{"id":79319,"date":"2019-10-08T08:09:22","date_gmt":"2019-10-08T06:09:22","guid":{"rendered":"https:\/\/manueldelia.com\/?p=79319"},"modified":"2019-10-10T07:35:11","modified_gmt":"2019-10-10T05:35:11","slug":"nipprotestaw-biex-ma-nhalluhomx-ighadduha-lixxa","status":"publish","type":"post","link":"https:\/\/manueldelia.com\/mt\/2019\/10\/nipprotestaw-biex-ma-nhalluhomx-ighadduha-lixxa\/","title":{"rendered":"Nipprotestaw biex ma n\u0127alluhomx ig\u0127adduha lixxa"},"content":{"rendered":"

\"\"<\/p>\n

Dak li stqarr il-prim ministru l-biera\u0127 fih wie\u0127ed x’jifhem.<\/a> L-isku\u017ca prin\u010bipali li \u0121ab hi li ma jafx bid-dettalji tal-investigazzjoni tal-assassinju ta’ Daphne Caruana Galizia g\u0127aliex, skont hu, l-pulizija ta\u0127dem indipendentement mill-gvern u g\u0127alhekk la jista’ u lanqas huwa xieraq li jinda\u0127al.<\/p>\n

Dan m’huwiex g\u0127al kollox minnu. A\u0127sbu ftit fuq dak li stqarr dwar kemm ma tantx jemmen bil-ma\u0127friet presidenzjali. Il-kelma “ma\u0127fra” m’hix il-kelma adatta g\u0127aliex hawn m’a\u0127niex nittrattaw dwar ma\u0127friet. Ma\u0127fra ting\u0127ata meta xi \u0127add jing\u0127ata piena g\u0127al reat li jkun ammetta li wettaq u l-piena mbag\u0127ad titnaqqas b’intervent dirett tal-istat. Dan id-dritt hu mnissel mis-setg\u0127a divina li kellhom ir-rejiet fi \u017cminijiet meta l-\u0121ustizzja kienet kunsidrata b\u0127ala wa\u0127da retributtiva u li l-\u0127ruxija tag\u0127ha setg\u0127et titnaqqas xi ftit b’niskata \u0127niena.<\/p>\n

F’so\u010bjet\u00e0 demokratika, episodji b\u0127al dawn ise\u0127\u0127u biss e\u010b\u010bezzjonalment. Fi\u017c-\u017cminijiet tal-lum, l-g\u0127a\u017cla hi favur pro\u010bess \u0121udizzjarju indipendenti li permezz tieg\u0127u tinqata’ sentenza wara li jkunu ttie\u0127du in konsiderazzjoni d-drittijiet tal-akku\u017cati u d-drittijiet tal-allegati vittmi tag\u0127hom u mbag\u0127ad ting\u0127ata piena skond il-gravit\u00e0 tar-reat. Illum il-ma\u0127friet jing\u0127ataw b’e\u010b\u010bezzjoni f’ka\u017cijiet fejn tkun twettqet in\u0121ustizzja \u010bara fl-g\u0127oti ta’ sentenza. Ma\u0127fra g\u0127andha wkoll ting\u0127ata fil-ka\u017c ta’ dawk li jkunu ntbag\u0127tu l-\u0127abs fuq reati li ma\u017c-\u017cmien ma jibqg\u0127ux ji\u0121u kunsidrati b\u0127ala reati ta’ natura kriminali jew min\u0127abba \u017cball li jkun sar minn \u0121udikant – b\u0127all-ka\u017c li fih Giovanni Grixti kien bg\u0127at lis-sindku ta\u017c-\u017burrieq il-\u0127abs u wara nteba\u0127 li kien \u0127a \u017cball.<\/p>\n

I\u017cda dan m’huwiex is-su\u0121\u0121ett li qed nittrattaw dwaru fi\u010b-\u010birkostanzi pre\u017centi. Ner\u0121a’ ntenni li hawn m’a\u0127niex nitkellmu dwar ma\u0127friet. Qed nitkellmu dwar l-immunit\u00e0 li ting\u0127ata mill-prosekuzzjoni lil xhud biex dan ikun jista’ jikxef il-verit\u00e0.<\/p>\n

L-assassinju ta’ Daphne Caruana Galizia ma kien xejn \u0127lief att terroristiku mafju\u017c. Kien delitt kriminali mafju\u017c imwettaq minn organizzazzjoni. Ma kienx biss konfoffa bil-g\u0127an li jitwettaq reat kriminali. Dawk li ng\u0127aqdu flimkien biex jordnaw it-twettiq tad-delitt u biex i\u0127allsu lil min wettaq l-assassinju m’humiex xi persuni li kienu qed ig\u0127ixu \u0127ajja onesta u g\u0127al mument ing\u0127aqdu biex iwettqu delitt uniku. G\u0127all-kuntrarju, dawk kollha li pparte\u010bipaw biex jitwettaq id-delitt huma kriminali tal-lant li dde\u010bidew li jwettqu l-assassinju biex jg\u0127attu reati kriminali o\u0127ra li kienu wettqu.<\/p>\n

Dan huwa s-sinjifikat spe\u010bjali ta’ dak li kkwotat nhar il-\u0126add li g\u0127adda s-Sunday Times of Malta<\/em> meta rrappurtat dak li qalulha l-g\u0127ejjun tag\u0127ha. \u2018Daphne nqatlet min\u0127abba x-xog\u0127ol li kienet qed tag\u0127mel. Min\u0127abba dak li kienet kitbet jew min\u0127abba dak li kien bi \u0127siebha tikteb dwaru\u2019. G\u0127aldaqstant dan id-delitt twettaq biex jitg\u0127attew delitti kriminali o\u0127rajn jew biex ipattuha lil Daphne talli din kixfithom. G\u0127alhekk ma kienx hemm biss konfoffa b’ri\u017cq it-twettiq ta’ delitt kriminali: kien hemm ukoll delitt kriminali mwettaq minn organizzazzjoni kriminali jew minn mafja.<\/p>\n

Nie\u0127du e\u017cempju. Daphne kienet kixfet il-korruzzjoni fil-mod kif jing\u0127ataw kuntratti pubbli\u010bi. Kienet kixfet organizzazzjoni kriminali li fiha kienu mda\u0127\u0127la interessi lokali u barranin kif ukoll uffi\u010bjali privati u pubbli\u010bi. Minn din l-attivit\u00e0 kriminali li kixfet jew kien bi \u0127siebha tikxef Daphne, dawn il-persuni g\u0127amlu jew kienu ser jag\u0127mlu kemxa \u0121mielha. Fuq dan l-e\u017cempju biss, kienet tkun \u0121iet assassinata biex jitg\u0127attew dawn ir-reati kriminali.<\/p>\n

Il-g\u0127ala l-assassinju tag\u0127ha kien ukoll att terroristiku?<\/p>\n

Skont il-li\u0121ijiet Taljani ta’ kontra l-mafja, delitt kriminali mwettaq minn organizzazzjoni mafju\u017ca bil-g\u0127an li jbe\u017c\u017ca’ lil \u0127addie\u0127or huwa klassifikat b\u0127ala att terroristiku. Dawn il-li\u0121ijiet huma mmirati lejn sitwazzjonijiet b\u0127al, ng\u0127idu a\u0127na, l-isplu\u017cjonijiet li qatlu lil Giovanni Falcone u lil Paolo Borsellino li kellhom l-effett li jbe\u017c\u017cg\u0127u – ri\u017cultat mixtieq mill-mafja.<\/p>\n

Dan kollu huwa rilevanti g\u0127aliex f’pajji\u017ci li g\u0127addew minn trawmi ta’ kriminalit\u00e0 organizzata, ssib li\u0121ijiet li jipprovdu g\u0127all-protezzjoni ta’ xhieda, pro\u010bessi “in abstentia<\/em>“, arresti preventivi, delitti f’asso\u010bjazzjoni u dwar il-pi\u017c tal-provi bil-g\u0127an li jing\u0127elbu sitwazzjonijiet b\u0127al dawn.<\/p>\n

A\u0127na u nistejqru mix-xokk dwar dak li kien se\u0127\u0127 fis-16 ta’ Ottubru 2017 kmieni wara nofsinhar, baqg\u0127et tberren f’mo\u0127\u0127na il-possibilit\u00e0 li Daphne nqatlet g\u0127aliex kienet kixfet ir-relazzjonijiet korrotti li je\u017cistu bejn in-negozju privat u l-politika.<\/p>\n

G\u0127alkemm huwa minnu li l-provi biss ikunu jistg\u0127u jikkonfermaw l-involviment ta’ persuni pubbli\u010bi f’dan id-delitt, i\u010b-\u010birkustanzi juru li wie\u0127ed ma jistax jeskludi l-involviment tag\u0127hom. Membri tal-korp tal-pulizija li jkellmuk privatament jikkonfermawlek li dawn ma jistg\u0127ux ji\u0121u esklu\u017ci. Sa\u0127ansitra anki Silvio Valletta kien g\u0127amel stqarrija f’dan is-sens waqt li kien qed jixhed fil-qorti biex jipprova jipperswadi lill-Im\u0127allef li ma kien hemm xejn \u0127a\u017cin li jkompli jmexxi l-investigazzjoni minkejja li martu hi ministru tal-gvern.<\/p>\n

Allura x’g\u0127odda hemm biex il-provi li min wettaq id-delitt g\u0127amel minn kollox biex jostor, jo\u0127or\u0121u g\u0127ad-dawl tax-xemx?<\/p>\n

L-g\u0127odda tikkonsisti fl-g\u0127oti tal-immunit\u00e0 bil-kundizzjoni li ting\u0127ad il-verit\u00e0 u li jin\u0121iebu provi li ma jkun jista’ jmerihom \u0127add.<\/p>\n

Fl-Italja din kienet l-g\u0127odda li wasslet biex bosta mafju\u017ci mda\u0127\u0127lin fil-kriminalit\u00e0 organizzata spi\u010b\u010baw biex intbag\u0127tu l-\u0127abs. Fi kliem ie\u0127or, dawn il-kriminali jie\u0127du li jkun \u0127aqqhom bis-sa\u0127\u0127a ta’ min ikun nidem.<\/p>\n

Min ikun nidem \u0127afna drabi ji\u0121i mpin\u0121i b\u0127ala traditur jew \u0121akbin. Sa \u010bertu punt min ipin\u0121ihom b’dan il-mod ikollu ra\u0121un g\u0127aliex min qabel kien jifforma parti minn organizzazzjoni kriminali li twettaq delitti kriminali tal-wa\u0127x ikun qed idur fuq s\u0127abu u “jug\u017cahom”.<\/p>\n

I\u017cda \u010bertament ma jag\u0127milx sens li wie\u0127ed i\u0127allat l-indiema mal-g\u0127oti tal-“ma\u0127friet”. Il-kelma ma\u0127fra hi mislufa mir-reli\u0121jon Nisranija u, skont dan ir-reli\u0121jon, din il-ma\u0127fra divina ting\u0127ata wara li wie\u0127ed ikun g\u0127amel qrara. Skont l-Insara, Alla jista’ ja\u0127fer id-dnubiet kollha kemm il-darba ssir qrara quddiem sa\u010berdot, jew quddiem \u0127addie\u0127or jekk ma jkunx hemm reli\u0121ju\u017c g\u0127ad-dispo\u017cizzjoni tal-fidili,\u00a0 u ting\u0127ata assoluzzjoni wara li tkun \u0121iet dikjarata l-indiema. I\u017cda dan m’huwiex bi\u017c\u017cejjed. Tista’ tqerr kemm trid fil-pre\u017cenza ta’ sa\u010berdot li jkun marbut li j\u017comm kollox sigriet: i\u017cda xejn minn dan ma jkun ig\u0127odd kemm il-darba min iqerr ma jinbidilx internament u jindem.<\/p>\n

L-indiema tal-mafju\u017ci tixba\u0127 \u0127afna l-e\u017cempju li g\u0127adni kemm \u0121ibt i\u017cda je\u0127tie\u0121 li ma nilludux ru\u0127na u nibdew na\u0127sbu li l-mafju\u017ci li jindmu jkunu saru nies sewwa. I\u017cda l-kelma ndiema tolqot il-musmar fuq rasu g\u0127aliex din te\u0127tie\u0121 l-azzjoni minn na\u0127a ta’ min ikun nidem, b’differenza g\u0127all-ma\u0127friet li min jir\u010bievuhom jibqa’ passiv.<\/p>\n

L-immunit\u00e0 li ting\u0127ata tkun konsegwenza tad-de\u010bi\u017cjoni ta’ kriminal – li jkun ammetta li wettaq delitt \u2013\u00a0 li jixhed kontra l-kompli\u010bi tieg\u0127u u kontra min kien qabbadhom biex iwettqu delitt. U dawn jaslu biex jag\u0127mlu dan g\u0127aliex ikunu kkalkulaw li jkun jaqblilhom li jitkellmu u jikxfu milli jibqg\u0127u j\u017commu s-skiet.<\/p>\n

Il-bi\u017ca’ dejjem t\u0127oll u torbot. Dak li j\u0127ajjar lill-mafju\u017ci jindmu mhux dejjem ikun limitat g\u0127at-tnaqqis fil-piena. B\u0127ala in\u010bentiv, hemm ukoll skemi ta’ protezzjoni g\u0127ax-xhieda u l-possibilit\u00e0 li min jindem iservi f’\u0127abs spe\u010bjali fejn \u017cgur ma jkunx jista’ jintla\u0127aq minn dawk li jkun g\u0127en biex jintbag\u0127tu l-\u0127abs.<\/p>\n

L-g\u0127odda tal-g\u0127oti tal-immunit\u00e0 hi g\u0127odda fundamentali fil-\u0121lieda kontra l-kriminalit\u00e0 mafju\u017ca. I\u017cda dan ma jfissirx li m’hix ukoll kunsidrata b\u0127ala g\u0127odda li tista’ tqajjem il-kontroversji. Fl-Italja, kienu bosta dawk il-politi\u010bi populisti li mexxewha li l-immunit\u00e0 m’g\u0127andhiex ting\u0127ata g\u0127aliex tiswa’ \u0127afna flus u li jibbenefikaw minnha kriminali li lill-istat ma ja\u0127mlu\u0127x.<\/p>\n

F’Malta konna doqna xi ftit minn dan bl-istorja ta’ \u017beppi l-\u0126afi. I\u017cda fuq din l-istorja nitkellmu darb’o\u0127ra.<\/p>\n

Dawk il-politi\u010bi li jitkellmu b’ton populista biex ji\u0121\u0121ieldu kontra l-g\u0127oti tal-immunit\u00e0 g\u0127andhom in\u010bentiv \u010bar li j\u0127ajjarhom jag\u0127mlu dan. U dan g\u0127ar-ra\u0121uni li min ikun akkwista l-immunit\u00e0 jkun f’po\u017cizzjoni li jikxfilhom g\u0127awwarhom u l-fatt li l-politi\u010bi u l-mafju\u017ci huma \u0127ob\u017ca u sikkina. Fil-ka\u017c tal-Italja din il-konnessjoni tibqa’ tielg\u0127a sal-kariga ta’ prim ministru.<\/p>\n

L-istqarrija ta’ Joseph Muscat fis-sens li ma tantx jemmen bl-g\u0127oti tal-“ma\u0127friet presidenzjali” tikkonferma li l-gvern m’huwiex \u0127erqan li jarma lill-investigaturi bl-g\u0127odda kollha li tkun me\u0127tie\u0121a biex isibu tarf l-assassinju mafju\u017c ta’ Daphne Caruana Galizia.<\/p>\n

Ix-\u2018xetti\u010bi\u017cmu\u2019 isarraf f’ind\u0127il politiku. Dan, g\u0127al darb’o\u0127ra, jammonta g\u0127al abbu\u017c tas-setg\u0127a bla tarf li f’pajji\u017cna hu mog\u0127ni biha l-prim ministru. U dan l-abbu\u017c huwa motivat mill-interess parti\u0121\u0121jan \u2013 g\u0127aliex Joseph Muscat jib\u017ca’ li jekk issir investigazzjoni kif suppost, ikun hemm \u010bans li jinkixef g\u0127awwar il-gvern \u2013 jew inkella g\u0127awwaru stess, g\u0127aliex \u0127add ma \u0121ie esklu\u017c mill-involviment f’dan id-delitt, inklu\u017c il-prim ministru.<\/p>\n

Kien hemm ind\u0127il politiku intenzjonat jew li kellu l-effett li jfixkel l-investigazzjoni kif suppost ta’ dan id-delitt. L-ind\u0127il politiku \u017camm lill-awtoritajiet lura milli jsegwu l-kompli\u010bi suspettati. Huma biss jafu l-motivazzjoni wara dan kollu i\u017cda kollox jindika li \u017cammew l-investigazzjoni lura g\u0127ax te\u017cisti l-bi\u017ca’ li din tista’ timplika \u010berti persuni li huma qrib tag\u0127hom.<\/p>\n

Il-gvern g\u0127andu s-setg\u0127a li jiffirma l-permessi biex il-pulizija tkun tista’ tissemma’ d-diskorsi telefoni\u010bi u jissorvelja wkoll is-servizzi tas-sigurt\u00e0. Il-gvern g\u0127andu wkoll is-setg\u0127a li ja\u0127tar u jke\u010b\u010bi l-kummissarji tal-pulizija li jissorveljaw l-investigazzjonijiet ta’ delitti kriminali. Il-prim ministru u l-ministri tag\u0127na g\u0127andhom is-sa\u0127\u0127a li ji\u017cguraw li ssir investigazzjoni sse\u0127\u0127 u g\u0127andhom il-mezzi wkoll biex, jekk iridu, jaraw li ma sse\u0127\u0127x.<\/p>\n

Fil-ka\u017c tal-assassinju ta’ Daphne Caruana Galizia, g\u0127amlu u\u017cu s\u0127i\u0127 minn dawn il-mezzi: raw kif g\u0127amlu biex i\u017commu kollox lura g\u0127ax be\u017cg\u0127anin li jinkixfu affarijiet li jistg\u0127u jikkompromettuhom.<\/p>\n

Il-biera\u0127 il-prim ministru ikkritika lill-istampa talli din kixfet xi truf dwar l-investigazzjoni dwar dan l-assassinju. Dawn it-truf l-investigaturi kienu ilhom xhur s\u0127a\u0127 li saru jafu bihom. Mal-mog\u0127dija ta\u017c-\u017cmien, dawk suspettati jafu sew li hemm min qed “isegwi l-passi tag\u0127hom”.<\/p>\n

Ikkunsidraw lill-allegat sensar li fittex g\u0127amel it-testment tieg\u0127u jum biss wara li l-allegati assassini kienu n\u0121abru mill-pulizija. X’kienet ir-ra\u0121uni li \u0127a dan il-pass? Tg\u0127id g\u0127amel dan g\u0127ax kien qed jistenna li jmut sforz ix-xju\u0127ija g\u0127exieren ta’ snin wara?<\/p>\n

Dan huwa punt fundamentali. Jekk l-uniku mod li bi\u0127 il-pulizija tkun tista’ twassal g\u0127all-kundanni tal-im\u0127u\u0127 wara d-delitt ikun billi i\u0127ajjru xhieda minn \u0121ewwa biex jixhdu permezz tal-g\u0127oti tal-immunit\u00e0, allura m’huwiex bi\u017c\u017cejjed li wie\u0127ed jiddikjara x-“xetti\u010bi\u017cmu” dwar dan l-in\u010bentiv b’ri\u017cq il-kxif tal-verit\u00e0 u jista’ jag\u0127ti l-ka\u017c li jkun jaqbel li x-xhieda potenzjali jeg\u0127bu minn wi\u010b\u010b id-dinja.<\/p>\n

Il-mod kif l-awtoritajiet komplew ja\u0127lu \u017c-\u017cmien u jillu\u017cingaw jag\u0127tina stampa li tkexkxek: permezz tal-ind\u0127il politiku, il-gvern qed jittama li dawn ix-xhieda potenzjali fil-frattemp ti\u0121rilhom xi di\u017cgrazzja fatali.<\/p>\n

Ta’ xejn li wie\u0127ed ikun nidem jekk ma jkunx ukoll pre\u017centi biex jag\u0127ti x-xhieda tieg\u0127u dwar dawk li ordnaw l-assassinju. U jekk dan ise\u0127\u0127, l-im\u0127u\u0127 wara d-delitt tistg\u0127u tibqg\u0127u \u010berti li jg\u0127adduha lixxa.<\/p>\n

Dan kollu jinsab f’idejn politi\u010bi li qed ig\u0127idulna li m’g\u0127andhom xejn x’jaqsmu mal-invesitgazzjoni.<\/p>\n

Din hi proprju r-ra\u0121uni g\u0127ala g\u0127andna nipprotestaw. Jekk ma nipprotestawx, inkunu qed ng\u0127inuhom ig\u0127adduha lixxa.<\/p>\n","protected":false},"excerpt":{"rendered":"

Dak li stqarr il-prim ministru l-biera\u0127 fih wie\u0127ed x’jifhem. L-isku\u017ca prin\u010bipali li \u0121ab hi li ma jafx bid-dettalji tal-investigazzjoni tal-assassinju ta’ Daphne Caruana Galizia g\u0127aliex, skont hu, l-pulizija ta\u0127dem indipendentement mill-gvern u g\u0127alhekk la jista’ u lanqas huwa xieraq li jinda\u0127al. Dan m’huwiex g\u0127al kollox minnu. A\u0127sbu ftit fuq dak li stqarr dwar kemm ma […]<\/p>\n","protected":false},"author":1,"featured_media":79298,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/79319\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=79319"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/79319\/revisions\/"}],"predecessor-version":[{"id":79353,"href":"https:\/\/manueldelia.com\/mt\/wp-json\/wp\/v2\/posts\/79319\/revisions\/79353\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/79298\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=79319"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=79319"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=79319"}],"curies":[{"name":"wp","href":"https:\/\/api.w.org\/{rel}","templated":true}]}}