{"id":79431,"date":"2019-10-11T15:53:30","date_gmt":"2019-10-11T13:53:30","guid":{"rendered":"https:\/\/manueldelia.com\/?p=79431"},"modified":"2019-10-14T06:14:07","modified_gmt":"2019-10-14T04:14:07","slug":"viva-l-lejber","status":"publish","type":"post","link":"https:\/\/manueldelia.com\/mt\/2019\/10\/viva-l-lejber\/","title":{"rendered":"“Viva l-Lejber”"},"content":{"rendered":"

\"\"<\/p>\n

Ag\u0127tu daqqa t’g\u0127ajn lejn dan ir-rapport mill-qorti. \u017bew\u0121 im\u0127allfin dde\u010bidew appelli minn sentenzi li ttrattaw dwar l-istess artiklu.<\/a><\/p>\n

Il-kwistjoni kienet dwar jekk artiklu mxandar f’The Malta Independent<\/em> dwar Keith Schembri\u00a0 – il-prin\u010bep tad-dlamijiet innifsu li huwa wkoll l-id il-leminija tal-prim ministru – u dwar dak li je\u0127odlu \u0127sieb in-negozji tieg\u0127u, huwiex malafamanti jew le.<\/p>\n

Il-\u0121img\u0127a li g\u0127addiet, wie\u0127ed mill-im\u0127allfin idde\u010bieda li l-artiklu ma kienx malafamanti. L-Im\u0127allef jismu Anthony Ellul: bniedem li la huwa Nazzjonalist u lanqas Laburist. Huwa biss Im\u0127allef.<\/p>\n

Illum, qorti presjeduta minn Im\u0127allef o\u0127ra qalet li tinsab im\u0127assba dwar ir-reputazzjoni ta’ Keith Schembri u li din kien jixirqilha li ti\u0121i m\u0127arsa. Din il-qorti qalet li The Malta Independent<\/em> kienet malizzju\u017ca f’kitbietha dwar Keith Schembri.<\/p>\n

Keith Schembri? Possibbli li dan g\u0127andu reputazzjoni x’i\u0127ares? Mhux hekk tg\u0127id! Il-Panama, New Zealand u Alla biss jaf x’hemm aktar ma jfakkrukomx f’xi \u0127a\u0121a?<\/p>\n

L-Im\u0127allef im\u0127assba hi Joanne Vella Cuschieri. Din tla\u0127\u0127qet b\u0127ala Im\u0127allef f’April li g\u0127adda: ing\u0127atat promozzjoni li, skont Repubblika, hi nulla u bla effett g\u0127aliex irriflettiet dak li kienet stqarret il-Kummissjoni ta’ Venezja madwar sena ilu: ji\u0121ifieri li s-setg\u0127a u d-diskrezzjoni li g\u0127andu l-prim ministru li jidde\u010biedi min g\u0127andu jikteb sentenzi dwar l-imbierka id il-leminija tieg\u0127u m’humiex konsistenti ma’ dak li huwa mistenni li jse\u0127\u0127 f’sistema demokratika.<\/p>\n

Dawn kienu qalu li f’sistema demokratika huwa ra\u0121jonevoli li min jitla\u0127\u0127aq b\u0127ala \u0121udikant m’g\u0127andu jkollu ebda suddizzjoni mill-gvern tal-\u0121urnata.<\/p>\n

Dak li qed naraw f’Joanne Vella Cuschieri kienu raw\u0127 tal-Kummissjoni ta’ Venezja: ka\u017c klassiku ta’ abbu\u017c tal-poter minn na\u0127a tal-prim ministru.<\/p>\n

Fl-2014 Joanne Vella Cuschieri tla\u0127\u0127qet b\u0127ala ma\u0121istrat wara li ntg\u0127a\u017clet minn Owen Bonnici minn fost s\u0127abha tal-et\u00e0 tag\u0127ha.<\/p>\n

Sena qabel, ji\u0121ifieri f’Marzu 2013, Joanne Vella Cuschieri kienet kandidata Laburista. Kienet tkellmet pubblikament dwar il-valuri li wirtet ming\u0127and il-\u0121enituri tag\u0127ha. Ma stqarritx li l-\u0121enituri tag\u0127ha kienu g\u0127allmuha l-valuri tal-onest\u00e0 u tal-b\u017culija. Lanqas ma qalet li kienu g\u0127allmuha l-valuri tal-\u0121ustizzja u tas-sewwa.<\/p>\n

Ma tarax! Il-lezzjoni li, skont hi, g\u0127allmuha tinsab fil-kliem li \u0121ejjin: \u201cViva l-Labour\u201d. Jekk m’inthomx temmnuni, ag\u0127tu daqqa t’g\u0127ajn lejn dan il-filmat.<\/p>\n