{"id":88872,"date":"2020-04-05T09:41:21","date_gmt":"2020-04-05T07:41:21","guid":{"rendered":"https:\/\/manueldelia.com\/?p=88872"},"modified":"2020-04-05T17:22:04","modified_gmt":"2020-04-05T15:22:04","slug":"il-fake-news-ta-toni-zarb","status":"publish","type":"post","link":"https:\/\/manueldelia.com\/mt\/2020\/04\/il-fake-news-ta-toni-zarb\/","title":{"rendered":"Il-fake news ta’ Toni Zarb"},"content":{"rendered":"

\u0120ie rappurtat li l-gvern qed iwieg\u0127ed xi forma ta’ g\u0127ajnuna lis-sidien tal-mezzi tal-istampa u x-xandir sabiex dawn ikunu jistg\u0127u jibqg\u0127u fil-wi\u010b\u010b waqt il-kri\u017ci tal-coronavirus<\/em>.<\/a> Madankollu jidher li l-gvern ma xandarx wisq dettalji dwar din l-g\u0127ajnuna, dwar min ser jikkwalifika g\u0127aliha, dwar liema huma l-kriterji li jikkwalifikaw g\u0127all-g\u0127ajnuna u dwar jekk hemmx xi kundizzjonijiet wara l-g\u0127oti tag\u0127ha.<\/p>\n

Il-gvern jidher li mpenja ru\u0127u li jipprovdi l-g\u0127ajnuna wara li saru sej\u0127iet mit-Times of Malta<\/em>, mill-Malta Independent<\/em> u mill-MaltaToday<\/em> li lkoll qed jaraw il-qamar fil-bir min\u0127abba tnaqqis kbir fi d\u0127ul mir-reklamar li qed isofru u li hu kaw\u017cat mill-kri\u017ci ekonomika li \u0121abet mag\u0127ha l-epidemija.<\/p>\n

Jien appo\u0121\u0121jajt u bqajt nappo\u0121\u0121ja s-sej\u0127iet biex il-mezzi tal-istampa u x-xandir indipendenti jing\u0127ataw g\u0127ajnuna finanzjarja mill-istat.<\/a> Irrid nag\u0127mluha \u010bara li l-g\u0127ajnuna g\u0127andha ting\u0127ata mill-istat u mhux mill-gvern. G\u0127ax hemm distinzjoni bejn l-istat u l-gvern. Biex ma n\u0127awwadx l-im\u0127u\u0127, ser nissimplifika: de\u010bi\u017cjonijiet dwar kemm g\u0127andhom isiru \u0127lasijiet, kemm il-darba g\u0127andhom isiru dawn il-\u0127lasijiet, lil min g\u0127andhom isiru u meta g\u0127andhom isiru, m’g\u0127andhomx jittie\u0127du minn prim ministri jew minn ministri tal-gvern.<\/p>\n

Dan li qed nikteb m’huwiex xi \u0127a\u0121a ta’ barra minn hawn. Il-prim ministru ma jistax jinda\u0127al dwar jekk im\u0127allef g\u0127andux jit\u0127allas il-paga tieg\u0127u g\u0127al dan ix-xahar jew le, anki jekk dan ikun qata’ sentenza fil-qorti kontra l-gvern. L-istess jista’ jing\u0127ad g\u0127all-ministru tas-sa\u0127\u0127a. Dan ma jistax jaqbad u j\u0127assar l-appuntamenti fl-isptar li jkollhom dawk li jkunu vvutaw lill-partit avversarju. Din hi appuntu r-ra\u0121uni l-g\u0127ala fil-pajji\u017c g\u0127andna li\u0121ijiet li jag\u0127mlu limitu fuq dak li jista’ jag\u0127mel jew ma jag\u0127milx il-gvern bi flusna.<\/p>\n

M’g\u0127andniex xi ng\u0127idu, mhux kul\u0127add jista’ jserra\u0127 rasu b’dawn is-salvagwardji.<\/p>\n

Hemm ukoll min ma jaqbilx mal-idea li g\u0127andha ting\u0127ata g\u0127ajnuna mill-istat lill-mezzi tax-xandir. Fost dawn, hemm min iqis lill-mezzi tax-xandir b\u0127al kwalukwe negozju ie\u0127or. F’\u010birkostanzi normali, negozju li ma jkollux il-\u0127ila li \u00a0 jla\u0127\u0127aq mal-\u0127ti\u0121ijiet tal-konsumaturi, jkollu jerfa’ u jag\u0127laq il-bibien tieg\u0127u. Min fl-2002 kien imexxi \u0127anut li jikri d-DVDs, fl-2020 m’g\u0127andux jistenna’ li jing\u0127ata s-sussidji biex jibqa’ fl-istess negozju. Skont ir-ra\u0121unar ta’ din it-tixbiha, jekk allura n-nies tag\u0127\u017cel li tag\u0127mel u\u017cu mill-Facebook<\/em> biex tir\u010bievi l-informazzjoni li tkun te\u0127tie\u0121, il-\u0121urnali, r-radjijiet, il-websites<\/em> u l-istazzjonijiet tal-televi\u017cjoni m’g\u0127andhomx jistennew li jing\u0127ataw is-sussidji.<\/p>\n

Madankollu je\u0127tie\u0121 li wie\u0127ed jiftakar li bis-sa\u0127\u0127a tal-popolarizzazzjoni tal-informazzjoni, partikolarment permezz tal-Facebook<\/em>, il-valuri tal-verifika, tal-lealt\u00e0 lejn il-verit\u00e0 u tal-pluralit\u00e0 tal-fehmiet – ilkoll valuri li l-mezzi tal-istampa u x-xandir indipendenti huma dejjem mistennija li j\u0127arsu – m’g\u0127andhomx meqjusin b\u0127ala priorit\u00e0. B\u0127al kull attivit\u00e0 o\u0127ra tal-bniedem, il-\u0121udizzju dwar il-mezzi tax-xandir indipendenti huwa msejjes fuq in-numru ta’ drabi li dawn iwarrbu dawn il-valuri. I\u017cda huwa dejjem a\u0127jar li jkollna mezzi tax-xandir indipendenti li xi drabi jwarrbu dawn il-valuri milli jkollna l-kaos li \u0121abu mag\u0127hom il-mezzi tal-media so\u010bjali.<\/p>\n

Il-kaos jaf iservi ta’ sellum. U dawk li qed jg\u0127umu fil-flus g\u0127arfu jisfruttaw l-illu\u017cjoni li l-media so\u010bjali tinsab bejn \u0127alltejn dwar dak li xxandar permezz ta’ nfieq flejjes fil-Facebook<\/em> sabiex ir-realt\u00e0 ti\u0121i mg\u0127aww\u0121a favur tag\u0127hom. Bi\u017c\u017cejjed wie\u0127ed isemmi l-flejjes kbar li ntefqu mill-gvern ta’ Joseph Muscat fil-Facebook.<\/em><\/a><\/p>\n

Kien, wara kollox, Konrad Mizzi li ma kien idejjaq xejn li jdardar lil kul\u0127add meta xtara spazju fuq il-Facebook<\/em> u deher bla waqfien fuq in-newsfeeds<\/em> tan-nies<\/a> u dan minflok qag\u0127ad g\u0127all-mistoqsijiet tal-\u0121urnalisti li kienu qed jippruvaw i\u0121ieg\u0127luh ig\u0127id il-verit\u00e0.<\/p>\n

Hemm ukoll dawk li jib\u017cg\u0127u li l-g\u0127oti tas-sussidji mill-istat jista’ jwassal biex il-gvern ikollu g\u0127odda f’idejh li biha jkun f’po\u017cizzjoni li jikkontrolla lill-mezzi tax-xandir indipendenti u li j\u0121ieg\u0127lhom isiru l-portavu\u010bi tieg\u0127u. Ta’ The Shift News<\/em> tkellmu dwar dan 3 ijiem ilu u wissew lil dawk il-mezzi tal-istampa u x-xandir indipendenti li qed jitolbu s-sussidji ming\u0127and il-gvern biex joqg\u0127odu attenti li ma jispi\u010b\u010bawx jipprostitwixxu ru\u0127hom.<\/a> Dan kliemhom, mhux kliemi.<\/p>\n

Din il-bi\u017ca’ hi \u0121ustifikata u wie\u0127ed jista’ tifhem g\u0127aliex. Il-gvern qed jag\u0127mel pressjoni biex jara li le\u0127nu jissemma’ mill-mezzi tax-xandir indipendenti. U nafu kif u\u0127ud minn dawn il-mezzi fl-img\u0127oddi \u010bedew g\u0127al din il-pressjoni.<\/p>\n

Araw ftit il-mod kif l-editur tal-MaltaToday<\/em> Saviour Balzan – kif kien ammetta huwa stess – kien tant imsa\u0127\u0127ar b’Joseph Muscat u b’Keith Schembri. G\u0127alkemm dan mhux ser jammettih, je\u017cisti suspett ra\u0121jonevoli li din l-infatwazzjoni ta’ Saviour kienet wasslet lill-gvern biex jirreklama aktar permezz tal-\u0121urnal tieg\u0127u.<\/p>\n

U meta Keith Schembri kien g\u0127adu m’huwiex fil-gvern, lil Adrian Hillman – li kien il-kbir tal-kumpannija li tmexxi t-Times of Malta<\/em> – spi\u010b\u010baw biex g\u0127amluh l-ilsir tal-Partit Laburista wara li dan \u0121ie mwieg\u0127ed mhux biss is-setg\u0127a i\u017cda wkoll mill-inqas \u20ac650,000 f’kontijiet bankarji barra minn Malta.<\/p>\n

U biex tkompli tg\u0127aqad, meta telg\u0127u fil-gvern tal-Labour nefqu flus tal-poplu\u00a0 f’riklami g\u0127all-benefi\u010b\u010bju ta’ dawk il-mezzi tal-istampa u x-xandir li setg\u0127u ji\u0121u nfluwenzati biex jag\u0127mlu tif\u0127ir editorjali lill-gvern.<\/p>\n

Din ma kinitx xi politika fit-tul g\u0127all-gvern g\u0127aliex lejn tmiem l-2019 il-mezzi tax-xandir indipendenti kollha spi\u010b\u010baw biex daru kontra Joseph Muscat.<\/p>\n

\"\"<\/p>\n

Vallapena li wie\u0127ed joqg\u0127od jie\u0127u riskju billi jer\u0121a’ jaqbad din it-triq ta’ dipendenza fuq il-gvern?<\/p>\n

M’g\u0127andniex xi ng\u0127idu, xi esponenti tal-Labour qed jaraw id-diffikultajiet li qed jiffa\u010b\u010bjaw il-mezzi tal-istampa u x-xandir indipendenti b\u0127ala opportunit\u00e0. Ag\u0127tu daqqa t’g\u0127ajn lejn dak li kiteb Tony Zarb.<\/p>\n