{"id":89887,"date":"2020-05-04T15:54:33","date_gmt":"2020-05-04T13:54:33","guid":{"rendered":"https:\/\/manueldelia.com\/?p=89887"},"modified":"2020-05-04T19:30:08","modified_gmt":"2020-05-04T17:30:08","slug":"mela-issa-robert-abela-mghadux-imhasseb-dwar-l-epidemija","status":"publish","type":"post","link":"https:\/\/manueldelia.com\/mt\/2020\/05\/mela-issa-robert-abela-mghadux-imhasseb-dwar-l-epidemija\/","title":{"rendered":"Mela issa Robert Abela m’g\u0127adux im\u0127asseb dwar l-epidemija?"},"content":{"rendered":"

\"\"<\/p>\n

Lil Robert Abela tiftakruh ig\u0127idilna li l-immigranti m’a\u0127niex no\u0127or\u0121u nsalvawhom mill-g\u0127arqa g\u0127aliex kien je\u0127tie\u0121 li nikkon\u010bentraw ir-ri\u017corsi tag\u0127na fuq l-epidemija Covid-19<\/em>? Tiftakru li meta din il-“politika” nbidlet u l-gvern wera’ ru\u0127u determinat li ma jni\u017c\u017cel lil \u0127add lejn l-art f’Malta, anki jekk dawn ikunu \u0121ew salvati, kien ukoll \u0121ab l-isku\u017ca bl-epidemija Covid-19<\/em>?<\/p>\n

Tiftakru dwar il-mod kif Robert Abela mexxa’ attakk fuq dawk il-kriti\u010bi tieg\u0127u li kienu lmentaw li kien \u0127alla lin-nies imutu bl-g\u0127arqa billi xliehom li kienu qed jimminaw \u201cl-isforz nazzjonali mag\u0127qud biex ting\u0127eleb l-epidemija Covid-19<\/em>\u201d?<\/p>\n

Na\u0127seb li dan ilkoll tiftakruh.<\/p>\n

G\u0127aldaqstant na\u0127seb li dalg\u0127odu bqajtu skantati bil-fatt li, dak kollu li kien stqarr Robert Abela issa nsieh kollu. Dalg\u0127odu quddiem il-bini tal-qorti, l-prim ministru stqarr li \u201ckien qed jikxef l-a\u0127bar\u201d li kellu diskursata twila mal-President tal-Kummissjoni Ewropea Ursula von der Leyen.<\/a> U minn dak li stqarr Robert Abela jidher li fid-diskursata li kellhom, l-epidemija Covid-19 ma ssemmiet xejn.<\/p>\n

It-tilwima kienet tixba\u0127 xi ftit dawk id-diskursati li ta’ spiss nisimg\u0127u f’filmati dwar it-te\u0127id ta’ osta\u0121\u0121i fejn in-negozjatur jaqbe\u017c u ig\u0127id li, jekk in-nisa u tfal jin\u0127elsu, jibg\u0127atilhom il-pizza biex jieklu. Din l-analo\u0121ija ma saritx biss b’e\u017cempju g\u0127aliex fil-ka\u017c tal-immigranti, dawn fil-fatt qed jin\u017cammu b\u0127ala osta\u0121\u0121i.<\/p>\n

Robert Abela stqarr li lil Ursula von der Leyen qalilha li hi kellha tg\u0127idlu f’liema pajji\u017ci Ewropej ser jintbag\u0127tu l-immigranti qabel Malta ta\u010b\u010betta li tni\u017c\u017cilhom l-art. U skont Robert Abela, Ursula von der Leyen we\u0121bitu billi qaltlu li hi tkun tista’ tirran\u0121a biex tqassam lill-immigranti f’pajji\u017ci o\u0127ra hekk kif Malta tonora l-obbligazzjonijiet tag\u0127ha u \u0121\u0121ib fi tmiemhom l-operazzjonijiet ta’ salvata\u0121\u0121 billi twassal lill-immigranti lejn l-art.<\/p>\n

Forsi Ursula von der Leyen kien messha qaltlu wkoll li jumejn ilu l-Italja e\u017catt hekk kienet g\u0127amlet meta salvat lill-immigranti mill-g\u0127arqa u ni\u017c\u017clithom l-art f’Lampedusa u qieg\u0127dithom fil-kworantina sakemm tittie\u0127ed de\u010bi\u017cjoni dwar il-pajji\u017c fejn g\u0127andhom jittie\u0127du.<\/p>\n

Setg\u0127et ukoll qaltlu li g\u0127alkemm Malta g\u0127andha ra\u0121un tilmenta li m’hemmx sistema awtomatika ta’ distribuzzjoni tal-immigranti, f’dawn l-a\u0127\u0127ar g\u0127axart ijiem, il-\u0120ermanja u l-Finlandja kienu akkomodaw immigranti li kienu fil-Gre\u010bja u li din ma kienitx l-ewwel darba li sibna ru\u0127na f’din is-sitwazzjoni u li fiha Malta rran\u0121at biex jitqassmu l-immigranti band’o\u0127ra.<\/p>\n

Ursula von der Leyen setg\u0127et ukoll fakkret lil Robert Abela li Malta hi firmatarja tal-Konvenzjoni Ewropea tad-Drittijiet tal-Bniedem u tal-Karta Ewropea dwar id-Drittijiet Fundamentali u li mhux sewwa li mexxej ta’ pajji\u017c jipprova ju\u017ca lill-immigranti b\u0127ala tarka umana biex, jekk ma tg\u0127addix tieg\u0127u fin-negozjati, jer\u0127ilhom jeg\u0127rqu.<\/p>\n

Lil Robert Abela setg\u0127et qaltlu wkoll li, hi x’inhi r-relazzjoni li g\u0127andu ma’ Viktor Orban u ma’ tiranni razzisti u faxxisti o\u0127ra li jriduha ta’ demokrati\u010bi Ewropej, xorta wa\u0127da l-prijorit\u00e0 tieg\u0127u g\u0127andha dejjem tkun li jsalva l-\u0127ajja ta’ min ikun fil-periklu li jitlifha u t-tilwim politiku g\u0127andu jkun sekondarju. Dan, m’g\u0127andniex xi ng\u0127idu, sakemm Robert Abela m’huwiex xi razzist u faxxist ie\u0127or li jridha ta’ demokratiku Ewropew.<\/p>\n

Malli taqa’ l-isku\u017ca dwar l-epidemija coronavirus,<\/em> Robert Abela ma jistax ikollu twe\u0121iba ra\u0121jonevoli g\u0127al dawn il-punti li semmejt. Inkredibbilment dalg\u0127odu Robert Abela kkonferma li kien lest li j\u0127alli lill-immigranti jitni\u017c\u017clu l-art kemm il-darba l-Kummissjoni tg\u0127idlu f’liema pajji\u017ci dawn jistg\u0127u jintbag\u0127tu.<\/p>\n

Mela issa m’g\u0127adux im\u0127asseb dwar l-epidemija?<\/p>\n

L-epidemija kienet biss sku\u017ca u kienet issemmiet biex tqanqal il-bi\u017ca’ u l-mibg\u0127eda fil-konfront tal-barranin, partikolarment dawk li g\u0127andhom karna\u0121jon skur.<\/p>\n

Il-prim ministru stqarr li dan m’huwiex razzi\u017cmu, i\u017cda realt\u00e0. Ried jinstema’ b\u0127allikieku kien xi Corleone: ‘m’hemm xejn personali. Dan huwa biss negozju’.<\/p>\n

Ejjew nitkellmu dwar ir-realt\u00e0. Lil kieku l-passi\u0121\u0121ieri li hemm fuq il-vapur tat-turisti Europa II<\/em> kienu Maltin, tg\u0127id kien i\u0121ieg\u0127lhom jibqg\u0127u fuqu ming\u0127ajr ma jni\u017c\u017cilhom l-art? Li kieku 80 Malti kienu maqbudin fuq vapur ‘il barra mill-kosta tal-Istati Uniti, tg\u0127id il-gvern Malti kien jintervjeni mal-gvern Amerikan biex i\u0127ares l-interessi tag\u0127hom?<\/p>\n

Il-fatt jibqa’ li l-prim ministru qed i\u0121ib ru\u0127u b’dan il-mod fil-konfront ta’ dawn l-imsejka g\u0127aliex g\u0127andu s-sa\u0127\u0127a li jag\u0127mel dan. U g\u0127andu s-sa\u0127\u0127a li jag\u0127mel dan g\u0127ax l-immigranti in kwistjoni nzertaw li huma suwed.<\/p>\n

Robert Abela qed ikun realistiku u razzista fl-istess \u0127in.<\/p>\n","protected":false},"excerpt":{"rendered":"

Lil Robert Abela tiftakruh ig\u0127idilna li l-immigranti m’a\u0127niex no\u0127or\u0121u nsalvawhom mill-g\u0127arqa g\u0127aliex kien je\u0127tie\u0121 li nikkon\u010bentraw ir-ri\u017corsi tag\u0127na fuq l-epidemija Covid-19? Tiftakru li meta din il-“politika” nbidlet u l-gvern wera’ ru\u0127u determinat li ma jni\u017c\u017cel lil \u0127add lejn l-art f’Malta, anki jekk dawn ikunu \u0121ew salvati, kien ukoll \u0121ab l-isku\u017ca bl-epidemija Covid-19? Tiftakru dwar il-mod […]<\/p>\n","protected":false},"author":1,"featured_media":89883,"comment_status":"open","ping_status":"open","sticky":false,"template":"","format":"standard","meta":[],"categories":[54],"tags":[],"_links":{"self":[{"href":"https:\/\/manueldelia.com\/mt\/wp-json\/wp\/v2\/posts\/89887\/"}],"collection":[{"href":"https:\/\/manueldelia.com\/mt\/wp-json\/wp\/v2\/posts\/"}],"about":[{"href":"https:\/\/manueldelia.com\/mt\/wp-json\/wp\/v2\/types\/post\/"}],"author":[{"embeddable":true,"href":"https:\/\/manueldelia.com\/mt\/wp-json\/wp\/v2\/users\/1\/"}],"replies":[{"embeddable":true,"href":"https:\/\/manueldelia.com\/mt\/wp-json\/wp\/v2\/comments\/?post=89887"}],"version-history":[{"count":4,"href":"https:\/\/manueldelia.com\/mt\/wp-json\/wp\/v2\/posts\/89887\/revisions\/"}],"predecessor-version":[{"id":89892,"href":"https:\/\/manueldelia.com\/mt\/wp-json\/wp\/v2\/posts\/89887\/revisions\/89892\/"}],"wp:featuredmedia":[{"embeddable":true,"href":"https:\/\/manueldelia.com\/mt\/wp-json\/wp\/v2\/media\/89883\/"}],"wp:attachment":[{"href":"https:\/\/manueldelia.com\/mt\/wp-json\/wp\/v2\/media\/?parent=89887"}],"wp:term":[{"taxonomy":"category","embeddable":true,"href":"https:\/\/manueldelia.com\/mt\/wp-json\/wp\/v2\/categories\/?post=89887"},{"taxonomy":"post_tag","embeddable":true,"href":"https:\/\/manueldelia.com\/mt\/wp-json\/wp\/v2\/tags\/?post=89887"}],"curies":[{"name":"wp","href":"https:\/\/api.w.org\/{rel}","templated":true}]}}