{"id":89219,"date":"2020-04-16T18:36:56","date_gmt":"2020-04-16T16:36:56","guid":{"rendered":"https:\/\/manueldelia.com\/?p=89219"},"modified":"2020-04-16T18:36:56","modified_gmt":"2020-04-16T16:36:56","slug":"fr-brendan-gatt-zmien-li-thawwel-u-zmien-li-tahsad-l-imhawwel","status":"publish","type":"post","link":"https:\/\/manueldelia.com\/mt\/2020\/04\/fr-brendan-gatt-zmien-li-thawwel-u-zmien-li-tahsad-l-imhawwel\/","title":{"rendered":"Fr Brendan Gatt: \u201c\u017bmien li t\u0127awwel u \u017cmien li ta\u0127sad l-im\u0127awwel\u201d"},"content":{"rendered":"

Din hi l-omelija li ta llum il-Kanonku Brendan Gatt f\u2019g\u0127eluq is-sentejn u nofs mill-assassinju ta\u2019 Daphne Caruana Galizia:<\/em><\/p>\n

\"\"<\/p>\n

Qeg\u0127din ni\u010b\u010belebraw din il-quddiesa b\u2019suffra\u0121ju u tifkira ta\u2019 Daphne Caruana Galizia proprju fl-Ottava tal-G\u0127id il-Kbir, il-festa Nisranija per e\u010b\u010bellenza. Hija l-festa li tfakkarna li g\u0127alkemm f\u2019g\u0127ajnejn il-bnedmin il-mewt, l-in\u0121ustizzja u l-\u0127a\u017cen jidhru jiddominaw g\u0127al ftit, fir-realt\u00e0 il-\u0127ajja, is-sewwa u t-tajjeb dejjem jirb\u0127u fl-a\u0127\u0127ar; hija l-festa li tfakkarna li d-dlam tad-dnub, tat-tradiment, tal-\u0127a\u017cen, fl-a\u0127\u0127ar \u2013 xi darba \u2013 jrid i\u010bedi g\u0127all-\u0121ustizza, g\u0127all-fer\u0127, g\u0127all-pa\u010bi. Hija l-festa li tfakkarna li Alla tag\u0127na jaf jikteb dritt fuq linji mg\u0127aww\u0121a, u li dawk li jimxu flimkien mieg\u0127u b\u2019integrit\u00e0 g\u0127ad jir\u010bievu l-premju tal-fedelt\u00e0 tag\u0127hom.<\/p>\n

G\u0127al dawn ir-ra\u0121unijiet kollha, l-G\u0127id il-Kbir huwa \u010belebrazzjoni ta\u2019 Tama. Kif qalilna l-Papa Fran\u0121isku matul il-lejl tal-G\u0127id, b\u2019din il-festa a\u0127na rba\u0127na dritt li qatt ma jista\u2019 jitte\u0127dilna: id-dritt li nittamaw. Il-Papa mhux qed jitkellem dwar xi ottimi\u017cmu vag u na\u00efve; pjuttost dik it-tama profonda li jekk Alla kien kapa\u010bi jo\u0127ro\u0121 il-\u0127ajja minn \u0121o qabar, verament jista\u2019 jo\u0127ro\u0121 il-\u0121id minn kull sitwazzjoni, kerha kemm tkun kerha.<\/p>\n

Illum min\u0127abba r-restrizzjonijiet li \u0121ab fuqna l-coronavirus qed ni\u010b\u010belebraw din il-quddiesa mill-knisja tal-Bidnija, imdawrin minn g\u0127elieqi sbie\u0127 li jfakkruna li xi darba din il-parti ta\u2019 Malta kienet \u0127afna iktar agrikola milli hi llum. Anki l-istess motto tal-lokalit\u00e0 tal-Mosta (li l-Bidnija tag\u0127mel parti minnha) huwa Spes Alit Ruricolam (it-tama tg\u0127ajjex lill-bidwi). G\u0127alkemm illum il-bdiewa f\u2019Malta (u l-art agrikola) saru prattikament endangered species, il-motto tal-Mosta jibqa\u2019 validu: it-tama hija dik li tag\u0127ti skop lill-\u0127ajja. It-tama li \u017c-\u017cerrieg\u0127a g\u0127ad tinbet u tag\u0127ti l-frott; it-tama li anki meta ma jien qed nara xejn fuq il-wi\u010b\u010b tal-\u0127amrija, il-\u0127ajja qed tikber fis-skiet u fid-dlam hemm ta\u0127t. San Pawl jg\u0127id li t-tama tag\u0127na fil-\u0127ajja ta\u2019 dejjem u fir-reb\u0127a a\u0127\u0127arija ta\u2019 \u0120es\u00f9 fuq il-mewt (u tat-tajjeb fuq il-\u0127a\u017cen) ma tqarraqx bina. Anzi, f\u2019din it-tama, a\u0127na nsalvaw.<\/p>\n

Din mhijiex xi \u0127a\u0121a Kristjana biss. Donnu fil-qalb ta\u2019 kull bniedem (ta\u2019 kull reli\u0121jon jew fidi, u anki ta\u2019 ebda twemmin) hemm tama li ma tridx tintefa: li l-\u0121rajjiet mudlama li ng\u0127ixu u ng\u0127addu minnhom xi darba se jag\u0127mlu wisg\u0127a g\u0127ad-dawl. Insibuha anki fi fra\u017cijiet li forsi saru klix\u00e9: \u201cThe night is always darkest before the dawn\u201d.<\/p>\n

In\u0127ares madwari lejn Malta u jkolli nistqarr li kultant id-dlam veru jkun qawwi. Illum qeg\u0127din hawn biex infakkru persuna li \u0121iet maqtula g\u0127ax provat i\u0121\u0121ib g\u0127ad-dawl affarijiet li \u0127addie\u0127or riedhom jibqg\u0127u mistura fid-dlam. Ovvjament, apparti Daphne li g\u0127amlet is-sagrifi\u010b\u010bju estrem, \u0127add ma bata t-telfa tag\u0127ha iktar minn dawk li kienu l-eqreb lejha: \u017cew\u0121ha u uliedha, il-\u0121enituri tag\u0127ha, \u0127utha u l-familji tag\u0127hom, il-\u0127bieb tag\u0127ha.<\/p>\n

Imma d-dalma tal-assassinju tag\u0127ha \u0127akmet lilna lkoll. Ix-xabla li qatlet lilha da\u0127let ukoll f\u2019qalb kull persuna ta\u2019 rieda tajba. U r-reazzjoni tag\u0127na \u2013 b\u0127ala poplu u b\u0127ala individwi \u2013 uriet \u010bar x\u2019hemm fil-qalb ta\u2019 kull wie\u0127ed u wa\u0127da minna: dlam jew dawl. U fl-a\u0127\u0127ar, fi tmiem l-2019 it-tama kienet kibret xi ftit; it-tama li mhux biss l-idejn imma wkoll l-im\u0127u\u0127 u l-bwiet fil-qtil tag\u0127ha setg\u0127u xi darba jaraw il-\u0121ustizzja. Inkomplu nittamaw u na\u0127dmu sabiex dan ise\u0127\u0127. Imma hawnekk ukoll jid\u0127ol aspett ie\u0127or tat-tama: it-tama li anki jekk xi w\u0127ud ja\u0127arbu l-\u0121ustizzja tal-bnedmin, xi darba jridu jag\u0127mlu l-kontijiet mal-\u0121ustizzja t\u2019Alla. Wara kollox, l-istess San Pawl ifakkarna: \u201chemm miktub: \u2018G\u0127alija l-vendetta, jiena n\u0127allas, jg\u0127id il-Mulej.\u2019\u201d<\/p>\n

Imma hemm tama o\u0127ra, li s\u2019issa g\u0127adha ma se\u0127\u0127itx. It-tama li b\u0127ala poplu kellna nikbru u nimmaturaw wara l-qtil ta\u2019 Daphne. Jekk dik l-isplu\u017cjoni kiefra ma kenitx wake-up call serja g\u0127alina, ma nafx xi jrid iqajjimna. Konna qed nittamaw li l-mewt tag\u0127ha g\u0127allinqas tfakkarna ftit veritajiet fundamentali li xi w\u0127ud kienu nsew, jew forsi qatt ma tg\u0127allmuhom:<\/p>\n