![\"\"](\"https:\/\/manueldelia.com\/wp-content\/uploads\/2018\/05\/Rikors-ta-Dr.-Joseph-Gerada-page-003.jpg\")
<\/p>\nIl-mod kif \u0121ab ru\u0127u Chris Cardona hu u jipprova j\u017comm fil-wi\u010b\u010b wara li \u0127arrek lil Daphne Caruana Galizia meta din 17-il xahar ilu xandret l-a\u0127bar li kien f’burdell m’hu xejn \u0127lief komportament ta’ min fil-fatt huwa \u0127ati.<\/p>\n
Min ikun inno\u010benti jid\u0127ol il-qorti, i\u0121ib ir-ra\u0121unijiet g\u0127aliex \u0127assu libellat, jippre\u017centa l-provi biex jirribatti dak li jkun \u0121ie mixli bi\u0127, jesprimi g\u0127adab u jitlob rimedju mill-aktar fis possibbli.<\/p>\n
Min ikun \u0127ati jhedded, ji\u017c\u017cer\u017caq, jiskansa u jigdeb. U jag\u0127mel minn kollox biex jipprova jintimida.<\/p>\n
G\u0127al dawn l-a\u0127\u0127ar 8 xhur, Chris Cardona naqas li jattendi g\u0127as-seduti tal-Qorti f’dan il-ka\u017c. I\u017cda m’a\u017c\u017cardax i\u010bedi l-kaw\u017ca ta’ libell li kien g\u0127amel kontra Daphne Caruana Galizia biex \u017cgur \u0127add ma jifhem pass b\u0127al dan b\u0127ala xi forma ta’ ammissjoni.<\/p>\n
I\u017cda l-avukati tieg\u0127u g\u0127amlu kull xorta ta’ pressjoni biex il-werrieta tag\u0127ha jaqblu li ti\u0121i \u010beduta l-kaw\u017ca dment li ssir xi forma ta’ apolo\u0121ija.<\/p>\n
U, m’g\u0127andniex xi ng\u0127idu, ta’ Caruana Galizia ma kinux lesti li jag\u0127mlu dan.<\/p>\n
Nhar il-\u0126amis li g\u0127adda, Chris Cardona u l-avukati tieg\u0127u re\u0121g\u0127u rrikorrew g\u0127all-pressjoni.<\/p>\n
Dawn issottomettew ir-ritratt li qed jidher hawn isfel bil-g\u0127an li jo\u0127olqu storja \u0121dida li tg\u0127id li Daphne Caruana Galizia – din id-darba mhux g\u0127ax kienet gidbet u li vvintat kollox – kienet \u0121iet ingannata mill-g\u0127ejjun tag\u0127ha li qatt ma setg\u0127u jkunu jafu fejn kien Chris Cardona. U dan g\u0127aliex il-messa\u0121\u0121 li ntbag\u0127tilha li kien infurmaha li Chris Cardona kien f’burdell \u0120ermani\u017c kien intbg\u0127at lilha minn xi \u0127add minn Malta. U b\u0127ala “prova” xandru dan ir-ritratt.<\/p>\n
<\/p>\n
Dan ir-ritratt mhuwiex prova dwar mil-liema pajji\u017c intbag\u0127at. Veru li g\u0127andu numru Malti i\u017cda dan ma jfissirx li ntbag\u0127at minn Malta – ir-roaming<\/em> g\u0127alhekk qieg\u0127ed.<\/p>\n Ir-ritratt jindika wkoll id-data tal-31 ta’ Jannar u wie\u0127ed irid jiftakar li Daphne Caruana Galizia kienet xandret ir-rapport skandalu\u017c tag\u0127ha dwar i\u017c-\u017cjarat ta’ Chris Cardona fil-burdell fit-30 ta’ Jannar. Kien dakinhar li kienet xandret dettalji dwar it-tpin\u0121ija li g\u0127andu fuq \u0121ismu, dwar id-dag\u0127a li lissen waqt li kien ta\u0127t do\u010b\u010ba bl-ilma kiesa\u0127 u dwar dettalji o\u0127rajn ja\u0127arqu.<\/p>\n Ir-ritratt jindika li dan ittie\u0127ed minn screen<\/em> ta’ min kien bg\u0127at il-messa\u0121\u0121 (l-g\u0127ajn) u mhux ta’ min kien ir\u010bevi\u0127 (Daphne Caruana Galizia) u dan g\u0127aliex il-messa\u0121\u0121i ta’ min jibg\u0127at dejjem ikunu fuq in-na\u0127a tal-lemin.<\/p>\n Diffi\u010bli wie\u0127ed jifhem ir-ra\u0121uni g\u0127aliex l-g\u0127ejjun – li evidentement \u0127adu l-prekawzjonijiet kollha biex jg\u0127attu l-identit\u00e0 tag\u0127hom – g\u0127all-g\u0127arrieda jidde\u010biedew li jg\u0127addu r-ritratt lill-avukati ta’ Chris Cardona. Sakemm Chris Cardona ma ffalsifikax lil dawn il-messa\u0121\u0121i jew lir-ritratt wara li Daphne Caruana Galizia kienet xandret l-ewwel rapport tag\u0127ha.<\/p>\n Ir-ritratt mhuwiex prova li l-messa\u0121\u0121i huma awtenti\u010bi. U, forsi intenzjonalment,\u00a0 qed jitolbu l-impossibbli meta jitolbu lill-qorti \u0121\u0121ieg\u0127el lill-operaturi biex jippre\u017centaw il-provi 17 il-xahar wara l-fatt.<\/p>\n Hawn jidher messa\u0121\u0121 li \u0127ejjejt jien u nista’ nassigurakom li dan huwa falz g\u0127ax g\u0127amiltu jien stess.<\/p>\n I\u017cda l-bu\u017cillis hu li l-\u0126amis filg\u0127axija il-gvern xandar stqarrija permezz tad-Dipartiment tal-Informazzjoni li permezz tag\u0127ha qal li Chris Cardona ma kienx deher il-qorti g\u0127aliex kellu x’jag\u0127mel.<\/p>\n I\u017cda mbag\u0127ad qalu: “jidher li l-avukat tal-akku\u017cati \u0127ataf l-opportunit\u00e0 biex jitlob li l-akku\u017cati, f’dan il-ka\u017c il-werrieta ta’ Daphne Caruana Galizia, ji\u0121u liberati mill-akku\u017ci mi\u0121juba kontrihom u l-Ma\u0121istrat Francesco Depasquale dde\u010bieda li jikkan\u010bella l-kaw\u017ci mil-lista li kellu quddiemu.”<\/p>\n Araw ftit il-lingwa\u0121\u0121 li w\u017caw. Il-kelma “konvenut” tintu\u017ca g\u0127al min ikun im\u0127arrek f’kaw\u017ca \u010bivili u l-g\u0127a\u017cla tal-kliem “akku\u017cati” u “jilliberaw lill-akku\u017cati mill-akku\u017ci mi\u0121juba kontrihom” saret biex tqarraq b’mod malizzju\u017c.<\/p>\n E\u017cattament dwar xiex setg\u0127u \u0121ew mixlija Matthew, Andrew u Paul Caruana Galizia? Dawn qed ji\u0121u mixlija li gidbu? Dawn qed ji\u0121u mixlija li llibellaw lil Chris Cardona? Dawn qed ji\u0121u mixlija li \u0121ibdu ritratt mill-mobile<\/em> tal-g\u0127ejjun u li mbag\u0127ad g\u0127addewh lill-avukati ta’ Chris Cardona?<\/p>\n Il-fatt li r-ra\u0121el u wlied Daphne Caruana Galizia wirtu din il-kaw\u017ca ta’ libell flimkien ma’ o\u0127rajn huwa konsegwenza tal-fatt li l-kaw\u017ci ta’ libell huma kaw\u017ci \u010bivili u l-kaw\u017ci \u010bivili jintirtu b\u0127ad-djun.<\/p>\n I\u017cda l-u\u017cu tal-istrutturi tal-istat\u00a0 –\u00a0 b\u0127alma huma l-istqarrijiet uffi\u010bjali u t-ta\u0127rikiet kontra tlitt ir\u0121iel li ma jistg\u0127ux jixhdu g\u0127ax ig\u0127ixu barra ‘l pajji\u017c u ma jafu xejn dwar il-ka\u017c\u00a0 – minn Malta\u00a0 \u2014 m’hu xejn \u0127lief att ta’ intimidazzjoni sfa\u010b\u010bata minn na\u0127a tal-istat.<\/p>\n U hija wkoll ksur tad-drittijiet umani tal-istess tlitt ir\u0121iel.<\/p>\n I\u017cda min hu \u0127ati jippretendi li d-drittijiet qeg\u0127din hemm g\u0127alih biss.<\/p>\n![\"\"](\"https:\/\/manueldelia.com\/wp-content\/uploads\/2018\/06\/WhatsApp-Image-2018-06-01-at-15.12.14.jpeg\")
<\/p>\n