![\"\"](\"https:\/\/manueldelia.com\/wp-content\/uploads\/2018\/06\/Matteo-Salvini-smette-di-fumare-720x450.jpg\")
<\/p>\n<\/p>\n
L-Italja u Malta g\u0127andhom gvernijiet populisti u t-tnejn li huma qeg\u0127din jag\u0127mlu tag\u0127hom il-pre\u0121udizzji razzjali ta’ xi w\u0127ud kif ukoll l-indifferenza\u00a0 g\u0127at-tbatjiet ta’ \u0127addie\u0127or. Ir-riferenzi li qed isiru g\u0127al-li\u0121ijiet internazzjonali huma konvenjenti g\u0127all-a\u0127\u0127ar u m’humiex serji: huma biss sku\u017ci biex jevitaw li jwettqu dak li m’huwiex popolari i\u017cda li g\u0127andu mis-sewwa.<\/p>\n
M’g\u0127andniex xi ng\u0127idu, wie\u0127ed ma jistax jinjora d-differenzi fid-daqs li hemm bejn Malta u l-Italja. Jekk Matteo Salvini jidhirlu li 629 ru\u0127 huma wisq g\u0127all-Italja, a\u0127seb u ara x’inhuma g\u0127al Malta li hi bil-wisq i\u017cg\u0127ar fid-daqs. I\u017cda ma rridu ninsew qatt li qed nitkellmu dwar il-bnedmin.<\/p>\n
Matteo Salvini g\u0127andu ra\u0121un meta jg\u0127id li Malta g\u0127andha terfa’ r-responsabbiltajiet tag\u0127ha. Matul l-a\u0127\u0127ar 5 snin, kien x’kien il-ftehim bil-mo\u0127bi li sar bejn Joseph Muscat u Matteo Renzi, ebda immigrant mill-Afrika ma rifes fuq Malta. G\u0127andna b\u017conn il-\u0127addiema i\u017cda jidher li s-suwed m’g\u0127andniex grazzja mag\u0127hom. U Joseph Muscat ried jiffanfra bis-su\u010b\u010bess li kellu bil-fatt li f’Malta ma rifes ebda immigrant u mhux se ji\u010b\u010baqlaq minn din il-politika. I\u017cda jien ng\u0127id li jmissu ji\u010b\u010baqlaq. Malta mhux biss g\u0127andha l-kapa\u010bit\u00e0 li tospita aktar persuni: g\u0127andha fil-fatt tospita aktar persuni.<\/p>\n
Joseph Muscat g\u0127andu ra\u0121un: l-Italja ma tistax tippretendi li ssib tarf tal-problemi li \u0121\u0121ib mag\u0127ha l-immigrazzjoni billi tfarfarhom fuq Malta. Jekk Matteo Salvini jrid jilg\u0127abha tal-ors imissu jaqbad ma’ pajji\u017c li hu tad-daqs ta’ pajji\u017cu. L-Italja wkoll g\u0127andha responsabbiltajiet x’i\u0121\u0121orr u ma jistax ikun li din tippretendi li tfarfarhom minn fuq spallejha kull meta jfettlilha.<\/p>\n
Matteo Salvini u Joseph Muscat g\u0127andhom ra\u0121un: din mhix problema Taljana jew wa\u0127da Maltija. Hi sfida g\u0127all-Ewropa u l-Ewropej kollha g\u0127andhom i\u0121orru r-responsabbiltajiet tag\u0127hom serjament billi jaqbdu l-barri minn qrunu. Hi \u0127a\u0121a tal-biki meta wie\u0127ed jara li l-istess populi\u017cmu li qieg\u0127ed i\u017comm lil Salvini u lil Muscat fis-setg\u0127a, bis-sa\u0127\u0127a ta’ livelli differnti ta’ egoi\u017cmu popolari u bi\u017ca’ u mibg\u0127eda lejn il-barranin, qed i\u017comm ukoll fis-setg\u0127a lil politi\u010bi b\u0127al May, Macron, Orban u Kaczynski.<\/p>\n
Waqt li politi\u010bi jitkellmu dwar l-interess nazzjonali, fl-istess nifs qed jesa\u0121eraw b’diskorshom dwar l-impatt tal-immigrazzjoni u jpin\u0121u stampa kerha \u017c\u017cejjed dwar ir-riskji li din i\u0121\u0121ib mag\u0127ha.<\/p>\n
Issib ukoll l-e\u010b\u010bezzjonijiet. Waqt li Joseph Muscat infexx f’dag\u0127diha ta’ kliem iebes, fi tweet<\/em> Roberta Metsola tkellmet b’kura\u0121\u0121. Qadfet kontra l-kurrent u fakkritna li filwaqt li a\u0127na nitkellmu bi kliem iebes dwar il-\u0127arsien tal-interessi nazzjonali, l-Italja u Malta qed jitilfu kull sens ta’ di\u010benza u ta’ sensittivit\u00e0 umana meta j\u0127allu t-tfal salvati mill-g\u0127arrqa imdendlin bejn sema u ilma.<\/p>\n F’din it-taqtiha bejn il-populisti, Muscat u Salvini qed jippikaw f’attentat biex jintg\u0127o\u0121bu man-nies tag\u0127hom.<\/p>\n \u00a0#l-Italja<\/a> u #Malta<\/a> m’g\u0127andhomx jit\u0127allew we\u0127idhom – l-UE g\u0127andha tara x’se tag\u0127mel.<\/p>\n Fil-frattemp 629 ru\u0127 li qed ja\u0127arbu mill-mi\u017cerja, jibqg\u0127u imdendlin. https:\/\/t.co\/bJoLw6f4IE<\/a><\/p>\n\n