![\"\"](\"https:\/\/manueldelia.com\/wp-content\/uploads\/2019\/11\/WhatsApp-Image-2019-11-25-at-07.31.33-1.jpeg\")
<\/p>\nEvarist Bartolo issa semma’ lil Keith Schembri u lil Konrad Mizzi u talabhom iwarrbu.<\/p>\n
<\/p>\n
Jien nista’ nwie\u0121bu billi ng\u0127idlu li dak li qed jistqarr illum kien messu qalu tliet snin ilu. Nista’ nwie\u0121bu billi ng\u0127idlu li kieku dan kollu stqarru tliet snin ilu u g\u0127addiet tieg\u0127u, Daphne illum g\u0127adha mimlija bil-g\u0127omor. Nista’ nwie\u0121bu wkoll billi ng\u0127idlu li, kieku tliet snin ilu twarrbu Konrad Mizzi u Keith Schembri, m’a\u0127niex fil-morsa li ninsabu fiha issa, bid-dinja kollha t\u0127ares lejna b\u0127ala pajji\u017c tal-\u0127allelin u tal-furbani.<\/p>\n
I\u017cda je\u0127tie\u0121 li issa ma nwe\u0121ibux b’dan il-mod.<\/p>\n
Madankollu jekk Evarist Bartolo u l-membri tal-grupp parlamentari tal-Partit Laburista jibqg\u0127u ma jitg\u0127allmux mill-i\u017cball li g\u0127amlu kull jum matul dawn l-a\u0127\u0127ar tliet snin, ikunu g\u0127amlu \u0127sara kbira kemm lill-politika f’Malta kif ukoll lill-pajji\u017c innifsu.<\/p>\n
Huwa \u010bar li l-istorja li vvinta Chris Cardona fis-sens li nhar is-Sibt li g\u0127adda bg\u0127atu g\u0127alih fil-kwartier \u0121enerali tal-pulizija biex jie\u0127u belg\u0127a t\u00e8 u li issa kollox hu sewwa m’hi xejn \u0127lief \u0127merija. Jekk il-pulizija ma kienux \u017cguri dwar il-mistoqsijiet li riedu jag\u0127mlulu, kienu jmorru jkellmuh f’daru. Ma kienx b’kumbinazzjoni li l-pulizija spi\u010b\u010baw biex bg\u0127atu g\u0127alih fil-kwartier tag\u0127hom fid-dawl tax-xemx.<\/p>\n
Tistg\u0127u ta\u0127seb kif ser t\u0127ossok li kieku l-pulizija kellha tibg\u0127at g\u0127alik biex tistaqsik mistoqsijiet dwar qtil li dwaru int ma kellekx x’taqsam. M’hemmx dubju li ma kontx tmur g\u0127and il-pulizija frisk b\u0127al \u0127assa.<\/p>\n
Jidher \u010bar li l-Pulizija m’hix sodisfatta bit-twe\u0121ibiet li taha Chris Cardona nhar is-Sibt li g\u0127adda. U l-biera\u0127 bg\u0127atu g\u0127al xi persuni li ja\u0127dmu fil-ministeru tieg\u0127u. Ma tantx nista’ ntikom dettalji dwar dan l-i\u017cvilupp g\u0127ax il-kelliem uffi\u010bjali tal-pulizija, Joseph Muscat, g\u0127adu ma tniffisx pubblikament dwaru. Il-kwistjoni dwar jekk il-Pulizija bg\u0127atux g\u0127al persuna wa\u0127da jew g\u0127al aktar minn wa\u0127da, jekk dawn \u0121ewx arrestati jew marrux il-kwartier tal-pulizija minn jeddhom m’hix daqstant importanti.<\/p>\n
L-importanti hu li dawn i\u010b-\u010birkostanzi kollha juru li l-Pulizija m’hix sodisfatta bl-ispjegazzjonijiet li tahom ministru tal-kabinett dwar l-allegat involviment tieg\u0127u f’assassinju.<\/p>\n
Ma jidhirlux Evarist Bartolo li issa huwa \u017cmien opportun biex Chris Cardona ji\u0121i m\u0121ieg\u0127el iwarrab?<\/p>\n
M’g\u0127andniex xi ng\u0127idu, hemm ukoll Joseph Muscat. Jekk iwarrbu Konrad Mizzi u Keith Schembri dan ma jkunx ifisser li d-de\u010bi\u017cjonijet li jkun je\u0127tie\u0121 li jie\u0127u b\u0127ala prim ministru ser je\u0127fiefu. Lanqas ma jkun ifisser li l-\u0127ila u r-rieda li g\u0127andu li jinda\u0127al fl-investigazzjonijiet se tispi\u010b\u010balhom l-importanza tag\u0127hom.<\/p>\n
Joseph Muscat g\u0127ad g\u0127andu interess personali li jsalva l-\u0121ilda politika ta’ Keith Schembri u ta’ Konrad Mizzi. politikament ma jistax jibqa’ jterraq fil-wi\u010b\u010b fl-assenza ta’ dawn it-tnejn. Barra minn dan, wie\u0127ed ma jistax ma jissuspettax li g\u0127andu interess personali wkoll fin-negozju li kien sar ma’ tal-A\u017cerbaj\u0121an u mal-familji Fenech, Gasan u Apap Bologna u g\u0127aldaqstant jinsab ta\u0127t obbligazzjoni biex ji\u017cgura li l-verit\u00e0 tibqa’ mistura u fl-istess waqt in-negozju ma jintmessx.<\/p>\n
G\u0127alhekk il-po\u017cizzjoni tieg\u0127u tibqa’ wa\u0127da mhux tenibbli, kemm jekk iwarrbu Keith Schembri u Konrad Mizzi kif ukoll jekk dawn jibqg\u0127u ma jwarrbux. Il-\u0127ila tieg\u0127u li jibqa’ jag\u0127tihom il-kenn g\u0127adha hemm.<\/p>\n
U g\u0127alhekk il-\u0127tie\u0121a li jitwarrab Joseph Muscat tibqa’ wa\u0127da ur\u0121enti.<\/p>\n
Evarist Bartolo jmissu jag\u0127mel dak li hu sewwa u g\u0127andu jag\u0127ti sinjal li hu favur li l-politi\u010bi tag\u0127na g\u0127andu jkollhom livell a\u010b\u010bettabbli ta’ m\u0121ieba.<\/p>\n
Il-prim ministru kien \u0127atar, kien g\u0127a\u017cel u kompla jag\u0127ti l-kenn lil Chris Cardona, Konrad Mizzi u Keith Schembri.<\/p>\n
\u017bammhom f’posthom g\u0127al tliet snin s\u0127a\u0127 u fil-frattemp kompliet to\u0127ro\u0121 il-verit\u00e0 dwar l-im\u0121ieba tag\u0127hom.<\/p>\n
A\u0127sbu ftit dwar il-mod kif Chris Cardona g\u0127amel re\u017cistenza fero\u010bi kontra l-\u0127ru\u0121 ta’ provi dwar il-fatt li kien attenda burdell fil-\u0127in tax-xog\u0127ol fl-istess waqt li kien qed jipprova jkisser finanzjarjament il-\u0121urnalista li kienet kixfitu. A\u0127sbu ftit fi \u010ba\u0127diet li g\u0127amel wara li kienet fe\u0121\u0121et l-a\u0127bar li kien iltaqa’ mal-assassini li jinsabu mixlija bil-qtil ta’ Daphne. A\u0127sbu ftit dwar il-mod kif g\u0127all-ewwel \u010ba\u0127ad li jafhom u mbag\u0127ad re\u0121a’ bdielu u ammetta.<\/p>\n
Dak i\u017c-\u017cmien Joseph Muscat kien messu dabbarlu rasu.<\/p>\n
U a\u0127sbu wkoll xi ftit dwar dak li issa huwa \u010bar, anki fl-im\u0127u\u0127 tas-sostenituri ta’ Evarist Bartolo: li l-assassinju ta’ Daphne se\u0127\u0127 biex titg\u0127atta l-korruzzjoni ta’ Keith Schembri u ta’ Konrad Mizzi – korruzzjoni li a\u0127na ilna nafu biha g\u0127al \u017cmien twil.<\/p>\n
Dak i\u017c-\u017cmien Joseph Muscat kien messu dabbrilhom rashom.<\/p>\n
Jekk Evarist Bartolo u s\u0127abu issa ma jwarrbux lil Joseph Muscat, ikunu kompli\u010bi fl-akbar delitt li wettaq, ji\u0121ifieri l-glorifikazzjoni tal-impunit\u00e0. Evarist Bartolo kiteb li s-si\u0121ra tal-Labour te\u0127tie\u0121 \u017cabra. Jien ng\u0127idlu li l-partit m’g\u0127andux ikun il-prijorit\u00e0 tieg\u0127u. Il-priorit\u00e0 tieg\u0127u g\u0127andha tkun il-\u0127sara li saret lill-pajji\u017c minn prim ministru li g\u0127atta delitti kriminali b\u0127alma huma l-korruzzjoni u forsi anke l-qtil.<\/p>\n