{"id":88608,"date":"2020-03-25T16:37:45","date_gmt":"2020-03-25T15:37:45","guid":{"rendered":"https:\/\/manueldelia.com\/?p=88608"},"modified":"2020-03-26T09:52:25","modified_gmt":"2020-03-26T08:52:25","slug":"dik-ma-kienitx-intervista-julia","status":"publish","type":"post","link":"https:\/\/manueldelia.com\/mt\/2020\/03\/dik-ma-kienitx-intervista-julia\/","title":{"rendered":"Dik ma kienitx intervista, Julia"},"content":{"rendered":"

\"\"<\/p>\n

Hi u tirribatti s-sej\u0127iet li sarulha biex twarrab, Julia Farrugia stqarret li qatt ma kellha l-intenzjoni li tag\u0127ti xi vanta\u0121\u0121 lid-ditta legali Chetcuti Cauchi meta xi xhur ilu kienet tat \u201cintervista\u201d dwar l-iskema tal-passaporti. Dik l-“intervista” segwejniha f’riklam im\u0127ejji minn ta’ Chetcuti Cauchi u din t\u0127alliet hemm sa\u0127ansitra anki fi\u017c-\u017cmien meta sid id-ditta Jean-Philippe Chetcuti kien inqabad ig\u0127id f’filmat mi\u0121bud minn kamera mo\u0127bija li kull m’g\u0127andu jag\u0127mel hu li jehme\u017c lil Julia Farrugia biex jirran\u0121a g\u0127all-\u0127ru\u0121 ta’ passaporti g\u0127all-kriminali.<\/p>\n

Jista’ jkun li lil Julia Farrugia je\u0127tie\u0121 li ntuha xi ftit tal-\u0127jiel dwar kif tkun intervista.<\/p>\n

Meta wie\u0127ed imur quddiem kamera u jirrepeti kliem miftiehem minn qabel li jkun studja bl-amment, dik m’hix intervista. Dak riklam.<\/p>\n

Intervista hi wa\u0127da b\u0127al dik li Julia Farrugia kienet tat lil M6 u li f’nofsha, wara li g\u0127amlulha xi mistoqsijiet iebsin, bla kliem u bla sliem qabdet u telqet ‘il barra hekk kif \u0127asset ru\u0127\u0127a ta\u0127t pressjoni.<\/p>\n

Fil-fatt, ma tkunx qed ti\u0121i intervistat jekk, b\u0127ala ministru tal-gvern, tit\u0127alla t\u0127ossok komdu waqt li jkun qed jin\u0121ibed filmat. Dan ikun ifisser li jew ikunu qed jin\u010bensawk, li jfisser li int tinsab fuq TVM jew Super 1, jew inkella tkun qed tintu\u017ca biex tag\u0127mel riklam b\u0127allikieku qed ta\u0127dem mad-ditta legali Chetcuti Cauchi anki fi\u017c-\u017cmien li fih tkun qed isservi b\u0127ala ministru tal-gvern.<\/p>\n

Julia Farrugia qed tg\u0127id li m’g\u0127amlet xejn \u0127a\u017cin anki jekk il-Kummissarju tal-Istandards Pubbli\u010bi stqarr bil-maqlub. U issa g\u0127a\u017clet li tigdeb dwar riklam li ma kellha qatt tidher fih u tg\u0127id li dan kien biss intervista (b\u0127al dik li kienet \u0127arbet nofs triq minnha) meta din ma kienet intervista xejn.<\/p>\n

Julia Farrugia qed turi d-disprezz tag\u0127ha lejn il-Kummissarju tal-Istandards Pubbli\u010bi li g\u0127adu kemm qalilha bil-kontra ta’ dak li stqarret li g\u0127amlet fuq il-Facebook<\/em> b’reazzjoni g\u0127ar-rapport tieg\u0127u. Meta g\u0127amlet l-hekk imsejj\u0127a “intervista”, \u017cbaljat u g\u0127andu jkollha d-di\u010benza li dan ta\u010b\u010bettah u twarrab.<\/p>\n

Julia Farrugia rrikorriet g\u0127all-Facebook<\/em> biex lis-segwa\u010bi tag\u0127ha tg\u0127idilhom li dawk il-ming\u0127ulin ta’ Repubblika g\u0127amlulha sej\u0127a biex twarrab. Hekk sewwa! Ta’ Repubblika qed ji\u0121u kritikati talli l-im\u0121ieba ta’ Julia Farrugia \u0121ie dikjarat li kienet nieqsa mill-etika ba\u017cika.<\/p>\n

G\u0127aliex gidba minn qaddejja nkompetenti tal-partit tin\u017cel g\u0127asel mal-partitarji.<\/p>\n