas-CBS TV<\/em> sibna appartament ta\u0127t il-livell tat-triq li fih ma kien qed ig\u0127ix \u0127add.<\/a> Fl-istess bieb g\u0127al 9B, hemm ukoll in-numru 9A fejn uffi\u010bjalment ig\u0127ix Dimitry Doyken, multi-miljunarju Russu u sid ta’ diversi \u0127wienet tal-isport.<\/p>\n

Fil-filmat tad-dokumentarju jidher avukat li ja\u0127dem fl-uffi\u010b\u010bju ta’ Chetcuti Cauchi jserra\u0127 ras il-\u0121urnalist li d-ditta legali tieg\u0127u tiggarantixxi l-\u0127ru\u0121 ta’ passaporti g\u0127al dawk il-klijenti li ma jissodisfawx il-kriterji ta’ residenza imposti mil-li\u0121i. Hi \u0127a\u0121a mag\u0127rufa li dan il-kriterju tal-li\u0121i kwa\u017ci qatt m’hu osservat. Fid-dokumentarju M6 jien nidher f’postijiet fl-Im\u0121arr u f’Bir\u017cebbu\u0121a fejn suppost ig\u0127ixu sinjuruni Russi, i\u017cda jg\u0127ixu f’dawn il-postijiet sibt bennej Malti u pensjonant Malti li ig\u0127ixu f’dawn il-postijiet flimkien mal-familji tag\u0127hom.<\/p>\n

Waqt l-intervista tal-M6, Julia Farrugia tidher isserra\u0127 ras \u0121urnalist ie\u0127or tal-M6 li min jinqabad jigdeb dwar dak li jkun tni\u017c\u017cel fl-applikazzjoni g\u0127all-\u0127ru\u0121 ta’ passaport titne\u0127\u0127ielu \u010b-\u010bittadinanza Maltija. Dan m’huwiex minnu. Chetcuti Cauchi qed jirran\u0121aw ukoll biex jakkwistaw passaporti barranin g\u0127all-klijenti tag\u0127hom u applikaw biex jin\u0127atru b\u0127ala a\u0121enti g\u0127a\u010b-\u010bittadinanza tal-Montenegro.<\/a><\/p>\n

Jean-Philippe Chetcuti ma’ kienx qed jirre\u010bta meta fta\u0127ar dwar kemm hu \u0127a\u0121a wa\u0127da mal-gvern. Ag\u0127tu daqqa t’g\u0127ajn lejn dan il-filmat li parti minnu \u0121ie riprodott fid-dokumentarju M6, fejn Julia Farrugia tidher tfa\u0127\u0127ar lil din id-ditta legali fis-Sala tal-Ambaxxturi li hi biss seba’ metri bog\u0127od mill-kamra tal-prim ministru.<\/p>\n