{"id":81287,"date":"2019-11-18T19:48:58","date_gmt":"2019-11-18T18:48:58","guid":{"rendered":"https:\/\/manueldelia.com\/?p=81287"},"modified":"2019-11-18T19:48:58","modified_gmt":"2019-11-18T18:48:58","slug":"ghadna-lura","status":"publish","type":"post","link":"https:\/\/manueldelia.com\/mt\/2019\/11\/ghadna-lura\/","title":{"rendered":"G\u0127adna lura"},"content":{"rendered":"

Ejjew ma ne\u010b\u010bitawx ru\u0127na \u017c\u017cejjed. Il-\u0121img\u0127a li g\u0127addiet fil-qorti Keith Schembri x’aktarx xtaq l-art tibilg\u0127u.<\/a> I\u017cda kien dakinhar li nkixfu l-Panama Papers<\/em> li kien \u0127ass l-art titrieg\u0127ed ta\u0127t saqajh. Il-pjan korrott li kellhom biex jistag\u0127new personalment ma kellu qatt jo\u0127ro\u0121 fil-bera\u0127. Pubblikament ikomplu jilbsu l-maskra tal-indifferenza fuq wi\u010b\u010bhom – i\u017cda din il-maskra m’hix isservi biex tg\u0127atti r-rabja nfiskata li g\u0127andhom talli nqabdu b’qalziethom imni\u017c\u017cel sa g\u0127arqubhom.<\/p>\n

Dan kollu ma jfissirx li t-twettiq tal-\u0121ustizzja ser ikun inevitabbli. A\u0127sbu ftit dwar il-mod kif irre\u017cistew bil-qawwa kollha t-tnedija ta’ kull forma ta’ nkjesta kriminali. A\u0127sbu ftit dwar l-appelli kollha li ppre\u017centaw biex iwaqqfu l-inkjesti g\u0127al kollox.<\/p>\n

Ippermettuli nfakkarkom ftit.<\/p>\n

Frar 2016: Daphne Caruana Galizia tikteb li Keith Schembri u Konrad Mizzi huma s-sidien ta’ kumpanniji re\u0121istrati fil-Panama mo\u0127bijin \u0121ewwa trusts<\/em> re\u0121istrati fi New Zealand<\/a>. Ji\u010b\u0127du kollox.<\/p>\n

April 2016: Jitfa\u010b\u010baw il-Panama Papers<\/em> u ti\u0121i konfermata l-istorja li Keith Schembri u Konrad Mizzi tassew huma sidien ta’ kumpanniji re\u0121istrati fil-Panama u li kienu gidbu meta dawn stqarrew li dan ma kienx minnu. Simon Busuttil jistqarr li minn dak li rri\u017culta mill-Panama Papers<\/em>, Keith Schembri huwa bniedem korrott. Keith Schembri jirrea\u0121ixxi billi jag\u0127mel libell fil-qorti kontra Simon Busuttil.<\/a><\/p>\n

Lulju 2017: Il-Pulizija tibqa’ ma ti\u010b\u010baqlaqx u Simon Busuttil jie\u0127u l-inizjattiva u jitlob it-tnedija ta’ inkjesta mill-qorti. Permezz ta’ digriet, il-Ma\u0121istrat Ian Farrugia jilqa’ t-talba u jordna t-tnedija ta’ inkjesta.<\/a> Il-Prim Ministru u l-klikka ta’ madwaru jappellaw mid-digriet u tibda’ battalja legali twila quddiem il-qorti tal-appell.<\/p>\n

Ottubru 2017: Keith Schembri jixhed fil-kaw\u017ca tal-libell li g\u0127amel kontra\u00a0 Simon Busuttil u jistqarr li hu m’huwiex bniedem korrott.<\/a> Dakinhar stess,\u00a0 Daphne Caruana Galizia, il-\u0121urnalista li kienet kixfitilhom g\u0127awwarhom ti\u0121i assassinata permezz ta’ karrozza-bomba.<\/p>\n

April 2018: Ta’ The Daphne Project<\/em> jikxfu li l-kumpanniji 17 Black<\/em> (u MacBridge<\/em>) kienu \u0121ew identifikati b\u0127ala \u201cklijenti mira\u201d<\/a> li kellhom jittrasferixxu miljuni kbar ta’ flejjes fil-kontijiet tal-kumpanniji tal-Panama ta’ Keith Schembri u ta’\u00a0 Konrad Mizzi.<\/p>\n

Ottubru 2018: Ir-Reuters<\/em> jikxfu li sid il-kumpannija 17 Black<\/em> m’hu \u0127add \u0127lief \u00a0 Yorgen Fenech<\/a>.<\/p>\n

Novembru 2018: Fil-Parlament Owen Bonnici jg\u0127id li nkjesta dwar 17 Blac<\/em>k kienet inbdiet \u201cnumru ta’ \u0121img\u0127at\u201d qabel ixxandar ir-rapport ta’ Reuters<\/em> f’Ottubru.<\/a> Qal ukoll li l-inkjesta kienet intalbet mill-Pulizija u li din qed titmexxa’ mill-Ma\u0121istrat Charmaine Galea.<\/p>\n

Jannar 2019: L-appell ta’ Joseph Muscat u tal-klikka tal-Panama fuq l-inkjesta\u00a0 dwar il-Panama Papers<\/em> jintlaqa’ mill-Im\u0127allef Giovanni Grixti.<\/a> Id-digriet li kien ordna t-tnedija ta’ inkjesta ji\u0121i revokat.<\/p>\n

April 2019: \u00a0Il-Ma\u0121istrat Doreen Clarke tilqa’ talba \u0121dida minn Simon Busuttil u minn Repubblika sabiex ti\u0121i mnedija nkjesta dwar il-Panama Papers.<\/em><\/a> Il-Ma\u0121istrat Clarke tordna li l-allegazzjonijiet li saru minn Simon Busuttil u minn Repubblika ji\u0121u mist\u0127arr\u0121a fl-inkjesta presjeduta mill-Ma\u0121istrat Charmaine Galea dwar 17 Black<\/em>. Din l-inkjesta g\u0127adha pendenti.<\/p>\n

Novembru 2019: Wara li ji\u0121i ordnat jidher fil-qorti f’kaw\u017ca ta’ libell li g\u0127amel huwa stess u sabiex isirlu kontro-e\u017cami, Keith Schembri j\u010bedi l-kaw\u017ca ta’ libell li kien g\u0127amel kontra Simon Busuttil.<\/p>\n

Issa li ftakarna f’dawn il-fatti kollha, inkomplu.<\/p>\n

Meta l-\u0121img\u0127a li g\u0127addiet Keith Schembri kien qed jipprova ji\u017cgi\u010b\u010ba mid-dmir tieg\u0127u li jixhed f’kaw\u017ca ta’ libell li kien g\u0127amel huwa stess, stqarr li ma jixtieqx jixhed g\u0127aliex jib\u017ca’ li jista’ jinkrimina ru\u0127u. Din kienet ammissjoni \u010bara minn na\u0127a tieg\u0127u li rrabjat lil bosta nies u li wkoll nisslet xi ftit tat-tama li din id-darba Joseph Muscat kien ser jag\u0127mel dak li kien missu ilu li g\u0127amel, g\u0127alkemm kien di\u0121\u00e0 1,322 jum tard, kif qieg\u0127duha tal-Moviment Graffitti il-\u0121img\u0127a li g\u0127addiet.<\/p>\n