{"id":86463,"date":"2020-01-19T08:32:59","date_gmt":"2020-01-19T07:32:59","guid":{"rendered":"https:\/\/manueldelia.com\/?p=86463"},"modified":"2020-01-19T17:21:37","modified_gmt":"2020-01-19T16:21:37","slug":"infiltrazzjoni-mafjuza","status":"publish","type":"post","link":"https:\/\/manueldelia.com\/mt\/2020\/01\/infiltrazzjoni-mafjuza\/","title":{"rendered":"Infiltrazzjoni mafju\u017ca"},"content":{"rendered":"

\"\"<\/p>\n

Silvio Valletta kien siefer ma’ Yorgen Fenech biex isegwi partita futbol fi \u017cmien meta l-Pulizija, li fi \u0127danha kellha lil Silvio Valletta b\u0127ala deputat kummissarju, di\u0121\u00e0 kellha suspett li Yorgen Fenech seta’ kien il-mo\u0127\u0127 wara l-assassinju ta’ Daphne Caruana Galizia.<\/h4>\n

Il-gvern Malti kien tilef kaw\u017ca dwar id-drittijiet tal-bniedem li kienet saret mill-familja ta’ Daphne u li fiha kien intqal li l-involviment ta’ Silvio Valletta fl-investigazzjoni kien jammonta g\u0127al ksur tad-drittijiet fundamentali tag\u0127ha: dan g\u0127aliex bis-sa\u0127\u0127a tal-li\u0121ijiet li j\u0127arsu d-drittijiet tal-bniedem, il-gvern jinsab ta\u0127t obbligu li jinvestiga delitt dwar qtil ming\u0127ajr ma jkun hemm dell ta’ kunflitti ta’ interess. Il-familja ta’ Daphne kien sostnew li l-fatt li mart Silvio Valletta hi membru tal-kabinett u kollega ta’ persuni potenzjalment suspettati b\u0127al Keith Schembri, Chris Cardona u Joseph Muscat iqanqal kwistjonijiet ta’ kunflitti ta’ interess.<\/h4>\n

Il-gvern kien appella mis-sentenza i\u017cda kien tilef il-kaw\u017ca quddiem il-Qorti tal-Appell ukoll.<\/h4>\n

Issa ejjew inqieg\u0127du din il-battalja legali, li damet madwar 9 xhur, fil-kuntest tag\u0127ha. Meta g\u0127all-ewwel darba l-membri tal-familja Caruana Galizia xandru l-parir legali li kienu r\u010bievew ming\u0127and ditta legali esperta dwar kwistjonijiet marbutin mad-drittijiet tal-bniedem, liema parir kien fis-sens li l-gvern g\u0127andu jag\u0127ti rendikont g\u0127ad-de\u010bi\u017cjoni tieg\u0127u li jibqa’ jinsisti li l-investigazzjoni dwar il-qtil ta’ ommhom tibqa’ ti\u0121i mmexxija minn Silvio Valletta, l-gvern \u0127are\u0121 b’attakk sfrenat kontrihom permezz ta’ stqarrija uffi\u010bjali.<\/h4>\n

Permezz tal-u\u017cu ta’ lingwa\u0121\u0121 post-kolonjali, l-gvern kien qal li l-involviment ta’ ditta legali “barranija” kien att imxajtan tal-familja Caruana Galizia.<\/h4>\n

Il-prim ministru l-\u0121did tag\u0127na Robert Abela – li dak i\u017c-\u017cmien kien il-konsulent legali ta’ Joseph Muscat – kien attakka pubblikament lill-familja Caruana Galizia talli dawn kienu talbu parir legali u qal li din l-im\u0121ieba kienet tfisser li kien aktar mo\u0127\u0127hom li jag\u0127mlu \u0127sara lill-pajji\u017c milli li ssir \u0121ustizzja g\u0127al ommhom.<\/h4>\n

Dan kien kumment vili li dak i\u017c-\u017cmien \u0127afna kienu njorawh g\u0127aliex kien biss wie\u0127ed minn fost mijiet ta’ kummenti vili li saru minn ba\u017cu\u017cli ta’ Joseph Muscat. Minn dakinhar ‘l hawn, Robert Abela ma wera’ ebda sog\u0127ba.<\/h4>\n

U issa Silvio Valletta ammetta mas-Sunday Times of Malta<\/em> li kellu \u0127biberija ma’ Yorgen Fenech. Kienu \u0127ob\u017ca u sikkina<\/a>. Tant kienu qaqo\u010b\u010ba li sa\u0127ansitra siefru flimkien biex isegwu partita futbol. Dan l-ivvja\u0121\u0121ar kollu biex isegwu l-partiti mid-dehra huwa l-ivvja\u0121\u0121ar preferit tal-korrotti. U ta’ Fenech jidher dan l-ivvja\u0121\u0121ar kienu ju\u017cawh ta’ spiss biex jindiehsu ma’ min g\u0127andu s-setg\u0127a.<\/h4>\n

Silvio Valletta kien wie\u0127ed mill-persuni f’dan l-iskandlu li issa \u0127alla x-xena. Huwa kien “irtira” mill-korp tal-pulizija u jidher li stenna li ma jibqax jissemma’. Fl-istess \u0127in, stenna wkoll li jsalva l-\u0121ilda politika ta’ martu b\u0127ala ministru tal-gvern.<\/h4>\n

Dan \u010bertament m’huwiex a\u010b\u010bettabbli. Il-po\u017cizzjoni ta’ Justyne Caruana b\u0127ala ministru tal-gvern m’hi tenibbli xejn. Sakemm m’hix f’po\u017cizzjoni li tistqarr pubblikament li ma kienitx taf li \u017cew\u0121ha kien siefer ma’ Yorgen Fenech \u2013 u jekk ikollha l-\u0127ila li tistqarr dan, ibqg\u0127u \u010berti li \u0127add m’hu ser jimminha – ma jista’ jkollha ebda sku\u017ca li ppermettiet dan il-kunflitt bejn id-dmir tal-gvern li ji\u017cgura li ssir \u0121ustizzja u l-familjarit\u00e0 ta’ \u017cew\u0121ha mal-allegat mo\u0127\u0127 wara d-delitt.<\/h4>\n

Justyne Caruana tibqa’ – illum aktar minn qatt qabel – is-simbolu tal-infiltrazzjoni tal-mafja fl-istat tag\u0127na.<\/h4>\n

\"\"<\/h4>\n

It-tiswija tar-reputazzjoni ta’ pajji\u017cna m’g\u0127andha x’taqsam xejn. I\u017cda g\u0127andha x’taqsam \u0127afna t-tnedija ta’ investigazzjoni dwar l-im\u0121ieba ta’ Silvio Valletta u tal-kompli\u010bi tieg\u0127u Lawrence Cutajar fil-ka\u017c ta’ Daphne Caruana Galizia.<\/h4>\n

Kull min i\u0121ib l-isku\u017ca li Justyne Caruana \u0127admet tajjeb b\u0127ala ministru ta’ G\u0127awdex ikun qed jargumenta b\u0127al dak li jisku\u017ca d-delitti ta’ Adolf Hitler bis-sa\u0127\u0127a tal-fatt li fil-\u0120ermanija na\u017cista tg\u0127idx kemm kien bena’ toroq tajbin. U minn jidhrilu li hi m’g\u0127andhiex terfa’ r-responsabbilt\u00e0 g\u0127an-nuqqasijiet ta’ \u017cew\u0121ha jkun qed jinjora l-fatt li, fil-ka\u017c ta’ koppja mi\u017c\u017cew\u0121a, l-kunflitt ta’ interess tar-ra\u0121el hu wkoll il-kunflitt ta’ interess ta’ martu. G\u0127aliex koppja mi\u017c\u017cew\u0121a ma jistax ikollha interessi kunfli\u0121\u0121enti jew li jmorru kontra xulxin.<\/h4>\n

Bosta kienu dawk li qalu li l-ewwel passi li \u0127a Robert Abela din il-\u0121img\u0127a kienu po\u017cittivi. Il-verit\u00e0 hi li dawn kienu passi pjuttost fa\u010bli. Kien fa\u010bli g\u0127alih li jdabbar l-irjus ta’ Mizzi, Cardona, Gaf\u00e0 u Cutajar g\u0127aliex xejjen de\u010bi\u017cjonijiet li kien \u0127a ta’ qablu u li g\u0127alihom ma kellux g\u0127alfejn jerfa’ r-responsabbilt\u00e0.<\/h4>\n

Illum xort’o\u0127ra. Kienet tieg\u0127u id-de\u010bi\u017cjoni li jer\u0121a’ ja\u0127tar lil Justyne Caruana fil-kabinett.<\/h4>\n

Jekk ma jdabbrilhiex rasha llum, insiru nafu x’ried ifisser meta wieg\u0127ed il-kontinwit\u00e0.<\/h4>\n

Kien jaf bil-kwalit\u00e0 ta’ salib li je\u0127tie\u0121lu j\u0121orr. U issa s-salib je\u0127tie\u0121 li jerfg\u0127u.<\/h4>\n","protected":false},"excerpt":{"rendered":"

Silvio Valletta kien siefer ma’ Yorgen Fenech biex isegwi partita futbol fi \u017cmien meta l-Pulizija, li fi \u0127danha kellha lil Silvio Valletta b\u0127ala deputat kummissarju, di\u0121\u00e0 kellha suspett li Yorgen Fenech seta’ kien il-mo\u0127\u0127 wara l-assassinju ta’ Daphne Caruana Galizia. Il-gvern Malti kien tilef kaw\u017ca dwar id-drittijiet tal-bniedem li kienet saret mill-familja ta’ Daphne u […]<\/p>\n","protected":false},"author":1,"featured_media":86454,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/86463\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=86463"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/86463\/revisions\/"}],"predecessor-version":[{"id":86485,"href":"https:\/\/manueldelia.com\/mt\/wp-json\/wp\/v2\/posts\/86463\/revisions\/86485\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/86454\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=86463"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=86463"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=86463"}],"curies":[{"name":"wp","href":"https:\/\/api.w.org\/{rel}","templated":true}]}}