{"id":80562,"date":"2019-10-25T11:28:12","date_gmt":"2019-10-25T09:28:12","guid":{"rendered":"https:\/\/manueldelia.com\/?p=80562"},"modified":"2019-10-28T15:26:55","modified_gmt":"2019-10-28T14:26:55","slug":"ximiss-wara-l-aqwa-zmien","status":"publish","type":"post","link":"https:\/\/manueldelia.com\/mt\/2019\/10\/ximiss-wara-l-aqwa-zmien\/","title":{"rendered":"X’imiss wara l-Aqwa \u017bmien?"},"content":{"rendered":"

\"\"<\/p>\n

Is-sinjali qed jidhru madwarna u kullimkien.<\/p>\n

L-industrija tal-gaming<\/em> m’hix ser tibqa’ dik li kienet g\u0127al Malta g\u0127al dawn l-a\u0127\u0127ar 10 snin. Dawn il-kumpanniji tal-gaming<\/em> issa bdew jag\u0127mlu dak li dejjem heddew li kienu ser jag\u0127mlu: li jparpru ‘l barra minn Malta u jmorru band’o\u0127ra. Meta kienu bdew jinbtu dawn il-kumpanniji, Malta kienet g\u0127addiet li\u0121ijiet biex tkun tista’ tipprovdi li\u010benzji Ewropej lil dawk in-negozji li setg\u0127u ju\u017caw il-pre\u017cenza tag\u0127hom f’Malta biex jil\u0127qu dawk is-swieq Ewropej li ma kienux je\u0127tie\u0121u li\u010benzja Ewropea. Dawn il-li\u0121ijiet servew l-iskop tag\u0127hom sakemm is-sitwazzjoni baqg\u0127et dik li kienet.<\/p>\n

Issa li hemm diversi pajji\u017ci li qieg\u0127din jibdlu l-kundizzjonijiet li wie\u0127ed ikun irid jissodisfa biex ikun jista’ jopera, il-li\u010benzja Maltija m’g\u0127adx g\u0127andha l-valur li kellha. Dawn xorta wa\u0127da jibqg\u0127u je\u0127tie\u0121u ba\u017ci minn fejn jistg\u0127u joperaw u, li kieku \u010b-\u010birkostanzi kienu tajbin, Malta setg\u0127et kompliet testendi l-kompetittivit\u00e0 tag\u0127ha g\u0127al ftit \u017cmien ie\u0127or sa\u0127ansitra anki ming\u0127ajr l-attrazzjoni li setg\u0127et tipprovdi li\u010benzja li tg\u0127odd g\u0127al pajji\u017ci o\u0127rajn.<\/p>\n

I\u017cda \u010b-\u010birkostanzi m’humiex ideali. Hemm \u010berti fatturi li wie\u0127ed ma jistax ikollu kontroll fuqhom. Irridu jew ma rridux, Malta tibqa’ pajji\u017c \u017cg\u0127ir. F’pajji\u017cna, huwa kwa\u017ci mpossibbli li ssib in-nies li g\u0127andhom is-snajja’ li huma me\u0127tie\u0121a u biex i\u0121ibu il-\u0127addiema minn barra lil dawn il-kumpanniji jiswihom il-flus. U n-nuqqas fis-suq ta’ \u0127addiema bis-snajja’ me\u0127tie\u0121a kompla g\u0127olla l-ispejje\u017c f’dawk li huma pagi biex b’hekk naqqasna \u0127afna mill-kompetittivit\u00e0 li kellna.<\/p>\n

Ninsabu neqsin ukoll mir-ri\u017cors tal-akkomodazzjoni. Il-\u0127lasijiet ta’ krejja splodew ‘il fuq. Di\u0121\u00e0 huwa diffi\u010bli ferm g\u0127al dawk il-\u0127addiema li ji\u0121u ja\u0127dmu hawn biex jsibu fejn joqg\u0127odu: dawn qed isibu l-ispejje\u017c tag\u0127hom ji\u017cdiedu minn \u017cmien g\u0127al \u017cmien. Il-konsegwenza hi li dawn qed jispi\u010b\u010baw jitilqu minn pajji\u017cna wie\u0127ed wara l-ie\u0127or.<\/p>\n

Kien hemm ukoll fatturi o\u0127rajn. Ng\u0127iduha kif inhi, ma tistax tmexxi negozju kemm il-darba ma tkunx tista’ tag\u0127mel u\u017cu mis-servizzi tal-banek. G\u0127al xi \u017cmien, is-Satabank<\/em> kien serva ta’ refu\u0121ju g\u0127all-industrija tal-gaming<\/em> sakemm spi\u010b\u010ba sarilhom l-ag\u0127ar \u0127mar il-lejl li seta’ jkollhom. Tal-HSBC u tal-APS qatt ma ntrigaw b’dan in-negozju. Tal-BOV kellhom diversi kunflitti ta’ interess mill-bidu sal-a\u0127\u0127ar. I\u017cda dan il-bank qatt ma seta’ jattira x-xog\u0127ol ta’ dawn il-kumpanniji bil-problema li g\u0127andu dwar it-transazzjonijiet bid-Dollaru Amerikan.<\/p>\n

Issa wasalna s’hawn. Din l-industrija li b\u0127alissa ssarraf g\u0127al madwar 13% f’dak li huwa prodott gross domestiku tal-pajji\u017c je\u0127tie\u0121 li tid\u0127ol industrija o\u0127ra biex tie\u0127u postha. Il-gvern g\u0127amel \u0127afna g\u0127a\u0121eb bil-blockchain<\/em> i\u017cda dan il-qasam jidher li huwa ferm ‘il bog\u0127od minn ideali. Kumpanniji li ja\u0127dmu f’dan il-qasam li fet\u0127u f’pajji\u017cna ftit xhur ilu biss di\u0121\u00e0 \u0127abbru li ser imorru band’o\u0127ra qabel l-a\u0127\u0127ar tas-sena. Ir-ra\u0121unijiet g\u0127al dan jixb\u0127u \u0127afna r-ra\u0121unijiet g\u0127ala l-kumpanniji tal-gaming<\/em> qed isibuha diffi\u010bli li jkomplu joperaw minn hawn. I\u017cda hemm ukoll il-problema li dawn in-negozji \u0121odda ma kellhomx \u017cmien bi\u017c\u017cejjed biex irabbu l-g\u0127eruq f’Malta u g\u0127alhekk ma tantx g\u0127andhom \u0127ajra li jibqg\u0127u hawn. Il-kobba ser tkompli tit\u0127abbel g\u0127aliex dawn l-industriji \u0121abu mag\u0127hom infieq ulterjuri fil-pajji\u017c f’dawk li huma \u0127las ta’ kirjiet, spejje\u017c ta’ divertiment, ta’ trasport, ta’ ikel u ta’ spejje\u017c relatati.<\/p>\n

S’issa ma jidhirx li hemm xi pjan g\u0127addej biex il-vojt li ser i\u0127allu warajhom dawn in-negozji jimtela’ minn o\u0127rajn. Ma’ wi\u010b\u010bna ser ikollna sitwazzjoni ekonomika li tixba\u0127 \u0127afna dik li konna ffa\u010b\u010bjajna fis-snin disg\u0127in hekk kif il-kompetittivit\u00e0 tal-industrija tat-tessuti u tat-tarznari kienet \u0121iet kwa\u017ci fix-xejn u jidher li m’a\u0127niex qed in\u0127ejju ru\u0127na g\u0127all-bidliet li jkun je\u0127tie\u0121 li jsiru.<\/p>\n

I\u017cda anki jekk b’xi mod nibdew in\u0127ejju ru\u0127na, rridu niftakru li tul l-a\u0127\u0127ar \u0127ames snin berbaqna l-\u0121id li g\u0127idna li g\u0127andna u li ilna nirri\u010biklaw mill-1964. Il-Malta Enterprise<\/em> ta’ Kurt Farrugia ser ikollha bi\u010b\u010ba xog\u0127ol iebsa ferm biex tkompli tattira l-attenzjoni tal-investituri, hi u tippriedka dwar il-b\u017culija tal-\u0127addiema Maltin, dwar il-fatt li dawn jitkellmu bl-Ingli\u017c, dwar il-fatt li g\u0127andhom il-\u0127ila li jitg\u0127allmu snajja’ \u0121odda, dwar it-trasparenza u l-effettivit\u00e0 tal-qafas legali Malti, dwar l-indipendenza tal-\u0121udikatura tag\u0127na, dwar l-effi\u010bjenza tas-sistema tal-arbitra\u0121\u0121i, dwar is-sodezza tal-banek tag\u0127na, dwar l-istabilit\u00e0 fix-xena politika, dwar il-valur tal-passaport Malti f’dak li huwa a\u010b\u010bess g\u0127al pajji\u017ci o\u0127ra u dwar il-fidu\u010bja u l-\u0127biberija li tgawdi Malta mal-bqija tad-dinja.<\/p>\n

Ninvestu f’Malta? Smajtuha sewwa? Dak il-pajji\u017c li l-ministri tal-gvern tieg\u0127u nkixfu fil-Panama Papers? Dak il-pajji\u017c li ja\u0127sel il-flus ma\u0127mu\u0121in tal-A\u017cerbaj\u0121an u tal-Mafja? Dak li pajji\u017c li fih min g\u0127andu s-setg\u0127a ma ji\u0121i arrestat qatt u li l-im\u0127allfin ma jistg\u0127ux imissuh? Dak il-pajji\u017c li fih \u017cew\u0121 banek ing\u0127alqu min\u0127abba \u0127asil ta’ flus ma\u0127mu\u0121in? Dak il-pajji\u017c li fih \u0121urnalista nqatlet bi splu\u017cjoni ta’ karrozza-bomba?<\/p>\n

Dawk li jmorru jisimg\u0127u l-priedki ta’ Kurt Farrugia ma tlumhomx jekk dlonk jinteb\u0127u li dan huwa l-istess bniedem li kien deher fir-ritratti tal-laqg\u0127at li erba’ jew \u0127ames snin ilu Joseph Muscat kellu ma’ Ilham Aliyev. U meta jinteb\u0127u b’dan, tiskantaw xejn jekk dawn idawwru denbhom, jispi\u010b\u010baw f’\u0127o\u0121or il-kompetituri tag\u0127na u jinvestu f’post fejn ma jispi\u010b\u010bawx fl-inkwiet mal-bank li jkunu g\u0127a\u017clu li ja\u0127dmu mieg\u0127u.<\/p>\n

Ji\u0121ri x’ji\u0121ri, Kurt Farrugia xorta wa\u0127da se jibqa’ ji\u0121bor i\u010b-\u010bekk tal-paga tal-a\u0127\u0127ar tal-\u0121img\u0127a.<\/p>\n

I\u017cda x’ser ikunu l-konsegwenzi g\u0127al pajji\u017cna?<\/p>\n","protected":false},"excerpt":{"rendered":"

Is-sinjali qed jidhru madwarna u kullimkien. L-industrija tal-gaming m’hix ser tibqa’ dik li kienet g\u0127al Malta g\u0127al dawn l-a\u0127\u0127ar 10 snin. Dawn il-kumpanniji tal-gaming issa bdew jag\u0127mlu dak li dejjem heddew li kienu ser jag\u0127mlu: li jparpru ‘l barra minn Malta u jmorru band’o\u0127ra. Meta kienu bdew jinbtu dawn il-kumpanniji, Malta kienet g\u0127addiet li\u0121ijiet biex […]<\/p>\n","protected":false},"author":1,"featured_media":80549,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/80562\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=80562"}],"version-history":[{"count":3,"href":"https:\/\/manueldelia.com\/mt\/wp-json\/wp\/v2\/posts\/80562\/revisions\/"}],"predecessor-version":[{"id":80633,"href":"https:\/\/manueldelia.com\/mt\/wp-json\/wp\/v2\/posts\/80562\/revisions\/80633\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/80549\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=80562"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=80562"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=80562"}],"curies":[{"name":"wp","href":"https:\/\/api.w.org\/{rel}","templated":true}]}}