{"id":89590,"date":"2020-04-23T13:15:37","date_gmt":"2020-04-23T11:15:37","guid":{"rendered":"https:\/\/manueldelia.com\/?p=89590"},"modified":"2020-04-23T16:15:59","modified_gmt":"2020-04-23T14:15:59","slug":"l-ghid-fuq-il-bahar","status":"publish","type":"post","link":"https:\/\/manueldelia.com\/mt\/2020\/04\/l-ghid-fuq-il-bahar\/","title":{"rendered":"L-G\u0127id fuq il-ba\u0127ar"},"content":{"rendered":"

Investigazzjonijiet li saru minn Nello Scavo ta’ L\u2019Avvenire<\/em><\/a> u minn Sergio Scandura ta’ Radio Radicale<\/em><\/a> kixfu aktar dettalji dwar l-identit\u00e0 ta’ dawk li kienu riekbin fuq dinghy<\/em> li kienu \u0121ew identifikati mill-awtoritajiet Maltin l-g\u0127ada tal-G\u0127id u li tkaxkru lura lejn il-Libja jumejn wara minn vapur bla isem u bla bandiera.<\/p>\n

\"\"<\/p>\n

Hemm xhieda li \u0121ew intervistati minn Nazzjonijiet Uniti fil-Libja li stqarrew li l-vapur salpa mill-kosta tal-Libja mg\u0127obbi b’63 ru\u0127 nhar \u0126amis ix-Xirka filg\u0127axija. Il-bi\u010b\u010ba ‘l kbira minnhom kienu mill-Eritreja u minn pajji\u017ci o\u0127ra minn nofsinhar tad-de\u017cert tas-Sa\u0127ara u fosthom kien hemm 7 nisa b’wa\u0127da minnhom tqila u tlitt itfal. Bosta minnhom kienu \u0121ew mitfug\u0127in il-\u0127abs illegalment g\u0127al \u017cmien twil mit-traffikanti. Wa\u0127da mix-xhieeda qalet li kienet ilha l-\u0127abs fil-Libja g\u0127al 3 snin qabel ittie\u0127det lejn ix-xtajta Garabulli, madwar 50 kilometru fil-lvant ta’ Tripoli. Fuq ix-xtajta damu jistennew bil-\u0121u\u0127 g\u0127al tlitt ijiem.<\/p>\n

\"\"<\/p>\n

G\u0127alkemm Garabulli hi mag\u0127rufa b\u0127ala fortizza kontrollata mit-traffikanti, l-awtoritajiet tal-Libja dan l-a\u0127\u0127ar \u0127allew erba’ vja\u0121\u0121i ta’ immigranti li jitilqu mill-kosta.<\/p>\n

Nhar il-\u0120img\u0127a l-Kbira, l-a\u0121enzija tal-UE Frontex<\/em> lem\u0127et tliet dinghies<\/em> fl-ib\u0127ra tal-Libja. L-a\u0121enzija tal-a\u0127barijiet Taljana Ansa<\/em> rrappurtat li tal-Frontex<\/em> infurmaw lill-Italja, lil Malta, lil Libja u lit-Tune\u017cija dwar il-pre\u017cenza ta’ dawn id-dinghies.<\/em><\/a> Dan ifisser li, g\u0127alkemm il-pajji\u017ci tal-in\u0127awi kienu jafu b’dawn id-dinghies<\/em>, \u0127add minnhom ma \u010b\u010baqlaq biex isalva lill-persuni li kienu riekbin fuqhom.<\/p>\n

Fil-lejl ta’ wara, wie\u0127ed minn dawn id-dinghies<\/em> g\u0127amel kuntatt ma’ Alarm Phone<\/em> u ntalbet l-g\u0127ajnuna. Dawn qalu li d-dinghy<\/em> kien qed jag\u0127mel l-ilma u li ma kienux jafu fejn kienu sejrin. Tal-Alarm Phone<\/em> infurmaw lil Malta, lill-Italja u lil Libja. I\u017cda ebda wie\u0127ed minn dawn il-pajji\u017ci ma ntervjena.<\/p>\n

Lejliet \u0126add il-G\u0127id, il-gwardjani tal-kosta tal-Libja lil tal-Alarm Phone<\/em> qalulhom li l-Libja ma setg\u0127etx issalva d-dg\u0127ajjes u li Malta u l-Italja kienu \u0121ew infurmati.<\/p>\n

Sa nhar \u0126add il-G\u0127id, id-dg\u0127ajsa kienet fl-ib\u0127ra Maltin u mara li kienet abbord g\u0127amlet din is-sej\u0127a g\u0127all-g\u0127ajnuna. Din is-sej\u0127a kienet ixxandret esklussivament g\u0127all-ewwel darba mill-website Mediterranea<\/em>.<\/p>\n