{"id":89779,"date":"2020-04-30T08:54:50","date_gmt":"2020-04-30T06:54:50","guid":{"rendered":"https:\/\/manueldelia.com\/?p=89779"},"modified":"2020-04-30T14:13:31","modified_gmt":"2020-04-30T12:13:31","slug":"cappa-zejt-ohra-ghadha-kemm-telghet-fil-wicc","status":"publish","type":"post","link":"https:\/\/manueldelia.com\/mt\/2020\/04\/cappa-zejt-ohra-ghadha-kemm-telghet-fil-wicc\/","title":{"rendered":"\u010aappa \u017cejt o\u0127ra g\u0127adha kemm telg\u0127et fil-wi\u010b\u010b"},"content":{"rendered":"

\"\"<\/p>\n

L-apparenza fi\u017cika ta’ Neville Gaf\u00e0 taf tingannak. G\u0127andi dubji serji dwar kemm is-sin\u010berit\u00e0 li tkellem biha b\u0127al sajjetta fil-bnazzi kienitx ri\u017cultat ta’ xi konver\u017cjoni damaxxena. Id-de\u010bi\u017cjoni tieg\u0127u li jikxef lill-prim ministru u li jixlie\u0127 li kien \u0127are\u0121 ordni llegali biex immigranti jitre\u0121\u0121g\u0127u lura lejn il-Libja (aqraw ir-rapport li xandar in-Newsbook<\/em> il-biera\u0127 filg\u0127axija<\/a>) ma kienitx daqshekk g\u0127all-g\u0127arrieda daqs kemm dehret li hi.<\/p>\n

F’Novembru 2019, Neville Gaf\u00e0 kien g\u0127adu ja\u0127dem mal-gvern u kien g\u0127adu konvint lil Joseph Muscat \u0127add ma jista’ jwarrbu mis-setg\u0127a. Din l-istorja li kienet xandret it-Times of Malta<\/em> ma kienitx dehret g\u0127ax kien wasslilha l-a\u0127bar huwa stess u, sa fejn huwa mag\u0127ruf, jista’ jkun<\/a> li ma kellu x’jaqsam xejn max-xandir tar-rapport fil-\u0121urnal. I\u017cda s-skiet totali tieg\u0127u seta’ \u0121ie interpretat b\u0127ala konferma.<\/p>\n

I\u017cda meta twarrab mill-prim ministru l-\u0121did, beda’ jberraq. Fid-19 ta’ Frar, huwa xehed fl-inkjesta dwar il-qtil ta’ Daphne Caruana Galizia<\/a> u stqarr li ried iserra\u0127 ras kul\u0127add li ma’ Keith Schembri jitkellem biss fuq il-futbol. I\u017cda meta \u0121ie mistoqsi xog\u0127lu f’hiex jikkonsisti, stqarr li kien qieg\u0127ed hemm biex b’mod erojku j\u0127arisna mill-immigranti.<\/p>\n

L-g\u0127ada xxandret intervista li saritlu mill-Malta Today<\/em><\/a> u matulha kkonferma l-istorja li kienet xandret it-Times of Malta<\/em> ftit xhur qabel. Ji\u0121ifieri li, bis-sa\u0127\u0127a tieg\u0127u, Malta kienet la\u0127qet ftehim sigriet mal-Libja dwar l-immigranti.<\/p>\n

Ma tantx tkellem dwar dettalji, i\u017cda kliemu kienu qanqlu bosta suspetti.<\/p>\n

Wara t-Tieni Gwerra Dinjija, l-ftehim sigrieti mil\u0127uqa bejn stati kienu \u0121ew aboliti u dan min\u0127abba l-\u0127erba li dawn kienu qed jikka\u0121unaw meta gvernijiet ta’ stati ma kienux jinteb\u0127u li kienu qed jitlewmu mal-\u0127bieb sigrieti tal-g\u0127edewwa tag\u0127hom. Fin-Nazzjonijiet Uniti hemm re\u0121istru tat-trattati u dawk it-trattati li jkunu xxandru biss jistg\u0127u ji\u0121u nfurzati mill-qorti dinjija. Kull trattat ie\u0127or li ma jkunx re\u0121istrat huwa kunsidrat illegali u b\u0127ala wie\u0127ed li jimra\u0127 fis-saltna tal-mafju\u017ci u mhux f’dak tad-dinja diplomatika.<\/p>\n

Kien g\u0127al din ir-ra\u0121uni li l-ftehim sigriet mal-Libja ntla\u0127aq bis-sa\u0127\u0127a tal-\u0127idma ta’ eks-assistent f’\u0127anut tan-nu\u010b\u010balijiet u mhux bil-\u0127idma ta’ membri tas-servizz diplomatiku.<\/p>\n

Dak li Neville Gaf\u00e0 qal lill-inkjesta jispjega l-g\u0127ala l-ftehim ma setax ma jkunx sigriet. U ma setax ma jkunx sigriet g\u0127aliex kien sar ftehim biex isiru atti illegali. Malta tkun qed tikser il-li\u0121ijiet meta tre\u0121\u0121a’ lura lill-immigranti lejn il-Libja sakemm ikun g\u0127ad hemm gwerra \u010bivili f’dak il-pajji\u017c.<\/a> G\u0127aliex huwa fatt mag\u0127ruf li immigrant Afrikan fil-Libja jaf ilaqqat \u0127afna ag\u0127ar mill-epidemija Covid-19<\/em>: jaf ilaqqat it-tortura, l-iskjavit\u00f9 u l-mewt. Jew inkella xi ikla \u0127abs g\u0127al g\u0127omru f’kundizzjonijiet mi\u017cerabbli.<\/p>\n

Malta hi legalment marbuta li ti\u017cgura li ma \u0121\u0121ibx ru\u0127\u0127a b’mod li tasal biex tkaxkar lil kull bniedem – hu min hu – lejn post li fih id-drittijiet tal-bniedem jinsabu mg\u0127aff\u0121in ta\u0127t is-saqajn. U meta gvern ma jag\u0127milx \u0127iltu kollha biex i\u0127ares dawn id-drittijiet, l-istat ikun qed jikser l-obbligazzjonijiet tieg\u0127u. I\u017cda s-sitwazzjoni tkun \u0127afna ag\u0127ar meta jkollok gvern li jikkollabora u jikko-ordina biex ig\u0127affe\u0121 b’mod sistematiku fuq id-drittijiet tal-bniedem g\u0127aliex l-istat isir kompli\u010bi fl-illegalit\u00e0 u fl-abbu\u017c.<\/p>\n

U meta n\u0121ibu ru\u0127na b’dan il-mod, ikunu qed in\u0121ibu ru\u0127na qisna avukati ta’ pajji\u017ci aggressivi fi gwerra li fihom pri\u0121unieri ji\u0121u stmati ta’ ribelli u mhux b\u0127ala suldati \u0121ellieda biex b’hekk inkunu nistg\u0127u ng\u0127idu li ma ksirniex il-Konvenzjoni ta’ \u0120inevra dakinhar li \u0127allejnihom imutu bil-\u0121u\u0127. U biex jipprova ig\u0127atti xturu fil-ksur tal-li\u0121ijiet internazzjonali, l-gvern ta’ Malta jidher li qed japplika din il-kwalit\u00e0 ta’ sofistrija kull darba li jqabbad vapur tas-sajd privat – minflok jag\u0127mel u\u017cu mit-tag\u0127mir li g\u0127andha l-armata – biex ikaxkar lil dawn l-imsejkna lura lejn it-tortura u l-mewt.<\/p>\n

Dan kollu konna ilna li xammejnieh. U g\u0127al min kien g\u0127adu fid-dubju, kliem Neville Gaf\u00e0 issa kixef kollox.<\/p>\n

Neville Gaf\u00e0 qalilna dak li naqas li jg\u0127id Evarist Bartolo<\/a>: ji\u0121ifieri li je\u017cisti ftehim mal-Libja biex l-immigranti li jkunu fl-ib\u0127ra Maltin u li ji\u0121u salvati, jitre\u0121\u0121g\u0127u lura lejn dak il-pajji\u017c. Neville Gaf\u00e0 qalilna dak li ma setax ig\u0127idilna Robert Abela: ji\u0121ifieri li l-gvern Malti qed jie\u0127u sehem fit-traffikar illegali tal-bnedmin.<\/p>\n

Neville Gaf\u00e0 dan ma qalux g\u0127aliex huwa xi bniedem g\u0127aref jew g\u0127aliex ried ikun onest. L-intelli\u0121enza u s-sin\u010berit\u00e0 tieg\u0127u huma rrilevanti. Li hu rilevanti huwa l-fatt li issa g\u0127andna pentito<\/em> li g\u0127adu kemm kixef reat kriminali mafju\u017c li kien tg\u0127atta b’maskra biex jidher b\u0127allikieku kien xi att ta’ servizz pubbliku.<\/p>\n

X’inhu l-kuntest ta’ dan kollu?<\/p>\n

G\u0127aliex ta\u0127sbu li Robert Abela \u0121ab ru\u0127u bil-mod li bi\u0127 \u0121ab ru\u0127u meta rrea\u0121ixxa g\u0127all-kwerela kriminali li g\u0127amlet Repubblika dwar l-imwiet li se\u0127\u0127ew fi tmiem il-\u0121img\u0127a tal-G\u0127id?<\/a> Ma ta\u0127sbux li pprotesta xi ftit i\u017c\u017cejjed? Ma jidhrilkomx li l-attakk ko-ordinat, ix-xiljiet ta’ tradiment, it-theddid u l-kummenti ta’ mijiet ta’ trolls<\/em> jitg\u0127ajjru kien e\u017ca\u0121erat u e\u010b\u010bessiv?<\/p>\n

\"\"<\/p>\n

Issa forsi nistg\u0127u nifhmu a\u0127jar g\u0127aliex Robert Abela ma jridx li jkollu xi ma\u0121istrat jag\u0127millu l-mistoqsijiet pertinenti. Jew lil min g\u0127ad isiru dawn il-mistoqsijiet. Minn dak li xandar in-Newsbook<\/em>, jidher li l-ma\u0121istrat inkwirenti staqsa mistoqsija lil Neville Gaf\u00e0.<\/p>\n

U g\u0127al ra\u0121unijiet li s’issa g\u0127adhom m’humiex \u010bari, Neville Gaf\u00e0 wera’ ru\u0127u lest li jwie\u0121eb.<\/p>\n","protected":false},"excerpt":{"rendered":"

L-apparenza fi\u017cika ta’ Neville Gaf\u00e0 taf tingannak. G\u0127andi dubji serji dwar kemm is-sin\u010berit\u00e0 li tkellem biha b\u0127al sajjetta fil-bnazzi kienitx ri\u017cultat ta’ xi konver\u017cjoni damaxxena. Id-de\u010bi\u017cjoni tieg\u0127u li jikxef lill-prim ministru u li jixlie\u0127 li kien \u0127are\u0121 ordni llegali biex immigranti jitre\u0121\u0121g\u0127u lura lejn il-Libja (aqraw ir-rapport li xandar in-Newsbook il-biera\u0127 filg\u0127axija) ma kienitx daqshekk […]<\/p>\n","protected":false},"author":1,"featured_media":89776,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/89779\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=89779"}],"version-history":[{"count":5,"href":"https:\/\/manueldelia.com\/mt\/wp-json\/wp\/v2\/posts\/89779\/revisions\/"}],"predecessor-version":[{"id":89786,"href":"https:\/\/manueldelia.com\/mt\/wp-json\/wp\/v2\/posts\/89779\/revisions\/89786\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/89776\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=89779"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=89779"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=89779"}],"curies":[{"name":"wp","href":"https:\/\/api.w.org\/{rel}","templated":true}]}}